 If you would like a copy of this version please contact info@davaraudiobibles.org

Kuranko Old Testament

<div class="version vid2947 iso6393knk" data-vid="2947" data-iso6393="knk">
 <div class="book bkGEN">
 <div class="chapter ch23" data-usfm="GEN.23">
 <div class="label">23</div><div class="s">Sira Faga-Koe</div><div class="p"> 1Sira siyi ya san k&#603;m&#603; ani san mogan-ni-w&#596;r&#596;nfila (127) le b&#596;, a nara to fagala. 2A fagara Hibur&#596;n soe bur&#596; Kenan nyaman&#603; r&#596;. Iburayima dira Sirala ko la.</div><div class="p"> 3Iburayima ya a las&#596; ka b&#596; ala musi furi daf&#603; ka ta a f&#596; dugurannu ye ko, 4#Hiburunu 11.9, 13; K&#603;w&#596;l&#603;nu 7.16 &#8220;Sundan le nde la min sigin&#603; wole H&#603;tinu t&#603;ma. Wo ni dugu-kundu-n&#603; di n ma alako n ni nna furi togon ny&#596;.&#8221;</div><div class="p"> 5Duguran wo do ya a f&#596; Iburayima ye ko, 6&#8220;I w&#596;l&#596; mat&#596;l&#596; ma la bawo ma ya a l&#596;n ko Allata-m&#596;g&#596;-yab&#596;n&#603; le ile la ma t&#603;ma. Kanba-hakik&#603; minnu bi ma bolo yan t&#596;, i ya lakalan. I ni wo kelen bi ka ila furi togon ny&#596;. Ma fenfen ti ma ban kanba-sinn&#603; dila i ma.&#8221;</div><div class="p"> 7Iburayima ya a madu duguran wonu k&#596;r&#596;. 8A ya a f&#596; anu ye ko, &#8220;Ni wo ara s&#596;n ko n ni nna furi togon wo war&#603; yan t&#596;, nba, wo yandi, wo ta Soharila dan &#400;fir&#596;n madiya n ye 9alako a ni ata faran di n ma min bi ala dugi dan la Makipela t&#603;ngb&#603;nya r&#596;. Ale si a mayira n ma d&#603; min na, a ni a da-b&#603;r&#603;b&#603;r&#603; f&#596; wo ye, wolet&#596; a si ma nna kaburu-soe la wo t&#603;ma.&#8221;</div><div class="p"> 10Nba, wo ya a taran, &#400;fir&#596;n sigin&#603; m&#596;g&#596;-banu t&#603;ma soe tara-d&#603; la. Ale ya a f&#596; Iburayima ye m&#596;g&#603; wonu t&#603;ma ny&#596; ko, 11&#8220;Nba, n tigi, i w&#596;l&#596; mat&#596;l&#596; n kan la. N si faran wo di i ma anub&#603; nna dugi min bi faran wola fool&#603; r&#596;. N si ny&#596; di i ma m&#596;g&#603; k&#603; b&#603;&#603; yala bi. I si ila furi togon ny&#596;.&#8221;</div><div class="p"> 12Iburayima ya a madu H&#603;ti m&#596;g&#596;-ba wonu k&#596;r&#596;. 13A ya a f&#596; &#400;fir&#596;n ye m&#596;g&#603; b&#603;&#603; yala ko, &#8220;I ni i tole mas&#596; a kila-b&#603;r&#603;b&#603;r&#603; f&#603;. N si a san iko i ye a m&#596;l&#596;n t&#603;g&#603;la nya min. I yandi, i ni s&#596;n dugi wo s&#596;nk&#603; la alako n ni nna furi togon ny&#596;.&#8221;</div><div class="p"> 14&#400;fir&#596;n ya Iburayima yabi ko, 15&#8220;N tigi, i w&#596;l&#596; mat&#596;l&#596; nde le la. Nna dugi wo s&#596;nk&#603; le wodi-gb&#603;-gbu k&#603;m&#603; nani#23.15 Wodi-gb&#603;-gbu k&#603;m&#603; nani: Wola gbiliy&#603; wo mani de iko yi kal&#596;n kelan. K&#596;n&#596; &#400;fir&#596;n ya Iburayima bolo labira ka a da le f&#596; a ye ka dugu d&#603; lagb&#603;l&#603;ya Iburayima kuma bawo n&#596;nfulu-tigi le Iburayima la. na. K&#596;n&#596; hali wo, n ya a di i ma le. A da ma wo la. Ta ila furi togon ny&#596;.&#8221;</div><div class="p"> 16Iburayima s&#596;nta wo ma. &#400;fir&#596;n ya wodi-gb&#603; minna ko f&#596; m&#596;g&#596;-ba wonu yala, Iburayima ya wodi-gb&#603;-gbu k&#603;m&#603; nani (400) wo suman a ye iko yilanu si fan suman nya min.</div><div class="p"> 17&#400;fir&#596;nta dugi anub&#603; ata faran anub&#603; ny&#596;-k&#596;l&#596;ma minnu bi Makipela t&#603;ngb&#603;nya r&#596;, Mamireya daf&#603;, anu ya wo b&#603;&#603; latenbi Iburayima ma ka a ma a halal&#603; la 18soe tar&#603; d&#603; la ny&#596; H&#603;ti m&#596;g&#596;-ba wonu yala. 19Wo k&#596;ma, Iburayima ya ala musi Sira togon faran wo la min bi Makipela t&#603;ngb&#603;nya r&#596; Hibur&#596;n soe telen t&#596; Kenan nyaman&#603; r&#596; Mamireta k&#596;l&#596;manu bi kan min. 20Wo le ya a ma, faran wonub&#603; dugi min bi ala fool&#603; r&#596; H&#603;tinuna nyaman&#603; r&#596;, wonu mara Iburayimata kaburu-soe la.</div>
 </div>
 </div>
</div>

