Adnodau Beiblaidd Poblogaidd o Matta 16

Rhanna

Ssenni issiweȓ Ƹisa ak imeḥḍaren nnes inna-asen: "Wenni ixsen aḏayi iḏfar nec, labud aḏ ismeḥ ḏeg yixef nnes aḏ ikessi ṣṣalib nnes aḏayi iḏfar.

Nec ƹaweḏ aqa qqareɣ-ac: Cek ḏ Buṭrus, iƹni ḏ 'Azru.' X uzru-ya aḏ bniɣ nec jmaƹṯ n ȓmuminin inu, ṯiwwura n Ljaḥim war zzayes tiwint walu!

Aḏac uceɣ ȓemfataḥ n ȓmulk ujenna. Min ɣa ṯceddeḏ ḏi ṯmurṯ aḏ yiȓi itwacedd ḏeg ujenna. Min ɣa ṯerzmeḏ ḏi ṯmurṯ aḏ yiȓi itwarzem ḏeg ujenna."

Ȓaḥeqqac wenni ixsen aḏ isenjem ṯuḏarṯ nnes ataf at ixsar. Wenni ɣa ixsaren ṯuḏarṯ nnes x ssabab inu ataf at yaf.

Minzi ɣa infeƹ bnaḏem meȓa irbeḥ ddunect-a qaƹ wa ixsar ȓaƹmar nnes? Min ɣa yuc bnaḏem ḏeg umcan n ȓaƹmar nnes?

Inna-asen Ƹisa i imeḥḍaren nnes: "Y kenniw, min ḏayi d tarram nec?" Indeq-d Simƹan Buṭrus inna-as: "Cek ḏ Lmasiḥ, Mmis n Arebbi iddaren."

Ȓexddenni inna-as Ƹisa: "Ssaƹḏ nnec a Simƹan a mmis n Yuna! War iǧi bu ḏ ca n bnaḏem iy ḏac d ismeḍharen manaya menɣir Baba iǧan ḏeg ujenna.