Ko-Dabirɛnu 19
19
Hakɛ Wara-Koe Sɔdɔm Soe Burɔ
1Melika filɛ wonu ke Sɔdɔm soe burɔ wurala-tumɛ le la, anu ya Lɔti siginɛ taran Sɔdɔm tarɛ dɛ la.#19.1 Tarɛ dɛ: Sɔdɔm kun-tigi do le Lɔti la nun. Anuta namunyɛ rɔ, kun-tiginu si sigi tarɛ dɛ la kiti sa tinɛ. Lɔti ya anu yen tumɛ min, a ya a lasɔ ka anu nabɛn. A ya a laburun a ma dugi ma anu kɔrɔ. 2Lɔti ya a fɔ anu ye ko, “N tiginu, n bi wo madiyala. Wo yandi, wo ni yiya n barɛ bi. Wo si wo kian maku ka ki nyɔ. Wo wa wo lasɔ sɔgɔma, ni wo ye tala kan min, wo si ta nyɔ.”
Anu ko, “Ade, ma si ki luyi tɛma barɛ rɔ.”
3Kɔnɔ Lɔti kirita anu ma kati! Woletɔ anu yiyara a kuma. Lɔti ya anu gbiliya ka anu fanda biredi anubɛ dɔn-fen-hakikɛ la. 4Kɔnɔ yanni anu ni anu sa, kemini-mɛsɛ anubɛ kɛmɔgɛnu nara kurɔn mini bɔn wo ma. 5#Kɛlɛ-Kurugbɛnu 19.22-24 Anu ya Lɔti kele ka a fɔ a ye ko, “Kei minnu nara i warɛ wurɛ kɛ la, wonu bi mi? Anu nabɔ ma ye alako ma ni ma sa anu fɛ.”
6Lɔti bɔmatoe mɔgɛnu bara, a ya dɛ latogon melika wonu ma. 7A ya a fɔ nyama wo ye ko, “Nba, n bɔnu, wo yandi, n bi wo madiyala, wo kana ko-yogoma-su kɛ ma nna sundan kɛnu na. 8Yanni wo ni wo ma sundan kɛnu na, wo ma nna dunmusu filɛ kɛnu yen bɔn la? Wonu ma kei-ko lɔn fɔlɔn. N si wonu nabɔ wo ye. Ni min di wo ye, wo si wo ma wonu na. Kɔnɔ wo kana ko-wo-ko ma sundan kɛnu na kamasɔrɔn nna sundan le kɛnu na.”
9Nyama wonu nyɛɛra ale Lɔti ma ko, “I masɛgi. Ile sundan, i bɔ ma yarɔ, ile min bara i nyɛrɛ ma kiti-tɛgɛlɛ la ma tɛma kaka!” Anu ya a fɔ a ma tun ko, “Ni i kan le wo la, ma si ile tɔrɔ ka tenbi ila sundan kɛnu na.” Anu ya Lɔti latuntun kankan ma alako anu ni dɛ keri ka don. 10Kɔnɔ melika wonu ya anu bole labɔ kankan fɛ sɛɛ, ka Lɔti sagan ka a ladon bɔn la. Anu ya dɛ latogon. 11#2 Mansɛnu 6.18 Melika wonu ya fan do latenbi nyama wonu yakɔrɔ bilili! Anu fiyonyara kelenna! Dɛ tora-a-rɔ anu ma.
Lɔti Bɔ-Koe Sɔdɔm
12Melika wonu ya a fɔ Lɔti ye ko, “Ila dan wo, i biran wo, i na-kelen-nyɔgɛnu wo, ni wo donu bi soe kɛ burɔ yan, a fɔ anu ye ko anu ni anu bɔ yan 13kamasɔrɔn ma si Sɔdɔm soe kɛ halaki bawo anuna ko-yogomɛ ara wara Mari yala. Mari ya ma sɔ alako ma ni na soe kɛ lato dogbe!”
14Lɔti bɔra ka ta a fɔ a birannu ye minnu bara ala dunmusu filɛ mabira nun ko, “Wo ni wo bɔ yan soe kɛ burɔ kamasɔrɔn Mari si soe kɛ halaki.” Anu ya a lɔn nun ko a ye yokaliyɛ le la.
