Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkLUK">
 <div class="chapter ch17" data-usfm="LUK.17">
 <div class="label">17</div><div class="p"> 1Jesus makore ture jorduwadowugei. Akore: &#8211; Boe emode turokogado boei tuwo tumeardae pegareu maku boe etai tu tu je emeardae pegawo ero pegawo jamedu. Mare boe pegamode rugadu nou ure tumeardae pegareu maku boe etaiwugei rugadu. 2Boe emode tori kurireu kogudo ia boe ekidoru kajeje tuwo ewarigu poboto dukodire ewimode. Mare ia boe umode nou itore meartorure maibari iwuge edo tugera ra ipiji ero pegawo pugeje dukeje boe pegamode nou ure nou boe etore etaora pegadowuji rugadu. Jire boe pegareu kodumode nou barigudure pobo towuge ekori. 3Taeku jado tarore jiboeji. Mare ia tawobe ro pegare dukeje tamagodo ji rokawo aino pugeje. Mare kiarigodumodukare nou turo pegareuji dukeje umodukare tugera ra turo pegareu piji rugadu. Mare kiarigodumode nou turo pegareuji dukeje makomode turomodukaie aino pugeje. Nono tagogudugo apo. Tawiago nou ro pegare dupiji. 4Ia meri keje ro pegamode tai nono aregodumode tagae tumagowo tai tagoguduwo pudabo, tawiagoduwo nou turo pegareu piji. Nono nou meriji rugadu ro pegare tai pugeje. Uture tagae pugeje tumagowo tai tawiagoduwo nou turo pegareu piji pugeje. Dukeje nou meriji rugadu ro pegare tai pugeje. Dukeje uture tagae pugeje tumagowo tai tawiagoduwo turo pegareu piji pugeje. Nono nou ro pegareu oto aregodumode sete ka nou meri keje rugadu dukeje tawiago nou ro pegareu boe piji.</div><div class="p">Ainore Jesus akore boe ewiagoduiago boe ero pegare emago pegare pudui dupiji.</div><div class="s">Ainore Boe Emeartorumode</div><div class="p"> 5Nou Jesus ure jorduwadowuge emagore tugimijeraji. Utumode Jesus bataru tabowuge emode emage. Egore: &#8211; &#268;emeartoru kurido Pao Kurireuji.</div><div class="p"> 6Jesus akore: &#8211; Tameartoru biagamode Pao Kurireuji. Mare tamode taragado tai tameartoru rakawo tu jao. Nono tamagomode ia kodui iji uwo tudawuje tumuga piji tuguduwo toro pobo maereuto. Nono Pao Kurireu koiare umode nou kodui i meartorudo tawadaruji rugadu.</div><div class="s">Ainore Boe Etugarege Eromode</div><div class="p"> 7Jesus mako kimore. Akore: &#8211; Boe utugare maragodure boepaji. Jeture boe egu ieji ipoguru keje jamedu. Dukeje aregodumode tuibagi tugimijera uwai ka mare okwagemodukare kuri je taregodu keje. 8Ukimijera makomode ji tuge bagai. Dukodire umode tugimijera uke pemegado. Umode maku tugimijera ai. Ukimijera umode togwage iado dukeje makomode tudugareji okwagewo jamedu. 9Boe eimijera makomodukare nou tudugare pemegareuji tuwo timediado ema. Umodukare timediado ema rugadu. Mare utugare pemegareu meartorumode tu tugimijeraji rugadu. 10Tarodo nono nou utugare pemegareu ro mogadure jamedu. Tameardaekaba tawo boe eimijerado tagi. Tameartorudo tu Pao Kurireu makore taiboe jamedu boeji dukeje tamagomode aino: &#8220;Boe eimijerawo imi kodi karega irore aino. Pao Kurireu utugare rogu nure imi. Ire irugadu imeartoruwo ji rugadu.&#8221; Tamagodo aino. Tameardaedo aino jamedu.</div><div class="s">Jesus Ure Pemegadowuge Enodo Padure Dez</div><div class="p"> 11Jesus kodure Jerusal&#233;m ba kurireu kawu awaraji tuduwo Jerusal&#233;m ba kurireuto rugadu. Nou awara kodure Samaria moto okwaji Galil&#233;ia moto okwaji. Nou Samaria moto, nou Galil&#233;ia moto okwa jore pudodu oiagi nou awara kodure. 