ᒫᔪᐦᐧᑖᑦ ᒫᕠᔫ 3
3
ᒞᓐ ᓰᑭᐦᐋᐦᑖᒑᐤ ᑳ ᒋᐦᒋᐱᔨᐦᑖᑦ ᐋ ᑭᒑᔅᒀᑦ
ᒫᕐᒃ 1:1-8; ᓘᒃ 3:1-18; ᒞᓐ 1:19-28
1ᐋᑯᑖᐦ ᒫᒃ ᐅᑎᐦ ᒫᒀᒡ ᒞᓐ ᓰᑭᐦᐋᐦᑖᒑᔑᐤ ᑳ ᒌᐦ ᐄᑐᐦᑖᑦ ᐊᓂᑖᐦ ᐱᑯᑎᔅᑭᒥᑳᐦᒡ, ᐊᓂᑖᐦ ᒎᑏᔮ ᐊᔅᒌᐦᒡ ᐄᑖᐦᒑ, ᐋᒄ ᑳ ᒋᐦᒋᐱᔨᐦᑖᑦ ᐋ ᑭᒑᔅᒀᑦ᙮ 2ᐋᐦ ᐃᔨᑦ, “ᒀᔅᑳᑎᓰᒄ, ᐙᔥ ᔖᔥ ᐹᔓᓈᑯᓐ ᐊᓐ ᒋᐦᒋᒌᔑᒄ ᒋᐦᒋᐅᒋᒫᐎᓐᐦ᙮” 3ᐋᔨᐅᑯᓐ ᒫᒃ ᐅᔮᔨᐤ ᒞᓐ ᑳᐦ ᐋᔨᒨᒫᑦ ᐊᓂᔮ ᐅᒋᔅᒋᐙᐦᐄᒑᓯᐤ ᑳ ᐊᔨᒦᔥᑎᒧᐙᑦ ᒋᔖᒥᓂᑑ ᐋᐃᓵᔮ ᑳ ᐃᔑᓂᐦᑳᓱᑦ ᐋᔨᐅᒄ ᑳᐦ ᐃᔨᑯᐱᓈ,
ᑭᑎ ᑖᐤ ᐊᐙᓐ ᐋ ᒥᑣᑖᑆᐅᑦ ᐊᓂᑖᐦ ᐱᑯᑎᔅᑭᒥᑳᐦᒡ ᐋᐦ ᐃᔨᑦ, ᐃᔮᔅᑭᐐᐦᑭᒸᐦᒄ ᑎᐹᔨᐦᒋᒑᓯᐤ ᐅᒫᔅᑭᓈᒻ ᐊᓂᑎᐦ ᒑ ᐱᒧᐦᑖᑦ, ᑯᐃᔅᑯᒧᐦᑖᐙᐦᒄ᙮
4ᐆ ᒫᒃ ᒞᓐ, ᑳᒥᓪ ᐅᐲᐙᔨᐤ ᒌᐦ ᐅᐦᒋ ᐅᔑᐦᑖᑭᓂᐎᔨᐤ ᐅᒑᒀᓂᒻ, ᑭᔮᐦ ᐲᓵᑭᓈᐱᐦᒡ ᒌᐦ ᐄᑖᔨᐦᑖᑯᓂᔨᐤ ᐊᓂᔮᔨᐤ ᒑᒀᔨᐤ ᑳ ᐆ ᐱᐦᑯᐦᑖᐦᐅᓂᑦ ᑭᔮᐦ ᒀᔥᒀᔥᑯᐦᒋᔒᔥ ᑭᔮᐦ ᐋᒨᔔᑳᔨᐤ ᐋᔪᐎᒄ ᑳ ᐅᒦᒋᒥᑦ᙮ 5ᒌ ᐹᒋ ᓂᑑᐦᑖᑰ ᒫᒃ ᒞᓐ ᐊᓂᔮᔨᐤᐦ ᐊᐙᔨᐤᐦ ᒋᕉᓯᓕᒥᐦᒡ ᑳ ᐅᐦᒌᔨᒡ ᑭᔮᐦ ᐊᓂᑖᐦ ᒥᓯᐙ ᒎᑏᔮ ᐊᔅᒌᐦᒡ ᑳ ᐅᐦᒌᔨᒡ, ᑭᔮᐦ ᒥᓯᐙ ᐊᓂᔮᔨᐤᐦ ᐊᐙᔨᐤᐦ ᐊᓂᑖᐦ ᐊᓂᔮᔨᐤ ᐃᐦᑖᐎᓐ ᐹᔓᒡ ᒞᕐᑎᓐ ᓰᐲᐦᒡ ᑳᐦ ᑎᑯᓃᔨᒡ ᑳ ᐅᐦᒌᔨᒡ᙮ 6ᒧᔖ ᒌ ᐐᐦᑎᒧᒡ ᑖᓐ ᑳ ᐄᔑ ᒥᒋᐦᑑᑎᒧᐙᑯᐱᓈᓐᐦᒋ ᐋᒄ ᒫᒃ ᑳ ᓰᑭᐦᐋᐦᑖᑯᒡ ᒞᓐ ᐊᓂᑖᐦ ᒞᕐᑎᓐ ᓰᐲᐦᒡ᙮
7ᐄᔥᐱᐦ ᒫᒃ ᒞᓐ ᐎᔮᐱᒫᑦ ᒥᐦᒑᑐ ᐹᕆᓰᐦ ᑭᔮᐦ ᓵᑎᔫᓰᐦ ᐋ ᐹᒋ ᑎᑯᔑᓃᔨᒡ ᒑ ᒌ ᓰᑭᐦᐋᐦᑎᐙᑭᓂᐎᔨᒡ, ᒌᐦ ᐄᑖᐤ, “ᒧᔮᒻ ᐋ ᒥᐦᒑᑎᒡ ᒫᒨ ᐋᐦ ᑖᒡ ᐊᒋᓈᐳᑯᒡ ᒋᑎᐄᑖᔨᐦᑖᑯᓯᓈᐙᐤ᙮ ᐊᐙᓐ ᑳ ᐄᑎᑖᒄ ᒑ ᒌᐦ ᐅᔑᒧᑎᒸᒄ ᒋᔖᒥᓂᑑ ᐅᑖᐦᑯᐃᐙᓯᐎᓐ? 8ᓅᑯᐦᑖᒄ ᑖᑆᐦ ᐋ ᒀᔅᑳᑎᓰᔮᒄ ᐅᐦᒋ ᐋᓐ ᐋ ᒥᔪᑐᑎᒫᒄ᙮ 9ᑭᔮᐦ ᐊᑳᐐ ᐄᑖᔨᐦᑎᒧᒄ ᒑᐦ ᐋᑳ ᒫᑯᐦᐄᑖᒄ ᒋᔖᒥᓂᑑ ᐋ ᐎᓂᑐᑎᒫᒄ ᒥᒄ ᐊᓂᔮ ᐋᑉᕋᐦᐋᒻ ᐋᐦ ᑖᑦ ᐋ ᐅᐦᒋᔮᒄ᙮ ᒋᐐᐦᑎᒫᑎᓈᐙᐤ, ᒋᔖᒥᓂᑑ ᒋᑭ ᒌᐦ ᑐᑎᐙᐤ ᐅᔮᔨᐤᐦ ᐊᓯᓃᐦ ᑳ ᐄᑖᐱᔨᒡ ᒑ ᒌᐦ ᐅᐦᒋ ᐅᔑᐦᐋᑦ ᐊᐙᔨᐤᐦ ᐋᑉᕋᐦᐋᒻ ᐋ ᐅᑎᐙᔑᔒᒥᔨᒡ᙮ 10ᐙᔥ ᒧᔮᒻ ᔖᔥ ᐋ ᐃᔮᔅᑰᔥᑖᒡ ᒋᑭᐦᐄᑭᓐ ᐋᐅᒄ ᒑ ᐃᓯᓈᑯᐦᒡ ᒑ ᓈᑣᑭᐦᐙᑭᓅᑦ ᐊᓐ ᒥᔥᑎᒄ ᐊᓂᑖᐦ ᐋ ᐅᑎᐲᐅᐎᑦ᙮ ᐙᔥ ᑎᐦᑐ ᒥᔥᑎᒄ ᐋᑳ ᑳ ᒥᔨᐤ ᒦᓂᔓᐎᑦ ᒋᑭ ᓈᑣᑭᐦᐙᑭᓂᐤ ᑭᔮᐦ ᒋᑭ ᒧᒋᔥᑖᐙᐱᓈᑭᓂᐤ ᐃᔥᑯᑖᐦᒡ᙮ 11ᓂᐲᐦᒡ ᒋᓰᑭᐦᐋᐦᑖᑎᓈᐙᐤ ᓃᔨ, ᐋ ᓅᑯᐦᒡ ᐋ ᐐᐦ ᒀᔅᑳᑎᓰᔮᒄ, ᒥᒄ ᒫᒃ ᑯᑎᒃ ᐊᐙᓐ ᒋᑭ ᑎᑯᔑᓐ ᐊᐅᔅᑖ ᐋ ᒋᔅᑖᔨᐦᑖᑯᓯᑦ ᐃᔥᐱᔥ ᐐ ᓃᔨ᙮ ᓂᒧᐃ ᒫᒃ ᐙᐙᒡ ᓂᑖᐱᒑᔨᐦᑖᑯᓯᓐ ᒑ ᒌ ᑎᐦᑯᓂᒧᒡ ᐅᒥᔅᒋᓐ᙮ ᐐᔨ ᒫᒃ ᒋᑭ ᓰᑭᐦᐋᐦᑖᑯᐙᐤ ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ, ᑭᔮᐦ ᐃᔥᑯᑖᔨᐤ᙮ 12ᐆ ᒑ ᑎᑯᔑᐦᒃ ᒋᑭ ᐄᑖᔨᐦᑖᑯᓯᐤ ᒧᔮᒻ ᓈᐹᐤ ᑳ ᐱᔮᐦᒋᐦᑖᑦ ᐱᐦᒀᔑᑭᓂᒥᓈᐦᑎᒄ ᐊᓂᑎᐦ ᒑ ᒌᐦ ᐅᐦᑎᓈᑦ ᐱᐦᒀᔑᑭᓐ ᑭᔮᐦ ᒫᒃ ᐱᐦᑳᓂᔥᑖᐤ ᐊᓂᔮᔨᐤ ᑳ ᒥᔻᔨᔨᒡ ᐊᓂᑖᐦ ᐊᔥᑖᓲᑭᒥᑯᐦᒡ᙮ ᐋᒄ ᐊᓂᔮᔨᐤ ᐋᑳ ᑳ ᐎᔮᔥ ᒑ ᒌᐦ ᐄᑖᐱᑎᓃᔨᔨᒡ ᐃᔥᒀᓯᒻ ᐊᓂᑖᐦ ᐋᐦᐋᑳ ᓂᐦᑖ ᐋᔥᑐᐙᔨᒡ ᐃᔥᑯᑖᔨᐤ᙮”
ᒌᓴᔅ ᑳ ᓰᑭᐦᐋᐦᑎᐙᑭᓅᑦ
ᒫᕐᒃ 1:9-11; ᓘᒃ 3:21, 22
13ᐹᑎᒫ ᒫᒃ ᒌᓴᔅ ᒌ ᑎᑯᔑᓐ ᑳᓕᓖ ᐊᔅᒌᐦᒡ ᐋ ᐅᐦᑐᐦᑖᑦ, ᑳ ᓂᑎᐙᐱᒫᑦ ᐊᓂᔮᔨᐤᐦ ᒞᓐᐦ ᐊᓂᑖᐦ ᒞᕐᑎᓐ ᓰᐲᐦᒡ ᒑ ᒌ ᓰᑭᐦᐋᐦᑖᑯᑦ᙮ 14ᒥᒄ ᒫᒃ ᒞᓐ ᒋᐐᐦ ᒋᐱᒋᐦᐋᐤ ᐋᐦ ᐄᑖᑦ, “ᐃᓯᓈᑯᓐ ᑎᔨᑯᒡ ᒌᔨ ᒑ ᒌ ᐹᒋ ᓰᑭᐦᐋᐦᑎᐎᔨᓐ, ᒑᒀᓐ ᒫᒃ ᐙᐦᒋ ᐹᒋ ᑯᒀᒋᒥᔨᓐ ᒑ ᒌ ᓰᑭᐦᐋᐦᑖᑖᓐ?”
