LEVITICUS 2
2
1Na, o moto te moto a yambakiya ehěngâ ya enambo ya pěmbě o Jěhova a jadi, ehěngâ ’aju e ka diyaka ya pěmbě eyamu; na mâ‐a ka hovakidě yâ mavule, na mâ‐a vamě ebedi omě:
2Na mâ‐a ka vanaka yâ o bana ba Erân, ba prist ba didi; na mâ‐a ka nângâkâ oviya omě ikadu jaju ti ja pěmbě tě eyamu, na ja mavulě tě, na ebedi tě yěhěpi; na prist a ka tumbaka yâ, ka iyongidě jaju o âltar; enambo e hakwě na veya, ya hombo eyamu o Jěhova a jadi:
3Na ehěnjě ya enambo ya pěmbě e ka diyaka ya Erân na bana baju; e ndi elombo ya hole mětě ya benambo bea Jěhova be hakwě na veya.
4¶ Nandi o âvě‐o yambakiya ehěngâ ya enambo ya pěmbě beyango o diyâ, e ka diyaka ndâkâ ya pěmbě eyamu i ha ibě n‘ ilanda hâbwěngo na mavulě, tombe londândâkâ lo ha ’bě n‘ ilanda hovudwěngo mavulě.
5¶ Na oningě ehěngâ ’âvě ya diya enambo ya pěmbě e beyakudwě o egangina, e ka diyaka ya pěmbě eyamu e ha ibě n‘ ilanda, hâbwěngo na mavulě.
6O ka kabaka yâ bepuhu, wa hovidě mavulě omě; e ndi enambo ya pěmbě.
7¶ Na oningě ehěngâ ’âvě ya diya enambo ya pěmbě ya egangina e yanganakwě, e ka hakwě na pěmbě eyamu na mavulě.
8Na nâvě‐o ka vanaka enambo ya pěmbě e di hawěngo na belombo těkabe, o Jěhova a jadi; na yâ e ka bweyakudwě prist, na mâ‐a ka vanaka yâ o âltar.
9Na prist a ka nângâkâ oviya enambo ya pěmbě, o pělě ya iyongidě, na mâ‐a ka tumbakâ yâ o âltar; enambo e hakwě na veya, ya hombo eyamu o Jěhova a jadi.
10Na e dikanakě ně ya enambo ya pěmbě, e ka diyaka ya Erân na ya bana baju; e ndi elombo ya hole mětě ya benambo bea Jěhova be hakwě na veya.
11O ’bě na enambo ya pěmbě, eanyu e ka yambiyě Jěhova, e ka hawě n‘ ilanda; ikabojana wà tumbeni ilanda, tombe ukânâ te ukânâ, ka enambo e hakwě na veya o Jěhova a jadi.
12¶ O ka yambakiyate beâ ni Jěhova ka ehěngâ ya kiya; ndi bè kahamake o âltar o pělě ya hombo eyamu.
13Na ehěngâ ya enambo ’âvě ya pěmbě yěhěpi t‘ eâvě e ka komě na vianga; na nâvě o bâbâke vianga via panga ya Anyambě ’âvě vi puhwanaka oviya enambo ’âvě ya pěmbě; na benambo beâvě beěhěpi o ka yambakiya vianga.
14Na oningě o yambakiya Jěhova enambo ya pěmbě, ya kiya, o ka yambakiya enambo ya pěmbě, ya kiya ’vě, poti o mihâ kangango na veya, poti ja nyingwěngo ja mihâ ma kěnyě.
15Na nâvě o ka vamakě jâ mavulě, wa kahakidě ebedi omě; e ndi enambo ya pěmbě.
16Na prist a ka tumbaka o pělě ya iyongidě, mběyi ya poti tě ya nyingwěngo, na mběyi ya mavulě tě, na ebedi tě yěhěpi; e ndi enambo hakwě na veya o Jěhova a jadi.
Právě zvoleno:
LEVITICUS 2: BNG1895
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Published by the American Bible Society in 1895, 1926.
