MAAK 4
4
Sachii Ivor Thamin
(Met 13.1-13; Luk 8.4-15)
1 #
Luk 5.1-3
Jesu ing athar vokheh Galili chifhuw kuurna mee ynchuw abasenpa. Amanache mee inempak akuurna avaangkong tahnache Jesu ing ruwkuwngna hangkarsa; amana mee vakhae inche chifhuw kuurna ongsae. 2Amana Jesu ing thamin atongthoh ynruw ing inempak amanchuw ae, vokhehkho amanchuw aethoh ynruw ing eningna ariir:
3“Rungaeruw! Mee yngkheh ing sachii ivor sisa. 4Ama ing sachii avorlae, sachii topoh lam kuurna ibuwchu vaati ing asahpa. 5Sachii areh ing pir inem omah rungkaar nache buksa, amana pirchu adongkhroh tahnache imaenhak ing hangmuwng khangnakho 6inii abasaklae mamvuwsa, vokhehkho arajung paecheh mahka chongpohsa. 7Sachii areh inche iring kaarna buksa, amana hangmuwng khangnakho iring ing aabuum tahnache ynla chehmahsa. 8Changvakonchu sachii areh ingve ruwruw isana bukka isajaeh ing hangmuwngsa, amana sarup somthum, somruk, vokhehkho sarup chaama ynlasa.” 9Amana Jesu ing amandong, “Isiinii aana ipaar mee chaap inche siisa rasiing.”
10Jesu kuurna ong aere suum ariinii ae ing Jesu ing thamin atongchu ynchii achiiniiva ta aeka Jesu asanaen ing aonglae ensii. 11Jesu ing eningna ariir, “Ithuwhpak Thangnang lipah chong havi neningna kapeehpachuw, changvakonchu taangna ong ae khaena chembe aangkheng thaminjaeh vatah,
12‘Amana chembe enuw ing muae naka envaatae,
changkhangnare embarungriir bachukmahnii,
vokhehkho siiae naka rungaevaatae,
changkhangnare manghuwmahnii ae;
changmah nave Thangnang ningting hunganriae naka,
amanche isiichu kuhpeeh vachiipae.’”
Sachii ivorna Ynghuwnii
13Amana Jesu ing eningna ariir, “Havana ynghuwnii thamin i nenuw nemanghuwmahva? Chunuwcha ynsaangkhe ynghuwnii thamin vakhaechu manghuwcheh vanente? 14Sachii ivor mee yngkheh ing isa chongchu avornah. 15Mee topoh aeve lam kuurna isa chong ibuw vaangkhe, enuw ing ensiithoh umlae ing thengka eningtanii isa chongchu aripa. 16Mee areh chuve, rung kaarna sachii ynvor vaangkhe ichii ing isa chongchu ensiithoh rotharoh ing anikungna engaraangpa. 17Changvakonchu enrajung apaemah tahnache amongpang tina engkhaangpheh, changvakonchu isa chong khaena ijachaam empha vokhehkho enanglae jiicheh mahsae. 18Mee areh inche iring kaarna sachii ynvor vaangkhe ichii ing isa chongchu ensiipa; 19changvakonchu laaruw paam vakhar, lerchii yndik, amanche reentaang aajaeh vakhar ing sip aeka isa chongchu omahsa, vokhehkho ynla chehmahsae. 20Changvakonchu mee arehve ruwruw isana sachii ynvor vaangkhe ichii ing isa chongchu enuw ing ensiitahna engaraangpa, amana sarup somthum, somruk, vokhehkho sarup chaama ynlasa.”
Buruk derna Jaemi
(Luk 8.16-18)
21 #
Met 5.15; Luk 11.33 Jesu ing eningna ariir, “Jaemi chu asiihniina siimah manuwka, buruk derna vokhehkho ijaarnii derna isiihfhuw ing nensiih vakhang? 22#Met 10.26; Luk 12.2Akhaechuve irengna yndangmah vachii ithuurfhuw yntanga omah vokhehkho yndangmah vachii yntanga omah. 23Isiinii aana ipaar chaap mee inche siisa rasiing.”
24 #
Met 7.2; Luk 6.38 Jesu ing eningna ariir, “Nenuw ing nensii chaap vakhae manjiiruw; nenuw ing nenguur inuwzii ingkhe nening nakho aanghakjaeh ing uur vaata, amanche inemseh ingkho ipivaata. 25#Met 13.12; 25.29; Luk 19.26Aadeen mee taklina inemseh pivaata; amanche aadeenmah ningtanii topoh pangti adeensah chukho richirvaata.”
Sachii Imuwng Thamin
26Athar vokheh Jesu ing ariir, “Thangnang lipahchu havithoh aanghakna, mee yngkheh ing ruwruwna sachii avorpa, 27amana jaarkhang nakho, hangsuw khangnakho, sachii avorchu ynsaangkhe hangmuwngka ihungruungva ichii manghuwmah. 28Ruwruw ing sachii i mamuwngka paarna vokhehkho amanlanah. 29Aan-lachu minka ikuum phanache ama ing chemki chika aeh abasennah.”