15ᐋᒄ ᒌᓴᔅ ᑳᐦ ᐄᑖᑦ, “ᐊᓅᐦᒡ ᐆ ᑐᑎᐦ ᑖᓐ ᐋᑎᔓᒥᑖᓐ᙮ ᐙᔥ ᐆ ᑐᑎᒧᐦᒀ ᒋᑭᑐᑎᒸᓈᓂᐤ ᒥᓯᐙ ᑖᓐ ᐋ ᐄᔑ ᓂᑎᐙᔨᐦᑎᐦᒃ ᒋᔖᒥᓂᑑ᙮” ᑭᔨᑆ ᑳ ᐱᔑᒋᐦᐋᑦ ᒞᓐ᙮
16ᐄᔥᐱᐦ ᒫᒃ ᒌᓴᔅ ᑳ ᓰᑭᐦᐋᐦᑎᐙᑭᓅᑦ, ᐋᐦ ᐋᑎ ᑭᐹᑦ ᒫᒃ ᒌᐦ ᐅᐦᒋ ᐹᑯᑎᔥᑯᐱᔨᐤ ᒋᐦᒋᒌᔑᑯᐦᒡ᙮ ᒌ ᐙᐱᒫᐤ ᒫᒃ ᒋᔖᒥᓂᑑ ᐅᑎᐦᒑᐦᑯᔨᐤ ᐋ ᐹᒋ ᔮᔒᑐᑖᑯᑦ ᒧᔮᒻ ᐅᒦᒦᐤ ᐋ ᐃᓯᓈᑯᓰᔨᒡ ᑭᔮᐦ ᐋ ᑣᐦᐅᑖᑯᑦ᙮ 17ᐋᒄ ᑳ ᐹᐦᑎᐙᒡ ᐊᐙᔨᐤᐦ ᐊᓂᑖᐦ ᐅᐦᒋ ᒋᐦᒋᒌᔑᑯᐦᒡ ᐋᐦ ᐄᔨᔨᒡ, “ᐋᐅᒄ ᐆ ᓂᑯᔅ ᑳ ᓵᒋᐦᐄᒃ ᑭᔮᐦ ᓈᔥᒡ ᑳ ᓂᓂᐦᐋᔨᐦᑎᒥᐦᐄᑦ᙮”
Dewis Presennol:
ᒫᔪᐦᐧᑖᑦ ᒫᕠᔫ 3: crls
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2016, Wycliffe Bible Translators, Inc. All rights reserved.
ᒫᔪᐦᐧᑖᑦ ᒫᕠᔫ 3
3
ᒞᓐ ᓰᑭᐦᐋᐦᑖᒑᐤ ᑳ ᒋᐦᒋᐱᔨᐦᑖᑦ ᐋ ᑭᒑᔅᒀᑦ
ᒫᕐᒃ 1:1-8; ᓘᒃ 3:1-18; ᒞᓐ 1:19-28
1ᐋᑯᑖᐦ ᒫᒃ ᐅᑎᐦ ᒫᒀᒡ ᒞᓐ ᓰᑭᐦᐋᐦᑖᒑᔑᐤ ᑳ ᒌᐦ ᐄᑐᐦᑖᑦ ᐊᓂᑖᐦ ᐱᑯᑎᔅᑭᒥᑳᐦᒡ, ᐊᓂᑖᐦ ᒎᑏᔮ ᐊᔅᒌᐦᒡ ᐄᑖᐦᒑ, ᐋᒄ ᑳ ᒋᐦᒋᐱᔨᐦᑖᑦ ᐋ ᑭᒑᔅᒀᑦ᙮ 2ᐋᐦ ᐃᔨᑦ, “ᒀᔅᑳᑎᓰᒄ, ᐙᔥ ᔖᔥ ᐹᔓᓈᑯᓐ ᐊᓐ ᒋᐦᒋᒌᔑᒄ ᒋᐦᒋᐅᒋᒫᐎᓐᐦ᙮” 3ᐋᔨᐅᑯᓐ ᒫᒃ ᐅᔮᔨᐤ ᒞᓐ ᑳᐦ ᐋᔨᒨᒫᑦ ᐊᓂᔮ ᐅᒋᔅᒋᐙᐦᐄᒑᓯᐤ ᑳ ᐊᔨᒦᔥᑎᒧᐙᑦ ᒋᔖᒥᓂᑑ ᐋᐃᓵᔮ ᑳ ᐃᔑᓂᐦᑳᓱᑦ ᐋᔨᐅᒄ ᑳᐦ ᐃᔨᑯᐱᓈ,
