Adnodau Beiblaidd Poblogaidd o Yohana 6

Rhanna

Kǝnggwa Yeso è jan be jan, “A me ma borodi hon nwene e no be nobǝ nya anga, ende e bwa a zǝn m, a fo ye mbe efwe ra ngge ende e tsǝ́ekǝ̀n a chu m, a fo ye jwangǝ̀ efwe ra.

A Engǝ́ Echanwenwen kpwà ara e no nya anga. Ekǝnjuju mo nobǝ bwe ti ye mò akan anga ra. Be fwa a m jan nye na, a be fwa a chu engǝ́ e no nya anga.

Nye e no e ngǝ nye ekan anga a chu mode nwone a bgen ángá ra, tea nye ti engga mo nye e tku e nda ega e no a fwa efwam ángá, nwone a Nwen Nobǝ a no nye ángá. Adia ga ende a Ehwya è tú ara jan, ge no ara ye echakpo ge ti e no nya ángá.”

Moedgyan mo Àtà m a, binbin mo ya e tsǝ́ ara ekǝ̀n a chu m, a me Nwen hon ángá, a ben nya e no a fwa efwam. Ma kpu be a nyi etkyen, ma no be nya nò ekǝn-etkyen.”

Yeso è janfwe be jan, “Mochi hon tete a Ehwya dgyan anga nye e bwe ángá a ena: nye e tsǝ́ekǝ̀n a chu ende hon a gè tson bwa ángá.”

Binbin mo be nobǝ a Àtà hon no m anga, a bwa a zǝn m, egwa egwa e bwa ara a zǝn m ángá, ma nyon a didi m ye ra.

Sima Bitru è janfwe ye jan, “Etsodwe a bo o no ngge be fwa e no nobǝ nya e no efwa efwam anga. Ja ken a zǝn ara?

A me ma borodi e no nya anga, nwone è shwa chá kpe. Ano nobǝ akan de borodi ena, ga no a fwa efwam. Borodi hon ena a gwe a ju m, nwone a m ti a no evǝ mo nya mo be nobǝ a tswa zǝnchaje.”

Ende akan a bwa a ti ye a zǝn m ra, kpwà tén a no Àtà hon nwene è tson m ángá, vǝ ye bwa a ge. Ma kpu be a nyi etkyen nò a zǝnchaje a kǝn-etkyen ángá.

Adia borodi mo Ehwya a nwene e shwa anga chá kpe n no be nobǝ a tswa zǝnchaje nya anga.”

A me ma borodi e no nya anga.

Yeso è kpu be borodi hon nè chwano Ehwya, nè kpu kwa be nobǝ ya è chudwa a sen ángá. Gè bwe enò ngge gwejo hon. Binbin mo be nobǝ è de kan tén abu bè dgyan ángá. Atan a egwa egwa è de mbwà ara ángá, Yeso è jan be etsonchi mbwe, “Nye tefǝn gu be ya ebwibwi mo nó ya e dan ángá, afwa mò akan a dì.”

Atan a bè nyi ngga hon kengga lamba ta ti ken ndwe ángá, bè di Yeso nyabwa a zǝn be, gè no kenkèn anga a chu mbǝ, bè tsen gu etsentsen. Tea gè jan be jan, “A a me, nye e tsen nye etsentsen ra.”