Adnodau Beiblaidd Poblogaidd o Zouao 5

Rhanna

—Parrissehera tiadeniza uati onana: Ouatti mittemanarraridenipa arra oua Cazossede Abi Deoza parrissa quenaza naco camittehe rriquerreranicca carrimana-zanapouitoui. Poccadeni uimasiri manaconipe pouadeniza ssonari-rreranitoui. Taide Deoza ssamoqquiri nazapa pina zoqquemanarrarissa quenaraha narraro inebomaneza camittehe rriquerreraniccaza toquerrenarrari −nade.

Narrarina ponaui Zeso qqui inaza nauiza coma taha maitta madiraui uima mittazapa pouaza uati tarraride: —Tinominiuarrine touini taqui−nade.

Nazama tiadenipe Deo Atti dozo nani timittemananissa taniuarrine ua ua titiquena nani. Tettidenipe: “Deo Atti dozo naniza camittehe rriquerreranicca bacco inaniuarrine” titiquena narrarope nani Deo Atti dozo naniza otauimari anini. Naraha tiadenipe ouaza parrissa tiquenerrerarraro. Ouaza parrissa tiquenezape camittehe rriquerreranicca ticarrimana-zanaponitouiraha −nade.

Nazapa Zeso arra coma tarrariza uati tade: —Titemarri! Titaboro tidiza ticcanirri −nade. Nanarra amazati tonomizapa totema, poua taboro idi toccani-ni naraha narraro uadape sabado torrarrarorrine poua taboro zorrode oppina tani, quequenanarrari.

Naraha Zesopa zodeodeniza poua tauimari ecomerade: —Parrissehera tiadeniza uati onarraro: Deo Bedipa poua touini nauicca nauatora taui. Naraha pocca Abicca nauatoue qqui tazana poua naco nema inanarraro. Pina Imehicca nauatouessa narraro ihinauato narraro Bedi naco −nade.