Eyohana 10
10
Egŋe eshri oso ba ékylu
1Eyesu a lu mi le, Ame e lu adlidzi angyiŋ e da gimi. Are la a sõ ayizhẽ angyiŋ a gre oso ba ékylu lo eshyẽ mbo le, ambo o wo baŋ a vre nga a ta egba eshyẽ angyiŋ le, a wo asi ta la are la a kpo ogʼga. 2Are la a la a sõ ayizhẽ angyiŋ a yi eshyẽ angyiŋ a wo are la a kpaŋ ékylu lo. 3Are la a kʼpu ayizhẽ a la a hwile lo okyku ŋa. Omba baŋ a la a bzi nga, ékylu baŋ e gno enzi baŋ okyku eshi aŋa a la a bzi mo la ashko mo, nga a la a kpaŋ mo a yi edzi. 4A la a gre ozhẽ omba baŋ a se mo edzi, nga moa a lu ŋa ma okyku eshi moa a yi enzi baŋ. 5Moa á lu arekyeŋ ma mbo, ambo moa á knye á sku ŋa okyku eshi moa a yi enzi baŋ mbo.
6Eyesu a ta egŋe lo pa la mo, ambo moa a ka lo a bmye mbo.
Eyesu are la a kpaŋ adzadzi
7Eyesu a lu mi le, Ame e lu adlidzi angyiŋ e da gimi, ame angyiŋ e wo ayizhẽ okyku ékylu lo. 8Moahwõ mvye la a ba a gre me ori moa a wo moasi pa la moa la a kpo ogʼga, ambo ékylu e ngli atuŋ e gno mo mbo. 9Ame angyiŋ e wo ayizhẽ lo. Areyaŋ a mbo la a sõ okro me angyiŋ a gre oso lo eshyẽ le, á hwiŋ eso. Aŋa nga á hwiŋ opyapyaŋ nga á hwiŋ algo. 10Asi a la a ba okyku o si osi, nga okyku o bga nga okyku o jygi lo. Ambo ame e ba okyku o da mo a hwiŋ eso, nga e hwiŋ fkatka.
11Ame e wo are la a kpaŋ la a wo adzadzi. Edgu ahi lo, a bmi a kpu okyku ékylu. 12Are la a kpaŋ okyku ohre nga ba ékylu e wo e baŋ mbo, omba baŋ a ka ebuakam a ba le, a la a knye a dzu ékylu a zga. Abuakam a la a vu mo nga a som mo ayi. 13Are la a kpaŋ okyku ohre angyiŋ, a la a knye okyku baŋ a kpaŋ okyku ohre angyiŋ, nga a shri eso baŋ a di okyku ékylu lo mbo. 14-15Ame angyiŋ e wo are la a kpaŋ la a wo adzadzi. Eka ba Ada a yi me hi angyiŋ, ame a mbo e yi ŋa, eliakahelo ame a mbo e yi ékylu me, ékylu me nga e yi me. Nga ame e bmi okyku o kpu okyku mo. 16Ékylukyeŋ e wo ma, e la e wo e me ambo moa a wo oso he lo mbo. O dzu omgbybi ba ame e yi e shri mo a mbo e ba. Moa á ngli atuŋ á gno enzi me. Moa á ba a dzu eshki ékylu ekyekyeŋ abgo are la a kpaŋ akyekyeŋ.
17Ada a klo me okyku ba ame e bmi okyku o shri eso me e di, okyku o da me e bla e yga lo. 18Arekyeŋ angyiŋ á sko eso me á sku me mbo, ambo ame angyiŋ é shri lo é di la obmi ba eso me. Ame e wo la ekʼpo ma okyku o shri lo o di, nga ame e wo la ekʼpo ma ba o bla lo o yga. Ame e yga odaŋ he lo ibu Adugu.
19Okyku odlo he lo, moaEyahuda a gʼba emo aha. 20Moare nzenze eshki mo, moa a lu mi le, Ogbgabi o kpo otum ka la ŋa! Aŋa a dro angyiŋ! Okyku eshi agimi e bmi ka la ŋa? 21Ambo moakyeŋ a la a lu mi le, Are ba ogbgabi o kpo otum ka la ŋa, a kpo a gbu baŋ a lu odlo eka he mbo! Ogbgabi o kpo anyu o hwile ayi ba avgayi?
