Téduray - 2002 WBT (NT) Non-Drama

Téduray - 2002 WBT (NT) Drama

<div class="version vid1266 iso6393tiy" data-vid="1266" data-iso6393="tiy">
 <div class="book bkMAT">
 <div class="chapter ch5" data-usfm="MAT.5">
 <div class="label">5</div><div class="s">I urete dob burure</div><div class="p"> 1Atin i Jesuse amun &#233;nggito noy m&#233;doowe do &#233;t&#233;w m&#233;nlimud, m&#233;n&#233;nag&#233; mang&#233;y dob burure, atin m&#233;nsar diyo. Atin i de kuyug&#233;n m&#233;nf&#233;g&#233;d&#233;t ro dob Beene. 2Atin t&#233;noro Jesuse bero mano, 3&#8220;Moror i de &#233;t&#233;w g&#233;tiga ro &#233;nda g&#233;rigo ro fiyo saliyu k&#233; tabangay Tuluse bero, non f&#233;gul&#233;woy Tuluse bero. 4Moror i de &#233;t&#233;w r&#233;muung, non i Tuluse f&#233;fiyon&#233; noy de f&#233;d&#233;w ro. 5Moror i de t&#233;rifantad &#233;t&#233;w non g&#233;dot&#233; roy ati f&#233;nasad i Tuluse. 6Moror i de &#233;t&#233;w toow fo m&#233;uyot ro r&#233;migo b&#233; k&#233;tayay Tuluse, non tabangay Tuluse de bero inok g&#233;rigono ro. 7Moror i de &#233;t&#233;w m&#233;g&#233;daw b&#233; de s&#233;giyo &#233;t&#233;w, non m&#233;g&#233;daw i Tuluse bero. 8Moror i de &#233;t&#233;w malinis i de f&#233;d&#233;w ro dob adafay Tuluse, non gito roy Tuluse moso. 9Moror i de &#233;t&#233;w do g&#233;m&#233;l&#233; b&#233; de s&#233;tiboh &#233;t&#233;w, non f&#233;daw&#233;t&#233;n ro do nga i Tuluse. 10Moror i de &#233;t&#233;w f&#233;rasay&#233;n sabaf b&#233; k&#233;tintuy adat ruwe dob adafay Tuluse, non f&#233;gul&#233;woy Tuluse bero.</div><div class="p"> 11&#8220;Moror gom k&#233; f&#233;ngiras&#233;n gom brab f&#233;rasay&#233;n gom brab b&#233;r&#233;hon gom tete b&#233; k&#233;luhanay tugie sabaf b&#233; k&#233;unur gome Beg&#233;n. 12F&#233;guyaya gom b&#233; no gai g&#233;gumah, non i baras gome toow fo m&#233;doo diyo dob lawayo. Non loo so b&#233; niy k&#233;f&#233;rasay i de &#233;t&#233;w b&#233; do &#233;ngg&#233;tah do s&#233;narigoy Tuluse muret b&#233; k&#233;b&#233;r&#233;h ne.&#8221;</div><div class="p"> 13Atin f&#233;ntaus Jesusey k&#233;toro ne mano, &#8220;I begome s&#233;gil&#233;w gom b&#233; timuse l&#233;naw&#233;k dob ama&#233;ne inok fiyoy nonom ne. Non sabaf b&#233; begome, wal&#233;y fiyoy de &#233;t&#233;w dob duniyae ni. Endob amuk m&#233;k&#233;dan i k&#233;tasik i timuse, &#233;nda&#233;n g&#233;s&#233;fule i k&#233;tasik ne. Enda&#233;n i laga&#233;n, brab fatut ib&#233;r&#233;n brab g&#233;daay de &#233;t&#233;w k&#233; t&#233;mara ro.</div><div class="p"> 14&#8220;Atin i begome s&#233;gil&#233;w gom b&#233; soloe r&#233;m&#233;ndaw dob d&#233;l&#233;mone ni duniya. Loo so b&#233; ni, i ing&#233;de f&#233;ntind&#233;g dob uruk i burure, &#233;nda m&#233;bun&#233;y&#233;n. 15Atin &#233;nda i s&#233;g&#233;t&#233;w tumumon solo inok ahur&#233; no dob f&#233;nl&#233;ngk&#233;b&#233; kur&#233;ng. Yamula f&#233;diyo&#233; no dob f&#233;dongone de inok r&#233;m&#233;ndaw dob lawie. M&#233;law g&#233;gitoy k&#233;luhanay de &#233;t&#233;w diyo. 16M&#233;law s&#233;gil&#233;w gom b&#233; de solo, non fatut rigo gom i fiyowe s&#233;nga t&#233;k&#233;lid, inok i de &#233;t&#233;w gito ro, atin day&#233;w&#233; ro m&#233;law i Abay gome Tuluse dob lawayo.