Fakasigadan 6
6
Ngay Taw at Fagmauriun
1Ay wa glugo ya, taw ankayu sas fagdaul daga, ay ankayu yangay ngay baguina. 2Dius at ngay sisian#6:2 Dius at ngay sisian: Ngayuk taw taglong te, katatuy at masuad: Set at ngay kasugfunanan tagafanud sas Dius. nalag te, kafag ngay baguina masine, nu katanya, mesa nafili laman at bubay ban. 3Nu katanya, Yawi nalong te, “Kwa kaylat ngay taw nu ngaduge nu gleleg, aroro kanya taw way. Nu katanya, siginan ban katsi, taw nu gleleg wa glangfe sadik sandan duak safuluk banwa.”
4Ay ginanya fag buknga ay dewa at fadogan ya fag ngay buknga, e ngay taw kadungug sas fagdaul daga, siginan Dius at ngay sisian at sugfun at nafamubay sanya ginan fag ngay baguina. Kafag ngay mangama mabalyanan ay sik ngay takadungug.
5Yawi nu nalag fagdaul daga at ngay taw at fakamulun ay anggan at ngay amatanganan nu mauri, 6kanya anfangulan at nawatan taw sas fagdaul daga, ay maksvn nu kabalu. 7Nu katanya, kanya glong te, “Namamin kban ku nawat fag ngay taw sas fagdaul daga ay anggan yangay fagayu tagleleg: ngay mela, ay at magup, ngay tagalafang, ay fagayu taglayug, aroro anfangulan au ku ngay awatan.” 8Dewa katanya, e sik taw at matuyan sas Yawi, at ngayan Nui.
Nui
9Katatuy at fansulitan sabaliwas Nui talanan. Nui sik matuyan fag taw. Ay ginanya fag ngay buknga, sia way lang at yud e kalong, ay at masadi gugat sas Dius.
10Nui e tuluk baguama, at ngayan Sem, Kam, ay Afet.
11Dius nu glag fagayu taw, maksvn wan at fagmauriun sas fagdaul daga, sak gfabusbus taguk. 12Dius nalag te, ngay taw sas fagdaul daga maksvn nu mauri, aroro at ngay fakamulun tanan way lang fagmauriun. 13Nu katanya, Yawi nalong sas Nui te, “Namamin kban fagayu taw. Aroro at fagmauriun sak gfabusbus taguk, ay anrapyag wan sas fagdaul daga. Namamin kban anya fagayu gasfuan ngay tagleleg sas fagdaul daga. 14Nu katanya, nangawat o sik sakayan lino siginan at mogat fag kayu, ay awati at ngay suluk. Ay nu ntabu wan, rarusi at madalamit fag fandafut sit day guyuy ay anggan sasad basad. 15Am fagnangawatun fag sakayan lino at kabaan waluk safulu e limak dufa, at kadaulan duak safulu e duak dufa, ay at kabatan labi tuluk dufa. 16Uguni kanya fag sakayan lino, ay fae fagbanawanani sis wabilug dingding ay at ugun. Ay awati tuluk salug gtudtungudan ay fae sakbawani sit mesa tigyangan. 17Aroro namadasug kban sik lino daul sas fagdaul daga laman namamin fagayu tagleleg. Ay fagayu ban tagsis tungud daga umbul wan. 18Dewa katanya, nangawat au sik nasadian sa emu. O ay am mangena ay anggan am ngay baguama ay mesa bubay sakboi wan sasad sakayan lino. 19Galay sik dadwa mangilafang at magup ay at mela fasakboi gasfuan ayu. 20Galay sik gaban manuk tungud, ay sik gaban magup ay mela fasik dadwai, faaloi ayu laman ban gleleg yangay. 21Bubai nusnge wain fag fakonun laman sa ayu talanan ay anggan sas fagayu magup ay mela.” 22Ay Nui nafaning Dius at ngay suguan.
