Kupang Malay - 2016 UBB (NT) Non Drama

Kupang Malay - 2016 UBB (NT) Drama

<div class="version vid1287 iso6393mkn" data-vid="1287" data-iso6393="mkn">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s1">Tuhan Yesus bekin bae satu orang lumpu di kolam Batesda</div><div class="p"> 1Ais itu, ada satu hari bae agama Yahudi. Andia ko Yesus dong jalan pi kota Yerusalem. 2Di situ, ada satu kolam yang ada pung lima teras deka-deka di satu pintu, yang dia pung nama, Pintu Domba. Dalam dong pung bahasa Aram, itu kolam pung nama &#8216;Batesda&#8217;.#5:2:Ada tulisan bahasa Yunani saparu tulis &#8216;Betesda&#8217;, saparu tulis &#8216;Betsata&#8217;, deng saparu lai tulis &#8216;Betsaida&#8217;. Pintu Domba ju ada di Nehemia 3:1, 32; 12:39. Kota Yerusalem ada pung banya pintu maso pi kota. Pintu laen-laen ada pung fungsi laen-laen. Dolu-dolu, dong biasa pake ini Pintu Domba ni, ko domba dong maso lewat di situ. 3Ada banya orang saki yang biasa batunggu di itu teras dong. Conto ke: orang buta, orang lumpu, deng orang yang sonde bisa bagar&#225;k. [Dong ada tunggu-tunggu kapan itu aer mulai bagar&#225;k. 4Te satu-satu kali, Tuhan pung ana bua dari sorga maso pi dalam itu aer, ko bekin aer bagar&#225;k. Ais itu, sapa yang maso lebe dolo pi dalam itu aer, na, dia yang jadi bae dari dia pung panyaki.]#5:4:Kata-kata dalam kurung ni, sonde ada dalam tulisan bahasa Yunani yang paling bae deng yang paling tua dong.</div><div class="p"> 5Naa, di situ ada satu orang yang su saki 38 taon. 6Ju Yesus lia itu orang ada tidor di situ. Dia tau itu orang su saki dari lama, ais Dia tanya bilang, &#8220;Bu, &#233;! Mau jadi bae, ko?&#8221;</div><div class="p"> 7Dia manyao bilang, &#8220;Mau sa, Bos. Ma dia pung masala, andia: kalo aer su mulai bagar&#225;k, sonde ada orang yang koko kasi maso beta dalam aer. Kalo beta coba sandiri, na, su ada orang laen yang maso lebe dolo dari beta.&#8221;</div><div class="p"> 8Ju Yesus suru sang dia bilang, &#8220;Badiri su! Gulung ame lu pung tikar, ko pulang su.&#8221; 9Yesus omong abis bagitu, ju itu orang jadi bae memang. Ais dia bangun, angka dia pung tikar, ju mulai jalan pulang.</div><div class="p">Itu hal pas kan&#225; deng orang Yahudi pung hari sambayang. 10Ais orang Yahudi dong pung bos-bos kasi tau sang itu orang yang baru bae bilang, &#8220;Weh! Lu tau, ko sonde? Ini hari ni, hari barenti karj&#225;. Iko kotong pung atoran agama, sonde bole ada orang angka bawa tikar, te itu dia pung nama, karj&#225;!&#8221;#Nehemia 13:19; Yeremia 17:21</div><div class="p"> 11Dia manyao bilang, &#8220;Aduu, bapa dong, &#233;! Bapa dong jang mara. Te Orang yang bekin bae sang beta tu, yang parenta sang beta bilang, &#8216;Guling lu pung tikar, ko pulang su.&#8217;&#8202;&#8221;</div><div class="p"> 12Ais dong tanya sang dia bilang, &#8220;Heh! Yang suru lu angka tikar tu, sapa?&#8221;</div><div class="p"> 13Ma itu orang yang baru bae tu, sonde kan&#225;l Yesus tu, sapa. Te Yesus su kaluar diam-diam, tagal ada banya orang di situ.</div><div class="p"> 14Sonde lama, ju Yesus nae katumu itu orang di Ruma Sambayang Pusat pung kintal. Ais Yesus kasi tau bilang, &#8220;Dengar, &#233;! Sakarang lu su bae. Jang bekin sala lai, ko biar lu jang dapa kan&#225; hal yang lebe tar bae.&#8221;</div><div class="p"> 15Ais, itu orang pi cari orang Yahudi dong pung bos-bos, ju kasi tau bilang, &#8220;Yang bekin bae sang beta tu, Dia pung nama, Yesus.