Encham Sachii Thamin
(Met 13.31-32; Luk 13.18-19)
30Jesu ing ariir, “Thangnang lipahchu ynchiithoh mandeengtaruw, changmahka ynchii ynghuwnii thamin ing mandangtaruw? 31Amachuve havithoh aanghakna. Mee yngkheh ing sachii kaarna aasiingseh encham muwchu chika amana ruwruwna avorpa. 32Apha topoh aanuwna hangmuwngka vokhehkho chimuw bajaang vakhae kaarna iruungseh hungansuwhsa, amanche abah nache vaati aengkho enrabuw eng-huwniinah. Thangnang lipahchu havithoh aanghakna. 33Enuw ing emanghuwchehnii khaena Jesu ing reentaang aajaeh thamin ynghuwnii ing atong. 34Jinge ichii ing ynghuwnii thamin mahnaka eningna chongmah. Changvakonchu Jesu ing asebok aethoh enum ing engonglae aangkheng eningna atongkiir.”
Jesu ing Khuksuwr Siiraang Amandae
(Met 8.23-27; Luk 8.22-25)
35Ama khuri nache Jesu ing eningna ariir, “Inuw ing chiilaar kahmanuwka reentaang yngkhehting sitaruw.” 36Changlae Jesu kuurna ruwkuwng arehkho ingiir, amana mee vakhaechu ma aeka enuw ing Jesu chu ruwkuwngna enruwpa. 37Amana ipirpak khuksuwr siiraang inche pha aeka chifhuw ynnoh ing ruwkuwngchu avenuurtah nache chii ing bariim ynthongsa. 38Changlae Jesu ing ruwkuwng ariikiingna ijaar; amana enuw ing Jesu chu basuw aeka aningna enriir, “Aafhuw, inuw chiiting ibuw ynthongmuw i namanghuwmah vamo enchii.”
39Jesu ing ynterka siiraangchu rukuhka chifhuw ynnoh tingche daerengla achii. Amana khuksuwr siiraangchu chenka daereng ing omsa. 40Amana Jesu ing asebok ae ningna ariir, “Nenuw ynchii khaena ynchik vachuw? Nenuw ataraenpha nenthacha omahva?”
41Enuw inempak ynchikpoh aeka yngkheh yngkheh ynsiisae, “Siiraang ingkho amanche chifhuw ingkho achongriir amanjii havi achuwva!”
Dewis Presennol:
MAAK 4: MOYO
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.
MAAK 4
4
Sachii Ivor Thamin
(Met 13.1-13; Luk 8.4-15)
1 #
Luk 5.1-3
Jesu ing athar vokheh Galili chifhuw kuurna mee ynchuw abasenpa. Amanache mee inempak akuurna avaangkong tahnache Jesu ing ruwkuwngna hangkarsa; amana mee vakhae inche chifhuw kuurna ongsae. 2Amana Jesu ing thamin atongthoh ynruw ing inempak amanchuw ae, vokhehkho amanchuw aethoh ynruw ing eningna ariir:
3“Rungaeruw! Mee yngkheh ing sachii ivor sisa. 4Ama ing sachii avorlae, sachii topoh lam kuurna ibuwchu vaati ing asahpa. 5Sachii areh ing pir inem omah rungkaar nache buksa, amana pirchu adongkhroh tahnache imaenhak ing hangmuwng khangnakho 6inii abasaklae mamvuwsa, vokhehkho arajung paecheh mahka chongpohsa. 7Sachii areh inche iring kaarna buksa, amana hangmuwng khangnakho iring ing aabuum tahnache ynla chehmahsa. 8Changvakonchu sachii areh ingve ruwruw isana bukka isajaeh ing hangmuwngsa, amana sarup somthum, somruk, vokhehkho sarup chaama ynlasa.” 9Amana Jesu ing amandong, “Isiinii aana ipaar mee chaap inche siisa rasiing.”
10Jesu kuurna ong aere suum ariinii ae ing Jesu ing thamin atongchu ynchii achiiniiva ta aeka Jesu asanaen ing aonglae ensii. 11Jesu ing eningna ariir, “Ithuwhpak Thangnang lipah chong havi neningna kapeehpachuw, changvakonchu taangna ong ae khaena chembe aangkheng thaminjaeh vatah,
12‘Amana chembe enuw ing muae naka envaatae,
changkhangnare embarungriir bachukmahnii,
vokhehkho siiae naka rungaevaatae,
changkhangnare manghuwmahnii ae;
changmah nave Thangnang ningting hunganriae naka,
amanche isiichu kuhpeeh vachiipae.’”
