لوقای انجیل 20
20
عیسی قدرت و ایختیار
1یکته از روزؤن که عیسی یهودی أن معبد صحن میئن مَردم آموته دبو و خوروم خبر دَئدبو، کاهینون سرؤن و توراتِ معلمون، شیخؤن أمرَه اونه ورجه بومَئن 2و عیسی بوتَن: «اَمَره بگو، به چی اجازه ای ایی کارؤن کوئنی؟ کی ایی قدرت و ایختیار تَه هَدَئ؟» 3عیسی جواب بَدَه: «مو هم شمرای یکته سوال دئنم؛ مَه بوگوین، 4یحیی تعمید از خدا بو یا انسؤنَ جی؟» 5اوشون همدیگر امره مشورت بودن، بوتَن: اَگه بوگویم خدا جی بو، گونه، ”پَس چرِه اونه ایمؤن نأردین؟“ 6اَگه هم بوگویم انسؤنَ جی بو، مَردم همته اَمَره سنگسار کوئنَن، چونکه ایی باورَ دئنَن که یحیی پیغمبر بو.» 7پَس جواب بدئن: «نودؤنیم از کوره ایسّه.» 8عیسی بوته: «منم شمره نگونَم که چی قدرت و ایختیار أمره ایی کارؤنَ کُوئنم.»
شرور باغبونون حیکایت
9عیسی بازین ایی حیکایت مَردم به بأرده: «مَرداکی یکته انگورباغ آماده بوده و اونه چَن ته باغبؤن مناسبه هده و دراز مدت یکته مملکت دیگه سفر بوشؤ. 10انگور چِئن زمؤن، یکته غلؤم باغبونون ورجه سرا دا تا اَنِی از انگور باغ بارِ اینه هَدِئن. امّا باغبونون اونه بزِئن و دَس خالی واگردنئن. 11پَس یکته غلؤم دیگه سرا دا، امّا اونَم بزِئن و اونه بی حرمتی بودَن، دَس خالی اونه سرادائن. 12پَس سوّمین بار هنده غلؤم سرادا، امّا اونَم زخمی بودن، تؤدَن بیرون.
13«هی موقع صاب باغ بوته: ”چی بکُونم؟ می عزیز ریکه سرادئنِم شاید اونه حرمتِ بَدارَن.“ 14امّا باغبونون هیطو که ریکه بدِئن، همدیگر امره مَشورت بودَن، بُوتن: ”ایی وارث ایسّه. بائین اونه بکوشیم تا اِرث اَمیشی ببی.“ 15پَس اونه انگورباغای بیرون تؤدَن، و اونه بکوشتن.
«الؤن صاب باغ اوشونه أمره چی کوئنه؟ 16او هَنه و باغبونؤنِ هلاکَ کوئنه و انگورباغِ دیگرون دست هَدِئنه.» هیطو اوشون بشتؤسَن، بوتَن: «البته که اوشون ایی کارِ نوکوئنَن!» 17امّا عیسی مردم چیشم بدوته و بوته: «پس او نیویشته معنی چی ایسّه که گونه:
”سنگی که بناأن ردَّ گودَن،
مهمترین سنگ بوبوُ؟“
18هرکس او سنگ سر بکّای، پَختَ بنه، و هر وخت او سنگ کَسی سر بکّای، اونه اَشَه کوئنه.» 19تورات معلمون و کاهینون سرؤن وختی بفهمسَن ایی حیکایتِ اوشونه واسه گوتدره، خواستَن هو لحظه اینه بگیرن اما مردمَ جی ترسِئن. 20پَس عیسی پاسّن و جاسوسؤنی اونه ورجه سرا دائن که خوشؤنِ صادیق نیشون دَئن. اوشون اونه دومبال بُوئن که عیسی گبؤنای یکته گزک بیاجن و اونه فرماندار قدرت و محکمه دست هدِئن. 21پَس جاسوسؤن عیسای بپورسه ئن: «اوستاد، دؤنیم که تو حقیقت گونی و آموته دری و هیشکسِ طرفِ نگینی، بَلکه خُدا راهِ بدُرُستی یاد دائری. 22امپراطور خراج هَدئن، أمه به درست ایسّه یا نه؟» 23امّا عیسی ایشون حیلَه جی واخُوبَ بو و بوته: 24«یکته سکه یه دیناری مَه نیشون بَدین. ایسم و نیشونِ ایی سکه سر، کی شی ایسّه؟» 25جواب بدئن: «امپراطور شی.» عیسی اوشونه بوته: «امپراطور مالِ امپراطور هَدین و خُدا مالِ، خُدا!» 26هیطو بو که، نتونسّن مَردم ورجه عیسی خوشه گبؤنِ امره تله میئن تَودِئن، و اونه جواب دئنَ جی همه حیرونَ بوئن و تام بزئن.
