यूहन्ना छ्य़ेगी ङोहस्यी
छ्य़ेगी ङोहस्यी
दि या़हबु लेहङगु येशूगी स्याहप्च्यी यूहन्नागी प्रुहक्यो यिहम्बा। खो जब्दियागी पुह यिहन्गे (मर्कूस १:१९)। दि या़हबु लेहङगु का़हन्दी लोहला प्रुहक्यो यिहम्बा म़ेदी या़हबु पेहतीनी सुलाॱआङ क्यी़ह म़ेह यिहॱनाङ बाइबलकी ख्येम्बा ताहक्पुया़गी दि छ्य़े मिह-लोह (ईस्वी सम्बत्) ७०-९० ला फार प्रुहक्यो यिहम्बा म़ेदी साम्लु ताङगे। यूहन्ना “येशूगी चेवा जे नाङग्यो” स्याहप्च्यी यिहन्गे (यूहन्ना १३:२३; २१:२०)।
यूहन्ना केहपु डोएँ थुराङ थार्सीन। खो लोह माहङबुराङ एफिससला तेहसीन: लाहला मिहया़गी साम्लुला दि या़हबु लेहङगु ओ़ह ग्या़लाराङ प्रुहक्यो यिहम्बा म़ेदी माक्यो येहबा। दि यूहन्नागीॱराङ साम्बा ठिमला “यूहन्नाकी” यिहगी सुमॱआङ प्रुहसीन। खो मिहलीकी तिङस्यो ङ्यिहमाया़ला खोला लुहङबाले तेन्दी ताङसीन ओहले खो पत्मोस माएँ छोलिङला काहल्सीन (प्रकाश १:९), ओ़ह ग्या़लाराङ मास्यीकागी खोला ज्याल्गा नाङसीन, दिगी तेहन्दाला “यूहन्नागी ज्याल्गा” माएँ छ्य़ेला रेबेॱराङ तामया़ या़हबु पेहती प्री़हदे येहबा। येशूगी राहङगी तेहन्दाला सुङ नाङग्योकी स्याहलया़ यूहन्नागी दि छ्य़ेला प्री़हदे येहबा। “मिहली तेर्केन्गी खुरा ङाहराङ यिहम्बा” (यूहन्ना ६:३५)। “ङाह जाम्बुलीङगी येहसेर यिहन” (यूहन्ना ८:१२)। “ङाह या़हबु कोहरोवा यिहम्बा” (यूहन्ना १०:११)। “कोह ङाहराङ यिहन” (यूहन्ना १०:९), “तेहन्दाम कुहन्डुम तोहङबो ङाह यिहन” (यूहन्ना १५:१), “लाहम, तेहन्दाम दाङ मिहली ङाहराङ यिहन” (यूहन्ना १४:६)।
दि छ्य़ेला येहकेन्गी ने़जोया़
छ़ूगेन ती़हजीगी केच्याया़ १:१-१८
बप्तिस्मा तेर्केन यूहन्ना दाङ येशूगी स्याहप्च्यीया़ १:१९-५१
मिह थाम्ज्यीगी थोङदाङला येशूगी छ्या़ले छ़ू नाङग्यो २:१–१२:५०
यरूशलेम साहर-सुहरला ज़्य़ूदी जे नाङग्यो छ्या़लेया़ १३:१–१९:४२
येशू टोहङदे सोम्बो ज़्याङ नाङग्यो २०:१-१०
येशू मिहया़गी पाहरक्यीला फेप नाङग्यो २०:११-३१
मिहरो येहपाराङ गालीलला फेप नाङग्यो २१:१-२५
Dewis Presennol:
यूहन्ना छ्य़ेगी ङोहस्यी: HYLM
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2023 (Active), Wycliffe Bible Translators, Inc. All rights reserved.
यूहन्ना छ्य़ेगी ङोहस्यी
छ्य़ेगी ङोहस्यी
दि या़हबु लेहङगु येशूगी स्याहप्च्यी यूहन्नागी प्रुहक्यो यिहम्बा। खो जब्दियागी पुह यिहन्गे (मर्कूस १:१९)। दि या़हबु लेहङगु का़हन्दी लोहला प्रुहक्यो यिहम्बा म़ेदी या़हबु पेहतीनी सुलाॱआङ क्यी़ह म़ेह यिहॱनाङ बाइबलकी ख्येम्बा ताहक्पुया़गी दि छ्य़े मिह-लोह (ईस्वी सम्बत्) ७०-९० ला फार प्रुहक्यो यिहम्बा म़ेदी साम्लु ताङगे। यूहन्ना “येशूगी चेवा जे नाङग्यो” स्याहप्च्यी यिहन्गे (यूहन्ना १३:२३; २१:२०)।
यूहन्ना केहपु डोएँ थुराङ थार्सीन। खो लोह माहङबुराङ एफिससला तेहसीन: लाहला मिहया़गी साम्लुला दि या़हबु लेहङगु ओ़ह ग्या़लाराङ प्रुहक्यो यिहम्बा म़ेदी माक्यो येहबा। दि यूहन्नागीॱराङ साम्बा ठिमला “यूहन्नाकी” यिहगी सुमॱआङ प्रुहसीन। खो मिहलीकी तिङस्यो ङ्यिहमाया़ला खोला लुहङबाले तेन्दी ताङसीन ओहले खो पत्मोस माएँ छोलिङला काहल्सीन (प्रकाश १:९), ओ़ह ग्या़लाराङ मास्यीकागी खोला ज्याल्गा नाङसीन, दिगी तेहन्दाला “यूहन्नागी ज्याल्गा” माएँ छ्य़ेला रेबेॱराङ तामया़ या़हबु पेहती प्री़हदे येहबा। येशूगी राहङगी तेहन्दाला सुङ नाङग्योकी स्याहलया़ यूहन्नागी दि छ्य़ेला प्री़हदे येहबा। “मिहली तेर्केन्गी खुरा ङाहराङ यिहम्बा” (यूहन्ना ६:३५)। “ङाह जाम्बुलीङगी येहसेर यिहन” (यूहन्ना ८:१२)। “ङाह या़हबु कोहरोवा यिहम्बा” (यूहन्ना १०:११)। “कोह ङाहराङ यिहन” (यूहन्ना १०:९), “तेहन्दाम कुहन्डुम तोहङबो ङाह यिहन” (यूहन्ना १५:१), “लाहम, तेहन्दाम दाङ मिहली ङाहराङ यिहन” (यूहन्ना १४:६)।
दि छ्य़ेला येहकेन्गी ने़जोया़
छ़ूगेन ती़हजीगी केच्याया़ १:१-१८
बप्तिस्मा तेर्केन यूहन्ना दाङ येशूगी स्याहप्च्यीया़ १:१९-५१
मिह थाम्ज्यीगी थोङदाङला येशूगी छ्या़ले छ़ू नाङग्यो २:१–१२:५०
यरूशलेम साहर-सुहरला ज़्य़ूदी जे नाङग्यो छ्या़लेया़ १३:१–१९:४२
येशू टोहङदे सोम्बो ज़्याङ नाङग्यो २०:१-१०
येशू मिहया़गी पाहरक्यीला फेप नाङग्यो २०:११-३१
मिहरो येहपाराङ गालीलला फेप नाङग्यो २१:१-२५
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2023 (Active), Wycliffe Bible Translators, Inc. All rights reserved.