Fakasigadan 19
19
Ngay Taw Suduma at Fagmauriun
1Kafag duak tagbarita andasug sas Suduma gina gakadulumun wan. Ay ginanya Lut malunggung sis sakbawan furuan daul. Ay Lut nu nalag tagbarita, anlindug ay namablang ay namalub sit daga salubangan laman gfalag te, kamababaun, ay glong te, 2“Nu masine, nandalan yap ro am sa em bale, ay fegusi yap ro sanya ay darafa ay tiugi yap ro katsi fag yabi. Ay balabag ban sbalabag fataglayuni nu glao am.”
Ay kafag ngay tagbarita gbalus te, “Duan, nu gtiug romi katsi fag yabi si wami sfagawean.” 3Ay Lut nafabulun nataban duama sat bale, ay duama nanangalo anya. Ay Lut nafalganan at yafun, ay nafatama tinapay yud e famabia. Ay nu ntama wan, duama gfangon wan.
4Ay kafag duama gina yay yud gtiug, fagayu mangama sis Suduma, at mabaguama ay anggan at mafagtainan, andasug ay naligung Lut at bale. 5Ay kanya fag ngay taw guro Lut ay ginto te, “Dada wan am betaw fagdua at kindasug stae? Faduksuni, kaylat ami nanugtug anya.”
6Ay Lut naduksun siginan at bale laman namakamatoan kafag ngay taw, ay nadingding wa vtv at sakbawan. 7Lut nalong sa anya fagayu te, “Ku ngay fagadgalangan, gseg au te, wa ro am nangus gfakamulun takata ay namatangan at mauri. 8Nu kaylat am, e dua auk baguina, gfon kwan sa ayu. Ay fakamuluni ro sa ku duksay kata ay fakaylatun. Dewa katanya, lag am namakamulun at mauri sat kindasug fag duak taw aroro kanya ku betaw way ay masine nu galaga au anya.”
9Ay kafag ngay taw glong te, “Bayo! Sik betaw way o ste fag furuan. Wo masalag emi. Aroro nu nasalag way ro wo emi, gfakamulun ro mi sa emu gtungud yay em fagnamakamulunun sanya fag duak taw.” Ay kanya fagayu natulud Lut ay ankakbang sas sakbawan laman nangiklas. 10Dewa katanya, kafag duak tagbarita naluang sakbawan ay naguyud Lut sasad bale ay nadingding wan. 11Ay sanya ginan, duama nafayud glag ngay taw sis lod bale laman wa glag sakbawan.
E Nataban Lut siginans Suduma
12Kafag duak tagbarita nalong sas Lut te, “Nung yay o e ngay sisian, ay ngay nugang mangama, ay e ngay kaiban ste fag furuan, kanya fagayu tabani ay loi wan. 13Aroro gfamin wa romi tuy fag furuan. Ngayu wak taw at nafatuyan sas Yawi sabaliwa tuy fag furuan at fagmauriun. Nu katanya, kanya nasugu emi laman namamin ami.”
14Nu katanya, Lut naduksun ay nasat fanugangan#19:14 fanugangan: ay mannga, nugang. fag ngay mangama ay nalong te, “Fasakiti tua nu glo am ste ginan aroro Yawi ro gfamin wan tuy fag furuan.” Dewa katanya, duama wa gafanud, aroro nu glong Lut galaman way.
15Ay nu gakamenitun wan, ngay tagbarita nafasakit Lut ay nalong te, “Loi wan ste ginan fag furuan. Masakiti, tabani am talnayan. Loi wa vtv, mantaip ro am gina gfamin tuy fag furuan aroro ste fag ngay taw maksvn wan at fagmauriun.” 16Lut gawabilugan glao, ay tagbarita nated Lut fag talanan at ngay take ay nataban gfaduksun sas day furuan, aroro Yawi kafanyu kafag talanan.