سوال مرده أن زنده بوئنای
27بازین چَن ته صَدّوقی فرقه عالمون که زنده بوئنِ مرده أن قبول نداشتن، بومئن، 28و عیسای بپورَسئن و، بوتَن: «اوستاد، موسی اَمه به بنویشته که اَگه یکته مَرداک برار بمیری و خوشای یکته بی زاک زن بجا بنای، او مَرداک باید اونه به زنی بگیری تا نَسلی خوشِ برارِ به باقی بنای. 29یبار، هفت ته برار بُؤن. اولی برار یکته زن بیته و بی زاک بمورده. 30بازین دوّمی 31و بازین سوّمی اونه خوشِ زَنی به بیته و هیطو بو که هر هفت ته برار بموردَن، بی اونکه خوشونای یکته زاک بجا بنئن. 32سرآخر او زناکم بمورده. 33الؤن، او روز که مورده أن زنده بنن، او کویکته زن بنه؟ چونکه هر هفت ته برار اونه به زَنی بیتن.»
34عیسی جواب بَدَه: «ایی دور زمونه مَردمن که زن گینَن و مرد بنن. 35امّا اوشؤنی که لایق رسِئن به او دنیا و مُرده أنای زنده بوئن ایسّن، نه زن گینن و نه مرد بنن، 36و نه دِه مینَن چونکه فرشته أن أمره برابر بنن؛ اوشون خُدا زاکؤن ایسّن، چرِه که مرده أنای زنده بوبوئن. 37ولی مُرده أنای زنده بوئنِ حقیقتِ، حتی موسی هم او جریون بَل بیته تیفؤن میئن آشکارَ گوده، اوره که خُداوندِ، ابراهیم خُدا و اسحاق خُدا و یعقوب خُدا دوخونده. 38خدا که مُرده أنِ خُدا نیه، بَلکه زنده أن خُدا ایسّه؛ چونکه اونه ورجه همه زنده أن.» 39بعضی از تورات معلمون اونه جواب میئن بوتَن: «اوستاد، خوب بُوتی!» 40و ده هیشکی نیارسی اونای سؤال بپورسی.
مسیح موعود کی ریکه ایسّه؟
41بازین عیسی اوشونه بوته: «چُطو ایسّه که گونن مسیح موعود داوود ریکَه؟ 42چرِه که داوود خودش مزامیر کِتاب میئن گونه:
«”خُداوند، می خُداوندِ بوته:
می راست دَس وَر بنیش
43تا او زمونی که تی دُشمنؤنِ تی پا جیر کورسی بسازم.“
44اَگه داوود اونِه ’خُداوند‘ دُخوبئنه، چُطو او تینه داوود ریکه بَبی؟»
45هوموقع که مَردم همه گوش دَئدبون، عیسی خوشِ شاگردؤنِ بوته: 46«تورات معلمونای دورَ بین که دوست دئنَن دراز عبا امره راه بوشوئن و کوچه بازار میئن مردم اوشونه سلام بوگئن، و یهودی أن عبادتگاه میئن بهترین جا بَدارن و مِیمونی أن میئن مجلیس جؤر بنیشئن. 47از یه طرف بیوه زناکؤنِ خونه چاپنَن و از اوطرف ریا واسه، خوشونه دُعا درازه دئنَن. ایشونه عذاب خیلی سخت‌تر ایسّه.»