Sachii ivorna Ynghuwnii
13Amana Jesu ing eningna ariir, “Havana ynghuwnii thamin i nenuw nemanghuwmahva? Chunuwcha ynsaangkhe ynghuwnii thamin vakhaechu manghuwcheh vanente? 14Sachii ivor mee yngkheh ing isa chongchu avornah. 15Mee topoh aeve lam kuurna isa chong ibuw vaangkhe, enuw ing ensiithoh umlae ing thengka eningtanii isa chongchu aripa. 16Mee areh chuve, rung kaarna sachii ynvor vaangkhe ichii ing isa chongchu ensiithoh rotharoh ing anikungna engaraangpa. 17Changvakonchu enrajung apaemah tahnache amongpang tina engkhaangpheh, changvakonchu isa chong khaena ijachaam empha vokhehkho enanglae jiicheh mahsae. 18Mee areh inche iring kaarna sachii ynvor vaangkhe ichii ing isa chongchu ensiipa; 19changvakonchu laaruw paam vakhar, lerchii yndik, amanche reentaang aajaeh vakhar ing sip aeka isa chongchu omahsa, vokhehkho ynla chehmahsae. 20Changvakonchu mee arehve ruwruw isana sachii ynvor vaangkhe ichii ing isa chongchu enuw ing ensiitahna engaraangpa, amana sarup somthum, somruk, vokhehkho sarup chaama ynlasa.”
Buruk derna Jaemi
(Luk 8.16-18)
21 #
Met 5.15; Luk 11.33 Jesu ing eningna ariir, “Jaemi chu asiihniina siimah manuwka, buruk derna vokhehkho ijaarnii derna isiihfhuw ing nensiih vakhang? 22#Met 10.26; Luk 12.2Akhaechuve irengna yndangmah vachii ithuurfhuw yntanga omah vokhehkho yndangmah vachii yntanga omah. 23Isiinii aana ipaar chaap mee inche siisa rasiing.”
24 #
Met 7.2; Luk 6.38 Jesu ing eningna ariir, “Nenuw ing nensii chaap vakhae manjiiruw; nenuw ing nenguur inuwzii ingkhe nening nakho aanghakjaeh ing uur vaata, amanche inemseh ingkho ipivaata. 25#Met 13.12; 25.29; Luk 19.26Aadeen mee taklina inemseh pivaata; amanche aadeenmah ningtanii topoh pangti adeensah chukho richirvaata.”
Sachii Imuwng Thamin
26Athar vokheh Jesu ing ariir, “Thangnang lipahchu havithoh aanghakna, mee yngkheh ing ruwruwna sachii avorpa, 27amana jaarkhang nakho, hangsuw khangnakho, sachii avorchu ynsaangkhe hangmuwngka ihungruungva ichii manghuwmah. 28Ruwruw ing sachii i mamuwngka paarna vokhehkho amanlanah. 29Aan-lachu minka ikuum phanache ama ing chemki chika aeh abasennah.”
Encham Sachii Thamin
(Met 13.31-32; Luk 13.18-19)
30Jesu ing ariir, “Thangnang lipahchu ynchiithoh mandeengtaruw, changmahka ynchii ynghuwnii thamin ing mandangtaruw? 31Amachuve havithoh aanghakna. Mee yngkheh ing sachii kaarna aasiingseh encham muwchu chika amana ruwruwna avorpa. 32Apha topoh aanuwna hangmuwngka vokhehkho chimuw bajaang vakhae kaarna iruungseh hungansuwhsa, amanche abah nache vaati aengkho enrabuw eng-huwniinah. Thangnang lipahchu havithoh aanghakna. 33Enuw ing emanghuwchehnii khaena Jesu ing reentaang aajaeh thamin ynghuwnii ing atong. 34Jinge ichii ing ynghuwnii thamin mahnaka eningna chongmah. Changvakonchu Jesu ing asebok aethoh enum ing engonglae aangkheng eningna atongkiir.”
Jesu ing Khuksuwr Siiraang Amandae
(Met 8.23-27; Luk 8.22-25)
35Ama khuri nache Jesu ing eningna ariir, “Inuw ing chiilaar kahmanuwka reentaang yngkhehting sitaruw.” 36Changlae Jesu kuurna ruwkuwng arehkho ingiir, amana mee vakhaechu ma aeka enuw ing Jesu chu ruwkuwngna enruwpa. 37Amana ipirpak khuksuwr siiraang inche pha aeka chifhuw ynnoh ing ruwkuwngchu avenuurtah nache chii ing bariim ynthongsa. 38Changlae Jesu ing ruwkuwng ariikiingna ijaar; amana enuw ing Jesu chu basuw aeka aningna enriir, “Aafhuw, inuw chiiting ibuw ynthongmuw i namanghuwmah vamo enchii.”
39Jesu ing ynterka siiraangchu rukuhka chifhuw ynnoh tingche daerengla achii. Amana khuksuwr siiraangchu chenka daereng ing omsa. 40Amana Jesu ing asebok ae ningna ariir, “Nenuw ynchii khaena ynchik vachuw? Nenuw ataraenpha nenthacha omahva?”
41Enuw inempak ynchikpoh aeka yngkheh yngkheh ynsiisae, “Siiraang ingkho amanche chifhuw ingkho achongriir amanjii havi achuwva!”
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.