17Ay nu siwas day furuan, Yawi glong te, “Tarungi tua, lag am gdama sa ay guyan ay lag am gtungkud dewa nday kaduge am sisad datag. Tarungi sas buksul laman diam kabul.”
18Ay Lut gbalus te, “Ku fun, anfanyu tuo angku ay nafalag tuo sa angku am fagmasineun aroro nafalangfe tuo ku leleg, lag o gfabulun angku te, lagyui sas buksul, 19aroro ngayayu yay buksul, tibaginan ro manga manadasugan au faurianan ay manbul kro gina au gakadasugun sanya. 20O glag o atsi fag furuan sirut? Sanya way ro ku fagmadasugun at munakbang.”
21Ay kanya nabalus te, “Kin, gfadiuganan au am fagetun, kwa gfamin kanya fag furuan. 22Agvd, fagayu am, lagyui sanya fag furuan sirut, aroro kya ro gfakamulun yakmay am andasug sanya.”
Kafag furuan at ngayan Suar#19:22 Suar: at masuad, Alay way. aroro kanya alay way fag furuan.
Suduma ay Gumura nu Kamin
23Menit ansure wan gina Lut kadasug sas furuan Suar. 24Yawi nafadasug wa vtv sik tagigang fag afuy sas furuan Suduma ay Gumura. 25Yawi nafamin kanya fag duak furuan ay anggan kafag datag fagdaul. Ay fagayu tagbanwan sanya anbul wan ay namin wan anggan at ngay fananumun. 26Ay Lut at mangena nadama sat guyan, nu katanya, kanya ankawat way lang sik turuk barara. 27Balabag di sbalabag, Abrayam anfoli sa ebi ginan at fagnangkamatoanan Yawi. 28Ay Abrayam nabanawan sas Suduma ay Gumura ay fagdaul datag. Ay nalag sik anus nu kabat siginans daga kata sik anus tagsiginan sik tagbia fag afuy. 29Dewa katanya, gina Dius gfamin ngay furuan sisad datag Lut at fagbanwanan, kanya namatang Abrayam, ay nu katanya kanya nafalangfe yay Lut laman di gafaurianan gasfuan at furuan.
Taw Muab ay Taw Amun at Mangaguyang
30Lut ay anggan at baguina fagdua kalimu gbanwan sis Suar, ay talamean nalin sa sik buksul ay nanamanwan sa sik luib. 31Sik menit, at faglon nalong sat arian te, “Ta mama mafufuama wan ay ste we mangama ya at namataladan anta kata sas fagdaul daga at taw at fakamulun. 32Nu katanya, namainum ro ta ta mama sik malangu laman ro galangu maksvn ay namataladan ro ta anya laman ban umke sisian tua ta siginan anya.” 33Nu katanya, ginanya fag yabi, duksay nafalangu at mama. Ay at faglon nanamataladan at mama aroro maksvn wan at mama nu galangu. Lut wa namatang ay wa nasaful at nafakamulun.
34Balabag di, at faglon nalong sat arian te, “Sad yabi nanamataladan au ta mama. Ay katsi ro gdog yap ta namainum ta mama sik malangu laman ro galangu, ay o man ro at namataladan anya laman ban umke sisian ta siginan anya.” 35Ay ginanya fag yabi, duksay nadog yay nafalangu at mama ay at arian nanamataladan yangay, ay at kaksvnan at mama nu galangu, wa namatang ay wa nasaful at nafakamulun.
36Sa takatanya fag balyawvtan, Lut at baguina fagdua gfafion wan siginan fia at mama. 37Ay at faglon anke sisian sik munama ay nafangayan anya te, Muab,#19:37 Muab: didayu at masuad te, Siginan ku mama. sanya ginan, nu kae ngay taw Muab. 38At anggan arian nafasalug yangay sik munama ay nafangayan anya te, Ben-Ami,#19:38 Ben-Ami: at masuad, Ku ngay kaiban at sisian. sanya ginan wan, nu kae ngay taw Amun.
