Ng’olwa Wulongolo
Wulongolo
Ndongwa tsotsili mu chitabu chino
Chitabu chino cha Ng'olwa tsa Vatumi chinsimulila hila chikundi cha vanu wo vamutumbye Chilisito fyo chantsitse na hila fyo chatagalye kwantsila ku Yelusalemu na kono ku Wuyawudi na ku Samaliya mbaka ku inyi tsinji, sava sava na malajitso ga Yesu Chilisito kwa vadahitswa vake hoavaga ang'acha kuchipulwa na kubita kilanga kwa Mulungu. Mu sula ya 1:8. Chitabu chino chandikwe na Lukasi yo yuyo yo avaga mwandisi va chitabu cha Ndongwa Nofu kota fyo tsandikwe na Lukasi. Uyo Lukasi avaga muganga va ku sibitali na kaha avaga muhimi ndalahela, ahimaga na kwandika ndongwa kota fyo tsin'ganika. Fitabu fino cha Ndongwa Nofu kota fyo tsandikwe na Lukasi na chino cha Ng'olwa tsa Vatumi, Lukasi amwandichilye Mujilichi yumwe litawa lyake Tiyofilo. Lechelelo nambe ihyo yikuva fitabu fino avandichilye Vajilichi na Vayawudi veka wo vamutumbye Chilisito. Mu sula ya 1:1.
Yinlonjeka kuta chitabu chino chandikwe hagati ha myaka ja sitini mbaka sitini na tsitayi hoavaga kuleleka Yesu Chilisito. Kwasawuli chitabu chinsilila hala Pawulo hoavaga ang'ali kuwopolwa kuhuma mu nyumba ya vawopwa. Lukasi avaga an'jendasa na mutumi Pawulo, ihyo yikuva chitabu chino achandichilye ku muji gwa Andiyochiya. Chitabu chino go mwendeletso gwa Ndongwa Nofu kota fyo tsandikwe na Lukasi, chinkwantsa kwa chinhadisila kuchipulwa kwa Yesu kubita kilanga kwa Mulungu. Choaganaga kwandika Lukasi mu chitabu chino si chili tebe na chila cho aganaga kwandika hoavaga ankwandika chitabu chake cha Ndongwa Nofu. Aganaga Tiyofilo na vanu wo vamutumbilaga Chilisito wo vavaga vankongetseka vawutsele wukweli wa chila chovadahitswaga. Ihyo andiche ndongwa tsa wukweli tsa wumi wa Yesu na kutagalila kwa litumbilo lya Chilisito. Chitabu chino cha Ng'olwa, chingutupela hetwe muhwano gwa hila vanu vanya litumbilo lya Chilisito fyo vichite. Katsi tsino tsovadisile vatumi tsingutulajila hetwe hila fyo tufuluche tuwuhuvile wuvetso wa Muhe va Mulungu kwa kuwuvikula wujumbe wa Ndongwa Nofu tsa Mulungu kwa vanu vanji.
Ndongwa tsotsili muno
Mu sula ya 1:1-8:1, tunsoma kutsa kwa Muhe va Mulungu, kwantsa na kukalagala hamwe na kutagalila kwa chikundi cha Chilisito lya Chilisito.
Mu sula ya 8:2-12:33, tunsoma hila Chikundi cha vanu vanya litumbilo lya Chilisito fyo chakolelaga ng'odeko na kwantsa kutagalila mbaka kutali na Yelusalemu.
Mu sula ya 12:24-14:28, tungumuwona hila Pawulo fyo am'bita kulujendo lwake lulongola lwa kuvikula Ndongwa Nofu tsa Mulungu.
Mu sula ya 15:1-35, tunsoma hila vanu va libalatsa fyo vitang'ine ku Yelusalemu kulamula finu fyo van'ganika vafidite vala vanya litumbilo vapya.
Mu sula ya 15:36-18:22, tunguluwona lujendo lwa kavili lwa Pawulo lwa kuvikula Ndongwa Nofu tsa Mulungu.
Mu sula ya 18:23-20:38, tunsoma lujendo lwa kadatu lwa Pawulo.
Mu sula ya 21-26, tunsoma hila Pawulo fyo ibatiche mu Nyumba ya Mulungu ku Yelusalemu.
Mu sula ya 27-28, hawudugo tunsoma hila Pawulo fyo asindikwe ku Lumi.
Právě zvoleno:
Ng’olwa Wulongolo: SBV
Zvýraznění
Sdílet
Porovnat
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
The New Testament in Sagala Language @The Word for The World International and Sagala Language translation. All rights reserved.