Perjanjian Baru terjemahan Bahasa Melayu Maluku Utara

Melayu Maluku Utara

<div class="version vid2975 iso6393max" data-vid="2975" data-iso6393="max">
 <div class="book bkMAT">
 <div class="chapter ch2" data-usfm="MAT.2">
 <div class="label">2</div><div class="s">Orang-orang yang pintar lia bintang pe arti datang semba pa Yesus</div><div class="p"> 1Yesus lahir di Betlehem di daera Yudea, waktu Herodes jadi raja di sana. Waktu itu, babarapa orang yang pintar lia bintang pe arti, dorang datang dari bagian timur pigi di kota Yerusalem. 2Dorang tanya pa orang-orang di sana, &#8220;Di mana e, orang Yahudi pe raja yang baru lahir? Barang, torang lia bintang satu di timur yang kase tanda Dia so lahir. Torang datang skarang mo semba pa Dia.&#8221;</div><div class="p"> 3Pe dengar dorang bilang ada raja yang baru, raja Herodes hawater, bagitu lagi deng samua orang yang ada di kota Yerusalem. 4Jadi, raja Herodes suru kumpul orang-orang Yahudi pe imam-imam kapala deng guru-guru agama Yahudi yang ahli lima kitab Musa. Kong dia tanya pa dorang, &#8220;Coba kase tau pa kita, di mana Mesias, Raja yang Tuhan Allah janji itu akan lahir?&#8221;</div><div class="p"> 5Dorang jawab, &#8220;Dia mo lahir di Betlehem, di daera Yudea, karna Tuhan Allah so bilang dari dulu pa Dia pe nabi, kong itu so tatulis di Kitab Suci bagini,</div><div class="q1"> 6 # 
 Mi. 5:1; 2Sam. 5:2 &#8216;Ngoni orang-orang Betlehem di tana Yehuda.</div><div class="q1">Biar ngoni pe kota kacil, tapi akan jadi kota penting dari samua kota yang ada di Yehuda.</div><div class="q1">Karna dari ngoni pe kota itu akan muncul pemimpin satu yang mo pimpin Kita pe umat, orang-orang Israel, sama deng gembala yang jaga dia pe domba.&#8217; &#8221;</div><div class="p"> 7Pe dengar bagitu, raja Herodes pangge babadiam pa orang-orang yang pintar lia bintang itu. Turus dia tanya-tanya pa dorang, supaya tau pasti tempo apa dorang lia bintang itu muncul. 8Abis itu, dia suru pa dorang pigi di Betlehem. Dia bilang pa dorang, &#8220;Ngoni pigi suda di Betlehem, kong cari bae-bae Anak itu. Kalu ngoni so dapa pa Dia, ngoni bale kase tau pa kita supaya kita me pigi ka sana semba pa Dia.&#8221;</div><div class="p"> 9Abis dengar raja Herodes bilang bagitu, dorang barangkat. Waktu dorang pigi, kage bintang yang dong perna lia di timur bajalang lebe kamuka dari dorang kong berenti pas di atas Anak itu pe tampa tinggal. 10Waktu dorang lia bintang itu, dong paling sanang skali. 11Kong waktu dorang maso di dalam ruma, dong lia Anak itu ada deng Dia pe mama, Maria. Turus, dong berlutut semba pa Anak itu. Dorang buka dong pe tampa harta kong kase kaluar barang-barang mahal yang dong bawa la kase pa Anak itu. Barang-barang yang dong kase itu: mas, kemenyan#2:11: Kemenyan ini, ada biking dari gata pohong satu yang kalu bakar, bobou sadap, kong orang Yahudi jaga pake di dorang pe ibada. Lia lagi kemenyan pe keterangan di kamus. deng minya wangi mur.