Dewis Presennol:
Fakasigadan 19: OCCT
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Copyright © 2021 by OMF International, Philippines
Fakasigadan 19
19
Ngay Taw Suduma at Fagmauriun
1Kafag duak tagbarita andasug sas Suduma gina gakadulumun wan. Ay ginanya Lut malunggung sis sakbawan furuan daul. Ay Lut nu nalag tagbarita, anlindug ay namablang ay namalub sit daga salubangan laman gfalag te, kamababaun, ay glong te, 2“Nu masine, nandalan yap ro am sa em bale, ay fegusi yap ro sanya ay darafa ay tiugi yap ro katsi fag yabi. Ay balabag ban sbalabag fataglayuni nu glao am.”
Ay kafag ngay tagbarita gbalus te, “Duan, nu gtiug romi katsi fag yabi si wami sfagawean.” 3Ay Lut nafabulun nataban duama sat bale, ay duama nanangalo anya. Ay Lut nafalganan at yafun, ay nafatama tinapay yud e famabia. Ay nu ntama wan, duama gfangon wan.
4Ay kafag duama gina yay yud gtiug, fagayu mangama sis Suduma, at mabaguama ay anggan at mafagtainan, andasug ay naligung Lut at bale. 5Ay kanya fag ngay taw guro Lut ay ginto te, “Dada wan am betaw fagdua at kindasug stae? Faduksuni, kaylat ami nanugtug anya.”
6Ay Lut naduksun siginan at bale laman namakamatoan kafag ngay taw, ay nadingding wa vtv at sakbawan. 7Lut nalong sa anya fagayu te, “Ku ngay fagadgalangan, gseg au te, wa ro am nangus gfakamulun takata ay namatangan at mauri. 8Nu kaylat am, e dua auk baguina, gfon kwan sa ayu. Ay fakamuluni ro sa ku duksay kata ay fakaylatun. Dewa katanya, lag am namakamulun at mauri sat kindasug fag duak taw aroro kanya ku betaw way ay masine nu galaga au anya.”
9Ay kafag ngay taw glong te, “Bayo! Sik betaw way o ste fag furuan. Wo masalag emi. Aroro nu nasalag way ro wo emi, gfakamulun ro mi sa emu gtungud yay em fagnamakamulunun sanya fag duak taw.” Ay kanya fagayu natulud Lut ay ankakbang sas sakbawan laman nangiklas. 10Dewa katanya, kafag duak tagbarita naluang sakbawan ay naguyud Lut sasad bale ay nadingding wan. 11Ay sanya ginan, duama nafayud glag ngay taw sis lod bale laman wa glag sakbawan.
E Nataban Lut siginans Suduma
12Kafag duak tagbarita nalong sas Lut te, “Nung yay o e ngay sisian, ay ngay nugang mangama, ay e ngay kaiban ste fag furuan, kanya fagayu tabani ay loi wan. 13Aroro gfamin wa romi tuy fag furuan. Ngayu wak taw at nafatuyan sas Yawi sabaliwa tuy fag furuan at fagmauriun. Nu katanya, kanya nasugu emi laman namamin ami.”
14Nu katanya, Lut naduksun ay nasat fanugangan#19:14 fanugangan: ay mannga, nugang. fag ngay mangama ay nalong te, “Fasakiti tua nu glo am ste ginan aroro Yawi ro gfamin wan tuy fag furuan.” Dewa katanya, duama wa gafanud, aroro nu glong Lut galaman way.
15Ay nu gakamenitun wan, ngay tagbarita nafasakit Lut ay nalong te, “Loi wan ste ginan fag furuan. Masakiti, tabani am talnayan. Loi wa vtv, mantaip ro am gina gfamin tuy fag furuan aroro ste fag ngay taw maksvn wan at fagmauriun.” 16Lut gawabilugan glao, ay tagbarita nated Lut fag talanan at ngay take ay nataban gfaduksun sas day furuan, aroro Yawi kafanyu kafag talanan.
