Ja̰ 18
18
JEJU UY ƁA NDOL
D-uwa Jeju
Mat 26.36-54; Mrk 14.32-50; Lug 22.39-51
1Go tar gə n-pa ɗaa, Jeju ɔsə lo ce gə ngan njenendoje lə-a mba kaw tura man ər gə ꞌɓar-ɛ na Sedəro̰; ꞌne je gə ngan njenendoje lə-a d-aw mə ndɔ gə to lo-e gə nee le.
2Judas gə njekun dɔ-ɛ gərə lo gə kən, mba Jeju je gə ngan njenendoje lə-a d-uwa dɔ naa kəne taar-taar.
3 Buba njekapoloje gə Parijiyɛ̰je d-ar-ɛ ꞌne gə Judas le njeɗɔje gə njengəm loje ɗaa, n-ɔr no-je n-ce gə je lo-e gə nee gə pər karəje gə pər ngəlje, gə neɗɔje. 4Jeju gərə neje tɔ̰y gə a ce dɔ-ɛ gə le ɗaa, ɔdə gə kede ɗaa dəji-je tar na: ꞌSangəje na wa? 5D-ila-a kəne na: Jeju, ngon njeɓe gə Najarɛd. N-ila-je kəne na: ꞌMa ja m-ar nee. Judas gə njekun dɔ-ɛ le kara ar gə je naa gə tɔ. 6Logə Jeju pa ar-je na: ꞌMa ja m-ar nee ɗaa, ꞌɗəm gə go-je yir-yir ɗaa ꞌce d-uwa nangə pa̰y-pa̰y.
7N-təl n-dəji-je to gə ɗangə cibi na: ꞌSangəje na wa? Ɗaa n-pa na: Jeju ngon njeɓe gə Najarɛd. 8Jeju ila kəne na: M-pa m-ar-si nam, to gə ꞌma ja. Ngaa to gə ɓo ꞌma ɓa ꞌsangə-mje nama, ḭya̰-je ꞌje gə nee ar-je d-aw lo lə-je. 9To to gə be mba kar tar gə n-pa le aw ne lo-e gə yɛrɛrɛ: ꞌJejee tɔ̰y gə um-je mə ji-m gə le, dəw kara kara igi ji-m gə ang.
10Simo Piyɛr gə kiya bayi lə-a ga̰ le, ɔr ɗaa ngon njekula lə buba njekapolo ja, n-tuga ne mbi-a gə dɔ kɔl bad n-gangə. Ngon njekula nee le ri-a na Maləkusu. 11Jeju pa ar Piyɛr na: ꞌTəl gə kiya bayi lə-i ula ɓo-e gə. Nekay gə Bɔ dəwje ar-m le, m-a kay ang baa wa?
Jeju ar no Ana gə
Mat 26.57-58; Mrk 14.53-54; Lug 22.54
12Be ɓa njeɗɔje gə njekɔr no-je gə njengəm loje lə Jiibije d-uwa Jeju ɗaa ꞌtɔ-ɛ. 13D-ɔr no-ɛ d-aw sə-a ɓə lə Ana. ꞌNe le n-to bɔ jene lə Kayip-je gə to gə buba njekapolo dɔ ɓal-ɛ gə nee le tɔ. 14ꞌNe gə Kayip gə nee le ja ɓa n-ar Jiibije tar ndəji gə nee na: To may ya̰ kar dəw gə gə kar-ɛ baa uy mba dəw mə ɓeje.
15Simo Piyɛr je gə ngon njenendo gə ɗangə kara d-uwa go Jeju. Ngon njenendo gə nee le buba njekapolo gər-e ɗaa ye andə gə Jeju mə ndogo gə lə buba njekapolo le tɔ. 16Piyɛr ɗaa, ar ɗaga dəb gə ta ɗəw kandə gə mə ndogo gə. Ngon njenendo gə ɗangə gə kara gə buba njekapolo gər-e le ɔsə lo ce ɗaga, pa tar gə jene gə njengəm ta kəy ɗaa ar Piyɛr andə mə ndogo gə. 17Be ɓa ngon njekula gə jene gə njengəm ta kəy le pa ar Piyɛr na: ꞌI ja kara ꞌto kara lə ngan njenendoje lə dəw gə kən le tɔ ang wa? N-pa na: M-to gə nj-ɛ le ang baa. 18Ɓərəje gə njengəm loje d-ar lo-e gə əng; ꞌɗa pər gə kulu ꞌnjibi mba kul o̰ ya̰. Piyɛr kara ar aw njibi gə je pər tɔ.