15Banda-ka-dɛ ma, melika wonu ya a fɔ Lɔti ye ko, “I lasɔ, wobɛ ila musi anubɛ ila dunmusu filɛ. Wo ni wo bɔ yan alako wo kana halaki mɔgɛ kɛnuna hakɛla ko la.”
16 #
2 Pita 2.7
Kɔnɔ Lɔti ya a kun kimaya min kɛ, woletɔ melika wonu ya anubɛ ala denbayɛnu bolo bira ka anu nabɔ soe kɔma bawo Mari ara kinikini anu ma. 17Melika wonu tara anu nabɔ soe kɔma tumɛ min, melika doi ya a fɔ anu ye ko, “Wo ni wo buri yɛlɛla kɔnkɛ kuma alako wo ni kisi. Kɔnɔ wo kana wo yɛ lasɛgi wo kɔma ka mɛ lɛɛ rɔ.”
18Lɔti ya a fɔ anu ye ko, “I yandi n tiginu, wo kana ma lata wula-yan la. 19Hala a dan, i wara n niyi lakisi nya min, wo fɔlɔn ya ko bɔ. Kɔnɔ n ti ke n burila ha kɔnkɛ wo kuma. Kɔnkɛ wo fɛ-yan. Yanni n ni ke nyɔ tumɛ min, n ti halaki, wa?” 20A ko, “I ma so-nɛ do yen pan tɔ, ado wo ma fɛ-yan n na. N si ke n burila le ka ta nyɔ. N tiginu, wo si sɔn n ni ta so-nɛ wo rɔ alako n ni kisi?”
21Melika wo kelen ya a fɔ ale Lɔti ye ko, “N si a ma iko i wara a fɔ n ye nya min. N ti so-ni kelan wo halaki. 22I lakaliya tala ka i dogon nyɔ kamasɔrɔn n ti Sɔdɔm kɛ tinya fɔ i wa ke nyɔ.”
Bawo Lɔti ya a fɔ soe wo ma, a ko, “So-nɛ,” woletɔ tɔgɛ wo tora so-nɛ wo kuma ko, “Sowa,” min kɔrɛ ko a dɔgɔ.
Sɔdɔm anubɛ Kɔmɔra Halaki-Koe
23Lɔti kera so-nɛ wo ma sun-tele-wati ma, 24#Matiyu 10.15; 11.23-24; Luka 10.12; 17.29; 2 Pita 2.6; Yude 7 Mari ya munku-gbɛ anubɛ tɛ layigi iko bandɛ ka bɔ san-kole rɔ Sɔdɔm anubɛ Kɔmɔra kuma. 25A ya soe wonubɛ a mɔgɛnu anubɛ anuna ki-fannu anubɛ anuna ba-lɛɛ damasi mintan gburr! 26#Luka 17.32 Kɔnɔ Lɔtila musi ya a yɛ lasɛgi a kɔma kilɛ la. Woletɔ a yɛlɛmanta kɔgɔ-gbu-gbilɔn-bɛ la.
27Wo wulun sɔgɔma subaga, Iburayima ya a latiriya tala a sɔla kan tinɛ wo rɔ anubɛ Mari kumara anu nyɔgɔn na kan min nun. 28A ya a yɛ lata Sɔdɔm anubɛ Kɔmɔra wara la anubɛ anuna ba-lɛɛ. A ya ta-sisi yen yɛlɛla iko sulubondɔn#19.28 Sulubondɔn: Mɔgɛ si nɛgɛ lalee kɛ rɔ nun. ta-sisi.
Mohabu Kɛnu wo, Amonnu wo, Wonu Bakuri le Lɔti La
29Soe minnu bi ba-lɛɛ rɔ Lɔti ye kan min, Alla ye wonu halakila tumɛ min, a ya a miri Iburayima ma ka Lɔti kisi.
30Lɔti anubɛ ala dunmusu filɛ wonu bɔra so-nɛ wo rɔ ka ta anu sigi anu dan na faran la kɔnkɛ kuma kamasɔrɔn anu kilannɛ ka sigi so-nɛ wo rɔ. 31Ala dunmusu fɔlɔtɛ ya a fɔ a dɔgɛ ye ko, “Ma fa ara kɔrɔya. Ma furu-nyɔgɔn sa nyɔ tun ma si dan sɔrɔn minnu ma. 32Ma si gbɛɛ di ma fa ma ha a ni a bira woletɔ ma si a masɔrɔn ka ki a wara. A ni a sa ma fɛ alako ma ni dan sɔrɔn a ma.”