</div><div class="p"> 12Abis itu, Tuhan Allah kase mimpi pa orang-orang yang pintar lia bintang itu. Tuhan Allah bilang pa dorang supaya jang bale ulang pa raja Herodes. Jadi, dorang pulang pa dong pe daera iko jalang laeng.</div><div class="s">Yusuf deng Maria bawa lari pa Yesus di Mesir</div><div class="p"> 13Waktu orang-orang yang pintar lia bintang itu so pulang, Tuhan Allah pe malaekat kase tunju dia pe diri pa Yusuf dalam mimpi. Malaekat itu bilang pa dia, &#8220;Yusuf, bangun suda! Bawa Anak itu deng ngana pe bini kong lari di tana Mesir. Ngoni tinggal di sana suda sampe Kita kase tau tempo apa ngoni bale ulang kamari, barang raja Herodes sementara cari Anak itu la mo bunu pa Dia.&#8221;</div><div class="p"> 14Pe dengar bagitu, Yusuf bangun, kong malam itu suda, dia bawa dia pe Anak bini, turus lari di Mesir. 15#Hos. 11:1Dorang tinggal di sana sampe raja Herodes mati. Samua itu jadi sama deng yang Tuhan Allah so bilang dulu pa nabi bagini, &#8220;Kita pangge Kita pe Anak la kaluar dari tana Mesir.&#8221;</div><div class="s">Raja Herodes suru bunu ana-ana kacil di Betlehem</div><div class="p"> 16Waktu raja Herodes tau, orang-orang yang pintar lia bintang itu tara iko apa yang dia bilang, dia mara skali. Jadi dia hitung waktu mulai dari dorang pertama kali lia bintang itu, kira-kira dua taong lalu. Turus dia suru dia pe orang-orang pigi di Betlehem deng kampong-kampong yang dekat di situ la bunu pa samua ana laki-laki yang dong pe umur dua taong ka bawa.</div><div class="p"> 17Waktu dorang bunu pa ana-ana itu, apa yang Tuhan Allah bilang dulu pa nabi Yeremia so jadi, bagini,</div><div class="q1"> 18 # 
 Yer. 31:15
 &#8220;Di kota Rama, ada suara orang manangis karna sedi skali.</div><div class="q1">Rahel#2:18: Rahel itu Yakub pe bini. Di ayat ini, Rahel pe ana-ana itu lambang dari samua turunan bangsa Israel. Jadi itu tentang samua turunan dari bangsa Israel. manangis karna dia inga dia pe ana-ana.</div><div class="q1">Tara satu orang yang bisa hibur pa dia karna dia pe ana-ana so mati.&#8221;</div><div class="s">Yusuf deng dia pe keluarga bale dari Mesir</div><div class="p"> 19Waktu raja Herodes so mati, Yusuf masi di Mesir, kong dia mimpi Tuhan Allah pe malaekat satu datang, turus bilang pa dia, 20&#8220;Yusuf, bangun suda. Bawa ngana pe Anak itu deng Dia pe mama kong bale di tana Israel, karna raja Herodes deng orang-orang yang mo bunu pa Anak itu so mati.&#8221;</div><div class="p"> 21Pe dengar itu, Yusuf bangun kong bawa Anak itu deng Dia pe mama pulang di tana Israel. 22Tapi waktu Yusuf dengar Arkhelaus so jadi raja ganti pa dia pe papa Herodes di daera Yudea, Yusuf jadi tako pulang ka sana. Turus, Tuhan Allah pe malaekat kase tau pa Yusuf dalam mimpi, supaya jang dia pigi di Yudea tapi pigi di daera Galilea. 23#Mrk. 1:24; Luk. 2:39; Yoh. 1:45Waktu dorang sampe di daera Galilea, dong tinggal di kota satu yang pe nama Nazaret. Itu jadi sama deng apa yang Tuhan Allah so bilang dulu pa nabi-nabi bagini, &#8220;Dia itu akan dapa sebut, orang Nazaret.&#8221;</div>
 </div>
 </div>
</div>

