Eyohana 7
7
Eyesu ta la moanáŋ
1Ambla he nga Eyesu a dzi obiŋ ba Egalili. A klo o dzi obiŋ ba Eyahuda mbo okyku eshi moaEyahuda a la a klo o bga ŋa. 2Omba moaEyahuda á ba a kpo abgo ba Oylalgo o wo osusku a mo. 3Moanáŋ Eyesu a nyuŋ Eyesu a lu mi le, Aŋo o yi obiŋ ba Eyahuda okyku o da moanwyeotum boŋ a ka edgu otum boŋ o kpo. 4Are la a klo o gbu eshko le, a ghre ayakplo baŋ a la a kpo mbo. O raŋ o gre boŋ o da moare mvye a yi edgu ayakplo boŋ o la o kpo! 5Moanáŋ a mbo, moa a bmi ba adlidzi ka la ŋa mbo. 6Eyesu a tno mo ma a lu mi le, Omba ba ame é ba e yi o kpo a wo mbo, ambo ombamba mvye agimi e wo la omba ma. 7Moarehwi ba obiŋ hi a bmi ka la gimi, ambo moa a tla me okyku ba ame e la e lu odlo pa la mo eshri ayakplobi moa a la a kpo. 8Agimi e yi egimi oriabgo. Ame é yi oriabgo lo a wo mbo, okyku eshi omba ba ame é yi o kpo a wo mbo. 9A lu eka he a khwo nga a dzu eŋa obiŋ ba Egalili.
Eyesu okro Oriabgo ba Oylalgo
10Ambla ba moanáŋ a gre oriabgo lo nga, Eyesu a mbo a gre. A gre la eyayi mbo, a gre shu. 11MoaEyahuda a la a klo Eyesu okro oriabgo lo. Moa a zhĩ a lu mi le, Eyesu a wo ayaŋ? 12Moare nzenze eshki a la a lu ahibĩ odlo eshri Eyesu. Moakyeŋ a lu mi le, Aŋa a wo la odlodzi a gre eshri. Moakyeŋ a lu mi le, Aŋa a wo la odlodzi ma mbo, a la a bile moare sha angyiŋ. 13Ambo arekyeŋ a lu odlo eka he eyayi moare mbo, okyku eshi moa a kpo eyli moaEyahuda.
14Moa a wo agʼbaha ba oriabgo angyiŋ a mo omba ba Eyesu a gre Anyuŋ-akulu nga a yi a zga esi o nye moare. 15MoaEyahuda a ka egbregbre a gre eshri, nga moa a lu mi le, Alom he a kpo anyu a yi engla nzenze eka he, ambo a gre engla ondakyeŋ a ka mbo! 16Eyesu a tno mo ma a lu mi le, Ekplo ba ame e la e nye hi, ame e fa e ba eshri me angyiŋ mbo, ambo e zgi okro Ahogbrẽ la a hom me otum angyiŋ e ba. 17Areyaŋ a mbo la a bmi nga a la a kpo ekplo ba Ahogbrẽ a klo, á kpo á gbu baŋ á ka á bmye ba onyenye me he o wo o ba Ahogbrẽ angyiŋ le, o wo o ba ekʼpo eshri me angyiŋ. 18Are la a lu odlo ekyku eshri baŋ, a klo o gbu eshko angyiŋ. Are la a klo o da are la a hom ŋa otum angyiŋ a gbu eshko, are he lo a la a kpo adlidzi, nga a la a kpo ekplokyeŋ bli-bli mbo. 19Omusa a shri odaŋ a da gimi mbo? Ambo arekyeŋ eshki bimi a kpaŋ odaŋ lo mbo. Okyku eshi agimi e klo e bga me? 20Eshki e tno ŋa ma e lu mi le, Ogbgabi o la o kpo otum ka la ŋo tli! Ayi angyiŋ a klo o bga ŋo? 21Eyesu a tno mo ma a lu mi le, Ame e kpo anyuŋ akplo egbregbre akyekyeŋ nga agimi e ka egbregbre. 22Okyku ba Omusa a jygu gimi odaŋ ma agimi e sheŋ moanwye bimi ongyum. Omusa angyiŋ a zga esi lo mbo, moadigimi angyiŋ a zga esĩ lo. Agimi e la e sheŋ moanwye ongyum onda Asabat. 23O wo ba moa a la a sheŋ moanwye ongyum onda Asabat okyku o bli odaŋ ba Omusa le, okyku eshi agimi e klo odlo pa la me okyku ba ame e shaŋ are ololo onda Asabat? 24Agimi e da ayakplo moare a la a kpo angyiŋ a dzu ozhẽ bimi e sheŋ ombgu mbo, ambo e da adlidzi angyiŋ a dzu ozhẽ bimi e sheŋ ombgu.