&#8221;</div><div class="s">Fantag b&#233; kitab&#233;</div><div class="p"> 17Atin f&#233;ntaus Jesusey k&#233;toro ne mano, &#8220;Kagom f&#233;gitung&#233;n de k&#233; m&#233;nang&#233;yu dini inok k&#233;dan&#233; kuy kitab&#233; niray Moisese taloo noy de k&#233;toro i de s&#233;narigoy Tuluse muret b&#233; k&#233;b&#233;r&#233;h ne. Non &#233;nda m&#233;nang&#233;yu dini inok k&#233;dan&#233; ku, yamula m&#233;nang&#233;yu dini inok tuman&#233; ku. 18B&#233;r&#233;h&#233; ku begom i toowe, taman &#233;nda m&#233;alfa i duniyae ni brab lawayo, &#233;nda so m&#233;k&#233;dan i kitabe, fiyon kloh sa&#233;n, taman &#233;nda m&#233;tuman i k&#233;luhanane. 19M&#233;law i &#233;t&#233;we m&#233;m&#233;lis b&#233; kitab&#233; fiyon fo k&#233; toow sa&#233;n fo kloh sugu, brab toro&#233; no so dob de &#233;t&#233;w i &#233;nda&#233;n kailanga no odoron, toow na fo g&#233;rifantad b&#233; de &#233;t&#233;w f&#233;gul&#233;woy Tuluse. Endob i &#233;t&#233;we modor b&#233; kitab&#233; brab toro&#233; noy de &#233;t&#233;w b&#233; fatut odoro ro, toow fo g&#233;rotor b&#233; de &#233;t&#233;w f&#233;gul&#233;woy Tuluse. 20B&#233;r&#233;h&#233; ku begom, amuk &#233;nda toow na fo m&#233;tintuy de rigon&#233; kom b&#233; de rigon&#233;y de Fariseo brab de t&#233;moro b&#233; kitabe, &#233;nda g&#233;ahur gom dob k&#233;f&#233;gul&#233;w i Tuluse.&#8221;</div><div class="s">Fantag b&#233; k&#233;k&#233;rite</div><div class="p"> 21Atin f&#233;ntaus Jesusey k&#233;toro ne mano, &#8220;Engg&#233;lingoo kom i t&#233;noro i de katufua kom maro, &#8216;Kagom m&#233;m&#233;l&#233;hu, atin i m&#233;m&#233;l&#233;hue fatut m&#233;kukum.&#8217; 22Endob toro&#233; ku begom b&#233;leewe ni: I &#233;t&#233;we m&#233;k&#233;rit b&#233; dumo nuwe, m&#233;kukum. Atin amuk w&#233;n i &#233;t&#233;w b&#233;r&#233;h&#233; no, &#8216;L&#233;ngl&#233;ng&#233;n go&#8217; dob dumo nuwe, fatut m&#233;kukum dob adafay de k&#233;f&#233;d&#233;wan. Atin amuk w&#233;n i &#233;t&#233;w &#233;mb&#233;r&#233;h dob dumo nuwe mano, &#8216;Dufang go&#8217;, m&#233;dait mang&#233;y dob gonoy af&#233;ye dob uleono emferno. 23M&#233;law amuk diyo go dob f&#233;ngadafane t&#233;mulak dob Tuluse, atin g&#233;t&#233;d&#233;mo mo w&#233;n i r&#233;nigo mo sala dob dumo muwe, 24tagak&#233;m nay tulak&#233; muwe dob adafay ahayane tulakan, atin fagayas go ang&#233;y dob dumo muwe brab s&#233;fiyo gom inok &#233;nda&#233;n tete i de f&#233;d&#233;w gom. Tid&#233;w b&#233;no, s&#233;fule go brab iray&#233;m i tulak me dob Tuluse.</div><div class="p"> 25&#8220;Atin buluk w&#233;n i dumo mo s&#233;banil beem, atin uwit&#233; no beem dob k&#233;mukume inok s&#233;tiyawan gom, buluk diyo gom s&#233;na dob de aguwon, b&#233;r&#233;h go fiyo inok g&#233;s&#233;fagayun gom, brab &#233;nda&#233;n m&#233;law kailanga kom i, mang&#233;ye dob adafay k&#233;mukume. Non amuk Enda, at&#233;&#233; no beem dob k&#233;mukume, brab i k&#233;mukume at&#233;&#233; no beem dob de sundalo, brab i de sundalo f&#233;risun&#233; ro beem. 26Atin b&#233;r&#233;h&#233; kuy toowe, &#233;nda moso g&#233;&#233;sut go tid&#233;w dob f&#233;risunone taman &#233;nda g&#233;bayada moy k&#233;luhanay k&#233;salaa muwe.