LEVITICUS 1
1
1Ka Jěhova a ndiya Mosěs, ka Mâ‐a kala na mâ, oviya o Ekongolo ya Ilataniya, na,
2Kalaka na bana ba Isreěl, wa vâ na bâ, na, O moto te moto o njamb‘ ’anyu a yambakiya ehěngâ o Jěhova a didi, o ka yambakiyani ehěngâ ’anyu ya bembe, paniyango ya janga na ya mwanga.
3Oningě enambo ’aju ya diya ehěngâ ya botumbakwě oviya janga, a ka yambakiya yâ momi ù diye na yěmě; a ka yambakiya yâ o ubiyâ mua Ekongolo y‘ Ilataniya, ovaně nd‘ o mâ‐a ka kahwě o boho bwa Jěhova.
4Na mâ‐a ka kahakidě ikadu jaju o molo mua enambo e tumbakwě; na yâ e ka kahwěndi o pěl‘ ’aju, ka ha mâ unyěvěno.
5Na mâ‐a ka weyaka momi mua nyati o boho bwa Jěhova; na prist, bana ba Erân, ba ka vanaka makiya, na bâ‐ba ka mwanjaka makiya ulwaniděngo o âltar e jadi o ubiyâ mua Ekongolo y‘ Ilataniya.
6A ka nowaka enambo e tumbakwě, a ka lenaka yâ bengo beaju.
7Na bana ba Erân ya prist ba ka vamakě veya o âltar na ba ka kenjakě mendodi o veya:
8Na prist, bana ba Erân, ba ka kenjakě bevandi molo na ivângâ, o mendodi me jadi o veya vi jadi o âltar:
9Ndi ibeaju bea ulema, na bengo beaju, ndi ibeaju be ka tukě na miba; na prist a ka tumbaka beěhěpi o âltar, o pělě ya enambo ya botumbakwě, enambo e hakwě na veya, ya hombo eyamu o Jěhova a didi.
10¶ Na oningě ehěngâ ’aju ya diya ya mwanga, mua medâmbě, tombe mua tomba, o pělě ya enambo ya botumbakwě, a ka yambakiya yâ momi ù diye na yěmě.
11Na mâ‐a ka weyaka yâ o pěpěkě ya âltar na pělě ya ngângâ o boho bwa Jěhova; na prist, bana ba Erân, ba ka mwanjaka makiya maju o âltar ulwaniděngo.
12Na mâ‐a ka lenaka yâ bevandi beaju, na molo muaju na mavângâ maju: na prist a ka kenjakě beâ o mendodi me jadi o veya vi jadi o âltar:
13Ndi bea ulema na bengo ndi beaju be ka tukě na miba: na prist a ka yambakiya yâ yěhěpi, na a ka tumbaka yâ o âltar; e ndi enambo ya botumbakwě, enambo e hakwě na veya, ya hombo eyamu o Jěhova a didi.
14¶ Ndi oningě ehěngâ ’aju o Jěhova a jadi ya diya enambo ya botumbakwě ya lonâni, vâkâna a ka yambakiya ehěngâ ’aju ya bekelekeke, tombe betumbě bea mbenga.
15Na prist a ka vanaka yâ o âltar, a ka bâkâkâ molo muaju, na a tumba yâ o âltar; na makiya maju ma ka popakwě o pěpěkě ya âltar;
16Na mâ‐a věngidě yâ ehuhu ’aju na sěkě ya omě, na mâ‐a uhwa yâ baka na âltar, na pělě ya madiki o iboko via jubu:
17Na mâ‐a ka nyaka yâ na mapěpu maju, ndi à pakake yâ; na prist a ka tumbaka yâ o âltar; o mendodi me jad‘ o veya tě: e ndi enambo e tumbakwě, enambo e hakwě na veya, ya hombo eyamu o Jěhova a jadi.
Právě zvoleno:
LEVITICUS 1: BNG1895
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Published by the American Bible Society in 1895, 1926.
