Adnodau Beiblaidd Poblogaidd o मती 1

Rhanna

वे एक सुरो जणहीं नी तु विने नाम ईसु राकजे, केमके वी आपड़े मनका ने वणने पाप हू वसावहीं।”

“हबलो, एक कुआरी सुरी हाऊ थाईनी एक सुराय जनम आलहीं नी विने नाम इमानुएल राकजू जाहीं।” जिने मतलब हे, “परमेसवर अमारे हाते हे।”

पण जेरे वी अणा बारामा हुसी रेजो तो, ते परबू ने हरगदुत हपना मा परगट थाईनी केवा लागो, “हे यूसुफ दाऊद ने सुरा, तु आपड़े हगाई किदी थकण मरियमे तारे निय लावणा हू नकी बिये, केमके जी विने पेटमा हे वु पवितर आतमा ने हाड़े हू हे।

ईसु मसी ने जनम अणी तरह हू थाजू, जेरे विने आई मरियम ने हगाई यूसुफ ने हाते थाजी ती नी विवा थावा हू पेले पतो लागो के, विने पवितर आतमा ने तागत हू पेट मईना थाजा। पण विने आदमी जी यूसुफ दरमी तो, तणी वी वणजी बदनाम करवा नीं साहतो तो, तणी वणाय ये वात काठी किदी के, सुपके हू हगाई तुड़ी दियू।