Adnodau Beiblaidd Poblogaidd o Madiu 9

Rhanna

Amo bealahilä, ea ïe bëgëla aulo amolima sähalea, Molö bëi yafie hamosalea gaso, molö bëi gegedolasimolöïe hamoi hamolo amolida ede made gabumelë. Amai gabugi, sagai eedo hï hamoi hamolo ïe sagaigi hamoi hamomolöïe fisiga gamäia, dilia ema adosa namialola säla ï.

Afialahilä ado gowe helësëmalo. Amoda gomalä, Na nelebo nufudala ïmolö hamela made, bobasëla ugila negemolö amo hamesala säla dëdëla negei dialea. Ne misiweda udia dolö mala mogoi hamolo nefolalebe amoli wemolö misi made. Udia dolö mala nafade hamolo nefolalebe amoli wemolö misimelëla säla ï.

Ea udia dolö yafie gegedola negegila nefolalebe amoli bealahilä, ili bobasëi. Mida, ili sugua sibi sigi aligilo maadeia, hilido aligilo amo gadola, ilia asigia säosäolage, nalahoi gadolage nefolalo.

Amala säi amo nabalahilä Yesuea sähalea, Udia dolö oloi made nefolalebe amolida alögoda neebea aulo made. Oloi sefolalebe amolimu alögoda neebea aulomelë.

Yesu e gaamu sulubadelagige, sege sulubadelagige, nawesa neada, ilile gedolo mosöa säla olelesalea, Beaha Maadela Sigi Neebe amoïe Ado Mala Hedabi säla olelela digi, olo elö elöla oloi wahila digi, amase, domalo nalafadela nawei sulubadela wahila didigila digila nawesa nelo.