Matoma ma Bapôtres 5
5
Ekoko a Ananias na Saphira. Bapôtre bakiele matoma machimube. Bakane bango o monyòli. Angelo a Nzambe akotize bango. Baphele ba mateyo babwange bango echoko a bango. Baphinchole bapôtre tonga na mateyo ma Gamaliel.
1Moto abèki ondo, kombo a wango Ananias na mwachi a wango Saphira, bango batèkizaki ibonga,
2wango abombaki yena ekakole a idwa, na mwachi a wango ayebaki ekielele yango dyòkò, yena ekakole wango ayakaki na yango o bocho ba bapôtre, na acholelaki yango o makolo ma bapôtre.
3Na Pierre alobaki bwe: Ananias, Satana atondizaki motema ma kò, nà k’òkiele bwanya o bocho b’Eyaye Echwa nà k’òbombe yena ekakole a mbongo, mbekende?
4O ibonga dyango ibèki o mabòkò ma kò, dyango ibòdyala eyek’a kò ka? Okomo k’òtèkizaki dyango, mbòngò yango ebodyala a kò koncha ka? K’òchimunyaki ekielele yena o cha motema ma kò, mbekende? K’òbokiela bwanya o bocho ba bato ka, ko, o bocho ba Nzambe.
5O Ananias awokaki mawò mango, wango akwaki o che n’awaki. Bobò bokama bophilaki bato bachò, bango bawokaki mawò ma.
6Bawoli batèmèki chu, balònglèki wango, bakièki na wango enongo ikunda wango.
7O mabiko ma bucha machato malekanaki, mwachi a wango akolaki o ndako, aboyeba beka byango bitaki na molomi ka.
8Pierre alobaki na wango bwe: Chiakola nga, beni botèkizaki ibonga na motuya ko mu? Wango ayambolaki bwe: Nènè, motuya ko mwango.
9Ko Pierre alobaki na wango bwe: Beni bowangaki kuku tonga n’iphèphiza Eyaye a Mokonchi, mbekende? Kieka, makolo ma bakoncha bango bakundaki molomi a kò, bango badi chu mbòli n’èkuki, na bango tanyanya nà kò.
10Tètè o bobiko bwango wango akwaki o makolo ma wango, n’awaki. Bawoli bakolaki o ndako, bataki na wango muwaki, na bango batubaki na wango, bakundaki wango o ikièkèkè a molomi a wango.
11Bobò bokama bophilaki ebuliki a Nzambe, na bato bachò bawokaki iwò di.
12Bapòtre bakielaki mandèmbo makama, na matoma machimube na mabòkò ma bango o phanyak’a bato, na bango bakokanaki o manè ma makonchi ma Salomon, babèki o edyalele a bango echò moto ko mò.
13Moto nyò mò o phanyak’a bato bakbwi abodyala na bokili bichangana na bango ka, na bato batochaki bango botochibe bokama.
14Na bana bato bachinganaki, bachanganaki na Mokonchi, bibuliki ba baphele nà ba batò kobona byango bilekaki ekatele kokoko.
15Tonga na kobona bato bayakaki na mikoni o manè batikaki myango o matange na bichèngè tonga n’ikula nyò eyilingi a Pierre o wango talekana.
16Bato bakama bachònòki mamboka, mango mabèki mbòli na Jérusalem, bakokanaki ondo, bayakaki na mikoni na bakoncha bango bachèbèki na biyaye ba mbindo, na bango bachò babelaki.
17Ko, modikichi monè motèmèki chu, na bana bato bango babèki na mwango, babèki ebati a basadducéen na bango batondaki n’èyubi.
18Bango bakandaki bapôtre na bakanaki bango o cha monyòli.
19Na mokolo angelo a Mokonchi adipholaki bikuli ba monyòli, atubizaki bango, alobaki bwe:
20Bokiè beni, botèmè chu o temple dyòkò, bochiakola bato mawò ma bomwè ma machò.
21O bango bawokaki mawò mango, bango bakolaki o temple na mombengu, na badikizaki bato. Na modikichi monè na bakoncha bango babèki na mwango, bango bakokanaki, na bango babwangaki batote na baphomba ba bana b’Israël bachò, batindaki iwò o monyòli tonga n’iyè kwa bapôtre o cha monyòli.