33Anu ya anu fa lamin gbɛɛ la suyi wo rɔ kosɛbɛ! Lɔtila dunmusu fɔlɔtɛ donta ka a rasagan a fa fɛ. Lɔti ya a sa a fɛ kɔnɔ a ma dunmusi wo sa-tuma lɔn, a ma a lasɔ-tuma lɔn.
34Wo banda kɛ, ala den fɔlɔtɛ ya a fɔ a dɔgɔ-musi ye ko, “N ya n tasagan n fa fɛ kunu suyi rɔ. A ya a sa n fɛ. Ma ni ma fa lamin gbɛɛ la bi suyi rɔ fanan. Ile fanan ni don ka i rasagan a fɛ alako ma fa sugi la kana to.” 35Dunmusu-dɔgɔmɛ ya a ma a fa la iko a kɔrɔ ya a ma nya min suyi wo fanan tɔ. Lɔti ya a sa wo fanan fɛ kɔnɔ a ma a sa-tuma lɔn, a ma a lasɔ-tuma lɔn.
36Lɔtila dunmusu filɛ bɛɛsi ya buyi bi a ma wo nya le. 37Ala den fɔlɔtɛ ya den-kei sɔrɔn. A ya a tɔgɔ sa Mohabu.#19.37 Mohabu: Ni i ya a lamɔɛn Mohabu, wo kɔrɛ le Hiburu-kan rɔ ko, “A bɔra n fa rɔ.” Mohabu mɔgɛnu benba le wo la. 38A dɔgɔmɛ fanan ya den-kei sɔrɔn. A ya a tɔgɔ sa Bɛn-Ami.#19.38 Bɛn-Ami: Ni i ya a lamɔɛn Bɛn-Ami, wo kɔrɛ le Hiburu-kan rɔ ko, “N fata den-kei.” Amonnu benba le wo la.
Dewis Presennol:
Ko-Dabirɛnu 19: KCLB
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Kuranko Common Language Bible © The Bible Society in Sierra Leone, 2006.
Ko-Dabirɛnu 19
19
Hakɛ Wara-Koe Sɔdɔm Soe Burɔ
1Melika filɛ wonu ke Sɔdɔm soe burɔ wurala-tumɛ le la, anu ya Lɔti siginɛ taran Sɔdɔm tarɛ dɛ la.#19.1 Tarɛ dɛ: Sɔdɔm kun-tigi do le Lɔti la nun. Anuta namunyɛ rɔ, kun-tiginu si sigi tarɛ dɛ la kiti sa tinɛ. Lɔti ya anu yen tumɛ min, a ya a lasɔ ka anu nabɛn. A ya a laburun a ma dugi ma anu kɔrɔ. 2Lɔti ya a fɔ anu ye ko, “N tiginu, n bi wo madiyala. Wo yandi, wo ni yiya n barɛ bi. Wo si wo kian maku ka ki nyɔ. Wo wa wo lasɔ sɔgɔma, ni wo ye tala kan min, wo si ta nyɔ.”
Anu ko, “Ade, ma si ki luyi tɛma barɛ rɔ.”
3Kɔnɔ Lɔti kirita anu ma kati! Woletɔ anu yiyara a kuma. Lɔti ya anu gbiliya ka anu fanda biredi anubɛ dɔn-fen-hakikɛ la. 4Kɔnɔ yanni anu ni anu sa, kemini-mɛsɛ anubɛ kɛmɔgɛnu nara kurɔn mini bɔn wo ma. 5#Kɛlɛ-Kurugbɛnu 19.22-24 Anu ya Lɔti kele ka a fɔ a ye ko, “Kei minnu nara i warɛ wurɛ kɛ la, wonu bi mi? Anu nabɔ ma ye alako ma ni ma sa anu fɛ.”
