Adnodau Beiblaidd Poblogaidd o Jowǎ̤ni̤ 1

Rhanna

Pwǎ̤ta kòyò htě a kaǎshǔ nû̌û toǒ dě a yṳǎna̤ǎ nû̌û toǒnu, a dǔlṳhtò̌ asî ta Cǒmara a phû̌mǔphû̌khû toǒ.

Dě Cǒmara bǒlò̤ hǎkhû̌ hǒtò̤ akhanu, kò kaǎ nû̌û ta ta̤le̤ta̤yo̤ htǒotapwa̤nu, a ǒhto hǒ. Ta̤le̤ta̤yo̤ htǒonu a ǒkû̌ ta Cǒmara dě ta̤le̤ta̤yo̤ htǒonumî̌ Cǒmara hǒ.

A mî̌ alò̤ta ta̤lî htě a lîrakha ta̤khǐta̤lo̤ akla, dě ta̤khǐta̤lo̤ ma̤pî̌jòkè yǎ tò̤.

Kòyò htě kò kaǎ yǎta ta̤le̤ta̤yo̤ htǒotapwa̤nu, a hèhtû pwǐ kòyòhǎkhû̌phû̌nu dě a hè ǒhtûpwa̤ pakla. Pa kè̌shǐ a ta̤sîrîdû̌sîrîhtû. Cǒmara aphû̌khû ǒtû̌pwǎ tapwǎ̤pa akhû̌akhî, a nî̤bǎbò ta̤sîrîdû̌sîrîhtû htǒo dě aphaǒ. A mî̌ kòyò htě a lǒbe ta ta̤bwǐta̤sîrî ta ta̤te̤ta̤mǎ tapwa̤.

Cǒmara nobǒlò̤ tṳtṳ nû̌û ta̤pṳ̂̌tacǎ. Ta̤htě a bǒlò̤ tò̤nu a ǒ dǐcǎ꤮ tò̤. A mî̌ ta̤htûpwa̤ a kòshî̌kòtṳ dě ta̤htûpwa̤ htǒonu a ǐ kò ta̤lî pṳ̂̌꤮ tapwa̤ aya.

Děnǒkò ti̤ni̤nu, Jowǎ̤ni̤ kè̌shǐ Ye̤shǔ hè a ǒ dě a hî̌, “Kè̌mò̌, Cǒmara asophû̌ htě a wîkè kòyòhǎkhû̌phû̌ a ta̤sǔta̤plě toǒ htǒonu tapwa̤.

A hè ǒhtûpwa̤ dě hǎkhû̌bǎo hǒ. Dě a bǒlò̤ hǎkhû̌htǒo pwǎ̤tadě a mî̌ kòyò hî̌tè tapwa̤nu hǎkhû̌phû̌ sî̌yaphlo yǎ tò̤. A hè dě a shiphû̌gaphû̌ htǒotoǒ a ǒ pwǎ̤tadě akòyò toǒ kaǎshǔ nû̌û tò̤.

Ta̤lî mè̤mè̤̌ htǒonu, a glè hènṳ dě hǎkhû̌bǎo hǒ, dě a lîrakha htò̌lṳ bǎ kò pṳ̂̌꤮ tapwa̤.

Cǒmara ǐlò̤ ta̤sû̌ta̤tòwò ta Mǒ̤jè dě Mǒ̤jè ǐlò̤ tṳtṳ nû̌ûta pa, hǐnudě Ye̤shǔkhrî̌stu mî̌ kòyò htě a ǐlò̤ bǎ pa ta̤bwǐta̤sîrî ta ta̤te̤ta̤mǎ.