<div class="version vid2771 iso6393guz" data-vid="2771" data-iso6393="guz">
 <div class="book bkGEN">
 <div class="chapter ch12" data-usfm="GEN.12">
 <div class="label">12</div><div class="s1">Aburamu okorangerigwa na Nyasae, na orogendo rwaye gochia Kanani</div><div class="p"> 1Omonene agakwana na Aburamu, akamotebia, &#8220;Karue ase ense eye yao, na ase eamate yao, na ase omochie o iso, ogende goika ense ndakworokie. 2Ningokore obe egesaku ekenene, ningosesenie, ninkore erieta riao ribe rinene, na aye nobe omosesenigwa.</div><div class="q1"> 3&#8220;Nimbasesenie abwo baragosesenie, nere oyorakoragererie nimoragererie,</div><div class="q1">na goetera asore aye</div><div class="q1">ebisaku bionsi bi&#8217;ense inabisesenigwe.&#8221;</div><div class="p"> 4Erio Aburamu akaimoka, akagenda buna Omonene amotebetie, na Loti akagenda amo nere. Aburamu nigo arenge nemiaka emerongo etano na ebere, na etano (75), ekero arenge kong&#8217;anya korwa Harani. 5Aburamu akaira Sarai mokaye, na Loti, omwana omomura omwabo, na ebinto bionsi ebi babwate, ebio konya benyoreire abanyene, na abanto babo bonsi babwate agwo Harani, bakaimoka, bakagenda ense ya Kanani.</div><div class="p"> 6Ekero baigeteo, Aburamu agaeta gati y&#8217;ense eria goika aase aachenu agwo Shekemu, aase omote onga buna omotontera orenge, agwo More. Ase engaki eyio Abakanani nabwo bamenyete ase ense eyio. 7Erio Omonene akamoorokera Aburamu, akamotebia, &#8220;Ning&#8217;ee ororeria rwao ense eye ebe omwando obo.&#8221; Ase igo Aburamu akaagachera Omonene egesasimero agwo, Omonene oyo omoorokerete. 8Erio akarua agwo, akagenda ebitunwa ebire ensemo ya moocha ya Beteli, agatenenia eema yaye aroro. Korwa aase agwo Beteli nigo orenge ensemo ya bosongo, na Ai ensemo ya moocha. Na agwo akaagachera Omonene egesasimero akarangeria erieta ri&#8217;Omonene. 9Na Aburamu akabwatia orogendo akagenderera bosio gochia ensemo ya Negebu.</div><div class="s1">Aburamu okogenda Misri</div><div class="p"> 10Bono enchara egasoa ase ense eria, na ekiagera enchara eria yarenge enene mono ekagera Aburamu agatirimboka gochia Misiri. 11Kobaikire ang&#8217;e gosoa Misiri, agatebia Sarai mokaye, &#8220;Nimanyete ng&#8217;a nigo ore omokungu omonyakieni ase okororekana; 12aande gose Abamisiri, ekero barakorore, nigo baratebe: Oyo mokaye; erio bang&#8217;ite inche, korende aye bagotige moyo. 13Ase ayio, obatebie ng&#8217;a mosubati ominto ore, erinde ebe buya asende, na ase engencho yao imbe moyo.&#8221; 14Ekero Aburamu asoete Misiri, Abamisiri bakarora omokungu oyio ng&#8217;a nigo arenge omonyakieni mono. 15Ekero abarenge abagambi inse ya Farao bachia korora omokungu oria, bakamotogia ase obosio bwa Farao. Na omokungu oria akairwa komenya mwa Farao. 16Farao agakorera Aburamu buya ase engencho ya Sarai, na Aburamu nigo anyorete ching&#8217;ondi, ne chiombe, ne chitigere, na abasomba, abamura na abaiseke, ne chitigere chiaberi, ne chingamia.</div><div class="p"> 17Korende Omonene akarenta amaakwa amanene ase Farao na ase abanto baye ase engencho ya Sarai, moka Aburamu. 18Erio Farao akarangeria Aburamu, akamoboria, &#8220;Inki eke gwankoreire iga, otare gontebia ng&#8217;a oyo mokao? 19Naki gwakorete ogateba ng&#8217;a oyo mosubati omino, na inche nkamoira akaba mokane? Bono mokao oyio moire, ogende nere.&#8221; 20Erio Farao agachika abanto bakoobe Aburamu amo na mokaye na kende gionsi abwate.</div>
 </div>
 </div>
</div>