&#8221;</div><div class="s">Fantag b&#233; k&#233;lamfae</div><div class="p"> 27Atin f&#233;ntaus Jesusey k&#233;toro ne mano, &#8220;Engg&#233;lingoo kom i k&#233;toroe mano, &#8216;Kago s&#233;tayan saliyu b&#233; bawag me.&#8217; 28Endob toro&#233; ku begom b&#233;leewe, b&#233; fiyon fo k&#233; t&#233;n&#233;ngt&#233;ng i lag&#233;ye sa&#233;n i libune brab mingar de s&#233;tayan, &#233;ngg&#233;sala&#233;n non maak l&#233;m&#233;namfa i f&#233;d&#233;w ne. 29M&#233;law amuk i funa muwe m&#233;sala i moto muwe fing&#233; kuwonon, l&#233;sit&#233;m atin ib&#233;r&#233;m. Non mas na fiyo k&#233; kulang i r&#233;fa i lowoh me k&#233; ganaf i lowoh me atin g&#233;ang&#233;y go dob uleono emferno. 30Atin amuk i funa muwe m&#233;sala i kuwonone k&#233;m&#233;r&#233;m, k&#233;l&#233;ng&#233;m, atin ib&#233;r&#233;m. Non mas na fiyo k&#233; kulang i r&#233;fa i lowoh me k&#233; ganaf i lowoh me atin g&#233;ang&#233;y go dob uleono emferno.&#8221;</div><div class="s">Fantag b&#233; k&#233;s&#233;g&#233;lake</div><div class="p"> 31Atin f&#233;ntaus Jesusey k&#233;toro ne mano, &#8220;W&#233;n soy k&#233;toroe mano, &#8216;I lag&#233;ye g&#233;m&#233;lak b&#233; bawag ne fatut iraya no b&#233; sulate &#233;mb&#233;r&#233;h m&#233;ns&#233;g&#233;lak ron.&#8217; 32Endob toro&#233; ku begom b&#233;leewe, amuk w&#233;n i s&#233;g&#233;t&#233;w lag&#233;y g&#233;lak&#233; noy bawag ne &#233;ndob &#233;nda mon biga&#233;n i ni libun, toow fo m&#233;nsala i nan lag&#233;y. Non been i m&#233;nf&#233;lamfae b&#233; libuno no k&#233; mawag man s&#233;giyo lag&#233;y. Atin &#233;ngg&#233;lamfa soy lag&#233;ye m&#233;nawag b&#233; libune g&#233;lak loo b&#233; nan.&#8221;</div><div class="p"> 33Atin f&#233;ntaus Jesusey k&#233;toro ne mano, &#8220;Engg&#233;lingoo kom soy t&#233;noro i katufua tome mano, &#8216;Amuk s&#233;mafa go dob Kadnane, tintu kailanga mo tuman&#233;n i safa me ni.&#8217; 34Endob toro&#233; ku begom b&#233;leewe, amuk r&#233;migo gom fasad, kagom s&#233;mafa. Kagom f&#233;g&#233;safa i lawayo non been i niy saray Tuluse. 35Atin kagom f&#233;g&#233;safa i duniyae ni non been i niy t&#233;naa nuwe b&#233; de s&#233;k&#233;y&#233;n. Atin kagom f&#233;g&#233;safa i ing&#233;de Jerusalem non been i niy gonoy barakatane Datu bati moso. 36Atin kagom s&#233;mafa k&#233; makom, &#8216;M&#233;l&#233;huu na dob ni.&#8217; Non &#233;nda g&#233;f&#233;futeo kom taloo no g&#233;f&#233;itama kom i fiyon suwar&#233;w b&#233; de buk gom. 37B&#233;r&#233;h gom sa&#233;n, &#8216;Hoo&#8217;, taloo no &#8216;Enda.&#8217; Amuk umana kom i nan b&#233; de safa, tid&#233;w dob Satanasey nan k&#233;b&#233;r&#233;h gom.