Právě zvoleno:
لوقای انجیل 20: EGB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
@ 2024 Korpu Company
لوقای انجیل 20
20
عیسی قدرت و ایختیار
1یکته از روزؤن که عیسی یهودی أن معبد صحن میئن مَردم آموته دبو و خوروم خبر دَئدبو، کاهینون سرؤن و توراتِ معلمون، شیخؤن أمرَه اونه ورجه بومَئن 2و عیسی بوتَن: «اَمَره بگو، به چی اجازه ای ایی کارؤن کوئنی؟ کی ایی قدرت و ایختیار تَه هَدَئ؟» 3عیسی جواب بَدَه: «مو هم شمرای یکته سوال دئنم؛ مَه بوگوین، 4یحیی تعمید از خدا بو یا انسؤنَ جی؟» 5اوشون همدیگر امره مشورت بودن، بوتَن: اَگه بوگویم خدا جی بو، گونه، ”پَس چرِه اونه ایمؤن نأردین؟“ 6اَگه هم بوگویم انسؤنَ جی بو، مَردم همته اَمَره سنگسار کوئنَن، چونکه ایی باورَ دئنَن که یحیی پیغمبر بو.» 7پَس جواب بدئن: «نودؤنیم از کوره ایسّه.» 8عیسی بوته: «منم شمره نگونَم که چی قدرت و ایختیار أمره ایی کارؤنَ کُوئنم.»
شرور باغبونون حیکایت
9عیسی بازین ایی حیکایت مَردم به بأرده: «مَرداکی یکته انگورباغ آماده بوده و اونه چَن ته باغبؤن مناسبه هده و دراز مدت یکته مملکت دیگه سفر بوشؤ. 10انگور چِئن زمؤن، یکته غلؤم باغبونون ورجه سرا دا تا اَنِی از انگور باغ بارِ اینه هَدِئن. امّا باغبونون اونه بزِئن و دَس خالی واگردنئن. 11پَس یکته غلؤم دیگه سرا دا، امّا اونَم بزِئن و اونه بی حرمتی بودَن، دَس خالی اونه سرادائن. 12پَس سوّمین بار هنده غلؤم سرادا، امّا اونَم زخمی بودن، تؤدَن بیرون.
13«هی موقع صاب باغ بوته: ”چی بکُونم؟ می عزیز ریکه سرادئنِم شاید اونه حرمتِ بَدارَن.“ 14امّا باغبونون هیطو که ریکه بدِئن، همدیگر امره مَشورت بودَن، بُوتن: ”ایی وارث ایسّه. بائین اونه بکوشیم تا اِرث اَمیشی ببی.“ 15پَس اونه انگورباغای بیرون تؤدَن، و اونه بکوشتن.
«الؤن صاب باغ اوشونه أمره چی کوئنه؟ 16او هَنه و باغبونؤنِ هلاکَ کوئنه و انگورباغِ دیگرون دست هَدِئنه.» هیطو اوشون بشتؤسَن، بوتَن: «البته که اوشون ایی کارِ نوکوئنَن!» 17امّا عیسی مردم چیشم بدوته و بوته: «پس او نیویشته معنی چی ایسّه که گونه:
”سنگی که بناأن ردَّ گودَن،
مهمترین سنگ بوبوُ؟“
18هرکس او سنگ سر بکّای، پَختَ بنه، و هر وخت او سنگ کَسی سر بکّای، اونه اَشَه کوئنه.» 19تورات معلمون و کاهینون سرؤن وختی بفهمسَن ایی حیکایتِ اوشونه واسه گوتدره، خواستَن هو لحظه اینه بگیرن اما مردمَ جی ترسِئن. 20پَس عیسی پاسّن و جاسوسؤنی اونه ورجه سرا دائن که خوشؤنِ صادیق نیشون دَئن. اوشون اونه دومبال بُوئن که عیسی گبؤنای یکته گزک بیاجن و اونه فرماندار قدرت و محکمه دست هدِئن. 21پَس جاسوسؤن عیسای بپورسه ئن: «اوستاد، دؤنیم که تو حقیقت گونی و آموته دری و هیشکسِ طرفِ نگینی، بَلکه خُدا راهِ بدُرُستی یاد دائری. 22امپراطور خراج هَدئن، أمه به درست ایسّه یا نه؟» 23امّا عیسی ایشون حیلَه جی واخُوبَ بو و بوته: 24«یکته سکه یه دیناری مَه نیشون بَدین. ایسم و نیشونِ ایی سکه سر، کی شی ایسّه؟» 25جواب بدئن: «امپراطور شی.» عیسی اوشونه بوته: «امپراطور مالِ امپراطور هَدین و خُدا مالِ، خُدا!» 26هیطو بو که، نتونسّن مَردم ورجه عیسی خوشه گبؤنِ امره تله میئن تَودِئن، و اونه جواب دئنَ جی همه حیرونَ بوئن و تام بزئن.