&#8221; 16Andia ko dong mulai bekin sangsara sang Yesus, tagal Dia bekin bae orang, pas kan&#225; di hari sambayang.</div><div class="p"> 17Ma Yesus kasi tau sang dong bilang, &#8220;Bagini. Beta pung Bapa sonde tau barenti karj&#225;. Jadi Beta ju karj&#225; jalan tar&#250;s.&#8221;</div><div class="s1">Tuhan Yesus mangaku diri bilang, Dia tu, Tuhan Allah pung Ana</div><div class="p"> 18Tagal orang Yahudi dong pung bos-bos su cap bilang, Yesus ada langgar dong pung atoran hari barenti karj&#225;, andia ko dong cari jalan lebe kar&#225;s ko mau bunu bekin mati sang Dia. Lebe-lebe lai, Dia ju bilang, Tuhan Allah tu, Dia pung Bapa. Deng omong bagitu, Dia angka Dia pung diri sama ke Tuhan.</div><div class="p"> 19Ais Yesus kasi tau sang dong bilang, &#8220;Bat&#250;l! Beta kasi tau memang bilang, Beta sonde bisa bekin apa-apa dari Beta pung diri sandiri. Te Beta ni, Tuhan Allah pung Ana. Andia ko Beta cuma bisa bekin iko apa yang Beta lia Bapa ada bekin. Beta lia Beta pung Bapa bekin apa, na, Beta ju bekin iko bagitu. 20Beta pung Bapa di sorga sayang mati sang Beta, andia Dia pung Ana. Dia ju kasi tunju sang Beta samua-samua yang Dia ada bekin. Nanti Dia mau kasi tunju sang Beta hal-hal yang lebe hebat lai, ko biar bosong lia, ais taheran-heran! 21Beta pung Bapa kasi idop kambali orang mati. Bagitu ju, nanti Beta kasi idop yang bat&#250;l sang sapa sa, iko Beta pung mau. 22Yang bat&#250;l, bagini: Bapa sandiri sonde putus hukuman kasi sang orang. Ma Dia su sarakan samua kasi sang Beta, te Beta ni, Dia pung Ana. Ais Beta yang putus bilang, orang ada bekin yang bat&#250;l, ko sonde. 23Beta pung Bapa suka ko samua orang taro hormat sang Beta, sama ke dong ju taro hormat sang Dia. Te orang yang sonde taro hormat sang Beta, andia Dia pung Ana ni, na, dia ju sonde taro hormat sang Bapa yang su utus sang Beta.</div><div class="p"> 24Bat&#250;l! Beta kasi tau memang. Orang yang dengar Beta pung omong, deng parcaya sang Tuhan Allah yang utus sang Beta, na, dia su dapa idop yang bat&#250;l yang sonde tau putus-putus. Tuhan sonde hukum sang dia lai. Te itu orang sonde kan&#225; hukuman mati lai, ma dia su maso jadi orang yang idop tar&#250;s deng Tuhan. 25Bat&#250;l! Beta kasi tau memang. Dia pung waktu su deka-deka datang, andia su mulai sakarang ni, ko orang mati dengar suara dari Beta, andia Tuhan pung Ana. Te orang yang dengar deng tarima bae Beta pung omong, nanti dia dapa idop yang bat&#250;l. 26Samua idop ba&#42892;akar di Beta pung Bapa. Dia ju kasi sang Beta idop yang bat&#250;l. Te Beta ni, Dia pung Ana na. 27Beta pung Bapa ju kasi hak deng kuasa sang Beta ko putus samua orang pung hukuman, tagal Beta ni, andia Manusia Tulen. 28Bosong jang heran, te sadiki lai samua orang mati nanti dengar Beta pung suara. 29Ais dong nanti idop kambali. Ju dong kaluar dari kuburan. Orang yang dolu bekin yang bae, dapa idop yang bat&#250;l yang sonde tau putus-putus. Ma orang yang dolu bekin yang jahat, kan&#225; hukum tar&#250;s.&#8221;#Daniel 12:2</div><div class="s1">Ada banya saksi yang kasi tau so&#42892;al Tuhan Yesus</div><div class="p"> 30Yesus omong tamba bilang, &#8220;Beta sonde bisa bekin apa-apa, kalo Beta bal&#243;m dengar dari Beta pung Bapa. Kalo Beta su dengar abis, baru Beta putus orang pung parkara. Tagal itu, apa yang Beta putus tu, bat&#250;l. Te Beta sonde coba iko Beta pung mau sandiri sa, ma iko Beta pung Bapa pung mau. Ko Dia yang utus sang Beta na!