MAAK 2
2
Ahakchaang Ithiipoh yngkheh Amandam
(Met 9.1-8; Luk 5.17-26)
1Inii topoh aanuwnache Jesu ing Kaparnaum ting ahungangrirae, Jesu chu eenna ongna ichii thangsa. 2Amana mee inempak yngkong aeka eensung nakho amanche eenkhaarkung nakho ongnii chirmahsae; chang-laenche Jesu ing isa thamin atong. 3Changlae mee manriimeh ing ahakchaang ithiipoh ina yngkhehchu vedom aeka ivatheng ae. 4Meechu anempor tahnache Jesu aongnii mapa phuchungchu emanlongpa; amanache ahakchaang ithiipoh meechu ajaarnii thoh enjebabukpa. 5Amana Jesu ing emanden therchu muka ahakchaang ithiipoh ina ningnache ariir, “Kasapa, isii natuchaap yngkuh chirsa.”
6Changlae engkaarna ynvae thiimthang aenche embarungriirna emanruur, 7“Hava mee inge ynchii khaena jinge ichii ing ichongva? Havive Thangnang taklina ithipak ing chongna. Thangnang mahnaka achuw ing isiichu kuhcheh vatakhang?”
8Jesu ing embarungriirna eman-ruurchu amanghuw tahnache eningna ariir, “Ynchii khaena nenbarungriir nakhe nemanruurva? 9Ahakchaang ithiipoh ina ningna isii natuchaap yngkuh chirsa ichiire hangiir nana vokhehkho najaarnii idomnana sira ichiichu ukho ingkhe laehakna? 10Changvakonchu Mee Sapa inge laaruw paamna isii akuhchehnii ruwreng adeensa ichii khaenache ahakchaang ithiipoh ina ningnache ariir, 11Ki ing naningna kariirnah, hangiir amanche najaar niikha chinana eenting yngkaera.”
12Amana hangiirka ajaarniichu chika emaekung narapche yngkaesa; chutahnache enuw vakhae enruw riimpohsa. Jinge ichii i vokhehdong mumahrimuw ta aeka Thangnang chu emanpah.
Levi A-een
(Met 9.9-13; Luk 5.27-32)
13Jesu ing athar vokheh Galili chifhuw kuurting sisa; amana mee vakhae ing Jesu chu ibuumpoh aeka Jesu ing enuwchu amanchuw ae. 14Amana Jesu ing ahungsirae, Alfas sapa Levi chu ree khuumnii kaaroh nache ong amupa, amana Jesu ing aningna ariir, “Kaanuw ijiira.” Levi ing hangiirka aanuwchu ajiipa.
15Levi eensungna imaarnii khaena engonglae Jesu vokhehkho asebok aechu ree ikhuum aere isii icher aethoh ongpohsae; akhaechuve Jesu aanuwzii mee anempak tahnava. 16Amana Pharisi ae vokhehkho engkaartanii thiimthang aeng isii icher aethoh ree ikhuum aethoh imaarpoh aechu emutah nache enuw ing asebok ae ningna enriir, “Ynchii khaena Jesu ing ree ikhuum aere isii icher aethoh imaarpohva?”
17Ama chongchu Jesu ing asiitah nache eningna ariir, “Inamah mee ae khaena chembe ithiim ikanii omah, changvakonchu ina ae khaena chembe ikaniina; ki ichum ynthiing mee aechu eennii khaena ijuwng mahping, changvakonchu isii icher aechu embarungriir huungnii khaenava.”
Maaru Itong
(Met 9.14-17; Luk 5.33-39)
18Johon sebok aere Pharisi aeng maaru entongchak ae; amatah nache mee aeng Jesu ningna vak aeka enriir, “Ynchii khaena Johon sebok aere Pharisi sebok aeng maaru entong raenche, nang nasebok aecha maaru entong mahpae?”
19Amana Jesu ing eningna ariir, “Rakhiiniina itheng aeng songpa thoh engonghaklae maaru tongcheh mahnii ae. 20Aaniichu thengvaata, engkaartanii songpachu jerivachii aanii hungsuwh vaata, changlaenche enuw ing maaru tongvaatae.”
21Achuw ingkho baruw peendiir taklina ithar ing ibermah; ibernave ithar varaangkhe baruwkha kika ynsiihnii sehsehna. 22Amana achuw ingkho vomrip chii thinnii baruw shakoh thuungfhuw nache ithar vom-rip chii thinmahchak; thinnave shakoh thuungfhuwchu saenjaar vaata, amanche vomrip chii chukho, shakoh thuungfhuw chukho maangvaata; changvakonchu ithar vomrip chii chuve ithar shakoh thuungfhuw khaenava.
Deennii Iniina Sabar Enchim
(Met 12.1-8; Luk 6.1-5)
23Deennii inii nikhehna Jesu ing ruwchimna ivasi; amana enuw ing envasi raenche Jesu sebok ae ing sabar ichim embasen. 24Chutahnache Pharisi ae ing Jesu ningna enriir, “Enla, ynchii khaena Deennii iniina enuw ing itufhuwmah iser nong entupae?”
25Jesu ing eningna abasang, “Devit ing aarang aethoh enven achaamrae ynchii atuva ichii nenpamahva, 26Abiathar ing aanchung jaethiim nong apuhrae, ynsaangkhe Devit ing aarang aethoh Thangnang eenting varuwh aeka jaethiim mahnaka isahthaang arumah Thangnang ningting ympi vasah tarchu ensahva?”
27Amana Jesu ing eningna ariir, “Deennii i mee khaena aseemva, mee i Deennii khaena aseem mahva; 28chukhaenache Mee Sapa i Deennii Aafhuw chuva.”
Dewis Presennol:
MAAK 2: MOYO
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.
