Rut 2
2
Rut nili trigu nia Boas ni hnge'a
1Nia Belem nia likmori rariku hea, ngai Boas. Ni famila hnauk noro Elimeleke, Noemi ni sa manei pa nanati. Do'i likmori kakmia aro'o, Boas erek, Noemi ngauk ni ai.
2Nia hengi hea, Rut, hahata sasole nai nusa seuk, la'a setik ni apu hahata du'a, "Inakai! A'u bele la'a hnge'a mili trigu manei tateruk nia likmori serbisu si tungu, bele iak taik? [Tanba nia Opuna'i ni lei rakerek du'a, surik likmori kiak sia roi oida erek.]#Levitiku 19:9-10; Deuteronomio 24:19; Deuteronomio 25:5-6 Te roi mak likmori hei roi ia pa'u ma a'u. Bele iak taik?"
Noemi tara du'a, "Ia. O bele la'a."
3Rut la'a nia hnge'a hea ni nili trigu manei likmori serbisu si sasurik hnauk. Padahal, hnge'a erek kaik Boas ni. Boas famila hnauk noro Elimeleke, Rut ni apu parani manei pa nanati.
4Kuandu Rut nili pana hnauk trigu, hnge'a opu, Boas, naa nai aldeia Belem. Ni naseek likmori manei saserbisu la'a ni du'a, "Saloom! Opuna'i tau mata nahatik la'a mi!"
Si tara du'a, "Saloom, senhor! Opuna'i tinak Ni rala aia la ita!"
5Kuandu Boas natak Rut manei nanili trigu, ni setik la'a ni mandor du'a, "Hahata nge nana'ik hea aro'o, ni famila da asalik?"
6Mandor tara, "Ni aro'o likmori Moabe manei nge nanaa nahmutu noro senhora Noemi. 7Dademak-nganguk kaik ni naa setik a'u du'a, 'Xepik! A'u bele la'a mili trigu hulik resik manei likmori serbisu si sasurik hnauk nia aro'o.' A'u tara du'a, 'Bele!' Ni pa serbisu hahuk nai dademak-nganguk kaik raik agora."
8Boas du'a la'a Rut, "Manara! O likmori mataheru, o tilu aia ma a'u. O mili hleu trigu hulik la ari'a 9Matak aia si kreuk trigu nia manei, kuandu si pa kli hati erek, o la'a mili trigu nania si tungu. A'u pa du'a enek la'a parani-parani kakmia ari'a para te sanga book o. Se o mapro, la'a minu irai nia si ihrati manei si pa ense irai.
10Tilu oida erek, Rut hakne'ak. Ni du'a, "Obrigadu, senhor! Masik a'u atu du'a lalaak hea. Karik senhor pa maknai, a'u te likmori ari'a da. Noilalaak mak senhor tau mata ma a'u i moi ia ma a'u?"
11Boas tara, "Mouk. A'u pa maknai. Masik likmori nahula kakmia ari'a du'a de o moi ia la'a o apu hahata kuandu o sa pa nati. Sia moso du'a o surik hnauk o ina-ama norok o nusa mamori hati, maa nia likmori seuk tena, mezmu o te maknai sia.
12Oierek a'u setik la'a Opuna'i,
para ami likmori Israel Opuna'i,
selu o aia nahula!
A'u setik la'a Ni neek bensa dadela la'a o,
tan o pa tinak o rala aia la'a senhora Noemi.
Surik Opuna'i mak tau mata o la ari'a,
tan o maledi la'a Ni,
oida manuk ana si rarosak nia manuk ina ni lias le'e."
13Rut tara du'a, "Senhor! Mezmu a'u te o likmori serbisu da, masik senhor pa moi a'u rala pa namak, i pa tinak mos o rala aia ma a'u."
14Kuandu si radaru atu ra'a, Boas du'a la'a Rut, "Maa mu'a mahmutu moro hleu ami la ari'a! Hmo'uk paa erek, se o karak mapo'ak modi tuak erek." Rut la'a tuk kapehi likmori saserbisu. Do'i ma'a Boas neek trigu prea sasengak la'a ni. Rut na'a pesuk, resik nia hnauk.
15-16Kuandu ni hnali alik la'a hnge'a nili trigu resik manei likmori serbisu sasurik hnauk, Boas du'a la'a likmori manei saserbisu la'a ni du'a, "Tilu aia! Te book kai ni. Surik ni nili trigu nia manei hleu. A'u te naree, se mi rasai trigu a hea-haruak manei mi pa rahrutuk erek, surik hnauk ni nili. Te knera kai ni, te roi moe kai ni."