</div><div class="p"> 31Kalo cuma Beta sandiri yang kasi tau so&#42892;al Beta pung diri sa, na, Beta pung omong tu, sonde sah. 32Ma ada orang laen yang jadi saksi so&#42892;al Beta. Deng Beta tau dong omong yang bat&#250;l so&#42892;al Beta. 33Bosong parn&#225; utus orang ko pi tanya sang Yohanis Tukang Sarani. Ju dia omong yang bat&#250;l so&#42892;al Beta.#Yohanis 1:19-27; 3:27-30 34Padahal Beta sonde parl&#250; manusia pung rekomendasi. Ma Beta kasi inga ini hal dong, ko bosong bisa dapa salamat dari bosong pung sala-sala. 35Yohanis pung omong tu, sama ke satu lampu yang manyala tar&#225;ng. Waktu dia pung tar&#225;ng masi manyala, bosong pung hati san&#225;ng.</div><div class="p"> 36Padahal ada Orang yang lebe hebat dari Yohanis yang omong yang bat&#250;l so&#42892;al Beta. Andia Beta pung Bapa di sorga yang su sarakan banya tugas sang Beta, ko Beta kasi jalan sampe abis. Ini tugas dong ni yang kasi tunju bukti bilang, Bapa yang ada utus sang Beta. 37Deng Dia yang utus sang Beta, omong yang bat&#250;l so&#42892;al Beta ju. Naa, bosong sandiri bal&#243;m parn&#225; dengar langsung Dia pung suara, ko, lia langsung Dia pung rupa.#Mateos 3:17; Markus 1:11; Lukas 3:22 38Tuhan pung Kata-kata sonde idop di bosong pung hati, tagal bosong sonde parcaya sang Beta, yang Dia utus. 39Bosong suka pareksa sampe alus-alus Tuhan pung Tulisan Barisi, tagal bosong pikir di situ nanti bosong katumu jalan ko dapa idop yang bat&#250;l yang sonde tau putus-putus. Padahal itu Tulisan dong tu, ada kasi tau so&#42892;al Beta. 40Ma bosong sonde mau datang di Beta, ais maso jadi Beta pung orang, ko biar bosong bisa dapa itu idop yang bat&#250;l yang sonde tau putus-putus.</div><div class="p"> 41Beta sonde parl&#250; ko orang angka-angka sang Beta. 42Ma Beta tau pars&#237;s bosong pung dalam hati. Andia ko Beta tau bilang, bosong sonde ada pung kasi-sayang sang Tuhan Allah. 43Beta datang di ini dunya, tagal Beta pung Bapa yang pegang kuasa ada utus sang Beta datang. Ma bosong sonde tarima sang Beta. Padahal kalo ada orang laen yang datang pake dia pung kuasa sandiri, bosong tarima bae sang dia. 44Bosong satu deng satu suka makan puji. Ma bosong sonde toe kalo Tuhan Allah ada puji sang bosong, ko sonde. Padahal Dia tu, Tuhan! Sonde ada yang laen lai. Jadi, kalo bosong sonde toe sang Dia, karmana ko bosong bisa parcaya sang Dia?</div><div class="p"> 45Jang pikir bilang, Beta yang lempar sala sang bosong di Beta pung Bapa pung muka. Sonde. Yang lempar sala sang bosong tu, andia ba&#42892;i Musa. Padahal bosong ada baharap sang dia, tagal dia yang kasi bosong Tuhan pung Atoran. 46Naa, kalo bosong parcaya bat&#250;l sang Musa, tantu bosong ju parcaya sang Beta. Te dia ada tulis so&#42892;al Beta. 47Ma tagal bosong sonde parcaya bat&#250;l sang apa yang dia tulis, karmana ko bosong mau parcaya apa yang Beta omong? Sonde mungkin, to!&#8221;</div>
 </div>
 </div>
</div>

Ais itu, ada satu hari bae agama Yahudi. Andia ko Yesus dong jalan pi kota Yerusalem. Di situ, ada satu kolam yang ada pung lima teras deka-deka di satu pintu, yang dia pung nama, Pintu Domba. Dalam dong pung bahasa Aram, itu kolam pung nama ‘Batesda’. Ada banya orang saki yang biasa batunggu di itu teras dong. Conto ke: orang buta, orang lumpu, deng orang yang sonde bisa bagarák. [Dong ada tunggu-tunggu kapan itu aer mulai bagarák. Te satu-satu kali, Tuhan pung ana bua dari sorga maso pi dalam itu aer, ko bekin aer bagarák. Ais itu, sapa yang maso lebe dolo pi dalam itu aer, na, dia yang jadi bae dari dia pung panyaki.]