12Jesus puredugodure taregoduwo ia boe eda ka. Dukeje ia ime etaregodure Jesus togi. Nou ime enodo padure dez. Ekogodure. Nou ekogodae pegare ei rugadu. Ure ewiri pegado rugadu. Dukodire ekare tuburedo boei. Dukodire ekare tuburedo Jesusji jamedu. 13Ere tumago pemegado toro Jesus ae. Egore: &#8211; Jesus! &#268;egimijera nure aki! Akogudugo &#269;edabo awo &#269;ebemegago!</div><div class="p"> 14Jesus jordure ei. Nono makore toro etae. Akore: &#8211; Tadudo toro nou ure Judeu doge enomea maku Pao Kurireu aiwuge etae. Etaiwomode tai tuiorduwawo tabemegagodure dubagai.</div><div class="p">&#268;a eture. Ekodure awaraji dukeje epemegagodure ta&#269;i je rugadu. 15-16Nono ia jorduware tubemegagodure duji dukeje ure tugirimi pa&#269;i tuibagi Jesus togi pugeje. Ure tumago pemegado boe eiamedu boe emearduwo tagoino duji. Mako pemegare Pao Kurireuji rugadu. Aregodure Jesus togi dukeje ure tubu jodo Jesus bure paru. Imadure Jesus apo rore aino pudui duji. Nou rore ainowu imedu boture Samaria moto keje. Samaria moto kejewu imedu nure ema. 17Nono Jesus akore: &#8211; Ire pemegagodureuge ime enodo padure dez. Nou iage pa? 18Tu nou boe tuginaiwu imedu ure tugirimi itae tumago pemegawo Pao Kurireuji. Kodiba nou iage erokare aino jamedu?</div><div class="p"> 19Nono Jesus makore nou imeduji. Akore: &#8211; Aragojedo. Ameartorure i dukodire ire apemegago.</div><div class="s">Pao Kurireu Aregodumode Boe Eiamedu Boe Eimijerawo Ema</div><div class="p"> 20-21Ia fariseu imedu unarare Jesusji. Akore: &#8211; Kaba meri kejeba Pao Kurireu aregodumode turo pemegareu tabo boe eiamedu boe eimijerawo ema?</div><div class="p">Jesus akore: &#8211; &#268;a Pao Kurireu nure ema rugadu. Umode boe emeardae pemegado ewo tugimijerado Pao Kurireu&#269;e rugadu. Dukodire Pao Kurireu aregodumodukare nono ia boe erdu jiboe mogadure. Boe egomodukare: &#8220;Emareo, emari&#269;e&#8221;, aino.</div><div class="p"> 22Nono Jesus makore ture jorduwadowugei. Akore: &#8211; Ia meri keje tagaidumode tarduwo Pao Kurireu Onaregeduji mare tardumodukare ji rakojemode baru tada kodi. 23Boe egomode tai: &#8220;Emareo! Aregodu!&#8221; Mare tameartorukaba nou boe ewadaruji. Mare ia meri keje Imedu Onaregedu umode tugirimi pugeje rugadu. 24Aregodumode dukeje boe erdumode ji rugadu nono boe erdure boeiaraguduji dumogadure. Umode nono boeiaragudu rugu jo moga boeto dumogadure. 25Mare aino boetoji boe ero pegamode ji, boe etaidumodukare ji, boe pegamode ji rugadu.</div><div class="p"> 26&#8211; Imedu Onaregedu aregodumode pugeje dukeje boe emeardaemode nono rakojere boe etumana No&#233; apowuge emeardae pegareuge emogadure. 27Mariguduboe etumana No&#233; rakoje kimore dukeje boe ewiapagakare boeji. Ewiapagare tu tugeji tugudure &#269;eboeji. Ime ewiapagare tu tuwirewo. Areme ewiapagare tu tugogewo jamedu. Erore aino jii toro No&#233; ure turemo ikarereu to du ka. No&#233; ure turemo ikarereuto tu tuwobebo rugadu. Emagere ere &#269;inorudo pobo piji. Mare iage ewiapagakare No&#233;ji dukodire erduwa bokware pobo umode moto kejewuge eiamedu boe etagedudo duji. Dukodire nou pobo aregodure, ure eiamedu boe etagedudo rugadu. Ainore boe emeardaemode pugeje. Imedu Onaregedu aregodumode pugeje mare boe ewiapagamodukare bagai rugadu. 28Jaoboe etumana L&#243; rakoje kimore dukeje ainore nou rakojere apowuge boe erore jamedu. Eiamedu boe ewiapagare tu tugeji tugudure &#269;eboeji. Ewiapagare tuwo akirodo boeji. Ewiapagare tuwo boe maku diero bagai. Ewiapagare tuwo boe tugu to boepato. Ewiapagare tuwo tuwai kurido. 