MAAK 10
10
Saanglam Ynsaeniimah
(Met 19.1-12)
1Aanuwnache Jesu ing ama mapham tanii hungsika, Jordan laar Judia paam tungsa. Amanache mee inempak aningting vaangkongreeh aeka Jesu ing enuwchu amanchuwreeh ae.
2Amana Pharisi ae theng aeka Jesu chu menkenta ichii khaena chong ensii, “Pasar yngkheh ing arumee aansaefhuw tahna vajeer chonghak ing aruse?”
3Jesu ing enuwchu basangka ariir, “Mosi ing neningna ynchii vajeer chonghak ympisa?”
4 #
Met 5.31
Enuw ing embasang, “Pasar ing ynsaesung ichiichu baziih nave ynsaechu Mosi ing aruva.”
5Jesu ing eningna ariir, “Nenuw nenbarungriir apirtah nache hava vajeer chonghak i Mosi ing abaziihva. 6Changvakonchu ajae abasenpeh raennii ing Thangnang ing pasar re rupanuw aseemva. 7‘Havi khaene pasar ing amnuw ampa bathen naka arumee thohche onghak vaata, 8amanche enuw meeniichu yngkhehpang vaatae.’ Chutahnache enuw meenii i atii ynniimeh mahsae changvakonchu yngkhehpangsae. 9Chukhaenache Thangnang ing amantuwh vasahchu mee ing mansaemah rasiing.”
10Amana asebok ae ing Jesu ningna ynchii nariirniiva ta aeka eensungna athar vokheh ensii. 11#Met 5.32; 1 Kor 7.10,11Jesu ing eningna ariir, “Achuw yngkheh ing arumee ynsaefhuw naka reentaang rupanuw yngkheh buwhreeh nave, sanuw taklinache ichuwhmah atuva; 12vokhehkho rupanuw ing afhuwsar ynsaefhuw naka reentaang pasar yngkheh thoh paarhak nave, ama ing ichuwhmah atupa.”
Jesu ing Naepang ae Bor Apeeh
(Met 19.13-15; Luk 18.15-17)
13Jesu ing bor ipinii khaena enuw ing naepang aechu aningting enveruw; changlae asebok ae ing enuwchu enra-kuh. 14Changvakonchu Jesu ing amachu amutah nache abarung sikka eningna ariir, “Kaningting naepang aekha huungaerasiing, enuwkha khaammah aeruw; (Thangnang lipah i jinge ichii naepang ae khaenava) akhae-chuve Thangnang lipah i jinge ichii mee ae rutumva. 15#Met 18.3Ki ing neningna atatak ing kariirnah, naepang vaange ichii ing Thangnang iruwngpaam aaraangmah achuw yngkheh meechu utaraenkho Thangnang iruwngpaam tungmahnii.” 16Amana Jesu ing naepang aechu ikorka vokhehkho entaklina akik siika bor apeeh ae.
Savang Iler ing Ichen naemah Iringnii Ajong
(Met 19.16-30; Luk 18.18-30)
17Jesu ing lamna ahungsirae, mee yngkheh ing vataenka Jesu maana akheerkhuwh mansinka asii, “Isapak oja, ki ing ynchii tuningka ichen naemah iringnii phava kachiiva?”
18Jesu ing aningna ariir, “Nang ing kichu ynchii khaena isa itachiika yngeen vachii? Thangnang mahnaka achuw tangakho isa omah. 19‘Mee thehmah, reentaang rumee fhuwsar taklina ichuwhmah tumah, meepeeh baruwhmah, ichummah saarkhii pimah, mee manchaemah, nangnuw nangpa ijaara, ichii chonghak vakhae i nang ing namanghuwsa.’ ”
20Ama ing Jesu ningna abasang, “Oja, nariir chong vakhae i kanae-pangna ing kamanjiisahpa.” 21Jesu ing ave entah nache aning amanchuwhpa, amana Jesu ing aningna ariir, “Naningna yngkhehpang vaehna; amachuve yngkaenana nadeen chaap juwr, amanche sara aechu piaera, amanache nang ing thangbaen nache lerchii deenva nata; huung kaanuw ijiira.” 22Hava chong i asiitah nache ama jaasa, vokhehkho nungaemah ing yngkaesa; akhaechuve ama lerchii inempak adeen meesa.