17Rut serbisu nia hnge'a lea tema. Kuandu lalea parengak pusi, ni kalu trigu nasai ni prea, soruk ni souk nia topo hea penu. 18Ni si'a trigu prea nania topo la'a aldeia Belem, i tinak trigu manei ni nanili la'a ni apu hahata. Ni moso nasai rara'a resik lea tatetu ni neek la'a ni apu hahata.
19Noemi setik la'a Rut, "Anikaik o mili trigu hea ri'a nia manei? O serbisu nia asalik hnge'a? Opuna'i neek bensa la'a likmori manei nanoi ia la'a o nia hengi hea ari'a kaik."
Rut tara, "Inakai, hnge'a opu kaik ngai Boas."
20Noemi du'a la'a ni apu, “Opuna'i neek bensa la'a Boas. Tanba Opuna'i te naplinuk noi ia ma'a ita manei kakmori norok ita sa manei pa kakmati. A'u du'a la'a o, Boas ro'o ita famila kapehi. Ni mak 'nia direitu atu selu rotu'. Erek du'a de, ni mak nia direitu sa noro o, nodi neek hunarahu la'a o sa manei pa nanati.”#Levitiku 25:25
21Rut tara, "Inakai, anikaik Boas moso du'a ma a'u, 'Nahrau maa alik. O bele mili trigu kapehi likmori saserbisu ma a'u raik kreuk trigu soruk.'"
22Noemi tara alik, "Bele hleu! Erek sinal aia. Oierek o bele serbisu mahmutu moro hahata-hata manei saserbisu la'a ni raik tempu kakreuk trigu soruk. Nia likmori seuk hnge'a likmori bele book o. Masik nia Boas ni hnge'a o seguru."
23Oierek Rut nili trigu nia Boas ni hnge'a kapehi hahata-hata manei saserbisu la'a ni raik tempu kakreuk trigu soruk. Duranti erek ni nia nahmutu noro nahatik ni apu hahata.
Právě zvoleno:
Rut 2: BRKG
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Wycliffe Timor-Leste © 2025 Wycliffe Bible Translators Inc
Rut 2
2
Rut nili trigu nia Boas ni hnge'a
1Nia Belem nia likmori rariku hea, ngai Boas. Ni famila hnauk noro Elimeleke, Noemi ni sa manei pa nanati. Do'i likmori kakmia aro'o, Boas erek, Noemi ngauk ni ai.
2Nia hengi hea, Rut, hahata sasole nai nusa seuk, la'a setik ni apu hahata du'a, "Inakai! A'u bele la'a hnge'a mili trigu manei tateruk nia likmori serbisu si tungu, bele iak taik? [Tanba nia Opuna'i ni lei rakerek du'a, surik likmori kiak sia roi oida erek.]#Levitiku 19:9-10; Deuteronomio 24:19; Deuteronomio 25:5-6 Te roi mak likmori hei roi ia pa'u ma a'u. Bele iak taik?"
Noemi tara du'a, "Ia. O bele la'a."
3Rut la'a nia hnge'a hea ni nili trigu manei likmori serbisu si sasurik hnauk. Padahal, hnge'a erek kaik Boas ni. Boas famila hnauk noro Elimeleke, Rut ni apu parani manei pa nanati.
4Kuandu Rut nili pana hnauk trigu, hnge'a opu, Boas, naa nai aldeia Belem. Ni naseek likmori manei saserbisu la'a ni du'a, "Saloom! Opuna'i tau mata nahatik la'a mi!"
Si tara du'a, "Saloom, senhor! Opuna'i tinak Ni rala aia la ita!"
5Kuandu Boas natak Rut manei nanili trigu, ni setik la'a ni mandor du'a, "Hahata nge nana'ik hea aro'o, ni famila da asalik?"
6Mandor tara, "Ni aro'o likmori Moabe manei nge nanaa nahmutu noro senhora Noemi. 7Dademak-nganguk kaik ni naa setik a'u du'a, 'Xepik! A'u bele la'a mili trigu hulik resik manei likmori serbisu si sasurik hnauk nia aro'o.' A'u tara du'a, 'Bele!' Ni pa serbisu hahuk nai dademak-nganguk kaik raik agora."