Aŋa angyiŋ a wo Emisiya?
25Moarekyeŋ osku Orushalima a zhĩ a lu mi le, Alom hi angyiŋ moa a klo o bga ŋa mbo? 26Agimi e ka! Aŋa a la a kpla egba pa la moare la eyayi, ambo arekyeŋ a lu ekplo-kyeŋ eshri baŋ mbo! O dzu mbo, moandakʼpo a mbo a yi zhezheŋ baŋ a wo Emisiya e mbo? 27Ambo omba ba Emisiya á ba a ba, arekyeŋ á yi okro baŋ á zgi lo á ba mbo. Agi mvye nga e yi okro ba alom he lo a zgi lo a ba.
28Omba ba Eyesu a la a nye moare Anyuŋ-akulu, a ta enzi angyeŋ a zhĩ a lu mi le, Agimi e yi me zhezheŋ a mi? Nga, agimi e yi okro ba ame e zgi lo e ba a mi? Ambo ame e ba eshrishri eme angyiŋ mbo. Are la a hom me otum a da me e ba a wo adlidzi angyiŋ, nga agimi e yi ŋa mbo. 29Ambo ame e yi ŋa. Ame e zgi okro baŋ angyiŋ e ba, nga aŋa angyiŋ a hom me otum. 30Omba he lo, moare a klo ozhẽ okyku o vu ŋa, ambo arekyeŋ a shri obgo a vu ŋa mbo, okyku eshi omba baŋ o kpo a wo mbo. 31Moare nzenze eshki he lo, moa a bmi ba adlidzi ka la ŋa nga moa a lu mi le, O wo ba Emisiya a yi a ba le, á kpo ayakplo egbregbre á gre alom he lo?
Moa la a kʼpu a ba okyku o vu Eyesu
32MoaEfarisi a gno ba eshki e lu ahihĩ odlo eshri baŋ nga, moa pa la moandakʼpo olu ba Ahogbrẽ moa a hom moa la a kpʼu otum okyku o da mo a vu Eyesu. 33Eyesu a ka eka he nga a nyuŋ mo a lu mi le, Ame é ta abyi fi ka la gimi ayga, ambla he nga ame é bla é yi okro ba are la a hom me otum. 34Agimi é klo me ambo agimi é hwiŋ me mbo, okyku eshi okro ba ame é ba e yi lo, agimi e kpo e gbu ba agimi e yi lo mbo. 35MoaEyahuda a la a zhĩ emo a lu mi le, Aŋa á yi ayaŋ angyiŋ ba agi é ba e hwiŋ ŋa mbo? Aŋa á yi esku ba moaEgrise, pa la moaEyahuda a wo ma nga á dzu ma á nye moaEgrise? 36Aŋa a lu mi le, Agimi é klo me ambo agimi é hwiŋ me mbo. Nga agimi é kpo é gbu ba agimi é yi okro ba ame é yi lo mbo. Ekplo baŋ a lu hi e ri eshi angyiŋ?
Ehwlo ami ba eso
37Olum ba okpyemgbyeŋ ba oriabgo he lo o wo anyua-nyuŋ o gre mvye. Onda mi lo Eyesu a kso angyeŋ nga a lu odlo la enzi angyangyeŋ a lu mi le, Areyaŋ a mbo ba oŋo o kpo ŋa o raŋ o gre baŋ a ba a wa ami okro me. 38Eka ba Odlo Ahogbrẽ o lu mi le, Areyaŋ a mbo I a bmi ba adlidzi pa la me, ehwlo ami ba eso é zgi eso baŋ. 39Eyesu a lu odlo he lo eshri Ogbgaodzi ba moa la a bmi ba adlidzi ka la ŋa á ba a hwiŋ. Omba mi lo, moare a hwiŋ Ogbgaodzi a wo mbo, okyku eshi moa a kso Eyesu a gre okro ayimom ba esesla baŋ Ongyeŋ a wo mbo.