19Buba njekapolo dəji Jeju tar ɔji dɔ ngan njenendoje lə-a gə netɔji lə-a tɔ. 20Jeju ila-a kəne na: ꞌMa le, m-pa tar təgəsə ja m-ar dəwje; M-tɔji ne jaga-jaga mə kəy nendo gə gə mə kəy gə lə Luba, lo gə Jiibije tɔ̰y ꞌmbo̰ naa kəne, ngaɓa m-pa tar kara lo kiya-a gə ang nəm tɔ. 21Mba ɗi ɓa ꞌdəji-m ne tar wa? Ne gə m-pa tar-ɛ le, ꞌdəji nje gə d-o tar lə-m; A o, ꞌjejee nee le, ꞌgərə tar gə ꞌma m-pa le gə maj-ɛ! 22Logə n-ila kəne to gə be ɗaa, kara lə njengəm loje gə d-ar lo-e gə nee le unda Jeju ji kara bangang gə kunda ɗaa pa na: P-ɛ gə be ɓa ila ne buba njekapolo tar gə wa? 23Jeju ila-a kəne na: To gə ɓo m-pa kṵra̰y nama, ꞌpa tar naj-ɛ gə ɗaga ar-si j-o; ngaa to gə ɓo m-pa gə maj-ɛ nama, unda-m mba ɗi cibi wa? 24Be ɓa Ana ar-je ꞌtɔ-ɛ ngaɓa ula-a ne ɓə lə buba njekapolo Kayip.
25Simo Piyɛr ar lo-e gə əng aw njibi pər. ꞌPa d-ar-ɛ na: ꞌI ja kara ꞌto kara lə ngan njenendoje lə-a tɔ ang wa? N-ma̰y na: ꞌMa ang baa. 26Dəw kara horo ngan lokisije gə lə buba njekapolo gə to njenuji lə ye gə Piyɛr tuga mbi-a gangə le pa na: ꞌMa ja gə rɔ-m m-o-i sə-a mə ndɔ gə tɔ ang wa? 27Piyɛr ma̰y ja cibi. Ɗaa, gə ngɔdə baa kura̰ ila mbərə.
Jeju ar no Pilad gə
Mat 27.1-2,11-14; Mrk 15.1-5; Lug 23.1-5
28D-ḭ gə Jeju ɓə lə Kayip ɗaa, d-aw sə-a gə ndɔɔ-sḭ baa kəy mbay gə. ꞌJejee d-ila gɔl-je kəy mbay gə le ang, kar rɔ-je mina ne ang, ngaa gə mba ngom ne rɔ-je kusa ne Pagə tɔ.
29Pilad ce cila kəm-je ɗaa pa na: Tar gə ban ɓa ila-je dɔ dəw gə nee le wa? 30D-ila-a kəne na: To gə ɓo dəw gə nee to nje ɗa ne gə kṵra̰y ang nama j-a kula-a mə ji-i gə ang baa. 31Pilad pa ar-je na: Sisəy ja uwa-aje awje sə-a ɓo ꞌgangəje tar dɔ-ɛ gə go torondu lə-si! Jiibije ꞌpa d-ar-ɛ na: Torondu un ɗəw ar-si gə mba kar ja tɔl dəw ang! 32To to gə be gə mba kar tar gə Jeju pa le aw ne lo-e gə yɛrɛrɛ, mba tɔji ne pa kuy gə n-a kuy.