29L&#243; ure ewie boe pegareu butumoduie nou boe eda keje. Makore ei eregoduwo tuwai piji mare ewiapagakare bataruji. Nono L&#243; rekodure nou tuwai piji Sodoma ba kurireu piji rugadu. Nou meri keje rugadu joru buture baru piji Sodoma keje. Nou enxofre buture baru piji jamedu. Nou joru, nou enxofre ure nou Sodoma kejewuge eiamedu boe ewido. 30Imedu Onaregedu umode tugirimi moto ka pugeje dukeje ainore boemode boei jamedu. Mare boe ewiapagamodukare nou inodu bagai pugeje.</div><div class="p"> 31&#8211; Itaregodumode pugeje nono boe pegamode motoji rugadu. Nou meriji rugadu rakojere tuwai ao kejewuge eregoduwo tuwai piji ta&#269;i je. Ekawo turemo tuwai jagi iaboe bagai. Nou maragodure to boepa jiwuge eregoduwo nou to boepa piji ta&#269;i je jamedu. Ekawo tugirimi tuwai ka iaboe bagai jamedu. 32Tawiabutudo L&#243; oreduje rore jiboe keje tarokawo aino. Uture Sodoma ba kurireu piji mare ure tuwuredo taiwowo tuibagi tuwai ka dukeje bire. 33Ia boe etaidumode tuwo boe pemegado tu pudui turaga tabo dukeje eraga akedumode epiji rugadu. Egare remawu modukare. Emodukare &#269;inorudo bope doge eda kejewu joru pegareu piji rugadu. Mare iage ewiapagamodukare tumeardae pegareuji tuwo tugera ra turo pegareu piji taidure jiboe piji dukeje Pao Kurireu umode nou boe ekinorudo. Umode boe pemegado ei, umode egare remawudo rugadu. 34Nou itaregodumode kejewu boe&#269;oji nudureuge emode pobe tubadure ira keje dutabo. Imode ikeragu iaji mare nou metia utumodukare. 35Areme emode pobe tumaragodae keje tuwo trigo kududo. Imode ikeragu iarodoji mare metago utumodukare. 36Ime emode pobe ipoguru keje. Imode ikeragu iaji mare metia utumodukare.</div><div class="p"> 37Nou Jesus ure jorduwadowuge enarare ji. Egore: &#8211; &#268;egimijera. Kaiba aromode aino?</div><div class="p">Jesus akore: &#8211; Boe erdumode Imedu Onaregedu aregoduji nono boe erdure pobureuge ere tago puae tuge barogo bireu ka dumogadure.</div>
 </div>
 </div>
</div>

Jesus makore ture jorduwadowugei. Akore: – Boe emode turokogado boei tuwo tumeardae pegareu maku boe etai tu tu je emeardae pegawo ero pegawo jamedu. Mare boe pegamode rugadu nou ure tumeardae pegareu maku boe etaiwugei rugadu. Boe emode tori kurireu kogudo ia boe ekidoru kajeje tuwo ewarigu poboto dukodire ewimode. Mare ia boe umode nou itore meartorure maibari iwuge edo tugera ra ipiji ero pegawo pugeje dukeje boe pegamode nou ure nou boe etore etaora pegadowuji rugadu. Jire boe pegareu kodumode nou barigudure pobo towuge ekori. Taeku jado tarore jiboeji. Mare ia tawobe ro pegare dukeje tamagodo ji rokawo aino pugeje. Mare kiarigodumodukare nou turo pegareuji dukeje umodukare tugera ra turo pegareu piji rugadu. Mare kiarigodumode nou turo pegareuji dukeje makomode turomodukaie aino pugeje. Nono tagogudugo apo. Tawiago nou ro pegare dupiji. Ia meri keje ro pegamode tai nono aregodumode tagae tumagowo tai tagoguduwo pudabo, tawiagoduwo nou turo pegareu piji. Nono nou meriji rugadu ro pegare tai pugeje. Uture tagae pugeje tumagowo tai tawiagoduwo nou turo pegareu piji pugeje. Dukeje nou meriji rugadu ro pegare tai pugeje. Dukeje uture tagae pugeje tumagowo tai tawiagoduwo turo pegareu piji pugeje. Nono nou ro pegareu oto aregodumode sete ka nou meri keje rugadu dukeje tawiago nou ro pegareu boe piji.