Moare a gʼba emo aha
40Moare nzenze eshki lo a gno ba Eyesu a lu eka he. Moa a lu mi le, Alom he lo angyiŋ a wo Arehwi ba Ahogbrẽ a hom ŋa otum a daŋ a ba! 41Moakyeŋ a lu mi le, Aŋa angyiŋ a wo Emisiya. Moakyeŋ a lu mi le, Emisiya lo á zgi Egalili angyiŋ á ba a ba mbo! 42Odlo Ahogbrẽ o lu mi le, Emisiya á ba ogu ba Adawuda angyiŋ. Nga moa á mbre ŋa osku ba Ebetalami osku ba Adawuda a dzu ma. 43Odlo he lo o da moare a gʼba emo aha okyku Eyesu. 44Moakyeŋ a klo o vu ŋa, ambo arekyeŋ a shri obgo a vu ŋa mbo.
Moandakʼpo ba moaEyahuda a bmi mbo
45Moa la a kʼpu a bla a gre okro moandakʼpo olu ba Ahogbrẽ, pa la moaEfarisi, nga moandakʼpo a zhĩ mo a lu mi le, Okyku eshi agimi e shri ŋa e shri e ba mbo? 46Moa la a kʼpu lo a tno ma a lu mi le, Adlidzi angyiŋ agi e gno arekyeŋ a kpla edgu egba ba alom he a la a kpla ondakyeŋ mbo! 47MoaEfarisi a zhĩ mo a lu mi le, Agimi e daŋ a zhiŋ gimi a mbo? 48Agimi e ka, andakʼpo bi akyeŋ, o mbo le akyeŋ eshki bi a bmi ba adlidzi ka la ŋa ondakyeŋ? 49Moare he lo a yi odaŋ ba Omusa mbo, okyku eka he ombgu ba Ahogbrẽ o wo eshri mo! 50Enikodimo a wo eshki mo lo. Aŋa angyiŋ a gre okro Eyesu ombakyeŋ. A nyuŋ mo a lu mi le, 51Eka ba odaŋ bi o wo, agi e kpo e gbu ba agi e sõ are ombgu ayga e gno odlo baŋ mbo. 52Moahwõ a zhĩ ŋa a lu mi le, Aŋo a mbo o wo arehwĩ ba Egalili lo angyiŋ? O klo aga Akpa ba Ahogbrẽ adzadzi, ó ka okrokyeŋ ba moa a lu ma arehwĩ ba Ahogbrẽ a hom ŋa otum á zgi Egalili mbo ku-ku.
Dewis Presennol:
Eyohana 7: EGONT74
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Eggon New Testament © United Bible Societies, 1974. Bible Society of Nigeria
Eyohana 7
7
Eyesu ta la moanáŋ
1Ambla he nga Eyesu a dzi obiŋ ba Egalili. A klo o dzi obiŋ ba Eyahuda mbo okyku eshi moaEyahuda a la a klo o bga ŋa. 2Omba moaEyahuda á ba a kpo abgo ba Oylalgo o wo osusku a mo. 3Moanáŋ Eyesu a nyuŋ Eyesu a lu mi le, Aŋo o yi obiŋ ba Eyahuda okyku o da moanwyeotum boŋ a ka edgu otum boŋ o kpo. 4Are la a klo o gbu eshko le, a ghre ayakplo baŋ a la a kpo mbo. O raŋ o gre boŋ o da moare mvye a yi edgu ayakplo boŋ o la o kpo! 5Moanáŋ a mbo, moa a bmi ba adlidzi ka la ŋa mbo. 6Eyesu a tno mo ma a lu mi le, Omba ba ame é ba e yi o kpo a wo mbo, ambo ombamba mvye agimi e wo la omba ma. 7Moarehwi ba obiŋ hi a bmi ka la gimi, ambo moa a tla me okyku ba ame e la e lu odlo pa la mo eshri ayakplobi moa a la a kpo. 8Agimi e yi egimi oriabgo. Ame é yi oriabgo lo a wo mbo, okyku eshi omba ba ame é yi o kpo a wo mbo. 9A lu eka he a khwo nga a dzu eŋa obiŋ ba Egalili.
Eyesu okro Oriabgo ba Oylalgo
10Ambla ba moanáŋ a gre oriabgo lo nga, Eyesu a mbo a gre. A gre la eyayi mbo, a gre shu. 11MoaEyahuda a la a klo Eyesu okro oriabgo lo. Moa a zhĩ a lu mi le, Eyesu a wo ayaŋ? 12Moare nzenze eshki a la a lu ahibĩ odlo eshri Eyesu. Moakyeŋ a lu mi le, Aŋa a wo la odlodzi a gre eshri. Moakyeŋ a lu mi le, Aŋa a wo la odlodzi ma mbo, a la a bile moare sha angyiŋ. 13Ambo arekyeŋ a lu odlo eka he eyayi moare mbo, okyku eshi moa a kpo eyli moaEyahuda.
