Adnodau Beiblaidd Poblogaidd o Mata 7

Rhanna

I dəba ŋa ya, a gwaɗa a tar asa: «Wizwim, Mbulum a vile a kurum ŋa. Yahum, ki ŋgetwimiŋa. Lakum a dukw mahə̀ndə̀kà ga, dite à hìndìk a kurum a i ga ya.

Aɗaba ku weke na aka wiz a ka, a vileriŋa. Wur ana aka yaha ya ka, a ŋgetiŋa. Dite wur ana aka lak a dukw mahə̀ndə̀kà ga ya ka, tùwaŋ à hìndìker a iɗəm a mbaŋa.

Aɗaba taŋa, Yesuw a gwaɗa a tar: «Ku weke na aka tsaraka bazlam gà ana i tsik a ya, aka ge megemir ŋa lele ka, a ndzikiɗ ba wele ana metsehe ŋgar a riŋ lele, à dzèhe a ga ya. A dzèhe a ga ka, a le a biye, à zlèzlere a iɗəm nda kur a lele, na dite a mbezle a tsiye.

Aɗaba taŋa, dukw ana a sàs a kurum zləmana gà mburma ta ge a kurum ŋgwal ŋa ya ka, kurum tekeɗe ibam, gwim a tar kataya mbaŋa. Taŋa na dukw ana i wakita məpala ahəm Musa nda biy gà ɓəzla məma à guma Mbulum a tsik tserdze ya.»

Ama biye hərmaga ana hinne tsiye ka, a de a à mburma ka, a təv mesife ana à ndìv a tsiye. Vatwa ŋa ka, rèhhe masakəŋa, mawùràba ŋa hinne. Ama gà mburma ti de a nda təv ata ka, ndaw tsa.»

«Dum ndaka biye hərmaga ana hinne tsiye. Aɗaba biye hərmaga ana zlàbàta ŋa ya ka, a de a à mburma ka, a təv medzeye. Vatwa mada a fata ka, tùwwa mawùràba ŋa tsa, gà mburma hinne na ti de a nda təv ata ya.

Na kurum ana gà ŋgwal ŋa tsiye ka, ka sərum məvəla gà ŋgwal gà dukw a gà ɓəza kurum seyiŋ ana, sakwàn Tsir kurum ana i gər ŋa ya ivaɗ a. A vile a gà ŋgwal gà dukw a gà na ta wiz ahər a ya ana, à zè a taŋa tsiye?

«Ka ta mum à bakal a gà mìsle ŋgiɗ tsa, na dite Mbulum tekeɗe, a ta me a kurum a à bakal tsiye mbaŋa. Aɗaba na kàa mum à bakal a gà mìsle ŋgiɗ ka, Mbulum a ta me a kurum a dər aɗəm kataya mbaŋa. Dukw ana kàa gwim a gà mìsle ŋgiɗ a ka, Mbulum tekeɗe, à me a kurum a dər aɗəm ka, kamala taŋa ya mbaŋa.

Ama ku weke na aka tsaraka bazlam gà ana i tsik a ya, aka ge megemir ŋa tsəka, a ndzikiɗ ba ka, wele ana metsehe ŋgar a riŋ tsa, a dza ba aà madzàha ga aka ahəɗ kataya masakəŋa ya.

Aàmala la na a sàsak meŋgeteha ka, a pərats ana kwizikw i are damər yak a, tsaatsa i yak ŋa ana iɗəm diŋgwizl dùrgùrəzl ka, kàa sər ahər tsiye? Dite meme na ki gweɗe a damər yak ka, aha i zlekere a pərats ata i are yak a, na tsaatsa i yak ŋa ana iɗəm ka, diŋgwizl a?

I dəba ŋa ya, Yesuw a gwaɗa a tar asa: «Kaslum ba kurum i təv gà ɓəzla məma à guma Mbulum ana nda pàrsa ya. Ti dere a a təv kurum a ka, zukum zukum kamala gà təmaŋ a. Tsaatsa i huɗ ba tar ka, ti ndzikiɗ ba gà də̀var ana ta pèpìɗ a mburma ya. Ki sirwim a dər iba ya ka, i megemir tar ana ta ge a ya. Aɗaba dizl ɗaf ana adak ihər a ana, a we a hàndaza ya? Kige tsa ki ŋgəlwim a mawà gùrùv aà tsitsìv a ya?

Dizl ɗaf ana ŋgwal ŋa, dukw məməta ihər tsiye ka, a we a gà ɓəza ka, ŋgwal ŋa mbaŋa. Dite dizl ɗaf ana ŋgwal ŋa tsa, ba a dzəmar tsiye tekeɗe, a we a gà ɓəza ka, à tsehin a lele tsa mbaŋa.

Kige tsa dizl ɗaf ana ŋgwal ŋa ya ka, a we a kəla tekeɗe, magàha a bəɗ ŋa tsa. Dite bəla dizl ɗaf ana ba a dzəmar tsiye ka, a sle a aà mawà kəla nawat nawat ɓav tsa asa.

Ama dizl ɗaf ana a we a ŋgwal ŋa tsiye ka, ti sese a iɗəm a, ta wene a nda akwa.