Kuranko Common Language Bible © The Bible Society in Sierra Leone, 2006.

Sira siyi ya san kɛmɛ ani san mogan-ni-wɔrɔnfila (127) le bɔ, a nara to fagala. A fagara Hiburɔn soe burɔ Kenan nyamanɛ rɔ. Iburayima dira Sirala ko la.
Iburayima ya a lasɔ ka bɔ ala musi furi dafɛ ka ta a fɔ dugurannu ye ko, “Sundan le nde la min siginɛ wole Hɛtinu tɛma. Wo ni dugu-kundu-nɛ di n ma alako n ni nna furi togon nyɔ.”
Duguran wo do ya a fɔ Iburayima ye ko, “I wɔlɔ matɔlɔ ma la bawo ma ya a lɔn ko Allata-mɔgɔ-yabɔnɛ le ile la ma tɛma. Kanba-hakikɛ minnu bi ma bolo yan tɔ, i ya lakalan. I ni wo kelen bi ka ila furi togon nyɔ. Ma fenfen ti ma ban kanba-sinnɛ dila i ma.”
Iburayima ya a madu duguran wonu kɔrɔ. A ya a fɔ anu ye ko, “Ni wo ara sɔn ko n ni nna furi togon wo warɛ yan tɔ, nba, wo yandi, wo ta Soharila dan Ɛfirɔn madiya n ye alako a ni ata faran di n ma min bi ala dugi dan la Makipela tɛngbɛnya rɔ. Ale si a mayira n ma dɛ min na, a ni a da-bɛrɛbɛrɛ fɔ wo ye, woletɔ a si ma nna kaburu-soe la wo tɛma.”
Nba, wo ya a taran, Ɛfirɔn siginɛ mɔgɔ-banu tɛma soe tara-dɛ la. Ale ya a fɔ Iburayima ye mɔgɛ wonu tɛma nyɔ ko, “Nba, n tigi, i wɔlɔ matɔlɔ n kan la. N si faran wo di i ma anubɛ nna dugi min bi faran wola foolɛ rɔ. N si nyɔ di i ma mɔgɛ kɛ bɛɛ yala bi. I si ila furi togon nyɔ.”
Iburayima ya a madu Hɛti mɔgɔ-ba wonu kɔrɔ. A ya a fɔ Ɛfirɔn ye mɔgɛ bɛɛ yala ko, “I ni i tole masɔ a kila-bɛrɛbɛrɛ fɛ. N si a san iko i ye a mɔlɔn tɛgɛla nya min. I yandi, i ni sɔn dugi wo sɔnkɛ la alako n ni nna furi togon nyɔ.”
Ɛfirɔn ya Iburayima yabi ko, “N tigi, i wɔlɔ matɔlɔ nde le la. Nna dugi wo sɔnkɛ le wodi-gbɛ-gbu kɛmɛ nani na. Kɔnɔ hali wo, n ya a di i ma le. A da ma wo la. Ta ila furi togon nyɔ.”
Iburayima sɔnta wo ma. Ɛfirɔn ya wodi-gbɛ minna ko fɔ mɔgɔ-ba wonu yala, Iburayima ya wodi-gbɛ-gbu kɛmɛ nani (400) wo suman a ye iko yilanu si fan suman nya min.
Ɛfirɔnta dugi anubɛ ata faran anubɛ nyɔ-kɔlɔma minnu bi Makipela tɛngbɛnya rɔ, Mamireya dafɛ, anu ya wo bɛɛ latenbi Iburayima ma ka a ma a halalɛ la soe tarɛ dɛ la nyɔ Hɛti mɔgɔ-ba wonu yala. Wo kɔma, Iburayima ya ala musi Sira togon faran wo la min bi Makipela tɛngbɛnya rɔ Hiburɔn soe telen tɔ Kenan nyamanɛ rɔ Mamireta kɔlɔmanu bi kan min. Wo le ya a ma, faran wonubɛ dugi min bi ala foolɛ rɔ Hɛtinuna nyamanɛ rɔ, wonu mara Iburayimata kaburu-soe la.

Gwranda ar Ko-Dabirɛnu 23