14Moa a wo agʼbaha ba oriabgo angyiŋ a mo omba ba Eyesu a gre Anyuŋ-akulu nga a yi a zga esi o nye moare. 15MoaEyahuda a ka egbregbre a gre eshri, nga moa a lu mi le, Alom he a kpo anyu a yi engla nzenze eka he, ambo a gre engla ondakyeŋ a ka mbo! 16Eyesu a tno mo ma a lu mi le, Ekplo ba ame e la e nye hi, ame e fa e ba eshri me angyiŋ mbo, ambo e zgi okro Ahogbrẽ la a hom me otum angyiŋ e ba. 17Areyaŋ a mbo la a bmi nga a la a kpo ekplo ba Ahogbrẽ a klo, á kpo á gbu baŋ á ka á bmye ba onyenye me he o wo o ba Ahogbrẽ angyiŋ le, o wo o ba ekʼpo eshri me angyiŋ. 18Are la a lu odlo ekyku eshri baŋ, a klo o gbu eshko angyiŋ. Are la a klo o da are la a hom ŋa otum angyiŋ a gbu eshko, are he lo a la a kpo adlidzi, nga a la a kpo ekplokyeŋ bli-bli mbo. 19Omusa a shri odaŋ a da gimi mbo? Ambo arekyeŋ eshki bimi a kpaŋ odaŋ lo mbo. Okyku eshi agimi e klo e bga me? 20Eshki e tno ŋa ma e lu mi le, Ogbgabi o la o kpo otum ka la ŋo tli! Ayi angyiŋ a klo o bga ŋo? 21Eyesu a tno mo ma a lu mi le, Ame e kpo anyuŋ akplo egbregbre akyekyeŋ nga agimi e ka egbregbre. 22Okyku ba Omusa a jygu gimi odaŋ ma agimi e sheŋ moanwye bimi ongyum. Omusa angyiŋ a zga esi lo mbo, moadigimi angyiŋ a zga esĩ lo. Agimi e la e sheŋ moanwye ongyum onda Asabat. 23O wo ba moa a la a sheŋ moanwye ongyum onda Asabat okyku o bli odaŋ ba Omusa le, okyku eshi agimi e klo odlo pa la me okyku ba ame e shaŋ are ololo onda Asabat? 24Agimi e da ayakplo moare a la a kpo angyiŋ a dzu ozhẽ bimi e sheŋ ombgu mbo, ambo e da adlidzi angyiŋ a dzu ozhẽ bimi e sheŋ ombgu.
Aŋa angyiŋ a wo Emisiya?
25Moarekyeŋ osku Orushalima a zhĩ a lu mi le, Alom hi angyiŋ moa a klo o bga ŋa mbo? 26Agimi e ka! Aŋa a la a kpla egba pa la moare la eyayi, ambo arekyeŋ a lu ekplo-kyeŋ eshri baŋ mbo! O dzu mbo, moandakʼpo a mbo a yi zhezheŋ baŋ a wo Emisiya e mbo? 27Ambo omba ba Emisiya á ba a ba, arekyeŋ á yi okro baŋ á zgi lo á ba mbo. Agi mvye nga e yi okro ba alom he lo a zgi lo a ba.
28Omba ba Eyesu a la a nye moare Anyuŋ-akulu, a ta enzi angyeŋ a zhĩ a lu mi le, Agimi e yi me zhezheŋ a mi? Nga, agimi e yi okro ba ame e zgi lo e ba a mi? Ambo ame e ba eshrishri eme angyiŋ mbo. Are la a hom me otum a da me e ba a wo adlidzi angyiŋ, nga agimi e yi ŋa mbo. 29Ambo ame e yi ŋa. Ame e zgi okro baŋ angyiŋ e ba, nga aŋa angyiŋ a hom me otum. 30Omba he lo, moare a klo ozhẽ okyku o vu ŋa, ambo arekyeŋ a shri obgo a vu ŋa mbo, okyku eshi omba baŋ o kpo a wo mbo. 31Moare nzenze eshki he lo, moa a bmi ba adlidzi ka la ŋa nga moa a lu mi le, O wo ba Emisiya a yi a ba le, á kpo ayakplo egbregbre á gre alom he lo?
