Hosea 12
12
1Mae Effraim#12:1 Effraim Effraim oedd prif lwyth teyrnas Israel, ac mae’n aml yn cynrychioli’r wlad yn gyfan. yn rhedeg ar ôl cysgodion –
mae fel ffŵl sy’n dyheu am wynt poeth y dwyrain!
Dim ond twyllo diddiwedd, a dinistr yn ei ddilyn.
Mae’n gwneud cytundeb gydag Asyria,
ac wedyn yn anfon olew olewydd yn dâl i’r Aifft!
2Mae’r ARGLWYDD am ddwyn achos yn erbyn Jwda:
bydd yn cosbi pobl Jacob am y ffordd maen nhw wedi ymddwyn;
talu’n ôl iddyn nhw am beth maen nhw wedi’i wneud.
3Daliodd ei frawd yn ôl yn y groth,#Genesis 25:26
a hyd yn oed ymladd gyda Duw fel oedolyn!#Genesis 32:24-26
4Reslo gydag angel heb golli –
crio a pledio arno i’w fendithio.
Dyma Duw yn ei gyfarfod yn Bethel
a siarad ag e yno#Genesis 28:10-22 –
5Ie, yr ARGLWYDD! Y Duw hollbwerus!
Yr ARGLWYDD ydy ei enw am byth!
6Rhaid i ti droi’n ôl at Dduw! –
byw bywyd o gariad a chyfiawnder,
a disgwyl yn ffyddiog am dy Dduw.
7Fel masnachwyr gyda chlorian sy’n twyllo,
maen nhw wrth eu boddau’n manteisio.
8Ac mae Effraim yn brolio: “Dw i’n gyfoethog!
Dw i wedi gwneud arian mawr!
A does neb yn gallu gweld y twyll;
neb yn gweld fy mod yn euog o unrhyw bechod.”
9“Fi ydy’r ARGLWYDD dy Dduw
ddaeth â ti allan o wlad yr Aifft.
Dw i’n mynd i wneud i ti fyw mewn pebyll eto,
fel pan wnes i dy gyfarfod yn yr anialwch.#Lefiticus 23:42,43
10Dw i wedi siarad drwy’r proffwydi –
mewn gweledigaethau a negeseuon.”
11Ydy Gilead yn addoli eilunod?
Ydy, a does dim dyfodol i’w phobl!
Ydyn nhw’n aberthu teirw yn Gilgal?
Ydyn, ond bydd eu hallorau fel pentwr o gerrig
mewn cae wedi’i aredig!
12Roedd rhaid i Jacob#12:12 Jacob Cafodd ei enw ei newid i Israel (gw. Genesis 32:28). ddianc i wlad Aram#12:12 Aram Gogledd Syria. #Genesis 29:1-20 –
gweithiodd Israel fel gwas i gael gwraig,
a chadw defaid i dalu amdani.
13Yna defnyddiodd yr ARGLWYDD broffwyd
i arwain Israel allan o’r Aifft,#Exodus 12:50,51
ac i’w cadw nhw’n fyw yn yr anialwch.
14Ond mae Effraim wedi’i bryfocio i ddigio.
Bydd ei Feistr yn ei ddal yn gyfrifol am y tywallt gwaed,
ac yn gwneud iddo dalu am fod mor ddirmygus.
Dewis Presennol:
Hosea 12: bnet
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© Cymdeithas y Beibl 2023