MoaEyahuda a tla Eyesu
22Omba ba moa a kpo Abgo ba Odzuesesla osku ba Orushalima, omba he lo o wo omba afpe. 23Eyesu a la a dzi Oda ba Osolomo Anyuŋ-Akulu. 24Omba he lo moaEyahuda a shki a ta ŋa a kpaŋ, nga moa a zhĩ ŋa a lu mi le, Ma-me o tsa ondayaŋ, aŋo o da gi e dzu la efueha? O lu adlidzi o da gi, aŋo angyiŋ o wo Emisiya? 25Eyesu a tno ma a lu mi le, Ame e sheŋ e lu e da gimi bgu, ambo agimi e bmi ba adlidzi pa la me mbo. Otum ba ame e kpo la ekʼpo ba Adugu hi, o la o zgi egŋe me. 26Ambo agimi é bmi pa la me mbo, okyku eshi agimi e wo ékylu me angyiŋ mbo. 27Ékylu me e la e ngli atuŋ e gno enzi me, ame e yi mo nga moa a la a lu me ma. 28Ame e la e shri eso ba gbagbu-amo e shri e da mo, moa á kpu nga mbo ku-ku. Arekyeŋ a kpo a gbu baŋ a ngʼga mo a sku me abgo mbo. 29Ekplo ba Adugu a shri a da me e gre pyeŋ. Arekyeŋ a kpo a gbu baŋ a ngʼga mo a sku abgo ba Adugu mbo. 30Ada pa la me, agi e wo okyekyeŋ.
31Ambla he nga moaEyahuda a klo o tra ŋa ézhim. 32Eyesu a nyuŋ mo a lu mi le, Ame e sheŋ e kpo otum odzadzi egi ayi bimi. Otum he lo, Ada angyiŋ a shri lo a da me. Agimi e klo e tra me ézhim okyku otumyaŋ eshki he lo? 33MoaEyahuda a tno ŋa ma a lu mi le, Agi e klo o tra ŋo ézhim okyku otum odzadzikyeŋ angyiŋ mbo, ambo okyku odzi Ahogbrẽ boŋ o dzi angyiŋ! Aŋo o wo arehwĩ angyiŋ, ambo aŋo o klo o zhiŋ eshri boŋ o zga eka Ahogbrẽ! 34Eyesu a tno mo ma a lu mi le, Moa a ta odaŋ bimi a lu mi le, Ahogbrẽ a lu ma agimi e wo moahogbrẽ angyiŋ. 35Agi e yi ba ekployaŋ a mbo ba odlo Ahogbrẽ o lu o wo adlidzi gbagbu-amo. Ahogbrẽ nga a bzi moarehwi ba moa a shri oshpa baŋ a shri a da mo angyiŋ, moahogbrẽ. 36Eshri me e mbi, Ada angyiŋ a sla me nga a hom me otum a da me e ba obiŋ hi. Ekayaŋ agimi e lu mi ma ame e dzi Ahogbrẽ, okyku ba ame e lu ma ame e wo Anwye Ahogbrẽ? 37O wo ba ame e kpo otum Adugu angyiŋ mbo le, agimi e bmi pa la me mbo. 38O wo ba agimi e bmi pa la me mbo a mbo, agimi e bmi ba adlidzi ta la otum me lo, okyku o da gimi e yi zhezheŋ ba Ada a wo pa la me, nga ba ame e wo ka la ŋa.
39Ambla he nga moa a klo ozhẽ okyku o vu ŋa, ambo a gro.
40Eyesu a bla a bmyi ondzu ba Ordu nga a gre okro ba Eyohana a kpo moare abaptisma ma ayga, nga a dzu ma. 41Moare nzenze a ba okro baŋ nga moa a lu mi le, Eyohana a kpo ayakplo ba egbregbre mbo, ambo ekployaŋ a mbo baŋ a lu eshri alom he lo, e wo adlidzi angyiŋ. 42Moare nzenze ahe lo moa a bmi ka la ŋa.