Ainore Jesus akore boe ewiagoduiago boe ero pegare emago pegare pudui dupiji.

Nou Jesus ure jorduwadowuge emagore tugimijeraji. Utumode Jesus bataru tabowuge emode emage. Egore: – Čemeartoru kurido Pao Kurireuji.
Jesus akore: – Tameartoru biagamode Pao Kurireuji. Mare tamode taragado tai tameartoru rakawo tu jao. Nono tamagomode ia kodui iji uwo tudawuje tumuga piji tuguduwo toro pobo maereuto. Nono Pao Kurireu koiare umode nou kodui i meartorudo tawadaruji rugadu.

Jesus mako kimore. Akore: – Boe utugare maragodure boepaji. Jeture boe egu ieji ipoguru keje jamedu. Dukeje aregodumode tuibagi tugimijera uwai ka mare okwagemodukare kuri je taregodu keje. Ukimijera makomode ji tuge bagai. Dukodire umode tugimijera uke pemegado. Umode maku tugimijera ai. Ukimijera umode togwage iado dukeje makomode tudugareji okwagewo jamedu. Boe eimijera makomodukare nou tudugare pemegareuji tuwo timediado ema. Umodukare timediado ema rugadu. Mare utugare pemegareu meartorumode tu tugimijeraji rugadu. Tarodo nono nou utugare pemegareu ro mogadure jamedu. Tameardaekaba tawo boe eimijerado tagi. Tameartorudo tu Pao Kurireu makore taiboe jamedu boeji dukeje tamagomode aino: “Boe eimijerawo imi kodi karega irore aino. Pao Kurireu utugare rogu nure imi. Ire irugadu imeartoruwo ji rugadu.” Tamagodo aino. Tameardaedo aino jamedu.

Jesus kodure Jerusalém ba kurireu kawu awaraji tuduwo Jerusalém ba kurireuto rugadu. Nou awara kodure Samaria moto okwaji Galiléia moto okwaji. Nou Samaria moto, nou Galiléia moto okwa jore pudodu oiagi nou awara kodure. Jesus puredugodure taregoduwo ia boe eda ka. Dukeje ia ime etaregodure Jesus togi. Nou ime enodo padure dez. Ekogodure. Nou ekogodae pegare ei rugadu. Ure ewiri pegado rugadu. Dukodire ekare tuburedo boei. Dukodire ekare tuburedo Jesusji jamedu. Ere tumago pemegado toro Jesus ae. Egore: – Jesus! Čegimijera nure aki! Akogudugo čedabo awo čebemegago!
Jesus jordure ei. Nono makore toro etae. Akore: – Tadudo toro nou ure Judeu doge enomea maku Pao Kurireu aiwuge etae. Etaiwomode tai tuiorduwawo tabemegagodure dubagai.
Ča eture. Ekodure awaraji dukeje epemegagodure tači je rugadu. Nono ia jorduware tubemegagodure duji dukeje ure tugirimi pači tuibagi Jesus togi pugeje. Ure tumago pemegado boe eiamedu boe emearduwo tagoino duji. Mako pemegare Pao Kurireuji rugadu. Aregodure Jesus togi dukeje ure tubu jodo Jesus bure paru. Imadure Jesus apo rore aino pudui duji. Nou rore ainowu imedu boture Samaria moto keje. Samaria moto kejewu imedu nure ema. Nono Jesus akore: – Ire pemegagodureuge ime enodo padure dez. Nou iage pa? Tu nou boe tuginaiwu imedu ure tugirimi itae tumago pemegawo Pao Kurireuji. Kodiba nou iage erokare aino jamedu?
Nono Jesus makore nou imeduji. Akore: – Aragojedo. Ameartorure i dukodire ire apemegago.

Ia fariseu imedu unarare Jesusji. Akore: – Kaba meri kejeba Pao Kurireu aregodumode turo pemegareu tabo boe eiamedu boe eimijerawo ema?
Jesus akore: – Ča Pao Kurireu nure ema rugadu. Umode boe emeardae pemegado ewo tugimijerado Pao Kurireuče rugadu. Dukodire Pao Kurireu aregodumodukare nono ia boe erdu jiboe mogadure. Boe egomodukare: “Emareo, emariče”, aino.