MAAK 2
2
Ahakchaang Ithiipoh yngkheh Amandam
(Met 9.1-8; Luk 5.17-26)
1Inii topoh aanuwnache Jesu ing Kaparnaum ting ahungangrirae, Jesu chu eenna ongna ichii thangsa. 2Amana mee inempak yngkong aeka eensung nakho amanche eenkhaarkung nakho ongnii chirmahsae; chang-laenche Jesu ing isa thamin atong. 3Changlae mee manriimeh ing ahakchaang ithiipoh ina yngkhehchu vedom aeka ivatheng ae. 4Meechu anempor tahnache Jesu aongnii mapa phuchungchu emanlongpa; amanache ahakchaang ithiipoh meechu ajaarnii thoh enjebabukpa. 5Amana Jesu ing emanden therchu muka ahakchaang ithiipoh ina ningnache ariir, “Kasapa, isii natuchaap yngkuh chirsa.”
6Changlae engkaarna ynvae thiimthang aenche embarungriirna emanruur, 7“Hava mee inge ynchii khaena jinge ichii ing ichongva? Havive Thangnang taklina ithipak ing chongna. Thangnang mahnaka achuw ing isiichu kuhcheh vatakhang?”
8Jesu ing embarungriirna eman-ruurchu amanghuw tahnache eningna ariir, “Ynchii khaena nenbarungriir nakhe nemanruurva? 9Ahakchaang ithiipoh ina ningna isii natuchaap yngkuh chirsa ichiire hangiir nana vokhehkho najaarnii idomnana sira ichiichu ukho ingkhe laehakna? 10Changvakonchu Mee Sapa inge laaruw paamna isii akuhchehnii ruwreng adeensa ichii khaenache ahakchaang ithiipoh ina ningnache ariir, 11Ki ing naningna kariirnah, hangiir amanche najaar niikha chinana eenting yngkaera.”
12Amana hangiirka ajaarniichu chika emaekung narapche yngkaesa; chutahnache enuw vakhae enruw riimpohsa. Jinge ichii i vokhehdong mumahrimuw ta aeka Thangnang chu emanpah.
Levi A-een
(Met 9.9-13; Luk 5.27-32)
13Jesu ing athar vokheh Galili chifhuw kuurting sisa; amana mee vakhae ing Jesu chu ibuumpoh aeka Jesu ing enuwchu amanchuw ae. 14Amana Jesu ing ahungsirae, Alfas sapa Levi chu ree khuumnii kaaroh nache ong amupa, amana Jesu ing aningna ariir, “Kaanuw ijiira.” Levi ing hangiirka aanuwchu ajiipa.
15Levi eensungna imaarnii khaena engonglae Jesu vokhehkho asebok aechu ree ikhuum aere isii icher aethoh ongpohsae; akhaechuve Jesu aanuwzii mee anempak tahnava. 16Amana Pharisi ae vokhehkho engkaartanii thiimthang aeng isii icher aethoh ree ikhuum aethoh imaarpoh aechu emutah nache enuw ing asebok ae ningna enriir, “Ynchii khaena Jesu ing ree ikhuum aere isii icher aethoh imaarpohva?”
17Ama chongchu Jesu ing asiitah nache eningna ariir, “Inamah mee ae khaena chembe ithiim ikanii omah, changvakonchu ina ae khaena chembe ikaniina; ki ichum ynthiing mee aechu eennii khaena ijuwng mahping, changvakonchu isii icher aechu embarungriir huungnii khaenava.”
Maaru Itong
(Met 9.14-17; Luk 5.33-39)
18Johon sebok aere Pharisi aeng maaru entongchak ae; amatah nache mee aeng Jesu ningna vak aeka enriir, “Ynchii khaena Johon sebok aere Pharisi sebok aeng maaru entong raenche, nang nasebok aecha maaru entong mahpae?”
19Amana Jesu ing eningna ariir, “Rakhiiniina itheng aeng songpa thoh engonghaklae maaru tongcheh mahnii ae. 20Aaniichu thengvaata, engkaartanii songpachu jerivachii aanii hungsuwh vaata, changlaenche enuw ing maaru tongvaatae.”
21Achuw ingkho baruw peendiir taklina ithar ing ibermah; ibernave ithar varaangkhe baruwkha kika ynsiihnii sehsehna. 22Amana achuw ingkho vomrip chii thinnii baruw shakoh thuungfhuw nache ithar vom-rip chii thinmahchak; thinnave shakoh thuungfhuwchu saenjaar vaata, amanche vomrip chii chukho, shakoh thuungfhuw chukho maangvaata; changvakonchu ithar vomrip chii chuve ithar shakoh thuungfhuw khaenava.
Deennii Iniina Sabar Enchim
(Met 12.1-8; Luk 6.1-5)
23Deennii inii nikhehna Jesu ing ruwchimna ivasi; amana enuw ing envasi raenche Jesu sebok ae ing sabar ichim embasen. 24Chutahnache Pharisi ae ing Jesu ningna enriir, “Enla, ynchii khaena Deennii iniina enuw ing itufhuwmah iser nong entupae?”
25Jesu ing eningna abasang, “Devit ing aarang aethoh enven achaamrae ynchii atuva ichii nenpamahva, 26Abiathar ing aanchung jaethiim nong apuhrae, ynsaangkhe Devit ing aarang aethoh Thangnang eenting varuwh aeka jaethiim mahnaka isahthaang arumah Thangnang ningting ympi vasah tarchu ensahva?”
27Amana Jesu ing eningna ariir, “Deennii i mee khaena aseemva, mee i Deennii khaena aseem mahva; 28chukhaenache Mee Sapa i Deennii Aafhuw chuva.”
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.