Adnodau Beiblaidd Poblogaidd o PIENCILNA 3

Rhanna

Tuaci’n numei in tua singkung a mu ciengin neh dingin tuituohsa a, a mit zong a la mama hi. Tuale mi pilsah dingin tua singkung a deihuoi lam a mu ciengin tua nu in a ga loin a ne hi; tua nu in ama tawh a omton a pasal zong themkhat pie a, a pasal in zong a ne hi.

Tu-in TOPA Pasien bawlsa gamsa cinteng sangin gulpi a pilkhel pen ahi hi. Ama in numei kungah, “Pasien in, ‘Um sunga singga khat beh ne lo ding,’ ang ci amah?” a ci hi.

Nang le numei kikal le na suonlehlahte le tua nu suonlehlahte kikalah kilangneina ka omsah ding hi; ama in na lutang ang tuoncil ding a, nang in ama’ ketul na tuhpieh ding hi,” a ci hi.

Ama in tua numei kungah, “Naupaaina-ah gimnate nasie tahin ka khangsah ding a, a thuohla pipi-in nau na suoh ding hi. Hinanle na pasal ma na lunggul bembom ding a, ama in nang tungah ang uh ding hi,” a ci hi.

Lei-ah na peikia masangsie na maitangah opsakai-in an na ne ding hi, bangzieh ahei cile nang pen leivui pana ang kila na hi hi; nang leivui na hi a, leivui ma ah na peikia ding hi,” a ci hi.

Tuale mipa kungah, “Nang in na zi thugen mangin, ‘Na ne sih ding hi,’ ci-a kang thupieh singga ne zo ta na hi ziehin, nangma vangin leitang kisamsie hi; na hin sung tungtawnin gim le tawlin na semin an na ne ding hi

Ama in, “Guohtanga na op lam koi hing gen ahiei? Ne si’n, kang ci tua singga na ne ta amah?” a ci hi.

Ama in mipa a notmang hi; ama in hinna singkung zuotna lampi a cing dingin Eden um nisuona lamah meikuong namsau tawh Cherub-te a pangsah hi.

Mipa in a zi pen mihing zosie’ nu ahi ziehin a min Eve vaw hi.