&#8221;</div><div class="s">Fantag b&#233; k&#233;sulie</div><div class="p"> 38Atin f&#233;ntaus Jesusey k&#233;toro ne mano, &#8220;Engg&#233;lingoo kom i k&#233;toroe mano, &#8216;Fatut s&#233;f&#233;suli&#233;m i motowe b&#233; motowe, brab i kif&#233;ne b&#233; kif&#233;ne.&#8217; 39Endob toro&#233; ku begom b&#233;leewe ni, kagom sulion i &#233;t&#233;we r&#233;m&#233;nigo tete dob begome. Ufama, amuk w&#233;n i t&#233;m&#233;namfiling b&#233; fif&#233;y me fing&#233; kuwonon, f&#233;daya&#233;m de t&#233;mamfiling so b&#233; s&#233;g&#233;balae de. 40Atin amuk w&#233;n i muwit beem dob adafay k&#233;mukume inok g&#233;dot&#233; noy k&#233;gal me iray&#233;m soy kamisita muwe de. 41Atin amuk w&#233;n i sundalo f&#233;g&#233;s&#233; no beem mobo b&#233; de uwit&#233;n b&#233; s&#233;g&#233;kilomitrowe sa&#233;n, obo&#233;m taman ruwo g&#233;kilomitro. 42Atin iraya moy mongote dob beeme. Atin amuk w&#233;n i m&#233;uyot m&#233;l&#233;t dob beeme, f&#233;&#233;l&#233;to mo.&#8221;</div><div class="s">Fantag b&#233; k&#233;s&#233;banile</div><div class="p"> 43Atin f&#233;ntaus Jesusey k&#233;toro ne mano, &#8220;Atin &#233;ngg&#233;lingoo kom i k&#233;toroe mano, &#8216;F&#233;g&#233;daw go b&#233; de dumo mo s&#233;loyuk, atin f&#233;rar&#233;k go b&#233; de s&#233;banil beem.&#8217; 44Endob ay niy kag&#233;ne k&#233;toro begom: F&#233;g&#233;daw gom b&#233; de s&#233;banil begom. Atin dasala kom i de &#233;mf&#233;rasay begom, 45inok wal&#233;y gom do nga i Abay gome Tulus dob lawayo. Non i Tuluse f&#233;r&#233;ndaw&#233; no soy t&#233;r&#233;sange dob de fiyo &#233;t&#233;w loo so dob de tete &#233;t&#233;w. Atin f&#233;ranaay Tuluse soy de &#233;t&#233;w r&#233;migo fiyo loo soy de &#233;t&#233;w r&#233;migo tete. 46Amuk m&#233;g&#233;daw gom sa&#233;n b&#233; de &#233;t&#233;w m&#233;g&#233;daw begom, &#233;nda i baras i Tuluse de begom. I de l&#233;miful k&#233;mubra buwis rigon&#233; roy nan, fiyon fo k&#233; &#233;nda fiyo ro &#233;t&#233;w. 47Atin amuk s&#233;b&#233;r&#233;h gom sa&#233;n b&#233; de dumo gom s&#233;loyuk, &#233;nda i funa kom m&#233;day&#233;w. Non fiyon i de b&#233;k&#233;n m&#233;ngintulus rigon&#233; roy nan. 48I Abay gome Tulus dob lawayo, rigon&#233; no sa&#233;n i fiyowe. Brab i begome fatut so rigon&#233; kom sa&#233;n i fiyowe.&#8221;</div>
 </div>
 </div>
</div>

Atin i Jesuse amun énggito noy médoowe do étéw ménlimud, ménénagé mangéy dob burure, atin ménsar diyo. Atin i de kuyugén ménfégédét ro dob Beene. Atin ténoro Jesuse bero mano, “Moror i de étéw gétiga ro énda gérigo ro fiyo saliyu ké tabangay Tuluse bero, non féguléwoy Tuluse bero. Moror i de étéw rémuung, non i Tuluse féfiyoné noy de fédéw ro. Moror i de térifantad étéw non gédoté roy ati fénasad i Tuluse. Moror i de étéw toow fo méuyot ro rémigo bé kétayay Tuluse, non tabangay Tuluse de bero inok gérigono ro. Moror i de étéw mégédaw bé de ségiyo étéw, non mégédaw i Tuluse bero. Moror i de étéw malinis i de fédéw ro dob adafay Tuluse, non gito roy Tuluse moso. Moror i de étéw do gémélé bé de sétiboh étéw, non fédawétén ro do nga i Tuluse. Moror i de étéw férasayén sabaf bé kétintuy adat ruwe dob adafay Tuluse, non féguléwoy Tuluse bero.