Naa, di situ ada satu orang yang su saki 38 taon. Ju Yesus lia itu orang ada tidor di situ. Dia tau itu orang su saki dari lama, ais Dia tanya bilang, “Bu, é! Mau jadi bae, ko?”
Dia manyao bilang, “Mau sa, Bos. Ma dia pung masala, andia: kalo aer su mulai bagarák, sonde ada orang yang koko kasi maso beta dalam aer. Kalo beta coba sandiri, na, su ada orang laen yang maso lebe dolo dari beta.”
Ju Yesus suru sang dia bilang, “Badiri su! Gulung ame lu pung tikar, ko pulang su.” Yesus omong abis bagitu, ju itu orang jadi bae memang. Ais dia bangun, angka dia pung tikar, ju mulai jalan pulang.
Itu hal pas kaná deng orang Yahudi pung hari sambayang. Ais orang Yahudi dong pung bos-bos kasi tau sang itu orang yang baru bae bilang, “Weh! Lu tau, ko sonde? Ini hari ni, hari barenti karjá. Iko kotong pung atoran agama, sonde bole ada orang angka bawa tikar, te itu dia pung nama, karjá!”
Dia manyao bilang, “Aduu, bapa dong, é! Bapa dong jang mara. Te Orang yang bekin bae sang beta tu, yang parenta sang beta bilang, ‘Guling lu pung tikar, ko pulang su.’ ”
Ais dong tanya sang dia bilang, “Heh! Yang suru lu angka tikar tu, sapa?”
Ma itu orang yang baru bae tu, sonde kanál Yesus tu, sapa. Te Yesus su kaluar diam-diam, tagal ada banya orang di situ.
Sonde lama, ju Yesus nae katumu itu orang di Ruma Sambayang Pusat pung kintal. Ais Yesus kasi tau bilang, “Dengar, é! Sakarang lu su bae. Jang bekin sala lai, ko biar lu jang dapa kaná hal yang lebe tar bae.”
Ais, itu orang pi cari orang Yahudi dong pung bos-bos, ju kasi tau bilang, “Yang bekin bae sang beta tu, Dia pung nama, Yesus.” Andia ko dong mulai bekin sangsara sang Yesus, tagal Dia bekin bae orang, pas kaná di hari sambayang.
Ma Yesus kasi tau sang dong bilang, “Bagini. Beta pung Bapa sonde tau barenti karjá. Jadi Beta ju karjá jalan tarús.”

Tagal orang Yahudi dong pung bos-bos su cap bilang, Yesus ada langgar dong pung atoran hari barenti karjá, andia ko dong cari jalan lebe karás ko mau bunu bekin mati sang Dia. Lebe-lebe lai, Dia ju bilang, Tuhan Allah tu, Dia pung Bapa. Deng omong bagitu, Dia angka Dia pung diri sama ke Tuhan.
Ais Yesus kasi tau sang dong bilang, “Batúl! Beta kasi tau memang bilang, Beta sonde bisa bekin apa-apa dari Beta pung diri sandiri. Te Beta ni, Tuhan Allah pung Ana. Andia ko Beta cuma bisa bekin iko apa yang Beta lia Bapa ada bekin. Beta lia Beta pung Bapa bekin apa, na, Beta ju bekin iko bagitu. Beta pung Bapa di sorga sayang mati sang Beta, andia Dia pung Ana. Dia ju kasi tunju sang Beta samua-samua yang Dia ada bekin. Nanti Dia mau kasi tunju sang Beta hal-hal yang lebe hebat lai, ko biar bosong lia, ais taheran-heran! Beta pung Bapa kasi idop kambali orang mati. Bagitu ju, nanti Beta kasi idop yang batúl sang sapa sa, iko Beta pung mau. Yang batúl, bagini: Bapa sandiri sonde putus hukuman kasi sang orang. Ma Dia su sarakan samua kasi sang Beta, te Beta ni, Dia pung Ana. Ais Beta yang putus bilang, orang ada bekin yang batúl, ko sonde. Beta pung Bapa suka ko samua orang taro hormat sang Beta, sama ke dong ju taro hormat sang Dia. Te orang yang sonde taro hormat sang Beta, andia Dia pung Ana ni, na, dia ju sonde taro hormat sang Bapa yang su utus sang Beta.
