Adnodau Beiblaidd Poblogaidd o Matteyo 7

Rhanna

Ifiyete, bwo isyo adi Hollum jihatai. Ottifyati, bwo inyurana adi itai. Inninnaŋata ekat, bwo aŋa adi inyi jihatai.

Nyo lya al ifiyo’to jyo Hollum ifwotu adi. Lya ol ottifya’to onyurak adi, bwo fe lya al inninnaŋyo’to ekat aŋai adi jihonyi.

Laati daŋ hul itaniŋuni’to ekyanita hoŋ bwo fe oniŋye ekyanita hwa arai adi isi ihwa olofere ol oduhok’to aji honyi lihide bak.

Erre daŋ hun iwahata tai ihanie laati jihatai, oŋida bwo fe itai ihaniete on orryama jihosi. Nyo igyoroni huna ifahita bwo fe igyerita huno leyak sayyo.

Ati ottida lekoi ol orihoro’to laati lisu inyi ol omutararik ladak te ekoi alya.

Adahati te ekoi ol ottida’to; nyo alat nekoi on orihoro’to laati liye, inyi on olwajarik ladak te ekoi ania.

Itai hul irrohojata’to, kuyya imijana tai lisyoryere erre hun oyiji’to jyo aduri hatai, ?obeŋ adi Monyatai ette dou isyo erre hun oyiji’to bebe jyo hul ifiye’to inyi? Isyo adi.

Heŋototo obo atulo bwo obeŋ adi Hollum oŋot itai. Nyo ihwa iŋototo tai obo, oŋot adi bwo fe Hollum itai. Bwo fe te efahita hun isyatta tai obo, ittigemyo adi Hollum itai.

Laati daŋ hul itaniŋuni’to ekyanita hoŋ bwo fe obeŋi oniŋye ekyanita hwa arai adi isi ihwa olosita ol oduhok’to aji honyi lisuluŋayo.

?Aŋai adi igonyu obo alatai alle honyek al awon jo illanyi bwo obeŋ inyi igigilo te etoi on obolo’to otto honyek honyi? ?Kuyya aŋai ikyana adi obo alatai jyo illanyi jo, Hadi, agorotu ni alle honyek to honyek hoi bwo owon etoi on obolo’to otto ononyi?

Ihumata mijo ebwanak hul inyobye’to. Nyo adahatye isi jihatai ihwa akyoro, ati litajya hosi arai isi ihwa elewwo hun oniamai’to. Imijana adi itai isi ta aŋer huno ehanita hosi. Ahode ittallihi laati huruna naŋer ajalaŋi to hikwa, bwo fe ittallihi huruna aŋer ŋaboli to laŋi.

Tania ayyanio daŋ hun oyiji’to oŋijuni adi naŋer hosi hun oyiji, bwo fe ayyanio daŋ hun orrohoji’to oŋijuni adi hunosi hun orrohoji.

Ati obeŋ ayyani on oyyu’to oremik nijuna aŋer hun orrohoji’to. Bwo fe obeŋ ayyani on orroho’to oremik ŋijuna aŋer hun oyiji’to.

Oyefuni adi laati ayyanio daŋ hun obeŋi’to oŋijuni aŋer hun oyiji’to ette bironia lihima.