LEVITICUS 1
1
1Ka Jěhova a ndiya Mosěs, ka Mâ‐a kala na mâ, oviya o Ekongolo ya Ilataniya, na,
2Kalaka na bana ba Isreěl, wa vâ na bâ, na, O moto te moto o njamb‘ ’anyu a yambakiya ehěngâ o Jěhova a didi, o ka yambakiyani ehěngâ ’anyu ya bembe, paniyango ya janga na ya mwanga.
3Oningě enambo ’aju ya diya ehěngâ ya botumbakwě oviya janga, a ka yambakiya yâ momi ù diye na yěmě; a ka yambakiya yâ o ubiyâ mua Ekongolo y‘ Ilataniya, ovaně nd‘ o mâ‐a ka kahwě o boho bwa Jěhova.
4Na mâ‐a ka kahakidě ikadu jaju o molo mua enambo e tumbakwě; na yâ e ka kahwěndi o pěl‘ ’aju, ka ha mâ unyěvěno.
5Na mâ‐a ka weyaka momi mua nyati o boho bwa Jěhova; na prist, bana ba Erân, ba ka vanaka makiya, na bâ‐ba ka mwanjaka makiya ulwaniděngo o âltar e jadi o ubiyâ mua Ekongolo y‘ Ilataniya.
6A ka nowaka enambo e tumbakwě, a ka lenaka yâ bengo beaju.
7Na bana ba Erân ya prist ba ka vamakě veya o âltar na ba ka kenjakě mendodi o veya:
8Na prist, bana ba Erân, ba ka kenjakě bevandi molo na ivângâ, o mendodi me jadi o veya vi jadi o âltar:
9Ndi ibeaju bea ulema, na bengo beaju, ndi ibeaju be ka tukě na miba; na prist a ka tumbaka beěhěpi o âltar, o pělě ya enambo ya botumbakwě, enambo e hakwě na veya, ya hombo eyamu o Jěhova a didi.
10¶ Na oningě ehěngâ ’aju ya diya ya mwanga, mua medâmbě, tombe mua tomba, o pělě ya enambo ya botumbakwě, a ka yambakiya yâ momi ù diye na yěmě.
11Na mâ‐a ka weyaka yâ o pěpěkě ya âltar na pělě ya ngângâ o boho bwa Jěhova; na prist, bana ba Erân, ba ka mwanjaka makiya maju o âltar ulwaniděngo.
12Na mâ‐a ka lenaka yâ bevandi beaju, na molo muaju na mavângâ maju: na prist a ka kenjakě beâ o mendodi me jadi o veya vi jadi o âltar:
13Ndi bea ulema na bengo ndi beaju be ka tukě na miba: na prist a ka yambakiya yâ yěhěpi, na a ka tumbaka yâ o âltar; e ndi enambo ya botumbakwě, enambo e hakwě na veya, ya hombo eyamu o Jěhova a didi.
14¶ Ndi oningě ehěngâ ’aju o Jěhova a jadi ya diya enambo ya botumbakwě ya lonâni, vâkâna a ka yambakiya ehěngâ ’aju ya bekelekeke, tombe betumbě bea mbenga.
15Na prist a ka vanaka yâ o âltar, a ka bâkâkâ molo muaju, na a tumba yâ o âltar; na makiya maju ma ka popakwě o pěpěkě ya âltar;
16Na mâ‐a věngidě yâ ehuhu ’aju na sěkě ya omě, na mâ‐a uhwa yâ baka na âltar, na pělě ya madiki o iboko via jubu:
17Na mâ‐a ka nyaka yâ na mapěpu maju, ndi à pakake yâ; na prist a ka tumbaka yâ o âltar; o mendodi me jad‘ o veya tě: e ndi enambo e tumbakwě, enambo e hakwě na veya, ya hombo eyamu o Jěhova a jadi.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Published by the American Bible Society in 1895, 1926.