6Lɔti bɔmatoe mɔgɛnu bara, a ya dɛ latogon melika wonu ma. 7A ya a fɔ nyama wo ye ko, “Nba, n bɔnu, wo yandi, n bi wo madiyala, wo kana ko-yogoma-su kɛ ma nna sundan kɛnu na. 8Yanni wo ni wo ma sundan kɛnu na, wo ma nna dunmusu filɛ kɛnu yen bɔn la? Wonu ma kei-ko lɔn fɔlɔn. N si wonu nabɔ wo ye. Ni min di wo ye, wo si wo ma wonu na. Kɔnɔ wo kana ko-wo-ko ma sundan kɛnu na kamasɔrɔn nna sundan le kɛnu na.”
9Nyama wonu nyɛɛra ale Lɔti ma ko, “I masɛgi. Ile sundan, i bɔ ma yarɔ, ile min bara i nyɛrɛ ma kiti-tɛgɛlɛ la ma tɛma kaka!” Anu ya a fɔ a ma tun ko, “Ni i kan le wo la, ma si ile tɔrɔ ka tenbi ila sundan kɛnu na.” Anu ya Lɔti latuntun kankan ma alako anu ni dɛ keri ka don. 10Kɔnɔ melika wonu ya anu bole labɔ kankan fɛ sɛɛ, ka Lɔti sagan ka a ladon bɔn la. Anu ya dɛ latogon. 11#2 Mansɛnu 6.18 Melika wonu ya fan do latenbi nyama wonu yakɔrɔ bilili! Anu fiyonyara kelenna! Dɛ tora-a-rɔ anu ma.
Lɔti Bɔ-Koe Sɔdɔm
12Melika wonu ya a fɔ Lɔti ye ko, “Ila dan wo, i biran wo, i na-kelen-nyɔgɛnu wo, ni wo donu bi soe kɛ burɔ yan, a fɔ anu ye ko anu ni anu bɔ yan 13kamasɔrɔn ma si Sɔdɔm soe kɛ halaki bawo anuna ko-yogomɛ ara wara Mari yala. Mari ya ma sɔ alako ma ni na soe kɛ lato dogbe!”
14Lɔti bɔra ka ta a fɔ a birannu ye minnu bara ala dunmusu filɛ mabira nun ko, “Wo ni wo bɔ yan soe kɛ burɔ kamasɔrɔn Mari si soe kɛ halaki.” Anu ya a lɔn nun ko a ye yokaliyɛ le la.
15Banda-ka-dɛ ma, melika wonu ya a fɔ Lɔti ye ko, “I lasɔ, wobɛ ila musi anubɛ ila dunmusu filɛ. Wo ni wo bɔ yan alako wo kana halaki mɔgɛ kɛnuna hakɛla ko la.”
16 #
2 Pita 2.7
Kɔnɔ Lɔti ya a kun kimaya min kɛ, woletɔ melika wonu ya anubɛ ala denbayɛnu bolo bira ka anu nabɔ soe kɔma bawo Mari ara kinikini anu ma. 17Melika wonu tara anu nabɔ soe kɔma tumɛ min, melika doi ya a fɔ anu ye ko, “Wo ni wo buri yɛlɛla kɔnkɛ kuma alako wo ni kisi. Kɔnɔ wo kana wo yɛ lasɛgi wo kɔma ka mɛ lɛɛ rɔ.”
18Lɔti ya a fɔ anu ye ko, “I yandi n tiginu, wo kana ma lata wula-yan la. 19Hala a dan, i wara n niyi lakisi nya min, wo fɔlɔn ya ko bɔ. Kɔnɔ n ti ke n burila ha kɔnkɛ wo kuma. Kɔnkɛ wo fɛ-yan. Yanni n ni ke nyɔ tumɛ min, n ti halaki, wa?” 20A ko, “I ma so-nɛ do yen pan tɔ, ado wo ma fɛ-yan n na. N si ke n burila le ka ta nyɔ. N tiginu, wo si sɔn n ni ta so-nɛ wo rɔ alako n ni kisi?”
21Melika wo kelen ya a fɔ ale Lɔti ye ko, “N si a ma iko i wara a fɔ n ye nya min. N ti so-ni kelan wo halaki. 22I lakaliya tala ka i dogon nyɔ kamasɔrɔn n ti Sɔdɔm kɛ tinya fɔ i wa ke nyɔ.”
Bawo Lɔti ya a fɔ soe wo ma, a ko, “So-nɛ,” woletɔ tɔgɛ wo tora so-nɛ wo kuma ko, “Sowa,” min kɔrɛ ko a dɔgɔ.