OLD EKEGUSII BIBLE PROTESTANT EDITION ©Bible Society of Kenya, 2020

Omonene agakwana na Aburamu, akamotebia, “Karue ase ense eye yao, na ase eamate yao, na ase omochie o iso, ogende goika ense ndakworokie. Ningokore obe egesaku ekenene, ningosesenie, ninkore erieta riao ribe rinene, na aye nobe omosesenigwa.
“Nimbasesenie abwo baragosesenie, nere oyorakoragererie nimoragererie,
na goetera asore aye
ebisaku bionsi bi’ense inabisesenigwe.”
Erio Aburamu akaimoka, akagenda buna Omonene amotebetie, na Loti akagenda amo nere. Aburamu nigo arenge nemiaka emerongo etano na ebere, na etano (75), ekero arenge kong’anya korwa Harani. Aburamu akaira Sarai mokaye, na Loti, omwana omomura omwabo, na ebinto bionsi ebi babwate, ebio konya benyoreire abanyene, na abanto babo bonsi babwate agwo Harani, bakaimoka, bakagenda ense ya Kanani.
Ekero baigeteo, Aburamu agaeta gati y’ense eria goika aase aachenu agwo Shekemu, aase omote onga buna omotontera orenge, agwo More. Ase engaki eyio Abakanani nabwo bamenyete ase ense eyio. Erio Omonene akamoorokera Aburamu, akamotebia, “Ning’ee ororeria rwao ense eye ebe omwando obo.” Ase igo Aburamu akaagachera Omonene egesasimero agwo, Omonene oyo omoorokerete. Erio akarua agwo, akagenda ebitunwa ebire ensemo ya moocha ya Beteli, agatenenia eema yaye aroro. Korwa aase agwo Beteli nigo orenge ensemo ya bosongo, na Ai ensemo ya moocha. Na agwo akaagachera Omonene egesasimero akarangeria erieta ri’Omonene. Na Aburamu akabwatia orogendo akagenderera bosio gochia ensemo ya Negebu.

Bono enchara egasoa ase ense eria, na ekiagera enchara eria yarenge enene mono ekagera Aburamu agatirimboka gochia Misiri. Kobaikire ang’e gosoa Misiri, agatebia Sarai mokaye, “Nimanyete ng’a nigo ore omokungu omonyakieni ase okororekana; aande gose Abamisiri, ekero barakorore, nigo baratebe: Oyo mokaye; erio bang’ite inche, korende aye bagotige moyo. Ase ayio, obatebie ng’a mosubati ominto ore, erinde ebe buya asende, na ase engencho yao imbe moyo.” Ekero Aburamu asoete Misiri, Abamisiri bakarora omokungu oyio ng’a nigo arenge omonyakieni mono. Ekero abarenge abagambi inse ya Farao bachia korora omokungu oria, bakamotogia ase obosio bwa Farao. Na omokungu oria akairwa komenya mwa Farao. Farao agakorera Aburamu buya ase engencho ya Sarai, na Aburamu nigo anyorete ching’ondi, ne chiombe, ne chitigere, na abasomba, abamura na abaiseke, ne chitigere chiaberi, ne chingamia.
Korende Omonene akarenta amaakwa amanene ase Farao na ase abanto baye ase engencho ya Sarai, moka Aburamu. Erio Farao akarangeria Aburamu, akamoboria, “Inki eke gwankoreire iga, otare gontebia ng’a oyo mokao? Naki gwakorete ogateba ng’a oyo mosubati omino, na inche nkamoira akaba mokane? Bono mokao oyio moire, ogende nere.” Erio Farao agachika abanto bakoobe Aburamu amo na mokaye na kende gionsi abwate.

Gwranda ar OMOCHANKO 12