ᑭᑎ ᑖᐤ ᐊᐙᓐ ᐋ ᒥᑣᑖᑆᐅᑦ ᐊᓂᑖᐦ ᐱᑯᑎᔅᑭᒥᑳᐦᒡ ᐋᐦ ᐃᔨᑦ, ᐃᔮᔅᑭᐐᐦᑭᒸᐦᒄ ᑎᐹᔨᐦᒋᒑᓯᐤ ᐅᒫᔅᑭᓈᒻ ᐊᓂᑎᐦ ᒑ ᐱᒧᐦᑖᑦ, ᑯᐃᔅᑯᒧᐦᑖᐙᐦᒄ᙮
4ᐆ ᒫᒃ ᒞᓐ, ᑳᒥᓪ ᐅᐲᐙᔨᐤ ᒌᐦ ᐅᐦᒋ ᐅᔑᐦᑖᑭᓂᐎᔨᐤ ᐅᒑᒀᓂᒻ, ᑭᔮᐦ ᐲᓵᑭᓈᐱᐦᒡ ᒌᐦ ᐄᑖᔨᐦᑖᑯᓂᔨᐤ ᐊᓂᔮᔨᐤ ᒑᒀᔨᐤ ᑳ ᐆ ᐱᐦᑯᐦᑖᐦᐅᓂᑦ ᑭᔮᐦ ᒀᔥᒀᔥᑯᐦᒋᔒᔥ ᑭᔮᐦ ᐋᒨᔔᑳᔨᐤ ᐋᔪᐎᒄ ᑳ ᐅᒦᒋᒥᑦ᙮ 5ᒌ ᐹᒋ ᓂᑑᐦᑖᑰ ᒫᒃ ᒞᓐ ᐊᓂᔮᔨᐤᐦ ᐊᐙᔨᐤᐦ ᒋᕉᓯᓕᒥᐦᒡ ᑳ ᐅᐦᒌᔨᒡ ᑭᔮᐦ ᐊᓂᑖᐦ ᒥᓯᐙ ᒎᑏᔮ ᐊᔅᒌᐦᒡ ᑳ ᐅᐦᒌᔨᒡ, ᑭᔮᐦ ᒥᓯᐙ ᐊᓂᔮᔨᐤᐦ ᐊᐙᔨᐤᐦ ᐊᓂᑖᐦ ᐊᓂᔮᔨᐤ ᐃᐦᑖᐎᓐ ᐹᔓᒡ ᒞᕐᑎᓐ ᓰᐲᐦᒡ ᑳᐦ ᑎᑯᓃᔨᒡ ᑳ ᐅᐦᒌᔨᒡ᙮ 6ᒧᔖ ᒌ ᐐᐦᑎᒧᒡ ᑖᓐ ᑳ ᐄᔑ ᒥᒋᐦᑑᑎᒧᐙᑯᐱᓈᓐᐦᒋ ᐋᒄ ᒫᒃ ᑳ ᓰᑭᐦᐋᐦᑖᑯᒡ ᒞᓐ ᐊᓂᑖᐦ ᒞᕐᑎᓐ ᓰᐲᐦᒡ᙮
7ᐄᔥᐱᐦ ᒫᒃ ᒞᓐ ᐎᔮᐱᒫᑦ ᒥᐦᒑᑐ ᐹᕆᓰᐦ ᑭᔮᐦ ᓵᑎᔫᓰᐦ ᐋ ᐹᒋ ᑎᑯᔑᓃᔨᒡ ᒑ ᒌ ᓰᑭᐦᐋᐦᑎᐙᑭᓂᐎᔨᒡ, ᒌᐦ ᐄᑖᐤ, “ᒧᔮᒻ ᐋ ᒥᐦᒑᑎᒡ ᒫᒨ ᐋᐦ ᑖᒡ ᐊᒋᓈᐳᑯᒡ ᒋᑎᐄᑖᔨᐦᑖᑯᓯᓈᐙᐤ᙮ ᐊᐙᓐ ᑳ ᐄᑎᑖᒄ ᒑ ᒌᐦ ᐅᔑᒧᑎᒸᒄ ᒋᔖᒥᓂᑑ ᐅᑖᐦᑯᐃᐙᓯᐎᓐ? 