33Pilad andə mə kəy mbay gə ɗaa, ɓar Jeju ngaɓa pa ar-ɛ na: ꞌI le, ꞌto mbay lə Jiibije wa? 34Jeju ila-a kəne na: ꞌI ja ꞌpa tar gə nee gə dɔ rɔ-i ose nje gə ɗangə ɓa ꞌpa tar gə nee d-ar-i ɔji dɔ-m wa? 35Pilad ila-a kəne na: Ɗaa ꞌma m-to gə Jiibi cibi wa? To gə nje gə gəl kuji gə lə-i gə buba njekapoloje ɓa d-ila-i mə ji-m gə! Ɗi ɓa ꞌɗa wa? 36Jeju ila kəne na: Ɓeko̰ lə-m ga̰ dɔ nangə gə nee ang. To gə ɓo ɓeko̰ lə-m ga̰ dɔ nangə gə nee nama dəwje lə-m d-a ɗɔ mba-m mba kar d-ula-m mə ji Jiibije gə ang; ngaa ɓeko̰ lə-m godo nee. 37Pilad pa ar-ɛ na: Ɗaa, ꞌi le, ꞌto mbay ɓa kən wa? Jeju ila kəne na: ꞌI ja ꞌpa, m-to Mbay. O, gəl ne gə d-uji-m ne gə gəl ne gə m-ɗe ne dɔ nangə gə nee le ɓa nee, m-ɗe mba pa tar naji lə tar gə tɔgərɔ. Na-na ɓa to gə nje kar tar gə tɔgərɔ nama o ndu-m. 38Pilad dəji-e na: Tar gə tɔgərɔ to gə ɗi wa? Logə Pilad pa tar gə nee ɗaa, təl ce aw rɔ Jiibije gə to gə ɗangə ɗaa pa ar-je na: ꞌMa le, m-inga ne kara rɔ-ɛ gə gə kar gangə ne tar dɔ-ɛ ang. 39Ngaa to gə to pa ɗ-ɛ le-si kede-kede kar m-ɔr dəw kara kəy kula gə m-ila-a taar ndɔ ɗa nay Pagə gə le, un-je ndu-si: M-ɔr mbay lə Jiibije le m-ila-a taar m-ar-si wa? 40Be ɓa, ꞌtəl ꞌpa tar gə ndu-je gə boy wəəl na: Dəw gə nee ang baa, ngaa Barabas ɓa. Ngaa Barabas gə nee le to gə gayim.
Právě zvoleno:
Ja̰ 18: lap
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2020, ATALTRAB. All rights reserved
Ja̰ 18
18
JEJU UY ƁA NDOL
D-uwa Jeju
Mat 26.36-54; Mrk 14.32-50; Lug 22.39-51
1Go tar gə n-pa ɗaa, Jeju ɔsə lo ce gə ngan njenendoje lə-a mba kaw tura man ər gə ꞌɓar-ɛ na Sedəro̰; ꞌne je gə ngan njenendoje lə-a d-aw mə ndɔ gə to lo-e gə nee le.
2Judas gə njekun dɔ-ɛ gərə lo gə kən, mba Jeju je gə ngan njenendoje lə-a d-uwa dɔ naa kəne taar-taar.
3 Buba njekapoloje gə Parijiyɛ̰je d-ar-ɛ ꞌne gə Judas le njeɗɔje gə njengəm loje ɗaa, n-ɔr no-je n-ce gə je lo-e gə nee gə pər karəje gə pər ngəlje, gə neɗɔje. 4Jeju gərə neje tɔ̰y gə a ce dɔ-ɛ gə le ɗaa, ɔdə gə kede ɗaa dəji-je tar na: ꞌSangəje na wa? 5D-ila-a kəne na: Jeju, ngon njeɓe gə Najarɛd. N-ila-je kəne na: ꞌMa ja m-ar nee. Judas gə njekun dɔ-ɛ le kara ar gə je naa gə tɔ. 6Logə Jeju pa ar-je na: ꞌMa ja m-ar nee ɗaa, ꞌɗəm gə go-je yir-yir ɗaa ꞌce d-uwa nangə pa̰y-pa̰y.
7N-təl n-dəji-je to gə ɗangə cibi na: ꞌSangəje na wa? Ɗaa n-pa na: Jeju ngon njeɓe gə Najarɛd. 8Jeju ila kəne na: M-pa m-ar-si nam, to gə ꞌma ja. Ngaa to gə ɓo ꞌma ɓa ꞌsangə-mje nama, ḭya̰-je ꞌje gə nee ar-je d-aw lo lə-je. 9To to gə be mba kar tar gə n-pa le aw ne lo-e gə yɛrɛrɛ: ꞌJejee tɔ̰y gə um-je mə ji-m gə le, dəw kara kara igi ji-m gə ang.