LEVITICUS 2
2
1Na, o moto te moto a yambakiya ehěngâ ya enambo ya pěmbě o Jěhova a jadi, ehěngâ ’aju e ka diyaka ya pěmbě eyamu; na mâ‐a ka hovakidě yâ mavule, na mâ‐a vamě ebedi omě:
2Na mâ‐a ka vanaka yâ o bana ba Erân, ba prist ba didi; na mâ‐a ka nângâkâ oviya omě ikadu jaju ti ja pěmbě tě eyamu, na ja mavulě tě, na ebedi tě yěhěpi; na prist a ka tumbaka yâ, ka iyongidě jaju o âltar; enambo e hakwě na veya, ya hombo eyamu o Jěhova a jadi:
3Na ehěnjě ya enambo ya pěmbě e ka diyaka ya Erân na bana baju; e ndi elombo ya hole mětě ya benambo bea Jěhova be hakwě na veya.
4¶ Nandi o âvě‐o yambakiya ehěngâ ya enambo ya pěmbě beyango o diyâ, e ka diyaka ndâkâ ya pěmbě eyamu i ha ibě n‘ ilanda hâbwěngo na mavulě, tombe londândâkâ lo ha ’bě n‘ ilanda hovudwěngo mavulě.
5¶ Na oningě ehěngâ ’âvě ya diya enambo ya pěmbě e beyakudwě o egangina, e ka diyaka ya pěmbě eyamu e ha ibě n‘ ilanda, hâbwěngo na mavulě.
6O ka kabaka yâ bepuhu, wa hovidě mavulě omě; e ndi enambo ya pěmbě.
7¶ Na oningě ehěngâ ’âvě ya diya enambo ya pěmbě ya egangina e yanganakwě, e ka hakwě na pěmbě eyamu na mavulě.
8Na nâvě‐o ka vanaka enambo ya pěmbě e di hawěngo na belombo těkabe, o Jěhova a jadi; na yâ e ka bweyakudwě prist, na mâ‐a ka vanaka yâ o âltar.
9Na prist a ka nângâkâ oviya enambo ya pěmbě, o pělě ya iyongidě, na mâ‐a ka tumbakâ yâ o âltar; enambo e hakwě na veya, ya hombo eyamu o Jěhova a jadi.
10Na e dikanakě ně ya enambo ya pěmbě, e ka diyaka ya Erân na ya bana baju; e ndi elombo ya hole mětě ya benambo bea Jěhova be hakwě na veya.
11O ’bě na enambo ya pěmbě, eanyu e ka yambiyě Jěhova, e ka hawě n‘ ilanda; ikabojana wà tumbeni ilanda, tombe ukânâ te ukânâ, ka enambo e hakwě na veya o Jěhova a jadi.
12¶ O ka yambakiyate beâ ni Jěhova ka ehěngâ ya kiya; ndi bè kahamake o âltar o pělě ya hombo eyamu.
13Na ehěngâ ya enambo ’âvě ya pěmbě yěhěpi t‘ eâvě e ka komě na vianga; na nâvě o bâbâke vianga via panga ya Anyambě ’âvě vi puhwanaka oviya enambo ’âvě ya pěmbě; na benambo beâvě beěhěpi o ka yambakiya vianga.
14Na oningě o yambakiya Jěhova enambo ya pěmbě, ya kiya, o ka yambakiya enambo ya pěmbě, ya kiya ’vě, poti o mihâ kangango na veya, poti ja nyingwěngo ja mihâ ma kěnyě.
15Na nâvě o ka vamakě jâ mavulě, wa kahakidě ebedi omě; e ndi enambo ya pěmbě.
16Na prist a ka tumbaka o pělě ya iyongidě, mběyi ya poti tě ya nyingwěngo, na mběyi ya mavulě tě, na ebedi tě yěhěpi; e ndi enambo hakwě na veya o Jěhova a jadi.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Published by the American Bible Society in 1895, 1926.