23Amana Jesu ing akuurna ong aechu enka asebok ae ningna ariir, “Savang ae ing Thangnang iruwngpaam varuwhva enchiichu aajaehmeh ruwvaate.”
24Jesu chongchu asebok ae ing ensiitah nache inempak ingik ae. Changvakonchu Jesu ing eningna athar vokheh ariir, “Naepang ae, lerchii yndikpak mee ing Thangnang iruwngpaam varuwhva enchiichu aajaehmeh iruwva. 25Savang mee ing Thangnang iruwngpaam varuwhvachii chuve siirchar ing simphuw khurna iruwh ing laehakna.”
26Amanache enuw inempak ngik aeka Jesu ningna ensiireeh, “Chunuw-cha achuw inche ichen naemah iringniichu phavachiiva?”
27Jesu ing enuwchu enka ariir, “Mee ing chembe chehmahnii, changva-konchu Thangnang thoh chembe aangkhenglaang achehchirsa.”
28Amana Pitar ing Jesu ningna ichong abasenpa, “Enpeehra, kenuw ing kendeensah aangkheng bathen ungka naanuw kenjiisachii.”
29Jesu ing abasang, “Neningna atatak ing kariirnah, ki kakhaena vokhehkho isa chong khaena a-een aruw, auw anae, asiti asanae, aruwbaar abathen omah, 30atarae apha ichiine ijachaam aphathoh ynruw ing a-een aruw, auw anae, amnuw ampa, asar ajuwr, asiti vokhehkho aruwbaar abathen mee inche sarup chaama phavaata, vokhehkho hungvivachii nakho ichen naemah iringnii phavaata. 31#Met 20.16; Luk 13.30Changvakonchu maensa mee aanem ae ingkhe ningkuur vaatae, amanche ningkuur mee ae ingkhe maensa vaatae.”
Jesu ing Thikvachii khaena Athar vokheh Ajeer
(Met 20.17-19; Luk 18.31-34)
32Jesu ing maensaka enuw ing Jerusalem ting hungsisae, amana enuw ngiksae vokhehkho aanuw ahenjii areh ae chukho ingik ae. Amana Jesu ing suum ariinii aechu asiksii ing ruwka, ataklina hungsuwh vachii vakhaechu itong basenka ariir, 33“Enruw, inuw Jerusalem ipha ing simanuw; amana Mee Sapa i aanchung jaethiim aere thiimthang aeng suwrvatae, amanche enuw ing itheh matik chaana ta aenaka reentaang mee ae kikting pivaatae; 34amana Mee Sapa chu enuw ing maniisa vaatae, bachir vaatae, binvaatae, vokhehkho thehvaatae; changvakonchu inii nithum aanuwna ama hangring vaata.”
Jems re Johon ing Jesu ningna Enthamsah
(Met 20.20-28)
35Zebedi sapa Jems re Johon ing Jesu ningting vak aeka enriir, “Oja, naningna keniihchaap chii i itupeeh taniika kenchiinah.” 36Jesu ing eningna ariir, “Ki ing nengkhaena ynchii tunaka nenchiiva?” 37Enuw ing Jesu ningna enriir, “Jesu nang najaarna, kenuw meenii i yngkheh ing natachangting vokhehkho yngkheh ing natariting ongnii ipisara.” 38#Luk 12.50Chang-vakonchu eningna Jesu ing ariir, “Nenuw ing ynchii ynniih vachuw ichii manghuw mahchuw, ki ing ijachaam kam inniiva kachiine nenuw inchehva nente, changmahka baptais katu vaangkhe nenuw baptais tucheh vanente?”
39Enuw ing Jesu ningna embasang, “Kenuw inchehva kenta.” Amana Jesu ing ariir, “Ki ing inniiva kachii kamne nenuwkho inchuve inchehva nenta, vokhehkho ki ing baptais katu vaangkhe nenuwkho tuchehva nenta. 40Changvakonchu katachang re katarina ongchuve ki ing pivakachuw mahva, havive ongvachii mee ae khaena ynseem enuw khaenava.”
41Amana sebok suum aenche ama chongchu ensiitahna, Jems re Johon taklina nungaemahsae. 42#Luk 22.25,26Chang-laenche Jesu ing enuw vakhaechu abuumting ve-een aeka eningna ariir, “Reentaang mee ae aapuh ae ing entaklina aafhuw ynsuwhnae, amanche enuw ing entaklina aatuaricheh nong entunah ichii i nemanghuwsa. 43#Met 23.11; Mk 9.35; Luk 22.26Nengkaarna chembe havi suwh-mahnii, changvakonchu achuw yngkheh ing nengkaarna ruungningka tanave nenuwchu rukuum ituvachiiva, 44vokhehkho achuw yngkheh ing nengkaarna maensa ynsuwh ningka tanave nenuwchu rukuum ituva-chiiva. 45Mee Sapa rap ingkho rukuum itupeehnii khaena juwngmah, changvakonchu mee aanem rukuum tupeehnii vokhehkho ikarnii khaena aringkum ipeeh ijuwngva.”
Mikchu Bartimas Amandam
(Met 20.29-34; Luk 18.35-43)
46Enuw ing Jeriko nache thengsae; amana Jesu ing asebok aere mee vakhae aethoh Jeriko tanii ing enghungsirae Timas sapa amik ichu aniihmee Bartimas lam kuurna heong. 47Ama ing Nazaret Jesu va ichii asiitah nache uungka ariir, “Devit sapa Jesu, naning imanchuwhsara.”
48Amana mee aanem ing nahuw mandaera ta aeka enrakuh; changva-konchu ama ing uung sesehsa, “Devit sapa, naning amanchuwhsara!”
49Amana Jesu ing ngiirka ariir, “Ama meesu ve-eenruw.” Enuw ing amik ichuchu ve-een aeka aningna enriir, “Nabarungriir mangamla, hangiir, Jesu ing yngeennah.” 50Amana apeenchu arenthoh ama ing hangiirka Jesu ningting vaksa.
51Amana Jesu ing aningna ariir, “Ki ing nakhaena ynchii tunaka nachiiva?” Mikchupa inche Jesu ningna abasang, “Aafhuw, ki ing imu phasa ningka kachiinah.”
52Jesu ing aningna ariir, “Yngkaera; nathacha ingkhe damsachii.” Aphanache imu aphapa vokhehkho lam nache Jesu aanuw ajiipa.
Dewis Presennol:
MAAK 10: MOYO
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.
MAAK 10
10
Saanglam Ynsaeniimah
(Met 19.1-12)
1Aanuwnache Jesu ing ama mapham tanii hungsika, Jordan laar Judia paam tungsa. Amanache mee inempak aningting vaangkongreeh aeka Jesu ing enuwchu amanchuwreeh ae.
2Amana Pharisi ae theng aeka Jesu chu menkenta ichii khaena chong ensii, “Pasar yngkheh ing arumee aansaefhuw tahna vajeer chonghak ing aruse?”
3Jesu ing enuwchu basangka ariir, “Mosi ing neningna ynchii vajeer chonghak ympisa?”
4 #
Met 5.31
Enuw ing embasang, “Pasar ing ynsaesung ichiichu baziih nave ynsaechu Mosi ing aruva.”
5Jesu ing eningna ariir, “Nenuw nenbarungriir apirtah nache hava vajeer chonghak i Mosi ing abaziihva. 6Changvakonchu ajae abasenpeh raennii ing Thangnang ing pasar re rupanuw aseemva. 7‘Havi khaene pasar ing amnuw ampa bathen naka arumee thohche onghak vaata, 8amanche enuw meeniichu yngkhehpang vaatae.’ Chutahnache enuw meenii i atii ynniimeh mahsae changvakonchu yngkhehpangsae. 9Chukhaenache Thangnang ing amantuwh vasahchu mee ing mansaemah rasiing.”
10Amana asebok ae ing Jesu ningna ynchii nariirniiva ta aeka eensungna athar vokheh ensii. 11#Met 5.32; 1 Kor 7.10,11Jesu ing eningna ariir, “Achuw yngkheh ing arumee ynsaefhuw naka reentaang rupanuw yngkheh buwhreeh nave, sanuw taklinache ichuwhmah atuva; 12vokhehkho rupanuw ing afhuwsar ynsaefhuw naka reentaang pasar yngkheh thoh paarhak nave, ama ing ichuwhmah atupa.”