10Simo Piyɛr gə kiya bayi lə-a ga̰ le, ɔr ɗaa ngon njekula lə buba njekapolo ja, n-tuga ne mbi-a gə dɔ kɔl bad n-gangə. Ngon njekula nee le ri-a na Maləkusu. 11Jeju pa ar Piyɛr na: ꞌTəl gə kiya bayi lə-i ula ɓo-e gə. Nekay gə Bɔ dəwje ar-m le, m-a kay ang baa wa?
Jeju ar no Ana gə
Mat 26.57-58; Mrk 14.53-54; Lug 22.54
12Be ɓa njeɗɔje gə njekɔr no-je gə njengəm loje lə Jiibije d-uwa Jeju ɗaa ꞌtɔ-ɛ. 13D-ɔr no-ɛ d-aw sə-a ɓə lə Ana. ꞌNe le n-to bɔ jene lə Kayip-je gə to gə buba njekapolo dɔ ɓal-ɛ gə nee le tɔ. 14ꞌNe gə Kayip gə nee le ja ɓa n-ar Jiibije tar ndəji gə nee na: To may ya̰ kar dəw gə gə kar-ɛ baa uy mba dəw mə ɓeje.
15Simo Piyɛr je gə ngon njenendo gə ɗangə kara d-uwa go Jeju. Ngon njenendo gə nee le buba njekapolo gər-e ɗaa ye andə gə Jeju mə ndogo gə lə buba njekapolo le tɔ. 16Piyɛr ɗaa, ar ɗaga dəb gə ta ɗəw kandə gə mə ndogo gə. Ngon njenendo gə ɗangə gə kara gə buba njekapolo gər-e le ɔsə lo ce ɗaga, pa tar gə jene gə njengəm ta kəy ɗaa ar Piyɛr andə mə ndogo gə. 17Be ɓa ngon njekula gə jene gə njengəm ta kəy le pa ar Piyɛr na: ꞌI ja kara ꞌto kara lə ngan njenendoje lə dəw gə kən le tɔ ang wa? N-pa na: M-to gə nj-ɛ le ang baa. 18Ɓərəje gə njengəm loje d-ar lo-e gə əng; ꞌɗa pər gə kulu ꞌnjibi mba kul o̰ ya̰. Piyɛr kara ar aw njibi gə je pər tɔ.
19Buba njekapolo dəji Jeju tar ɔji dɔ ngan njenendoje lə-a gə netɔji lə-a tɔ. 20Jeju ila-a kəne na: ꞌMa le, m-pa tar təgəsə ja m-ar dəwje; M-tɔji ne jaga-jaga mə kəy nendo gə gə mə kəy gə lə Luba, lo gə Jiibije tɔ̰y ꞌmbo̰ naa kəne, ngaɓa m-pa tar kara lo kiya-a gə ang nəm tɔ. 21Mba ɗi ɓa ꞌdəji-m ne tar wa? Ne gə m-pa tar-ɛ le, ꞌdəji nje gə d-o tar lə-m; A o, ꞌjejee nee le, ꞌgərə tar gə ꞌma m-pa le gə maj-ɛ! 22Logə n-ila kəne to gə be ɗaa, kara lə njengəm loje gə d-ar lo-e gə nee le unda Jeju ji kara bangang gə kunda ɗaa pa na: P-ɛ gə be ɓa ila ne buba njekapolo tar gə wa? 23Jeju ila-a kəne na: To gə ɓo m-pa kṵra̰y nama, ꞌpa tar naj-ɛ gə ɗaga ar-si j-o; ngaa to gə ɓo m-pa gə maj-ɛ nama, unda-m mba ɗi cibi wa? 24Be ɓa Ana ar-je ꞌtɔ-ɛ ngaɓa ula-a ne ɓə lə buba njekapolo Kayip.
