Adnodau Beiblaidd Poblogaidd o METHIU 24

Rhanna

Ichamah ahung-bariim tahnache ningsiih aanem jungtak vaata. Changvakonchu apha achimahri raentaang abadaarcheh meechu ikarpeeh phavaata.

Iruwng lipah khaena isa chongchu ajaati siirnache saarkhii ipeehnii khaenache laaruw paam aangkhengna yntongchir pehvaang naka aanuwnache laaruw paam chipeh vaata.”

Nenuw ing laar vokhehkho laarsa yntuk chong siivanenta changvakonchu nenbarungriir manjamahruw. Hava vakhae i suwhvaata changvakonchu achiniirem chuve thengmahrinii.

Akhaechuve jaati yngkheh ing jaati yngkheh taklina, iruwng lipah yngkheh ing iruwng lipah yngkheh taklina har ynjong vaatae. Amanache apham tanglahlah venchaam chiilaar omvaata vokhehkho linglaang thengvaata. Changvakonchu havana suwhvachii vakhae ichuve ijachaam abasennii vaata.

Thangbaen vokhehkho laaruw paam chuve maang-vaata, changvakonchu kachongsae chuve maangmahdehnii.

Karuming nache Khrista ping ta ae naka thengvaatae amanche mee aanem aasiirting kivaatae.

“Changlaenche nenuwchu ija-chaam ipivaatae, ithehkho itheh vaatae amanche jaat vakhae inche karuming nache ibatir vaatae. Changlaenche nenuw aanem thacha tanii ynrichir vanenta; yngkheh re yngkheh ynrensava nenta amanche yngkheh re yngkheh yngharva nenta. Amanache jaephar pung achii ichummah aajaeh hungsuwh ae naka mee aanem aasiirting kivaatae.

Amana Jesu ing abasang ae, “Nenuw achuw ingkho aasiirting ynruwniimah ing ynriimruw.

Chu-khaenache nenuw singsii ing ongruw, nemandenmah aphanache Mee Sapa ing juwngvaata.

“Chukhaenache hahjaehruw, Aafhuw juwngvachii aphachu nenuw manghuwmahchuw.

“Changvakonchu aanii vokhehkho aphachu ampa ingmah naka thangbaen vaarmee aengkho, asapa ingkho manghuwmahnii.

Akhaechuve ki Khrista ping ichii mee amanche Jaephar ping ichii ae hungsuwh vaatae; amanache aateer vasah ae rapkho aasiirting iruwnii khaena iruungpak laetho vokhehkho ingikniipak mandang vaatae.

Mee Sapa juwngvachii iniichu Noah aaniina isuwh vaangkhe tavaata. Akhaechuve chii riimvachii inii aphamah rirae Noah ing ruwkuwng sungting aruwhmahri raentaang enuw ing sa aeka in aeka, rakhiinii aeka, vokhehkho rakhiikho manii aeka ong ae; amana chiichu riimka enuw vakhaechu ataenmahri raentaangche emanghuwmah vaangkhe, Mee Sapa juwngvachiichu amachu vaangche tavaata.