8Boas du'a la'a Rut, "Manara! O likmori mataheru, o tilu aia ma a'u. O mili hleu trigu hulik la ari'a 9Matak aia si kreuk trigu nia manei, kuandu si pa kli hati erek, o la'a mili trigu nania si tungu. A'u pa du'a enek la'a parani-parani kakmia ari'a para te sanga book o. Se o mapro, la'a minu irai nia si ihrati manei si pa ense irai.
10Tilu oida erek, Rut hakne'ak. Ni du'a, "Obrigadu, senhor! Masik a'u atu du'a lalaak hea. Karik senhor pa maknai, a'u te likmori ari'a da. Noilalaak mak senhor tau mata ma a'u i moi ia ma a'u?"
11Boas tara, "Mouk. A'u pa maknai. Masik likmori nahula kakmia ari'a du'a de o moi ia la'a o apu hahata kuandu o sa pa nati. Sia moso du'a o surik hnauk o ina-ama norok o nusa mamori hati, maa nia likmori seuk tena, mezmu o te maknai sia.
12Oierek a'u setik la'a Opuna'i,
para ami likmori Israel Opuna'i,
selu o aia nahula!
A'u setik la'a Ni neek bensa dadela la'a o,
tan o pa tinak o rala aia la'a senhora Noemi.
Surik Opuna'i mak tau mata o la ari'a,
tan o maledi la'a Ni,
oida manuk ana si rarosak nia manuk ina ni lias le'e."
13Rut tara du'a, "Senhor! Mezmu a'u te o likmori serbisu da, masik senhor pa moi a'u rala pa namak, i pa tinak mos o rala aia ma a'u."
14Kuandu si radaru atu ra'a, Boas du'a la'a Rut, "Maa mu'a mahmutu moro hleu ami la ari'a! Hmo'uk paa erek, se o karak mapo'ak modi tuak erek." Rut la'a tuk kapehi likmori saserbisu. Do'i ma'a Boas neek trigu prea sasengak la'a ni. Rut na'a pesuk, resik nia hnauk.
15-16Kuandu ni hnali alik la'a hnge'a nili trigu resik manei likmori serbisu sasurik hnauk, Boas du'a la'a likmori manei saserbisu la'a ni du'a, "Tilu aia! Te book kai ni. Surik ni nili trigu nia manei hleu. A'u te naree, se mi rasai trigu a hea-haruak manei mi pa rahrutuk erek, surik hnauk ni nili. Te knera kai ni, te roi moe kai ni."
17Rut serbisu nia hnge'a lea tema. Kuandu lalea parengak pusi, ni kalu trigu nasai ni prea, soruk ni souk nia topo hea penu. 18Ni si'a trigu prea nania topo la'a aldeia Belem, i tinak trigu manei ni nanili la'a ni apu hahata. Ni moso nasai rara'a resik lea tatetu ni neek la'a ni apu hahata.
19Noemi setik la'a Rut, "Anikaik o mili trigu hea ri'a nia manei? O serbisu nia asalik hnge'a? Opuna'i neek bensa la'a likmori manei nanoi ia la'a o nia hengi hea ari'a kaik."
Rut tara, "Inakai, hnge'a opu kaik ngai Boas."
20Noemi du'a la'a ni apu, “Opuna'i neek bensa la'a Boas. Tanba Opuna'i te naplinuk noi ia ma'a ita manei kakmori norok ita sa manei pa kakmati. A'u du'a la'a o, Boas ro'o ita famila kapehi. Ni mak 'nia direitu atu selu rotu'. Erek du'a de, ni mak nia direitu sa noro o, nodi neek hunarahu la'a o sa manei pa nanati.”#Levitiku 25:25
21Rut tara, "Inakai, anikaik Boas moso du'a ma a'u, 'Nahrau maa alik. O bele mili trigu kapehi likmori saserbisu ma a'u raik kreuk trigu soruk.'"
22Noemi tara alik, "Bele hleu! Erek sinal aia. Oierek o bele serbisu mahmutu moro hahata-hata manei saserbisu la'a ni raik tempu kakreuk trigu soruk. Nia likmori seuk hnge'a likmori bele book o. Masik nia Boas ni hnge'a o seguru."
23Oierek Rut nili trigu nia Boas ni hnge'a kapehi hahata-hata manei saserbisu la'a ni raik tempu kakreuk trigu soruk. Duranti erek ni nia nahmutu noro nahatik ni apu hahata.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Wycliffe Timor-Leste © 2025 Wycliffe Bible Translators Inc