Sɔdɔm anubɛ Kɔmɔra Halaki-Koe
23Lɔti kera so-nɛ wo ma sun-tele-wati ma, 24#Matiyu 10.15; 11.23-24; Luka 10.12; 17.29; 2 Pita 2.6; Yude 7 Mari ya munku-gbɛ anubɛ tɛ layigi iko bandɛ ka bɔ san-kole rɔ Sɔdɔm anubɛ Kɔmɔra kuma. 25A ya soe wonubɛ a mɔgɛnu anubɛ anuna ki-fannu anubɛ anuna ba-lɛɛ damasi mintan gburr! 26#Luka 17.32 Kɔnɔ Lɔtila musi ya a yɛ lasɛgi a kɔma kilɛ la. Woletɔ a yɛlɛmanta kɔgɔ-gbu-gbilɔn-bɛ la.
27Wo wulun sɔgɔma subaga, Iburayima ya a latiriya tala a sɔla kan tinɛ wo rɔ anubɛ Mari kumara anu nyɔgɔn na kan min nun. 28A ya a yɛ lata Sɔdɔm anubɛ Kɔmɔra wara la anubɛ anuna ba-lɛɛ. A ya ta-sisi yen yɛlɛla iko sulubondɔn#19.28 Sulubondɔn: Mɔgɛ si nɛgɛ lalee kɛ rɔ nun. ta-sisi.
Mohabu Kɛnu wo, Amonnu wo, Wonu Bakuri le Lɔti La
29Soe minnu bi ba-lɛɛ rɔ Lɔti ye kan min, Alla ye wonu halakila tumɛ min, a ya a miri Iburayima ma ka Lɔti kisi.
30Lɔti anubɛ ala dunmusu filɛ wonu bɔra so-nɛ wo rɔ ka ta anu sigi anu dan na faran la kɔnkɛ kuma kamasɔrɔn anu kilannɛ ka sigi so-nɛ wo rɔ. 31Ala dunmusu fɔlɔtɛ ya a fɔ a dɔgɛ ye ko, “Ma fa ara kɔrɔya. Ma furu-nyɔgɔn sa nyɔ tun ma si dan sɔrɔn minnu ma. 32Ma si gbɛɛ di ma fa ma ha a ni a bira woletɔ ma si a masɔrɔn ka ki a wara. A ni a sa ma fɛ alako ma ni dan sɔrɔn a ma.”
33Anu ya anu fa lamin gbɛɛ la suyi wo rɔ kosɛbɛ! Lɔtila dunmusu fɔlɔtɛ donta ka a rasagan a fa fɛ. Lɔti ya a sa a fɛ kɔnɔ a ma dunmusi wo sa-tuma lɔn, a ma a lasɔ-tuma lɔn.
34Wo banda kɛ, ala den fɔlɔtɛ ya a fɔ a dɔgɔ-musi ye ko, “N ya n tasagan n fa fɛ kunu suyi rɔ. A ya a sa n fɛ. Ma ni ma fa lamin gbɛɛ la bi suyi rɔ fanan. Ile fanan ni don ka i rasagan a fɛ alako ma fa sugi la kana to.” 35Dunmusu-dɔgɔmɛ ya a ma a fa la iko a kɔrɔ ya a ma nya min suyi wo fanan tɔ. Lɔti ya a sa wo fanan fɛ kɔnɔ a ma a sa-tuma lɔn, a ma a lasɔ-tuma lɔn.
36Lɔtila dunmusu filɛ bɛɛsi ya buyi bi a ma wo nya le. 37Ala den fɔlɔtɛ ya den-kei sɔrɔn. A ya a tɔgɔ sa Mohabu.#19.37 Mohabu: Ni i ya a lamɔɛn Mohabu, wo kɔrɛ le Hiburu-kan rɔ ko, “A bɔra n fa rɔ.” Mohabu mɔgɛnu benba le wo la. 38A dɔgɔmɛ fanan ya den-kei sɔrɔn. A ya a tɔgɔ sa Bɛn-Ami.#19.38 Bɛn-Ami: Ni i ya a lamɔɛn Bɛn-Ami, wo kɔrɛ le Hiburu-kan rɔ ko, “N fata den-kei.” Amonnu benba le wo la.
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Kuranko Common Language Bible © The Bible Society in Sierra Leone, 2006.