17Ay nu siwas day furuan, Yawi glong te, “Tarungi tua, lag am gdama sa ay guyan ay lag am gtungkud dewa nday kaduge am sisad datag. Tarungi sas buksul laman diam kabul.”
18Ay Lut gbalus te, “Ku fun, anfanyu tuo angku ay nafalag tuo sa angku am fagmasineun aroro nafalangfe tuo ku leleg, lag o gfabulun angku te, lagyui sas buksul, 19aroro ngayayu yay buksul, tibaginan ro manga manadasugan au faurianan ay manbul kro gina au gakadasugun sanya. 20O glag o atsi fag furuan sirut? Sanya way ro ku fagmadasugun at munakbang.”
21Ay kanya nabalus te, “Kin, gfadiuganan au am fagetun, kwa gfamin kanya fag furuan. 22Agvd, fagayu am, lagyui sanya fag furuan sirut, aroro kya ro gfakamulun yakmay am andasug sanya.”
Kafag furuan at ngayan Suar#19:22 Suar: at masuad, Alay way. aroro kanya alay way fag furuan.
Suduma ay Gumura nu Kamin
23Menit ansure wan gina Lut kadasug sas furuan Suar. 24Yawi nafadasug wa vtv sik tagigang fag afuy sas furuan Suduma ay Gumura. 25Yawi nafamin kanya fag duak furuan ay anggan kafag datag fagdaul. Ay fagayu tagbanwan sanya anbul wan ay namin wan anggan at ngay fananumun. 26Ay Lut at mangena nadama sat guyan, nu katanya, kanya ankawat way lang sik turuk barara. 27Balabag di sbalabag, Abrayam anfoli sa ebi ginan at fagnangkamatoanan Yawi. 28Ay Abrayam nabanawan sas Suduma ay Gumura ay fagdaul datag. Ay nalag sik anus nu kabat siginans daga kata sik anus tagsiginan sik tagbia fag afuy. 29Dewa katanya, gina Dius gfamin ngay furuan sisad datag Lut at fagbanwanan, kanya namatang Abrayam, ay nu katanya kanya nafalangfe yay Lut laman di gafaurianan gasfuan at furuan.
Taw Muab ay Taw Amun at Mangaguyang
30Lut ay anggan at baguina fagdua kalimu gbanwan sis Suar, ay talamean nalin sa sik buksul ay nanamanwan sa sik luib. 31Sik menit, at faglon nalong sat arian te, “Ta mama mafufuama wan ay ste we mangama ya at namataladan anta kata sas fagdaul daga at taw at fakamulun. 32Nu katanya, namainum ro ta ta mama sik malangu laman ro galangu maksvn ay namataladan ro ta anya laman ban umke sisian tua ta siginan anya.” 33Nu katanya, ginanya fag yabi, duksay nafalangu at mama. Ay at faglon nanamataladan at mama aroro maksvn wan at mama nu galangu. Lut wa namatang ay wa nasaful at nafakamulun.
34Balabag di, at faglon nalong sat arian te, “Sad yabi nanamataladan au ta mama. Ay katsi ro gdog yap ta namainum ta mama sik malangu laman ro galangu, ay o man ro at namataladan anya laman ban umke sisian ta siginan anya.” 35Ay ginanya fag yabi, duksay nadog yay nafalangu at mama ay at arian nanamataladan yangay, ay at kaksvnan at mama nu galangu, wa namatang ay wa nasaful at nafakamulun.
36Sa takatanya fag balyawvtan, Lut at baguina fagdua gfafion wan siginan fia at mama. 37Ay at faglon anke sisian sik munama ay nafangayan anya te, Muab,#19:37 Muab: didayu at masuad te, Siginan ku mama. sanya ginan, nu kae ngay taw Muab. 38At anggan arian nafasalug yangay sik munama ay nafangayan anya te, Ben-Ami,#19:38 Ben-Ami: at masuad, Ku ngay kaiban at sisian. sanya ginan wan, nu kae ngay taw Amun.
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Copyright © 2021 by OMF International, Philippines