Be Mochi 2
2
Ebwam mo Engǝ́ mo Ehwya hon
1Atan a nò mo Pentiko è bwangga ara ángá, binbin mo ya ekǝ̀n-etsǝ́m è fǝnno gu a zǝn akan. 2Atan a bè chà chuno a sen ángá, bè fo aken abu fyo echakpokpo è shwa chá kpe, nè bushan kwa gu tswa àtá zǝn a bè chuno ángá. 3Bè di be mò è mbwibwa abu be dgyén-fǝ̀ è shwa swakwa no pe ken anga a ju egwa egwa mo be. 4Binbin mo be è mbo ngge Engǝ́ mo Ehwya hon, bè kwa ara fwa ejanm adi be hwi efki efki abu Engǝ́ hon è no be echakpo ángá.
5Atan enò, be ya a Yahuda, be ndedon ya è tsen Ehwya anga, è vǝ chagwa chagwa mo zǝnchaje, bwa dwano anga a Urishelima. 6Atan a be nobǝ hon è fo kpé-ekǝnm hon ángá, embo mo be è tse bwa fǝn mbo gu a zǝn akan a tswa emme ebum. Binbin mo be è tàn ebwikpe adia egwa egwa mo be è fo be etsonchi hon no jan fwa anga adi hwi mo eten chá a bè vǝ bwa ángá. 7A tswa emme ebum hon, be nobǝ hon è no ká eka anga jan, “Binbin mo be ya ena fwa be ya sǝnsen mo ya a Galili ra?” 8Chú mò hon bwe engǝ, a egwa egwa mo je fo be, be no jan fwa anga adi be hwi eten mo je? 9Be ya ehwyà mo je a be ya Faritiya, Mediya ngge ya a Elama, be ya Mesopotamiya. Be ya efa mo Yahudiya ngge Kapadokiya, be ya Pontu ngge Eshiya. 10Be ya Firijiya ngge Pamfiliya, be ya a Masa ngge ya efa mo Libiya tenten ngge Sirini. Bè vǝ a eten efifi a Roma, bwa echan, 11(be ya a Yahuda ngge be ya è cha ara yishwa efen mo be ya a Yahuda ángá); Be ya a Kiriti ngge be ya a Arabiya, jè fo be, bè no jan fwa anga a chu be moeditanm mo Ehwya, adi be hwi eten mo je. 12A tswa emme ebum ngge ebwikpe etànm, bè ká sojube eka jan, “Mò hon ena tú anga ano?”
13Tea be ya ehwyà a tswa engga mo be nobǝ embo hon è fke be, nè jan, “Be ngǝfǝ́ ara adi tson.”
Fwa a Bitru è jan be nobǝ nò Pentiko ángá
14Ekǝnggwa Bitru è nyi etkyen ngge be gwi chu akan hon nè jan be nobǝ embo fwa ngge echakpo jan, “Be nwenjwa m ya, ya a Yahuda ngge be ya e dwano a Urishelima ángá, me e jan e seshi nye fwa ena, nye e buton e fo seshi mò a ma jan ángá. 15Be ya ena chà ngǝfǝ́ be abu nye ka anga ángá ra, adia asuswana chà no tse chwen a ndwe mo ekakennò, anofon kpwà ara. 16É yé, mò a nye di anga na, a mò a efojan Jowe è jan fwa a chu mo nó ángá.
17“ ‘Ehwya è jan, adi be tsǝnò ekǝn-etkyen,
ma no be nobǝ binbin Engǝ́ mam àywá.
Mbǝgya mo nye ndedon
ngge ndegwa a fi fwa.
Enggwà a kan be ezon-ndedon mo
nye a fǝzǝn ngge
be ehwa-ndedon mo nye a fǝn be dá.
18Efwe adi ekpengga hon,
ma no be ya mochi mam,
ndedon ngge ndegwa, Engǝ́ mam,
ba fi a jan fwa a m̀ jan be ángá.
19Ma tú be moeditanm chá a jwa a zǝkpe,
ngge be echi ezǝzǝju a zǝnchaje chá a se.
Ngǝ a mbo a tswa zǝnchaje.
Fǝ̀ a de a tkò be zǝn ngge
edwefǝfǝ̀ a bwipe a gu be zǝn.
