 If you would like a copy of this version please contact info@davaraudiobibles.org

Adamawa Fulfulde Bible

Fulfulde Bible Ajamiya © Bible Society of Cameroon, 2016.

جَوْمِرَاوٛ وِعِ نُوحُ‏: «نَسْتُ کٛومْبٛوَلْ، عَنْ بٜى يِمْࢡٜ سَارٜ مَاطَ ڢُو؞ نغَمْ مِيِعِ عَ عَدِلِيجٛ حَا يٜىٰسٛ عَمْ ندٜرْ زَمَنُورُ ندُعُ؞ حَا دَبَّاجِ دَغِيطِ ڢُو حٛوعُ غٛرْطِ جٛوٜىٰطِطِ عٜ دٜبِّ جٛوٜىٰطِطِ؞ دِغَ دَبَّاجِ طِ دَغَاکِ بٛو، حٛوعُ طِطِ طِطِ، غٛرْطُمْ عٜ دٜبُّمْ؞ دِغَ شٛلِّ بٛو، حٛوعُ غٛرْطِ جٛوٜىٰطِطِ عٜ دٜبِّ جٛوٜىٰطِطِ، نغَمْ حَا عَسْلِ مَاجِ لُتَّ دٛوْ لٜسْدِ؞ نغَمْ لُتِّ ࢩَلْطٜ جٛوٜىٰطِطِ، مِتٛࢡْنَنْ عِيٜىٰندٜ دٛوْ لٜسْدِ، ࢩَلَوْمَاجٜ عٜ جٜمَّاجٜ شَݠَّنْطٜ نَيِ؞ مِنَتِّنَنْ تَغْلٜ عَمْ ڢُو دٛوْ لٜسْدِ؞» نُوحُ وَطِ کٛ جَوْمِرَاوٛ عُمْرُنٛ مٛ ڢُو؞
حَا عِلَمْ تُوڢَانَ وَطَ دٛوْ لٜسْدِ، نُوحُ مَرِنٛ دُوࢡِ تٜىٰمٜطّٜ جٛوٜىٰغٛ (600)؞ نُوحُ نَسْتِ کٛومْبٛوَلْ بٜى ࢡِيُمْعٜنْ عٜ دٜبّٛ مُوطُمْ عٜ رٜوْࢡٜ ࢡِيُمْعٜنْ، نغَمْ حِسُغٛ ندِيَمْجِ تُوڢَانَ؞ دِغَ دَبَّاجِ دَغِيطِ عٜ طِ ندَغَاکِ، دِغَ شٛلِّ عٜ کٛ وُورَتَ دٛوْ لٜسْدِ ڢُو، غٛرْطُمْ عٜ دٜبُّمْ، طِطِ طِطِ، نغَرِ حَا نُوحُ ندٜرْ کٛومْبٛوَلْ بَنَ اَللَّه عُمْرُنٛ مٛ؞
ندٜ ࢩَلْطٜ جٛوٜىٰطِطِ مبَطِ، ندِيَمْ تُوڢَانَ مٛطِ لٜسْدِ؞ ندٜرْ ندُوࢡُ نُوحُ تٜىٰمٜطّٜ جٛوٜىٰغٛعٛووُ (600)، لٜوْرُ طِطَࢡْرُ، ࢩَلَادٜ سَݠّٛ عٜ جٛوٜىٰطِطَوْرٜ مَارُ، ࢡُلْدُطٜ ندِيَمْجِ لُغُّطِ لٜسْ لٜسْدِ ڢُو شُکِّتِ، بُرْطٜ عَسَمَ بٛو مَࢡِّتِ؞ عِيٜىٰندٜ تٛࢡِ دٛوْ لٜسْدِ ࢩَلَوْمَاجٜ شَݠَّنْطٜ نَيِ عٜ جٜمَّاجٜ شَݠَّنْطٜ نَيِ؞ ࢩَلَادٜ مَاجُمْ ندٜنْ نُوحُ عٜ ࢡِيُمْعٜنْ‏: سٜمْ عٜ حَامُ عٜ يَڢٜتْ، نٛنْ بٛو دٜبّٛ مَاکٛ عٜ رٜوْࢡٜ ࢡِࢡّٜ مَاکٛ نَسْتِ کٛومْبٛوَلْ، بٜى دَبَّاجِ لَدّٜ ڢٛدّٜ عَسْلِ مَاجِ عٜ دَبَّاجِ سَارٜ ڢٛدّٜ عَسْلِ مَاجِ ڢُو عٜ لَدٛوجِ دُࢡَنْطِ دٛوْ لٜسْدِ ڢٛدّٜ عَسْلِ مَاجِ عٜ شٛلِّ ڢٛدّٜ عَسْلِ مَاجِ بٜى ڢِيرٛوجُمْ کٛو طُمٜ مَرْطُمْ بِلٜىٰجِ ڢُو؞ طِ نغَرِ حَا نُوحُ ندٜرْ کٛومْبٛوَلْ، غٛرْطُمْ عٜ دٜبُّمْ ڢُو، طِطِ طِطِ دِغَ کٛ مَرِ ݠٛوڢْطٜ نغٜىٰندَمْ ڢُو؞ غٛرْطُمْ عٜ دٜبُّمْ ندٜرْ تَغْلٜ ڢُو نَسْتِ، بَنَ اَللَّه عُمْرُنٛ مٛ؞ ندٜنْ جَوْمِرَاوٛ مَࢡِّ دَمُّغَلْ؞
عِلَمْ تُوڢَانَ وَطِ دٛوْ لٜسْدِ ࢩَلْطٜ شَݠَّنْطٜ نَيِ؞ ندِيَمْجِ ࢡٜسْدِ، عٜڢْتِ کٛومْبٛوَلْ، نغَلْ ࢡَنغْتِ دٛوْ؞ ندِيَمْجِ ࢡُرْتِ ࢡٜسْدَاغٛ مَسِنْ دٛوْ لٜسْدِ، کٛومْبٛوَلْ وٜىٰيِ دٛوْ ندِيَمْ؞ ندِيَمْجِ تٛکِّ طُوطُغٛ مَسِنْ؞ طِ مٛطِ کٛوسٜىٰجٜ تٛوْطٜ لٜسْ عَسَمَ ڢُو، طِ تٛوْتِ دٛوْ مَاجٜ وَطِ مٜىٰتِرْ جٛوٜىٰطِطِ (7)؞ مَرْطُمْ ࢡَنْدُ کٛ وَانْشَتَ دٛوْ لٜسْدِ ڢُو وَاتِ‏: شٛلِّ عٜ دَبَّاجِ عٜ کٛ دُࢡَتَ دٛوْ لٜسْدِ مبَاتِدِ، نٛنْ بٛو يِمْࢡٜ ڢُو مَايْدِ؞ کٛ مَرِ ݠٛوڢْطٜ نغٜىٰندَمْ ندٜرْ کِنٜ ڢُو، کٛ وٛنِ دٛوْ لٜسْدِ نجٛورْندِ ڢُو، وَاتِ؞ بَنَ نِي اَللَّه نَتِّنِرِ کٛ وٛنّٛ دٛوْ لٜسْدِ ڢُو‏: يِمْࢡٜ عٜ دَبَّاجِ عٜ لَدٛوجِ عٜ شٛلِّ؞ سٜيْ نُوحُ لُتِّدِ بٜى کٛ وٛنْدِ بٜى مَاکٛ ندٜرْ کٛومْبٛوَلْ؞ ندِيَمْجِ ࢡٜسْدِ ࢩَلْطٜ تٜىٰمٜرّٜ عٜ شَݠَّنْطٜ جٛوِ (150)؞

Gwranda ar لَاتَانٛوجِ 7