“Moror gom ké féngirasén gom brab férasayén gom brab béréhon gom tete bé kéluhanay tugie sabaf bé kéunur gome Begén. Féguyaya gom bé no gai gégumah, non i baras gome toow fo médoo diyo dob lawayo. Non loo so bé niy kéférasay i de étéw bé do énggétah do sénarigoy Tuluse muret bé kébéréh ne.”
Atin féntaus Jesusey kétoro ne mano, “I begome ségiléw gom bé timuse lénawék dob amaéne inok fiyoy nonom ne. Non sabaf bé begome, waléy fiyoy de étéw dob duniyae ni. Endob amuk mékédan i kétasik i timuse, éndaén géséfule i kétasik ne. Endaén i lagaén, brab fatut ibérén brab gédaay de étéw ké témara ro.
“Atin i begome ségiléw gom bé soloe réméndaw dob délémone ni duniya. Loo so bé ni, i ingéde féntindég dob uruk i burure, énda mébunéyén. Atin énda i ségétéw tumumon solo inok ahuré no dob fénléngkébé kuréng. Yamula fédiyoé no dob fédongone de inok réméndaw dob lawie. Mélaw gégitoy kéluhanay de étéw diyo. Mélaw ségiléw gom bé de solo, non fatut rigo gom i fiyowe sénga tékélid, inok i de étéw gito ro, atin dayéwé ro mélaw i Abay gome Tuluse dob lawayo.”

Atin féntaus Jesusey kétoro ne mano, “Kagom fégitungén de ké ménangéyu dini inok kédané kuy kitabé niray Moisese taloo noy de kétoro i de sénarigoy Tuluse muret bé kébéréh ne. Non énda ménangéyu dini inok kédané ku, yamula ménangéyu dini inok tumané ku. Béréhé ku begom i toowe, taman énda méalfa i duniyae ni brab lawayo, énda so mékédan i kitabe, fiyon kloh saén, taman énda métuman i kéluhanane. Mélaw i étéwe mémélis bé kitabé fiyon fo ké toow saén fo kloh sugu, brab toroé no so dob de étéw i éndaén kailanga no odoron, toow na fo gérifantad bé de étéw féguléwoy Tuluse. Endob i étéwe modor bé kitabé brab toroé noy de étéw bé fatut odoro ro, toow fo gérotor bé de étéw féguléwoy Tuluse. Béréhé ku begom, amuk énda toow na fo métintuy de rigoné kom bé de rigonéy de Fariseo brab de témoro bé kitabe, énda géahur gom dob kéféguléw i Tuluse.”

Atin féntaus Jesusey kétoro ne mano, “Enggélingoo kom i ténoro i de katufua kom maro, ‘Kagom méméléhu, atin i méméléhue fatut mékukum.’ Endob toroé ku begom béleewe ni: I étéwe mékérit bé dumo nuwe, mékukum. Atin amuk wén i étéw béréhé no, ‘Léngléngén go’ dob dumo nuwe, fatut mékukum dob adafay de kéfédéwan. Atin amuk wén i étéw émbéréh dob dumo nuwe mano, ‘Dufang go’, médait mangéy dob gonoy aféye dob uleono emferno. Mélaw amuk diyo go dob féngadafane témulak dob Tuluse, atin gétédémo mo wén i rénigo mo sala dob dumo muwe, tagakém nay tulaké muwe dob adafay ahayane tulakan, atin fagayas go angéy dob dumo muwe brab séfiyo gom inok éndaén tete i de fédéw gom. Tidéw béno, séfule go brab irayém i tulak me dob Tuluse.
“Atin buluk wén i dumo mo sébanil beem, atin uwité no beem dob kémukume inok sétiyawan gom, buluk diyo gom séna dob de aguwon, béréh go fiyo inok géséfagayun gom, brab éndaén mélaw kailanga kom i, mangéye dob adafay kémukume. Non amuk Enda, atéé no beem dob kémukume, brab i kémukume atéé no beem dob de sundalo, brab i de sundalo férisuné ro beem. Atin béréhé kuy toowe, énda moso géésut go tidéw dob férisunone taman énda gébayada moy kéluhanay késalaa muwe.”