Nono Jesus makore ture jorduwadowugei. Akore: – Ia meri keje tagaidumode tarduwo Pao Kurireu Onaregeduji mare tardumodukare ji rakojemode baru tada kodi. Boe egomode tai: “Emareo! Aregodu!” Mare tameartorukaba nou boe ewadaruji. Mare ia meri keje Imedu Onaregedu umode tugirimi pugeje rugadu. Aregodumode dukeje boe erdumode ji rugadu nono boe erdure boeiaraguduji dumogadure. Umode nono boeiaragudu rugu jo moga boeto dumogadure. Mare aino boetoji boe ero pegamode ji, boe etaidumodukare ji, boe pegamode ji rugadu.
– Imedu Onaregedu aregodumode pugeje dukeje boe emeardaemode nono rakojere boe etumana Noé apowuge emeardae pegareuge emogadure. Mariguduboe etumana Noé rakoje kimore dukeje boe ewiapagakare boeji. Ewiapagare tu tugeji tugudure čeboeji. Ime ewiapagare tu tuwirewo. Areme ewiapagare tu tugogewo jamedu. Erore aino jii toro Noé ure turemo ikarereu to du ka. Noé ure turemo ikarereuto tu tuwobebo rugadu. Emagere ere činorudo pobo piji. Mare iage ewiapagakare Noéji dukodire erduwa bokware pobo umode moto kejewuge eiamedu boe etagedudo duji. Dukodire nou pobo aregodure, ure eiamedu boe etagedudo rugadu. Ainore boe emeardaemode pugeje. Imedu Onaregedu aregodumode pugeje mare boe ewiapagamodukare bagai rugadu. Jaoboe etumana Ló rakoje kimore dukeje ainore nou rakojere apowuge boe erore jamedu. Eiamedu boe ewiapagare tu tugeji tugudure čeboeji. Ewiapagare tuwo akirodo boeji. Ewiapagare tuwo boe maku diero bagai. Ewiapagare tuwo boe tugu to boepato. Ewiapagare tuwo tuwai kurido. Ló ure ewie boe pegareu butumoduie nou boe eda keje. Makore ei eregoduwo tuwai piji mare ewiapagakare bataruji. Nono Ló rekodure nou tuwai piji Sodoma ba kurireu piji rugadu. Nou meri keje rugadu joru buture baru piji Sodoma keje. Nou enxofre buture baru piji jamedu. Nou joru, nou enxofre ure nou Sodoma kejewuge eiamedu boe ewido. Imedu Onaregedu umode tugirimi moto ka pugeje dukeje ainore boemode boei jamedu. Mare boe ewiapagamodukare nou inodu bagai pugeje.
– Itaregodumode pugeje nono boe pegamode motoji rugadu. Nou meriji rugadu rakojere tuwai ao kejewuge eregoduwo tuwai piji tači je. Ekawo turemo tuwai jagi iaboe bagai. Nou maragodure to boepa jiwuge eregoduwo nou to boepa piji tači je jamedu. Ekawo tugirimi tuwai ka iaboe bagai jamedu. Tawiabutudo Ló oreduje rore jiboe keje tarokawo aino. Uture Sodoma ba kurireu piji mare ure tuwuredo taiwowo tuibagi tuwai ka dukeje bire. Ia boe etaidumode tuwo boe pemegado tu pudui turaga tabo dukeje eraga akedumode epiji rugadu. Egare remawu modukare. Emodukare činorudo bope doge eda kejewu joru pegareu piji rugadu. Mare iage ewiapagamodukare tumeardae pegareuji tuwo tugera ra turo pegareu piji taidure jiboe piji dukeje Pao Kurireu umode nou boe ekinorudo. Umode boe pemegado ei, umode egare remawudo rugadu. Nou itaregodumode kejewu boečoji nudureuge emode pobe tubadure ira keje dutabo. Imode ikeragu iaji mare nou metia utumodukare. Areme emode pobe tumaragodae keje tuwo trigo kududo. Imode ikeragu iarodoji mare metago utumodukare. Ime emode pobe ipoguru keje. Imode ikeragu iaji mare metia utumodukare.
Nou Jesus ure jorduwadowuge enarare ji. Egore: – Čegimijera. Kaiba aromode aino?
Jesus akore: – Boe erdumode Imedu Onaregedu aregoduji nono boe erdure pobureuge ere tago puae tuge barogo bireu ka dumogadure.

Gwranda ar Lucas 17