Adnodau Beiblaidd Poblogaidd o Kejadian 2

Rhanna

Ange tep nengeda, ware ngebo do yuma, er nai sisa cap, er nin sisa cap, sun ati tapra, er dopre ner dipru dukdongopra, sunpu kikiman kunkamrenge. Sun nong tenpu utopu kunkamrenge.

Amendada, Ila Deiyo Ngebo Allah, er si Yahwehdi utenepudi, pepu. “Gume. Tuai ngebo ketekepra deipsi ngebo, er yuk kururada, telepe gume. Ange tep nengeda, er melimna tep, er cap pio telep kupra kikiman kupmanto ngeda, ketekepra deipkune,” pepu.

Ataru neitamai di, Ila Deiyo Ngebo Allah er si Yahwehdi, tuai kalkal pemu tu dopropudi, tu teleprapudi, nimi nong tenpu ketekepra deipudi, er u bon neitamai kum pupupa, isin kupu. Ukupka deiki di, angebo gam kuna deiyo keca karepupa, isine kupudi, gam buku.

Karepupa, Adamdi upepu. “Gume. Aner er yoda, ne yo pua. Er tuda, ne tu pua. Nimi nong neitamai di dopra ketekeipmar keca cadi, er sida, “Ner,” pepra deipne.” Adamdi pepu.

Tonda, Allahdi, ‘Atumida pio teleppu kunkamre’ tenen, telep upu pepra deipkadi, yoneitam tumi tep, “Pio telep,” peprapudi, pio mambul tumi tep bokra deipu. Ada, Allahdi akeca-keca yuma, yala-yala weik ketekepra kunmauanen, konum gawal daku dingeda, yoneitam bari tumi deiki di beipye peipka tep, atumida ila mambul tumi kepra deipudi, bokra deipu.

Uda aneng butene ketekeipu taruda, animi pe, er ner peda, sun tali banangapu kunmarei dinin, ange tenena gum dipapu, ali dangna gum dipapu, tali kange doupra kunmarei.