8ᓅᑯᐦᑖᒄ ᑖᑆᐦ ᐋ ᒀᔅᑳᑎᓰᔮᒄ ᐅᐦᒋ ᐋᓐ ᐋ ᒥᔪᑐᑎᒫᒄ᙮ 9ᑭᔮᐦ ᐊᑳᐐ ᐄᑖᔨᐦᑎᒧᒄ ᒑᐦ ᐋᑳ ᒫᑯᐦᐄᑖᒄ ᒋᔖᒥᓂᑑ ᐋ ᐎᓂᑐᑎᒫᒄ ᒥᒄ ᐊᓂᔮ ᐋᑉᕋᐦᐋᒻ ᐋᐦ ᑖᑦ ᐋ ᐅᐦᒋᔮᒄ᙮ ᒋᐐᐦᑎᒫᑎᓈᐙᐤ, ᒋᔖᒥᓂᑑ ᒋᑭ ᒌᐦ ᑐᑎᐙᐤ ᐅᔮᔨᐤᐦ ᐊᓯᓃᐦ ᑳ ᐄᑖᐱᔨᒡ ᒑ ᒌᐦ ᐅᐦᒋ ᐅᔑᐦᐋᑦ ᐊᐙᔨᐤᐦ ᐋᑉᕋᐦᐋᒻ ᐋ ᐅᑎᐙᔑᔒᒥᔨᒡ᙮ 10ᐙᔥ ᒧᔮᒻ ᔖᔥ ᐋ ᐃᔮᔅᑰᔥᑖᒡ ᒋᑭᐦᐄᑭᓐ ᐋᐅᒄ ᒑ ᐃᓯᓈᑯᐦᒡ ᒑ ᓈᑣᑭᐦᐙᑭᓅᑦ ᐊᓐ ᒥᔥᑎᒄ ᐊᓂᑖᐦ ᐋ ᐅᑎᐲᐅᐎᑦ᙮ ᐙᔥ ᑎᐦᑐ ᒥᔥᑎᒄ ᐋᑳ ᑳ ᒥᔨᐤ ᒦᓂᔓᐎᑦ ᒋᑭ ᓈᑣᑭᐦᐙᑭᓂᐤ ᑭᔮᐦ ᒋᑭ ᒧᒋᔥᑖᐙᐱᓈᑭᓂᐤ ᐃᔥᑯᑖᐦᒡ᙮ 11ᓂᐲᐦᒡ ᒋᓰᑭᐦᐋᐦᑖᑎᓈᐙᐤ ᓃᔨ, ᐋ ᓅᑯᐦᒡ ᐋ ᐐᐦ ᒀᔅᑳᑎᓰᔮᒄ, ᒥᒄ ᒫᒃ ᑯᑎᒃ ᐊᐙᓐ ᒋᑭ ᑎᑯᔑᓐ ᐊᐅᔅᑖ ᐋ ᒋᔅᑖᔨᐦᑖᑯᓯᑦ ᐃᔥᐱᔥ ᐐ ᓃᔨ᙮ ᓂᒧᐃ ᒫᒃ ᐙᐙᒡ ᓂᑖᐱᒑᔨᐦᑖᑯᓯᓐ ᒑ ᒌ ᑎᐦᑯᓂᒧᒡ ᐅᒥᔅᒋᓐ᙮ ᐐᔨ ᒫᒃ ᒋᑭ ᓰᑭᐦᐋᐦᑖᑯᐙᐤ ᑳ ᐱᔮᐦᒋᓰᔨᒡᐦ ᐊᐦᒑᐦᒄᐦ, ᑭᔮᐦ ᐃᔥᑯᑖᔨᐤ᙮ 12ᐆ ᒑ ᑎᑯᔑᐦᒃ ᒋᑭ ᐄᑖᔨᐦᑖᑯᓯᐤ ᒧᔮᒻ ᓈᐹᐤ ᑳ ᐱᔮᐦᒋᐦᑖᑦ ᐱᐦᒀᔑᑭᓂᒥᓈᐦᑎᒄ ᐊᓂᑎᐦ ᒑ ᒌᐦ ᐅᐦᑎᓈᑦ ᐱᐦᒀᔑᑭᓐ ᑭᔮᐦ ᒫᒃ ᐱᐦᑳᓂᔥᑖᐤ ᐊᓂᔮᔨᐤ ᑳ ᒥᔻᔨᔨᒡ ᐊᓂᑖᐦ ᐊᔥᑖᓲᑭᒥᑯᐦᒡ᙮ ᐋᒄ ᐊᓂᔮᔨᐤ ᐋᑳ ᑳ ᐎᔮᔥ ᒑ ᒌᐦ ᐄᑖᐱᑎᓃᔨᔨᒡ ᐃᔥᒀᓯᒻ ᐊᓂᑖᐦ ᐋᐦᐋᑳ ᓂᐦᑖ ᐋᔥᑐᐙᔨᒡ ᐃᔥᑯᑖᔨᐤ᙮”