Jesu ing Naepang ae Bor Apeeh
(Met 19.13-15; Luk 18.15-17)
13Jesu ing bor ipinii khaena enuw ing naepang aechu aningting enveruw; changlae asebok ae ing enuwchu enra-kuh. 14Changvakonchu Jesu ing amachu amutah nache abarung sikka eningna ariir, “Kaningting naepang aekha huungaerasiing, enuwkha khaammah aeruw; (Thangnang lipah i jinge ichii naepang ae khaenava) akhae-chuve Thangnang lipah i jinge ichii mee ae rutumva. 15#Met 18.3Ki ing neningna atatak ing kariirnah, naepang vaange ichii ing Thangnang iruwngpaam aaraangmah achuw yngkheh meechu utaraenkho Thangnang iruwngpaam tungmahnii.” 16Amana Jesu ing naepang aechu ikorka vokhehkho entaklina akik siika bor apeeh ae.
Savang Iler ing Ichen naemah Iringnii Ajong
(Met 19.16-30; Luk 18.18-30)
17Jesu ing lamna ahungsirae, mee yngkheh ing vataenka Jesu maana akheerkhuwh mansinka asii, “Isapak oja, ki ing ynchii tuningka ichen naemah iringnii phava kachiiva?”
18Jesu ing aningna ariir, “Nang ing kichu ynchii khaena isa itachiika yngeen vachii? Thangnang mahnaka achuw tangakho isa omah. 19‘Mee thehmah, reentaang rumee fhuwsar taklina ichuwhmah tumah, meepeeh baruwhmah, ichummah saarkhii pimah, mee manchaemah, nangnuw nangpa ijaara, ichii chonghak vakhae i nang ing namanghuwsa.’ ”
20Ama ing Jesu ningna abasang, “Oja, nariir chong vakhae i kanae-pangna ing kamanjiisahpa.” 21Jesu ing ave entah nache aning amanchuwhpa, amana Jesu ing aningna ariir, “Naningna yngkhehpang vaehna; amachuve yngkaenana nadeen chaap juwr, amanche sara aechu piaera, amanache nang ing thangbaen nache lerchii deenva nata; huung kaanuw ijiira.” 22Hava chong i asiitah nache ama jaasa, vokhehkho nungaemah ing yngkaesa; akhaechuve ama lerchii inempak adeen meesa.
23Amana Jesu ing akuurna ong aechu enka asebok ae ningna ariir, “Savang ae ing Thangnang iruwngpaam varuwhva enchiichu aajaehmeh ruwvaate.”
24Jesu chongchu asebok ae ing ensiitah nache inempak ingik ae. Changvakonchu Jesu ing eningna athar vokheh ariir, “Naepang ae, lerchii yndikpak mee ing Thangnang iruwngpaam varuwhva enchiichu aajaehmeh iruwva. 25Savang mee ing Thangnang iruwngpaam varuwhvachii chuve siirchar ing simphuw khurna iruwh ing laehakna.”
26Amanache enuw inempak ngik aeka Jesu ningna ensiireeh, “Chunuw-cha achuw inche ichen naemah iringniichu phavachiiva?”
27Jesu ing enuwchu enka ariir, “Mee ing chembe chehmahnii, changva-konchu Thangnang thoh chembe aangkhenglaang achehchirsa.”
28Amana Pitar ing Jesu ningna ichong abasenpa, “Enpeehra, kenuw ing kendeensah aangkheng bathen ungka naanuw kenjiisachii.”
29Jesu ing abasang, “Neningna atatak ing kariirnah, ki kakhaena vokhehkho isa chong khaena a-een aruw, auw anae, asiti asanae, aruwbaar abathen omah, 30atarae apha ichiine ijachaam aphathoh ynruw ing a-een aruw, auw anae, amnuw ampa, asar ajuwr, asiti vokhehkho aruwbaar abathen mee inche sarup chaama phavaata, vokhehkho hungvivachii nakho ichen naemah iringnii phavaata. 31#Met 20.16; Luk 13.30Changvakonchu maensa mee aanem ae ingkhe ningkuur vaatae, amanche ningkuur mee ae ingkhe maensa vaatae.”