25Simo Piyɛr ar lo-e gə əng aw njibi pər. ꞌPa d-ar-ɛ na: ꞌI ja kara ꞌto kara lə ngan njenendoje lə-a tɔ ang wa? N-ma̰y na: ꞌMa ang baa. 26Dəw kara horo ngan lokisije gə lə buba njekapolo gə to njenuji lə ye gə Piyɛr tuga mbi-a gangə le pa na: ꞌMa ja gə rɔ-m m-o-i sə-a mə ndɔ gə tɔ ang wa? 27Piyɛr ma̰y ja cibi. Ɗaa, gə ngɔdə baa kura̰ ila mbərə.
Jeju ar no Pilad gə
Mat 27.1-2,11-14; Mrk 15.1-5; Lug 23.1-5
28D-ḭ gə Jeju ɓə lə Kayip ɗaa, d-aw sə-a gə ndɔɔ-sḭ baa kəy mbay gə. ꞌJejee d-ila gɔl-je kəy mbay gə le ang, kar rɔ-je mina ne ang, ngaa gə mba ngom ne rɔ-je kusa ne Pagə tɔ.
29Pilad ce cila kəm-je ɗaa pa na: Tar gə ban ɓa ila-je dɔ dəw gə nee le wa? 30D-ila-a kəne na: To gə ɓo dəw gə nee to nje ɗa ne gə kṵra̰y ang nama j-a kula-a mə ji-i gə ang baa. 31Pilad pa ar-je na: Sisəy ja uwa-aje awje sə-a ɓo ꞌgangəje tar dɔ-ɛ gə go torondu lə-si! Jiibije ꞌpa d-ar-ɛ na: Torondu un ɗəw ar-si gə mba kar ja tɔl dəw ang! 32To to gə be gə mba kar tar gə Jeju pa le aw ne lo-e gə yɛrɛrɛ, mba tɔji ne pa kuy gə n-a kuy.
33Pilad andə mə kəy mbay gə ɗaa, ɓar Jeju ngaɓa pa ar-ɛ na: ꞌI le, ꞌto mbay lə Jiibije wa? 34Jeju ila-a kəne na: ꞌI ja ꞌpa tar gə nee gə dɔ rɔ-i ose nje gə ɗangə ɓa ꞌpa tar gə nee d-ar-i ɔji dɔ-m wa? 35Pilad ila-a kəne na: Ɗaa ꞌma m-to gə Jiibi cibi wa? To gə nje gə gəl kuji gə lə-i gə buba njekapoloje ɓa d-ila-i mə ji-m gə! Ɗi ɓa ꞌɗa wa? 36Jeju ila kəne na: Ɓeko̰ lə-m ga̰ dɔ nangə gə nee ang. To gə ɓo ɓeko̰ lə-m ga̰ dɔ nangə gə nee nama dəwje lə-m d-a ɗɔ mba-m mba kar d-ula-m mə ji Jiibije gə ang; ngaa ɓeko̰ lə-m godo nee. 37Pilad pa ar-ɛ na: Ɗaa, ꞌi le, ꞌto mbay ɓa kən wa? Jeju ila kəne na: ꞌI ja ꞌpa, m-to Mbay. O, gəl ne gə d-uji-m ne gə gəl ne gə m-ɗe ne dɔ nangə gə nee le ɓa nee, m-ɗe mba pa tar naji lə tar gə tɔgərɔ. Na-na ɓa to gə nje kar tar gə tɔgərɔ nama o ndu-m. 38Pilad dəji-e na: Tar gə tɔgərɔ to gə ɗi wa? Logə Pilad pa tar gə nee ɗaa, təl ce aw rɔ Jiibije gə to gə ɗangə ɗaa pa ar-je na: ꞌMa le, m-inga ne kara rɔ-ɛ gə gə kar gangə ne tar dɔ-ɛ ang. 39Ngaa to gə to pa ɗ-ɛ le-si kede-kede kar m-ɔr dəw kara kəy kula gə m-ila-a taar ndɔ ɗa nay Pagə gə le, un-je ndu-si: M-ɔr mbay lə Jiibije le m-ila-a taar m-ar-si wa? 40Be ɓa, ꞌtəl ꞌpa tar gə ndu-je gə boy wəəl na: Dəw gə nee ang baa, ngaa Barabas ɓa. Ngaa Barabas gə nee le to gə gayim.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2020, ATALTRAB. All rights reserved