ᒌᓴᔅ ᑳ ᓰᑭᐦᐋᐦᑎᐙᑭᓅᑦ
ᒫᕐᒃ 1:9-11; ᓘᒃ 3:21, 22
13ᐹᑎᒫ ᒫᒃ ᒌᓴᔅ ᒌ ᑎᑯᔑᓐ ᑳᓕᓖ ᐊᔅᒌᐦᒡ ᐋ ᐅᐦᑐᐦᑖᑦ, ᑳ ᓂᑎᐙᐱᒫᑦ ᐊᓂᔮᔨᐤᐦ ᒞᓐᐦ ᐊᓂᑖᐦ ᒞᕐᑎᓐ ᓰᐲᐦᒡ ᒑ ᒌ ᓰᑭᐦᐋᐦᑖᑯᑦ᙮ 14ᒥᒄ ᒫᒃ ᒞᓐ ᒋᐐᐦ ᒋᐱᒋᐦᐋᐤ ᐋᐦ ᐄᑖᑦ, “ᐃᓯᓈᑯᓐ ᑎᔨᑯᒡ ᒌᔨ ᒑ ᒌ ᐹᒋ ᓰᑭᐦᐋᐦᑎᐎᔨᓐ, ᒑᒀᓐ ᒫᒃ ᐙᐦᒋ ᐹᒋ ᑯᒀᒋᒥᔨᓐ ᒑ ᒌ ᓰᑭᐦᐋᐦᑖᑖᓐ?”
15ᐋᒄ ᒌᓴᔅ ᑳᐦ ᐄᑖᑦ, “ᐊᓅᐦᒡ ᐆ ᑐᑎᐦ ᑖᓐ ᐋᑎᔓᒥᑖᓐ᙮ ᐙᔥ ᐆ ᑐᑎᒧᐦᒀ ᒋᑭᑐᑎᒸᓈᓂᐤ ᒥᓯᐙ ᑖᓐ ᐋ ᐄᔑ ᓂᑎᐙᔨᐦᑎᐦᒃ ᒋᔖᒥᓂᑑ᙮” ᑭᔨᑆ ᑳ ᐱᔑᒋᐦᐋᑦ ᒞᓐ᙮
16ᐄᔥᐱᐦ ᒫᒃ ᒌᓴᔅ ᑳ ᓰᑭᐦᐋᐦᑎᐙᑭᓅᑦ, ᐋᐦ ᐋᑎ ᑭᐹᑦ ᒫᒃ ᒌᐦ ᐅᐦᒋ ᐹᑯᑎᔥᑯᐱᔨᐤ ᒋᐦᒋᒌᔑᑯᐦᒡ᙮ ᒌ ᐙᐱᒫᐤ ᒫᒃ ᒋᔖᒥᓂᑑ ᐅᑎᐦᒑᐦᑯᔨᐤ ᐋ ᐹᒋ ᔮᔒᑐᑖᑯᑦ ᒧᔮᒻ ᐅᒦᒦᐤ ᐋ ᐃᓯᓈᑯᓰᔨᒡ ᑭᔮᐦ ᐋ ᑣᐦᐅᑖᑯᑦ᙮ 17ᐋᒄ ᑳ ᐹᐦᑎᐙᒡ ᐊᐙᔨᐤᐦ ᐊᓂᑖᐦ ᐅᐦᒋ ᒋᐦᒋᒌᔑᑯᐦᒡ ᐋᐦ ᐄᔨᔨᒡ, “ᐋᐅᒄ ᐆ ᓂᑯᔅ ᑳ ᓵᒋᐦᐄᒃ ᑭᔮᐦ ᓈᔥᒡ ᑳ ᓂᓂᐦᐋᔨᐦᑎᒥᐦᐄᑦ᙮”
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2016, Wycliffe Bible Translators, Inc. All rights reserved.