Dewis Presennol:
Fakasigadan 6: OCCT
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Copyright © 2021 by OMF International, Philippines
Fakasigadan 6
6
Ngay Taw at Fagmauriun
1Ay wa glugo ya, taw ankayu sas fagdaul daga, ay ankayu yangay ngay baguina. 2Dius at ngay sisian#6:2 Dius at ngay sisian: Ngayuk taw taglong te, katatuy at masuad: Set at ngay kasugfunanan tagafanud sas Dius. nalag te, kafag ngay baguina masine, nu katanya, mesa nafili laman at bubay ban. 3Nu katanya, Yawi nalong te, “Kwa kaylat ngay taw nu ngaduge nu gleleg, aroro kanya taw way. Nu katanya, siginan ban katsi, taw nu gleleg wa glangfe sadik sandan duak safuluk banwa.”
4Ay ginanya fag buknga ay dewa at fadogan ya fag ngay buknga, e ngay taw kadungug sas fagdaul daga, siginan Dius at ngay sisian at sugfun at nafamubay sanya ginan fag ngay baguina. Kafag ngay mangama mabalyanan ay sik ngay takadungug.
5Yawi nu nalag fagdaul daga at ngay taw at fakamulun ay anggan at ngay amatanganan nu mauri, 6kanya anfangulan at nawatan taw sas fagdaul daga, ay maksvn nu kabalu. 7Nu katanya, kanya glong te, “Namamin kban ku nawat fag ngay taw sas fagdaul daga ay anggan yangay fagayu tagleleg: ngay mela, ay at magup, ngay tagalafang, ay fagayu taglayug, aroro anfangulan au ku ngay awatan.” 8Dewa katanya, e sik taw at matuyan sas Yawi, at ngayan Nui.
Nui
9Katatuy at fansulitan sabaliwas Nui talanan. Nui sik matuyan fag taw. Ay ginanya fag ngay buknga, sia way lang at yud e kalong, ay at masadi gugat sas Dius.
10Nui e tuluk baguama, at ngayan Sem, Kam, ay Afet.
11Dius nu glag fagayu taw, maksvn wan at fagmauriun sas fagdaul daga, sak gfabusbus taguk. 12Dius nalag te, ngay taw sas fagdaul daga maksvn nu mauri, aroro at ngay fakamulun tanan way lang fagmauriun. 13Nu katanya, Yawi nalong sas Nui te, “Namamin kban fagayu taw. Aroro at fagmauriun sak gfabusbus taguk, ay anrapyag wan sas fagdaul daga. Namamin kban anya fagayu gasfuan ngay tagleleg sas fagdaul daga. 14Nu katanya, nangawat o sik sakayan lino siginan at mogat fag kayu, ay awati at ngay suluk. Ay nu ntabu wan, rarusi at madalamit fag fandafut sit day guyuy ay anggan sasad basad. 15Am fagnangawatun fag sakayan lino at kabaan waluk safulu e limak dufa, at kadaulan duak safulu e duak dufa, ay at kabatan labi tuluk dufa. 16Uguni kanya fag sakayan lino, ay fae fagbanawanani sis wabilug dingding ay at ugun. Ay awati tuluk salug gtudtungudan ay fae sakbawani sit mesa tigyangan. 17Aroro namadasug kban sik lino daul sas fagdaul daga laman namamin fagayu tagleleg. Ay fagayu ban tagsis tungud daga umbul wan. 18Dewa katanya, nangawat au sik nasadian sa emu. O ay am mangena ay anggan am ngay baguama ay mesa bubay sakboi wan sasad sakayan lino. 19Galay sik dadwa mangilafang at magup ay at mela fasakboi gasfuan ayu. 20Galay sik gaban manuk tungud, ay sik gaban magup ay mela fasik dadwai, faaloi ayu laman ban gleleg yangay. 21Bubai nusnge wain fag fakonun laman sa ayu talanan ay anggan sas fagayu magup ay mela.” 22Ay Nui nafaning Dius at ngay suguan.
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Copyright © 2021 by OMF International, Philippines