Batúl! Beta kasi tau memang. Orang yang dengar Beta pung omong, deng parcaya sang Tuhan Allah yang utus sang Beta, na, dia su dapa idop yang batúl yang sonde tau putus-putus. Tuhan sonde hukum sang dia lai. Te itu orang sonde kaná hukuman mati lai, ma dia su maso jadi orang yang idop tarús deng Tuhan. Batúl! Beta kasi tau memang. Dia pung waktu su deka-deka datang, andia su mulai sakarang ni, ko orang mati dengar suara dari Beta, andia Tuhan pung Ana. Te orang yang dengar deng tarima bae Beta pung omong, nanti dia dapa idop yang batúl. Samua idop baꞌakar di Beta pung Bapa. Dia ju kasi sang Beta idop yang batúl. Te Beta ni, Dia pung Ana na. Beta pung Bapa ju kasi hak deng kuasa sang Beta ko putus samua orang pung hukuman, tagal Beta ni, andia Manusia Tulen. Bosong jang heran, te sadiki lai samua orang mati nanti dengar Beta pung suara. Ais dong nanti idop kambali. Ju dong kaluar dari kuburan. Orang yang dolu bekin yang bae, dapa idop yang batúl yang sonde tau putus-putus. Ma orang yang dolu bekin yang jahat, kaná hukum tarús.”

Yesus omong tamba bilang, “Beta sonde bisa bekin apa-apa, kalo Beta balóm dengar dari Beta pung Bapa. Kalo Beta su dengar abis, baru Beta putus orang pung parkara. Tagal itu, apa yang Beta putus tu, batúl. Te Beta sonde coba iko Beta pung mau sandiri sa, ma iko Beta pung Bapa pung mau. Ko Dia yang utus sang Beta na!
Kalo cuma Beta sandiri yang kasi tau soꞌal Beta pung diri sa, na, Beta pung omong tu, sonde sah. Ma ada orang laen yang jadi saksi soꞌal Beta. Deng Beta tau dong omong yang batúl soꞌal Beta. Bosong parná utus orang ko pi tanya sang Yohanis Tukang Sarani. Ju dia omong yang batúl soꞌal Beta. Padahal Beta sonde parlú manusia pung rekomendasi. Ma Beta kasi inga ini hal dong, ko bosong bisa dapa salamat dari bosong pung sala-sala. Yohanis pung omong tu, sama ke satu lampu yang manyala taráng. Waktu dia pung taráng masi manyala, bosong pung hati sanáng.
Padahal ada Orang yang lebe hebat dari Yohanis yang omong yang batúl soꞌal Beta. Andia Beta pung Bapa di sorga yang su sarakan banya tugas sang Beta, ko Beta kasi jalan sampe abis. Ini tugas dong ni yang kasi tunju bukti bilang, Bapa yang ada utus sang Beta. Deng Dia yang utus sang Beta, omong yang batúl soꞌal Beta ju. Naa, bosong sandiri balóm parná dengar langsung Dia pung suara, ko, lia langsung Dia pung rupa. Tuhan pung Kata-kata sonde idop di bosong pung hati, tagal bosong sonde parcaya sang Beta, yang Dia utus. Bosong suka pareksa sampe alus-alus Tuhan pung Tulisan Barisi, tagal bosong pikir di situ nanti bosong katumu jalan ko dapa idop yang batúl yang sonde tau putus-putus. Padahal itu Tulisan dong tu, ada kasi tau soꞌal Beta. Ma bosong sonde mau datang di Beta, ais maso jadi Beta pung orang, ko biar bosong bisa dapa itu idop yang batúl yang sonde tau putus-putus.
Beta sonde parlú ko orang angka-angka sang Beta. Ma Beta tau parsís bosong pung dalam hati. Andia ko Beta tau bilang, bosong sonde ada pung kasi-sayang sang Tuhan Allah. Beta datang di ini dunya, tagal Beta pung Bapa yang pegang kuasa ada utus sang Beta datang. Ma bosong sonde tarima sang Beta. Padahal kalo ada orang laen yang datang pake dia pung kuasa sandiri, bosong tarima bae sang dia. Bosong satu deng satu suka makan puji. Ma bosong sonde toe kalo Tuhan Allah ada puji sang bosong, ko sonde. Padahal Dia tu, Tuhan! Sonde ada yang laen lai. Jadi, kalo bosong sonde toe sang Dia, karmana ko bosong bisa parcaya sang Dia?
Jang pikir bilang, Beta yang lempar sala sang bosong di Beta pung Bapa pung muka. Sonde. Yang lempar sala sang bosong tu, andia baꞌi Musa. Padahal bosong ada baharap sang dia, tagal dia yang kasi bosong Tuhan pung Atoran. Naa, kalo bosong parcaya batúl sang Musa, tantu bosong ju parcaya sang Beta. Te dia ada tulis soꞌal Beta. Ma tagal bosong sonde parcaya batúl sang apa yang dia tulis, karmana ko bosong mau parcaya apa yang Beta omong? Sonde mungkin, to!”

Gwranda ar Yohanis 5