Moa la a kʼpu a ba okyku o vu Eyesu
32MoaEfarisi a gno ba eshki e lu ahihĩ odlo eshri baŋ nga, moa pa la moandakʼpo olu ba Ahogbrẽ moa a hom moa la a kpʼu otum okyku o da mo a vu Eyesu. 33Eyesu a ka eka he nga a nyuŋ mo a lu mi le, Ame é ta abyi fi ka la gimi ayga, ambla he nga ame é bla é yi okro ba are la a hom me otum. 34Agimi é klo me ambo agimi é hwiŋ me mbo, okyku eshi okro ba ame é ba e yi lo, agimi e kpo e gbu ba agimi e yi lo mbo. 35MoaEyahuda a la a zhĩ emo a lu mi le, Aŋa á yi ayaŋ angyiŋ ba agi é ba e hwiŋ ŋa mbo? Aŋa á yi esku ba moaEgrise, pa la moaEyahuda a wo ma nga á dzu ma á nye moaEgrise? 36Aŋa a lu mi le, Agimi é klo me ambo agimi é hwiŋ me mbo. Nga agimi é kpo é gbu ba agimi é yi okro ba ame é yi lo mbo. Ekplo baŋ a lu hi e ri eshi angyiŋ?
Ehwlo ami ba eso
37Olum ba okpyemgbyeŋ ba oriabgo he lo o wo anyua-nyuŋ o gre mvye. Onda mi lo Eyesu a kso angyeŋ nga a lu odlo la enzi angyangyeŋ a lu mi le, Areyaŋ a mbo ba oŋo o kpo ŋa o raŋ o gre baŋ a ba a wa ami okro me. 38Eka ba Odlo Ahogbrẽ o lu mi le, Areyaŋ a mbo I a bmi ba adlidzi pa la me, ehwlo ami ba eso é zgi eso baŋ. 39Eyesu a lu odlo he lo eshri Ogbgaodzi ba moa la a bmi ba adlidzi ka la ŋa á ba a hwiŋ. Omba mi lo, moare a hwiŋ Ogbgaodzi a wo mbo, okyku eshi moa a kso Eyesu a gre okro ayimom ba esesla baŋ Ongyeŋ a wo mbo.
Moare a gʼba emo aha
40Moare nzenze eshki lo a gno ba Eyesu a lu eka he. Moa a lu mi le, Alom he lo angyiŋ a wo Arehwi ba Ahogbrẽ a hom ŋa otum a daŋ a ba! 41Moakyeŋ a lu mi le, Aŋa angyiŋ a wo Emisiya. Moakyeŋ a lu mi le, Emisiya lo á zgi Egalili angyiŋ á ba a ba mbo! 42Odlo Ahogbrẽ o lu mi le, Emisiya á ba ogu ba Adawuda angyiŋ. Nga moa á mbre ŋa osku ba Ebetalami osku ba Adawuda a dzu ma. 43Odlo he lo o da moare a gʼba emo aha okyku Eyesu. 44Moakyeŋ a klo o vu ŋa, ambo arekyeŋ a shri obgo a vu ŋa mbo.
Moandakʼpo ba moaEyahuda a bmi mbo
45Moa la a kʼpu a bla a gre okro moandakʼpo olu ba Ahogbrẽ, pa la moaEfarisi, nga moandakʼpo a zhĩ mo a lu mi le, Okyku eshi agimi e shri ŋa e shri e ba mbo? 46Moa la a kʼpu lo a tno ma a lu mi le, Adlidzi angyiŋ agi e gno arekyeŋ a kpla edgu egba ba alom he a la a kpla ondakyeŋ mbo! 47MoaEfarisi a zhĩ mo a lu mi le, Agimi e daŋ a zhiŋ gimi a mbo? 48Agimi e ka, andakʼpo bi akyeŋ, o mbo le akyeŋ eshki bi a bmi ba adlidzi ka la ŋa ondakyeŋ? 49Moare he lo a yi odaŋ ba Omusa mbo, okyku eka he ombgu ba Ahogbrẽ o wo eshri mo! 50Enikodimo a wo eshki mo lo. Aŋa angyiŋ a gre okro Eyesu ombakyeŋ. A nyuŋ mo a lu mi le, 51Eka ba odaŋ bi o wo, agi e kpo e gbu ba agi e sõ are ombgu ayga e gno odlo baŋ mbo. 52Moahwõ a zhĩ ŋa a lu mi le, Aŋo a mbo o wo arehwĩ ba Egalili lo angyiŋ? O klo aga Akpa ba Ahogbrẽ adzadzi, ó ka okrokyeŋ ba moa a lu ma arehwĩ ba Ahogbrẽ a hom ŋa otum á zgi Egalili mbo ku-ku.
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Eggon New Testament © United Bible Societies, 1974. Bible Society of Nigeria