Dewis Presennol:
Eyohana 10: EGONT74
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Eggon New Testament © United Bible Societies, 1974. Bible Society of Nigeria
Eyohana 10
10
Egŋe eshri oso ba ékylu
1Eyesu a lu mi le, Ame e lu adlidzi angyiŋ e da gimi. Are la a sõ ayizhẽ angyiŋ a gre oso ba ékylu lo eshyẽ mbo le, ambo o wo baŋ a vre nga a ta egba eshyẽ angyiŋ le, a wo asi ta la are la a kpo ogʼga. 2Are la a la a sõ ayizhẽ angyiŋ a yi eshyẽ angyiŋ a wo are la a kpaŋ ékylu lo. 3Are la a kʼpu ayizhẽ a la a hwile lo okyku ŋa. Omba baŋ a la a bzi nga, ékylu baŋ e gno enzi baŋ okyku eshi aŋa a la a bzi mo la ashko mo, nga a la a kpaŋ mo a yi edzi. 4A la a gre ozhẽ omba baŋ a se mo edzi, nga moa a lu ŋa ma okyku eshi moa a yi enzi baŋ. 5Moa á lu arekyeŋ ma mbo, ambo moa á knye á sku ŋa okyku eshi moa a yi enzi baŋ mbo.
6Eyesu a ta egŋe lo pa la mo, ambo moa a ka lo a bmye mbo.
Eyesu are la a kpaŋ adzadzi
7Eyesu a lu mi le, Ame e lu adlidzi angyiŋ e da gimi, ame angyiŋ e wo ayizhẽ okyku ékylu lo. 8Moahwõ mvye la a ba a gre me ori moa a wo moasi pa la moa la a kpo ogʼga, ambo ékylu e ngli atuŋ e gno mo mbo. 9Ame angyiŋ e wo ayizhẽ lo. Areyaŋ a mbo la a sõ okro me angyiŋ a gre oso lo eshyẽ le, á hwiŋ eso. Aŋa nga á hwiŋ opyapyaŋ nga á hwiŋ algo. 10Asi a la a ba okyku o si osi, nga okyku o bga nga okyku o jygi lo. Ambo ame e ba okyku o da mo a hwiŋ eso, nga e hwiŋ fkatka.
11Ame e wo are la a kpaŋ la a wo adzadzi. Edgu ahi lo, a bmi a kpu okyku ékylu. 12Are la a kpaŋ okyku ohre nga ba ékylu e wo e baŋ mbo, omba baŋ a ka ebuakam a ba le, a la a knye a dzu ékylu a zga. Abuakam a la a vu mo nga a som mo ayi. 13Are la a kpaŋ okyku ohre angyiŋ, a la a knye okyku baŋ a kpaŋ okyku ohre angyiŋ, nga a shri eso baŋ a di okyku ékylu lo mbo. 14-15Ame angyiŋ e wo are la a kpaŋ la a wo adzadzi. Eka ba Ada a yi me hi angyiŋ, ame a mbo e yi ŋa, eliakahelo ame a mbo e yi ékylu me, ékylu me nga e yi me. Nga ame e bmi okyku o kpu okyku mo. 16Ékylukyeŋ e wo ma, e la e wo e me ambo moa a wo oso he lo mbo. O dzu omgbybi ba ame e yi e shri mo a mbo e ba. Moa á ngli atuŋ á gno enzi me. Moa á ba a dzu eshki ékylu ekyekyeŋ abgo are la a kpaŋ akyekyeŋ.
17Ada a klo me okyku ba ame e bmi okyku o shri eso me e di, okyku o da me e bla e yga lo. 18Arekyeŋ angyiŋ á sko eso me á sku me mbo, ambo ame angyiŋ é shri lo é di la obmi ba eso me. Ame e wo la ekʼpo ma okyku o shri lo o di, nga ame e wo la ekʼpo ma ba o bla lo o yga. Ame e yga odaŋ he lo ibu Adugu.
19Okyku odlo he lo, moaEyahuda a gʼba emo aha. 20Moare nzenze eshki mo, moa a lu mi le, Ogbgabi o kpo otum ka la ŋa! Aŋa a dro angyiŋ! Okyku eshi agimi e bmi ka la ŋa? 21Ambo moakyeŋ a la a lu mi le, Are ba ogbgabi o kpo otum ka la ŋa, a kpo a gbu baŋ a lu odlo eka he mbo! Ogbgabi o kpo anyu o hwile ayi ba avgayi?