سوال مرده أن زنده بوئنای
27بازین چَن ته صَدّوقی فرقه عالمون که زنده بوئنِ مرده أن قبول نداشتن، بومئن، 28و عیسای بپورَسئن و، بوتَن: «اوستاد، موسی اَمه به بنویشته که اَگه یکته مَرداک برار بمیری و خوشای یکته بی زاک زن بجا بنای، او مَرداک باید اونه به زنی بگیری تا نَسلی خوشِ برارِ به باقی بنای. 29یبار، هفت ته برار بُؤن. اولی برار یکته زن بیته و بی زاک بمورده. 30بازین دوّمی 31و بازین سوّمی اونه خوشِ زَنی به بیته و هیطو بو که هر هفت ته برار بموردَن، بی اونکه خوشونای یکته زاک بجا بنئن. 32سرآخر او زناکم بمورده. 33الؤن، او روز که مورده أن زنده بنن، او کویکته زن بنه؟ چونکه هر هفت ته برار اونه به زَنی بیتن.»
34عیسی جواب بَدَه: «ایی دور زمونه مَردمن که زن گینَن و مرد بنن. 35امّا اوشؤنی که لایق رسِئن به او دنیا و مُرده أنای زنده بوئن ایسّن، نه زن گینن و نه مرد بنن، 36و نه دِه مینَن چونکه فرشته أن أمره برابر بنن؛ اوشون خُدا زاکؤن ایسّن، چرِه که مرده أنای زنده بوبوئن. 37ولی مُرده أنای زنده بوئنِ حقیقتِ، حتی موسی هم او جریون بَل بیته تیفؤن میئن آشکارَ گوده، اوره که خُداوندِ، ابراهیم خُدا و اسحاق خُدا و یعقوب خُدا دوخونده. 38خدا که مُرده أنِ خُدا نیه، بَلکه زنده أن خُدا ایسّه؛ چونکه اونه ورجه همه زنده أن.» 39بعضی از تورات معلمون اونه جواب میئن بوتَن: «اوستاد، خوب بُوتی!» 40و ده هیشکی نیارسی اونای سؤال بپورسی.
مسیح موعود کی ریکه ایسّه؟
41بازین عیسی اوشونه بوته: «چُطو ایسّه که گونن مسیح موعود داوود ریکَه؟ 42چرِه که داوود خودش مزامیر کِتاب میئن گونه:
«”خُداوند، می خُداوندِ بوته:
می راست دَس وَر بنیش
43تا او زمونی که تی دُشمنؤنِ تی پا جیر کورسی بسازم.“
44اَگه داوود اونِه ’خُداوند‘ دُخوبئنه، چُطو او تینه داوود ریکه بَبی؟»
45هوموقع که مَردم همه گوش دَئدبون، عیسی خوشِ شاگردؤنِ بوته: 46«تورات معلمونای دورَ بین که دوست دئنَن دراز عبا امره راه بوشوئن و کوچه بازار میئن مردم اوشونه سلام بوگئن، و یهودی أن عبادتگاه میئن بهترین جا بَدارن و مِیمونی أن میئن مجلیس جؤر بنیشئن. 47از یه طرف بیوه زناکؤنِ خونه چاپنَن و از اوطرف ریا واسه، خوشونه دُعا درازه دئنَن. ایشونه عذاب خیلی سخت‌تر ایسّه.»
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
@ 2024 Korpu Company