22O babateli ba temple bapholaki, bango babota na bango o ndako a monyòli ka, bango babutwaki, balobaki bwe:
23Banga boyitakana ndako a monyòli tètè ngwa, na babateli batèmèki chu o bikuki, ko, o banga bodipholaki yango, banga bobodwaka moto nyò mò o cha mwe ka.
24O mokomandi a babteli ba temple na badikichi bananè bawòkaki mawò mango, bango baboyeba nyò echimunye ichimunya o cha mawò mango ka.
25Bobiko bwango moto ayakaki, achiakolaki bango bwe: Bokieka, bato bango beni bokanaki o monyòli bango badi chu o cha temple, badikize bato.
26Komoyena mokomandi a babateli ba temple akièki na babateli ba temple tonga n’ikwa bango, ko, babokanda bango na nguli ka, tonga bango batilaki bwe, ta bato bama bango maboko.
27O bango bayakaki na bango, bango batikaki bango o bocho ba batòtè, na modikichi monè monyangaki bango bwe:
28Banga bobochimba beni mochimbako mokuli bwe, tòdikizake bato o kombo yena ka, ko, beni butondiza Jérusalem n’iyekol’a beni, na beni bodinge bokane banga o ch’iwò a malongo ma moto wona.
29Pierre na bapòtre bayambolaki bwe: Edi kokomo banga tòwoka Nzambe ika iwoka bato.
30Nzambe a bachango a bèni awumuzaki Jésus koncha wango beni bobakaki o molange na bobomaki.
31Nzambe atombaki wango n’èbòkò a wango èlomi, n’abitika wango adyale Mokonchi na Mobila tonga n’ikana eyubi a machuma o cha mitema ma bè Israël, na chima ayiphè bango pardon a machuma.
32Na banga bodi bandèngè ba beka bichò bi nà Eyaye Echwa, yango Nzambe aphè bakoncha bango bawoke wango.
33O bango bawokaki mawò mango, ibèli ikuli iphilaki bango, na bango badingaki bobome bapôtre.
34Ko, mopharisien mò, kombo a mwango: Gamaliel abèki modikichi a miyeko, bato bachò batochaki mwango, mwango motèmèki chu o phanyak’a batòtè, moyangaki bango bwe, batubize bapôtre enongo eki.
35Chima mwango molobaki na bango bwe: Beni baphele b’Israël, bokiekaka n’ikièngu tonga n’èkielele yango beni bodinge bokiele na baphele ba.
36Tonga ebèki bobiko boki o Theudas atèmèki chu, n’achechaki nchoto a wango, na bokama ba bato bwango bochanganaki na wango, bobèki baphele kama inè, na babomaki wango, na bakoncha bango bachinganaki wango baphanchibaki na bachumbanaki.
37O chima wango Judas, mwè Galiléen, atubanaki, ebèki bobiko b’ikòtè makombo ma bato bachò, wango alenguzaki bato bakama o ch’èchingane a wango koncha, wango awaki dyòkò, na bakoncha bango balondoki wango baphanchanaki dyòkò.
38Kinòwa nga lobe na beni bwe: Tòbengachanake na baphele ba, botika bango, tonga mo ekielele yango echònò ma bato na botoma bwango, owana bwango makoncha tòdyòbò.
39Ko, mo bwango bochònòki ma Nzambe, beni bodi oyicha bokiele eyeka nyò yò ka, bokiekaka n’ikièngu ta beni bomana na Nzambe koncha.
40Bango bawokaki wango, na bango babwangaki bapôtre, bachèbizaki bango na bobètibe, bachimbaki bango bwe, batike ochiakola mawò o kombo a Jésus ka, baphincholaki bango.
41Bango bakakwaki enongo a batòtè, babèki n’ilèmu tonga Nzambe adwaki bango banyèki enongo ichèbè tonga kombo yango.
42Bucha na bucha bango babèki o temple n’ò mandako, badikizaki mina minyòngò ma Jésus Christ, baboyoza enongo nyò eki ka.
Právě zvoleno:
Matoma ma Bapôtres 5: BUI1947
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).