MoaEyahuda a tla Eyesu
22Omba ba moa a kpo Abgo ba Odzuesesla osku ba Orushalima, omba he lo o wo omba afpe. 23Eyesu a la a dzi Oda ba Osolomo Anyuŋ-Akulu. 24Omba he lo moaEyahuda a shki a ta ŋa a kpaŋ, nga moa a zhĩ ŋa a lu mi le, Ma-me o tsa ondayaŋ, aŋo o da gi e dzu la efueha? O lu adlidzi o da gi, aŋo angyiŋ o wo Emisiya? 25Eyesu a tno ma a lu mi le, Ame e sheŋ e lu e da gimi bgu, ambo agimi e bmi ba adlidzi pa la me mbo. Otum ba ame e kpo la ekʼpo ba Adugu hi, o la o zgi egŋe me. 26Ambo agimi é bmi pa la me mbo, okyku eshi agimi e wo ékylu me angyiŋ mbo. 27Ékylu me e la e ngli atuŋ e gno enzi me, ame e yi mo nga moa a la a lu me ma. 28Ame e la e shri eso ba gbagbu-amo e shri e da mo, moa á kpu nga mbo ku-ku. Arekyeŋ a kpo a gbu baŋ a ngʼga mo a sku me abgo mbo. 29Ekplo ba Adugu a shri a da me e gre pyeŋ. Arekyeŋ a kpo a gbu baŋ a ngʼga mo a sku abgo ba Adugu mbo. 30Ada pa la me, agi e wo okyekyeŋ.
31Ambla he nga moaEyahuda a klo o tra ŋa ézhim. 32Eyesu a nyuŋ mo a lu mi le, Ame e sheŋ e kpo otum odzadzi egi ayi bimi. Otum he lo, Ada angyiŋ a shri lo a da me. Agimi e klo e tra me ézhim okyku otumyaŋ eshki he lo? 33MoaEyahuda a tno ŋa ma a lu mi le, Agi e klo o tra ŋo ézhim okyku otum odzadzikyeŋ angyiŋ mbo, ambo okyku odzi Ahogbrẽ boŋ o dzi angyiŋ! Aŋo o wo arehwĩ angyiŋ, ambo aŋo o klo o zhiŋ eshri boŋ o zga eka Ahogbrẽ! 34Eyesu a tno mo ma a lu mi le, Moa a ta odaŋ bimi a lu mi le, Ahogbrẽ a lu ma agimi e wo moahogbrẽ angyiŋ. 35Agi e yi ba ekployaŋ a mbo ba odlo Ahogbrẽ o lu o wo adlidzi gbagbu-amo. Ahogbrẽ nga a bzi moarehwi ba moa a shri oshpa baŋ a shri a da mo angyiŋ, moahogbrẽ. 36Eshri me e mbi, Ada angyiŋ a sla me nga a hom me otum a da me e ba obiŋ hi. Ekayaŋ agimi e lu mi ma ame e dzi Ahogbrẽ, okyku ba ame e lu ma ame e wo Anwye Ahogbrẽ? 37O wo ba ame e kpo otum Adugu angyiŋ mbo le, agimi e bmi pa la me mbo. 38O wo ba agimi e bmi pa la me mbo a mbo, agimi e bmi ba adlidzi ta la otum me lo, okyku o da gimi e yi zhezheŋ ba Ada a wo pa la me, nga ba ame e wo ka la ŋa.
39Ambla he nga moa a klo ozhẽ okyku o vu ŋa, ambo a gro.
40Eyesu a bla a bmyi ondzu ba Ordu nga a gre okro ba Eyohana a kpo moare abaptisma ma ayga, nga a dzu ma. 41Moare nzenze a ba okro baŋ nga moa a lu mi le, Eyohana a kpo ayakplo ba egbregbre mbo, ambo ekployaŋ a mbo baŋ a lu eshri alom he lo, e wo adlidzi angyiŋ. 42Moare nzenze ahe lo moa a bmi ka la ŋa.
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Eggon New Testament © United Bible Societies, 1974. Bible Society of Nigeria