Adnodau Beiblaidd Poblogaidd o ማቶሳ 6

Rhanna

ሺን ካሴቲዴ፥ ፆሳ ካዉቴኔ ኣ ፂሎቴ ኮዪቴ፤ ኢ ሂንቴንቶ ሄ ኡባባ ኢማና።

ሄዋ ዲራው፥ ዎንቲባሲ ሂርጎፒቴ፤ ኣዪሲ ጎፔ፥ ዎንቲ ጋላሳይ ባሬው ሂርጋና፤ ጋላሳ ኡባዉካ ኣ ሁጴው ጊዲያ ዋዪ ዴዔ።

«ሄዋ ዲራው፥ ታኒ ሂንቴንቶ ኦዳይ፤ ሂንቴ ዴዖ ማናባዉኔ ኡሻናባው፥ ዎይ ሂንቴ ቦላው ማያናባው ሂርጎፒቴ፤ ሼምፑ ቁማፔ ኣኔ? ቃሲ ቦላይ ማዩዋፔ ኣኔ?

ሺን ኔኒ ፆሳ ዎሲያ ዎዴ፥ ኔ ጎሌ ጌላ፤ ኢፒ ቃቻዴ፥ ቤቴና ኔ ኣዉዋ ዎሳ፤ ጌማን ኦሴቶዋ ቤዒያ ኔ ኣቡ ኔው ኢማናዋ።

ሲሚ ሂንቴንቱ ሃዋ ማላ ዎሳ ዎሲቴ፤ ‹ሳሉዋን ዴዒያ ኑ ኣቦ፥ ኔ ጌሻ ሱንይ ኣንጄቶ። ኔ ካዉቴይ ዮ፤ ኔ ሼኒ ሳሉዋን ሃኔዳዋዳን፥ ሳዓንካ ሃኖ።

ጋላሳን ጋላሳን ኮሺያ ቁማ ኑሲ ሃቼ ኢማ።

ኑኒ ኑና ናቆዋንቱሲ ኣቶ ያጊያዋዳን፥ ኔኒካ ኑ ናቁዋ ኣቶ ጋ።

ኑና ኢታባፔ ኣሻፔ ኣቲን፥ ፓጪያን ጌሊሶፓ። ካዉቴይ፥ ዎልቃይኔ ቦንቹ ሜናዉካ ኔሳ። ኣሜንዒ›

«ሂንቴንቱ ሂንቴና ናቄዳ ሃራ ኣሳ ናቁዋ ኣቶ ጎፔ፥ ሳሉዋን ዴዒያ ሂንቴንቱ ኣዉካ ሂንቴው ኣቶ ጋና።

ፓሊያ ካፋቱዋ ፄሊቴ፤ ኡንቱንቱ ዜሪኪኖ፤ ጫኪኪኖ፤ ዲዪያንካ ቆሊኪኖ፤ ሺን ሳሉዋን ዴዒያ ሂንቴንቱ ኣዉ ኡንቱንታ ሚዜ፤ ሂንቴንቱ ኡንቱንቱፔ ሎይ ዳርኪቴ?

«ሚሻ ቢልዓይ ሚያሳኒኔ ቢራታይ ሺዒዴ ባዪዚያሳን፥ ካዪሱካ ቦኪዴ ዉዒያሳን፥ ሃ ሳዓን ሂንቴንቱ ሁጲያሲ ዳጋዮፒቴ። ሺን ቢልዓይ ሜናሳኒኔ ሺዔና ሳን፥ ካዪሱካ ቦኪዴ ዉዔና ሳን ሂንቴንቱ ሁጲያሲ ሳሉዋን ሚሻ ዳጋዪቴ። ኣዪሲ ጎፔ፥ ኔ ዎዛናይ ኔ ሚሻይ ዴዒያሳን ዴዓና።

«ላዑ ጎዳቱዋሲ ሞዴታናው ዳንዳዪያዌ ኦኒኔ ባዋ፤ ኣዪሲ ጎፔ፥ ኢቱዋ ኢፂዴ፥ ዮኩዋ ሲቄ፤ ዎይ ኢቱዋ ቦንቺዴ፥ ዮኩዋ ካ፤ ኢቲ ኣሳይ ፆሳሲኔ ሻሉዋሲ ሞዴታናው ዳንዳዬና።

ሺን ላፋ ኣማኑ ዴዒያዋንቶ፥ ፆሳይ፥ ሃቼ ዴዒዴ፥ ዎንቲ ታማን ኤፂያ ዴምባ ማታ ማዪዚያዌ፥ ሂንቴና ኡንቱዋፔ ኣዴ ዎቲ ማዪዜኔ?

ሺን ኔኒ ሂዬሳው ኢሚያ ዎዴ፥ ጌማን ኢማናዳን፥ ኔ ኡሼቻ ኩሺ ኦያዋ ሃዲርሳ ኩሺ ኤሮፖ። ጌማን ኦዳዋ ቤዒያ ኔ ኣቡ፥ ኔ ሎዖ ኦሱዋ ጋቲያ ዛራናዋ።

«ሂንቴ ሎዖ ኦሱዋ ኣሳ ቤሳናው ኣሳ ሲንን ኦና ማላ ናጌቲቴ፤ ሄዌ ዮፔ፥ ሳሉዋን ዴዒያ ሂንቴ ኣዉ ሂንቴው ጋቲያ ኢሜና።

«ቃሲ ሂንቴንቱ ፆሚያ ዎዴ፥ ሎዓ ማላቲያ ኢታቱዋዳን፥ ካዮቲያዋ ማላቶፒቴ፤ ኣዪሲ ጎፔ፥ ኡንቱንቱ ፆሚያዋ ኣሳይ ቤዓና ማላ፥ ባሬንቱ ሶምዒያ ቡላሊሲኖ፤ ታኒ ሂንቴንቶ ቱሙዋ ኦዳይ፤ ኡንቱንቱ ባሬንቱ ጋቲያ ኣኬዲኖ። «ሺን ሂንቴንቱ ፆሚያ ዎዴ፥ ሂንቴንቱ ኣቡ ሂንቴ ፆሚያዋ ኤሮፔ ኣቲን፥ ኣሳይ ኤሬና ማላ፥ ሂንቴ ሶምዒያ ሜጬቲቴ፤ ሂንቴ ሁጲያካ ኦኬቲቴ፤ ያቶፔ፥ ቤቴና ሂንቴ ኣዉ ሂንቴንቱ ኦያዋ ጌማን ቤዒዴ፥ ሂንቴ ጋቲያ ኢማናዋ።