Atin féntaus Jesusey kétoro ne mano, “Enggélingoo kom i kétoroe mano, ‘Kago sétayan saliyu bé bawag me.’ Endob toroé ku begom béleewe, bé fiyon fo ké ténéngténg i lagéye saén i libune brab mingar de sétayan, énggésalaén non maak léménamfa i fédéw ne. Mélaw amuk i funa muwe mésala i moto muwe fingé kuwonon, lésitém atin ibérém. Non mas na fiyo ké kulang i réfa i lowoh me ké ganaf i lowoh me atin géangéy go dob uleono emferno. Atin amuk i funa muwe mésala i kuwonone kémérém, kéléngém, atin ibérém. Non mas na fiyo ké kulang i réfa i lowoh me ké ganaf i lowoh me atin géangéy go dob uleono emferno.”

Atin féntaus Jesusey kétoro ne mano, “Wén soy kétoroe mano, ‘I lagéye gémélak bé bawag ne fatut iraya no bé sulate émbéréh ménségélak ron.’ Endob toroé ku begom béleewe, amuk wén i ségétéw lagéy gélaké noy bawag ne éndob énda mon bigaén i ni libun, toow fo ménsala i nan lagéy. Non been i ménfélamfae bé libuno no ké mawag man ségiyo lagéy. Atin énggélamfa soy lagéye ménawag bé libune gélak loo bé nan.”
Atin féntaus Jesusey kétoro ne mano, “Enggélingoo kom soy ténoro i katufua tome mano, ‘Amuk sémafa go dob Kadnane, tintu kailanga mo tumanén i safa me ni.’ Endob toroé ku begom béleewe, amuk rémigo gom fasad, kagom sémafa. Kagom fégésafa i lawayo non been i niy saray Tuluse. Atin kagom fégésafa i duniyae ni non been i niy ténaa nuwe bé de sékéyén. Atin kagom fégésafa i ingéde Jerusalem non been i niy gonoy barakatane Datu bati moso. Atin kagom sémafa ké makom, ‘Méléhuu na dob ni.’ Non énda géféfuteo kom taloo no géféitama kom i fiyon suwaréw bé de buk gom. Béréh gom saén, ‘Hoo’, taloo no ‘Enda.’ Amuk umana kom i nan bé de safa, tidéw dob Satanasey nan kébéréh gom.”

Atin féntaus Jesusey kétoro ne mano, “Enggélingoo kom i kétoroe mano, ‘Fatut séfésuliém i motowe bé motowe, brab i kiféne bé kiféne.’ Endob toroé ku begom béleewe ni, kagom sulion i étéwe réménigo tete dob begome. Ufama, amuk wén i téménamfiling bé fiféy me fingé kuwonon, fédayaém de témamfiling so bé ségébalae de. Atin amuk wén i muwit beem dob adafay kémukume inok gédoté noy kégal me irayém soy kamisita muwe de. Atin amuk wén i sundalo fégésé no beem mobo bé de uwitén bé ségékilomitrowe saén, oboém taman ruwo gékilomitro. Atin iraya moy mongote dob beeme. Atin amuk wén i méuyot mélét dob beeme, fééléto mo.”

Atin féntaus Jesusey kétoro ne mano, “Atin énggélingoo kom i kétoroe mano, ‘Fégédaw go bé de dumo mo séloyuk, atin férarék go bé de sébanil beem.’ Endob ay niy kagéne kétoro begom: Fégédaw gom bé de sébanil begom. Atin dasala kom i de émférasay begom, inok waléy gom do nga i Abay gome Tulus dob lawayo. Non i Tuluse féréndawé no soy térésange dob de fiyo étéw loo so dob de tete étéw. Atin féranaay Tuluse soy de étéw rémigo fiyo loo soy de étéw rémigo tete. Amuk mégédaw gom saén bé de étéw mégédaw begom, énda i baras i Tuluse de begom. I de lémiful kémubra buwis rigoné roy nan, fiyon fo ké énda fiyo ro étéw. Atin amuk sébéréh gom saén bé de dumo gom séloyuk, énda i funa kom médayéw. Non fiyon i de békén méngintulus rigoné roy nan. I Abay gome Tulus dob lawayo, rigoné no saén i fiyowe. Brab i begome fatut so rigoné kom saén i fiyowe.”

Gwranda ar Mateo 5