Perjanjian Baru Bahasa Melayu Maluku Utara @ Lembaga Alkitab Indonesia 2020

Yesus lahir di Betlehem di daera Yudea, waktu Herodes jadi raja di sana. Waktu itu, babarapa orang yang pintar lia bintang pe arti, dorang datang dari bagian timur pigi di kota Yerusalem. Dorang tanya pa orang-orang di sana, “Di mana e, orang Yahudi pe raja yang baru lahir? Barang, torang lia bintang satu di timur yang kase tanda Dia so lahir. Torang datang skarang mo semba pa Dia.”
Pe dengar dorang bilang ada raja yang baru, raja Herodes hawater, bagitu lagi deng samua orang yang ada di kota Yerusalem. Jadi, raja Herodes suru kumpul orang-orang Yahudi pe imam-imam kapala deng guru-guru agama Yahudi yang ahli lima kitab Musa. Kong dia tanya pa dorang, “Coba kase tau pa kita, di mana Mesias, Raja yang Tuhan Allah janji itu akan lahir?”
Dorang jawab, “Dia mo lahir di Betlehem, di daera Yudea, karna Tuhan Allah so bilang dari dulu pa Dia pe nabi, kong itu so tatulis di Kitab Suci bagini,
‘Ngoni orang-orang Betlehem di tana Yehuda.
Biar ngoni pe kota kacil, tapi akan jadi kota penting dari samua kota yang ada di Yehuda.
Karna dari ngoni pe kota itu akan muncul pemimpin satu yang mo pimpin Kita pe umat, orang-orang Israel, sama deng gembala yang jaga dia pe domba.’ ”
Pe dengar bagitu, raja Herodes pangge babadiam pa orang-orang yang pintar lia bintang itu. Turus dia tanya-tanya pa dorang, supaya tau pasti tempo apa dorang lia bintang itu muncul. Abis itu, dia suru pa dorang pigi di Betlehem. Dia bilang pa dorang, “Ngoni pigi suda di Betlehem, kong cari bae-bae Anak itu. Kalu ngoni so dapa pa Dia, ngoni bale kase tau pa kita supaya kita me pigi ka sana semba pa Dia.”
Abis dengar raja Herodes bilang bagitu, dorang barangkat. Waktu dorang pigi, kage bintang yang dong perna lia di timur bajalang lebe kamuka dari dorang kong berenti pas di atas Anak itu pe tampa tinggal. Waktu dorang lia bintang itu, dong paling sanang skali. Kong waktu dorang maso di dalam ruma, dong lia Anak itu ada deng Dia pe mama, Maria. Turus, dong berlutut semba pa Anak itu. Dorang buka dong pe tampa harta kong kase kaluar barang-barang mahal yang dong bawa la kase pa Anak itu. Barang-barang yang dong kase itu: mas, kemenyan deng minya wangi mur.
Abis itu, Tuhan Allah kase mimpi pa orang-orang yang pintar lia bintang itu. Tuhan Allah bilang pa dorang supaya jang bale ulang pa raja Herodes. Jadi, dorang pulang pa dong pe daera iko jalang laeng.

Waktu orang-orang yang pintar lia bintang itu so pulang, Tuhan Allah pe malaekat kase tunju dia pe diri pa Yusuf dalam mimpi. Malaekat itu bilang pa dia, “Yusuf, bangun suda! Bawa Anak itu deng ngana pe bini kong lari di tana Mesir. Ngoni tinggal di sana suda sampe Kita kase tau tempo apa ngoni bale ulang kamari, barang raja Herodes sementara cari Anak itu la mo bunu pa Dia.”
Pe dengar bagitu, Yusuf bangun, kong malam itu suda, dia bawa dia pe Anak bini, turus lari di Mesir. Dorang tinggal di sana sampe raja Herodes mati. Samua itu jadi sama deng yang Tuhan Allah so bilang dulu pa nabi bagini, “Kita pangge Kita pe Anak la kaluar dari tana Mesir.”

Waktu raja Herodes tau, orang-orang yang pintar lia bintang itu tara iko apa yang dia bilang, dia mara skali. Jadi dia hitung waktu mulai dari dorang pertama kali lia bintang itu, kira-kira dua taong lalu. Turus dia suru dia pe orang-orang pigi di Betlehem deng kampong-kampong yang dekat di situ la bunu pa samua ana laki-laki yang dong pe umur dua taong ka bawa.
Waktu dorang bunu pa ana-ana itu, apa yang Tuhan Allah bilang dulu pa nabi Yeremia so jadi, bagini,
“Di kota Rama, ada suara orang manangis karna sedi skali.
Rahel manangis karna dia inga dia pe ana-ana.
Tara satu orang yang bisa hibur pa dia karna dia pe ana-ana so mati.”

Waktu raja Herodes so mati, Yusuf masi di Mesir, kong dia mimpi Tuhan Allah pe malaekat satu datang, turus bilang pa dia, “Yusuf, bangun suda. Bawa ngana pe Anak itu deng Dia pe mama kong bale di tana Israel, karna raja Herodes deng orang-orang yang mo bunu pa Anak itu so mati.”
Pe dengar itu, Yusuf bangun kong bawa Anak itu deng Dia pe mama pulang di tana Israel. Tapi waktu Yusuf dengar Arkhelaus so jadi raja ganti pa dia pe papa Herodes di daera Yudea, Yusuf jadi tako pulang ka sana. Turus, Tuhan Allah pe malaekat kase tau pa Yusuf dalam mimpi, supaya jang dia pigi di Yudea tapi pigi di daera Galilea. Waktu dorang sampe di daera Galilea, dong tinggal di kota satu yang pe nama Nazaret. Itu jadi sama deng apa yang Tuhan Allah so bilang dulu pa nabi-nabi bagini, “Dia itu akan dapa sebut, orang Nazaret.”

Gwranda ar Matius 2