Jesu ing Thikvachii khaena Athar vokheh Ajeer
(Met 20.17-19; Luk 18.31-34)
32Jesu ing maensaka enuw ing Jerusalem ting hungsisae, amana enuw ngiksae vokhehkho aanuw ahenjii areh ae chukho ingik ae. Amana Jesu ing suum ariinii aechu asiksii ing ruwka, ataklina hungsuwh vachii vakhaechu itong basenka ariir, 33“Enruw, inuw Jerusalem ipha ing simanuw; amana Mee Sapa i aanchung jaethiim aere thiimthang aeng suwrvatae, amanche enuw ing itheh matik chaana ta aenaka reentaang mee ae kikting pivaatae; 34amana Mee Sapa chu enuw ing maniisa vaatae, bachir vaatae, binvaatae, vokhehkho thehvaatae; changvakonchu inii nithum aanuwna ama hangring vaata.”
Jems re Johon ing Jesu ningna Enthamsah
(Met 20.20-28)
35Zebedi sapa Jems re Johon ing Jesu ningting vak aeka enriir, “Oja, naningna keniihchaap chii i itupeeh taniika kenchiinah.” 36Jesu ing eningna ariir, “Ki ing nengkhaena ynchii tunaka nenchiiva?” 37Enuw ing Jesu ningna enriir, “Jesu nang najaarna, kenuw meenii i yngkheh ing natachangting vokhehkho yngkheh ing natariting ongnii ipisara.” 38#Luk 12.50Chang-vakonchu eningna Jesu ing ariir, “Nenuw ing ynchii ynniih vachuw ichii manghuw mahchuw, ki ing ijachaam kam inniiva kachiine nenuw inchehva nente, changmahka baptais katu vaangkhe nenuw baptais tucheh vanente?”
39Enuw ing Jesu ningna embasang, “Kenuw inchehva kenta.” Amana Jesu ing ariir, “Ki ing inniiva kachii kamne nenuwkho inchuve inchehva nenta, vokhehkho ki ing baptais katu vaangkhe nenuwkho tuchehva nenta. 40Changvakonchu katachang re katarina ongchuve ki ing pivakachuw mahva, havive ongvachii mee ae khaena ynseem enuw khaenava.”
41Amana sebok suum aenche ama chongchu ensiitahna, Jems re Johon taklina nungaemahsae. 42#Luk 22.25,26Chang-laenche Jesu ing enuw vakhaechu abuumting ve-een aeka eningna ariir, “Reentaang mee ae aapuh ae ing entaklina aafhuw ynsuwhnae, amanche enuw ing entaklina aatuaricheh nong entunah ichii i nemanghuwsa. 43#Met 23.11; Mk 9.35; Luk 22.26Nengkaarna chembe havi suwh-mahnii, changvakonchu achuw yngkheh ing nengkaarna ruungningka tanave nenuwchu rukuum ituvachiiva, 44vokhehkho achuw yngkheh ing nengkaarna maensa ynsuwh ningka tanave nenuwchu rukuum ituva-chiiva. 45Mee Sapa rap ingkho rukuum itupeehnii khaena juwngmah, changvakonchu mee aanem rukuum tupeehnii vokhehkho ikarnii khaena aringkum ipeeh ijuwngva.”
Mikchu Bartimas Amandam
(Met 20.29-34; Luk 18.35-43)
46Enuw ing Jeriko nache thengsae; amana Jesu ing asebok aere mee vakhae aethoh Jeriko tanii ing enghungsirae Timas sapa amik ichu aniihmee Bartimas lam kuurna heong. 47Ama ing Nazaret Jesu va ichii asiitah nache uungka ariir, “Devit sapa Jesu, naning imanchuwhsara.”
48Amana mee aanem ing nahuw mandaera ta aeka enrakuh; changva-konchu ama ing uung sesehsa, “Devit sapa, naning amanchuwhsara!”
49Amana Jesu ing ngiirka ariir, “Ama meesu ve-eenruw.” Enuw ing amik ichuchu ve-een aeka aningna enriir, “Nabarungriir mangamla, hangiir, Jesu ing yngeennah.” 50Amana apeenchu arenthoh ama ing hangiirka Jesu ningting vaksa.
51Amana Jesu ing aningna ariir, “Ki ing nakhaena ynchii tunaka nachiiva?” Mikchupa inche Jesu ningna abasang, “Aafhuw, ki ing imu phasa ningka kachiinah.”
52Jesu ing aningna ariir, “Yngkaera; nathacha ingkhe damsachii.” Aphanache imu aphapa vokhehkho lam nache Jesu aanuw ajiipa.
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.