20Nò a twanga a no etwafǝfǝ
ngge fka a twanga a no ebenben abu ngǝ
sangǝ́, nò echa ngge egǝ̀n mo
Ehwya chà a bwa.
21Egwa egwa e bgó
Ehwya anga jan ne bwe
e jwa ye ángá, a ben ega.’
22“A nye be ya a Esǝrela, nye e buton e fo fwa ena. Ehwya tú nye adi enggasansan jan ge dgyan Yeso ya a Nazarati adi be moeditanm, be mò ezǝzǝju ngge be echi, a gè bwe adi efka mbwe, a engga mo nye abu a nye e chu nye, yi ángá. 23Adi fuchin ngge ekwafyayim mo Ehwya, bè tsǝ du ye no nye, kǝnggwa adi ebwejwam mo be ya mofǝ̀, nye gu ye adi ekenfum a chu eswafǝ. 24Tea Ehwya è ti ye gwa a je a dì nè fkenggwa ye a bu mo echakpo mo fǝ adia ge no ye ebwetim a fǝ e fu e pe ye ángá ra. 25Tì Dawuda è jan fwa a chu ye jan,
“ ‘M̀ di Etsodwe no kpwà tenten
ngge me nogwa nogwa,
adia ge no anga chá budgo mam,
mò akan a dì m ju ra.
26Enona, tsuruku mam tén ten,
kpevǝ mam tàn Ehwya,
ngge ma no zǝno a tswa shwa enyim.
27Adia wa gwa m a dì ra,
èé we gwa ekǝnjuju mo
Echanwenwen Akan mbo ge e fkwa.
28O bwe m, me yi efǝ a ma ben nya,
wa bwe m me mbo ngge vǝtsen chafya mbo.’
29“Be nwenjwa m ya, m jan nye anga adi ebi jan, ate je Dawuda è fǝ, bè di ye, dì mbwe chà no enom ti bwa nòmo. 30Adia gè no efojan nè yi ara a Ehwya è senvǝ no ngge efan efanm jan, akan mo be ebi ye a dwa Tì, na chu a chu botì mbwe. 31A gè di ara mò è no chafya ángá, gè jan fwa a chu etkyen enyim mo Kristi a dì ngge bè gwa be ye a tswa dì ra, èé ekǝnjuju mbwe e fkwa. 32Ehwya ti Yeso hon ena nyi ara etkyen a dì, ngge binbin mo je, ja be eyifwa mo be fwa ena. 33Ehwya ti ye nyi ara etkyen a dì nè ti ye nyi ara chá budgo mbwe. Yeso è cha ara Engǝ́ Echanwenwen a zǝn Ehwya Ate ye, abu Ehwya hon è senvǝ ángá. Enona, Yeso nò ara je Engǝ́ Echanwenwen hon ngge ge tú ara nó a chu be mò a nye di ngge nye fo anga na. 34Bi adia Dawuda è vǝ́ ye a kpe ra, tea gè jan,
“ ‘Etsodwe hon jan Etsodwe mam jan,
“Chu chá budgo mam,
35ti ken a ngga atan a ma du be ya eze mbo
a nga be mò tu be kpwafu mbo ángá.” ’
36“Enona, binbin mo nye be ya a Esǝrela, nye e yi e seshi fwa ena, Ehwya è bwe ara Yeso hon a nyè ti kenfu a chu eswafǝ ángá, ge e no Etsodwe ngge Kristi.”
37Atan a be nobǝ embo hon è fo fwa ena ángá, fwa hon è kǝn be nya. Bè ká Bitru ngge be etsonchi ya ehwyà hon eka jan, “Be nwenjwa, mò hon a ja bwe ángá a ano?”
38Bitru è janfwe be, “Egwa egwa e twa etwa mo be ebgen mbwe, evǝa be e bwe nye batisǝma a di ti mo Yeso Kristi. Ehwya a gwa a no nye be ebgen mo nye a nyè bwe ángá, ngge nya cha edwe mo Engǝ́ Echanwenwen. 39Adia vǝ-esenm hon ena a ḿ mo nye ngge mbǝgya mo nye èé ngge be ya e fwa be be ya a Esǝrela ra ángá. Ga no ḿ mo binbin mo be ya Ehwya e no Etsodwe je, a fǝ́ be dwa be e bwa ángá.”
40Bitru jan bishi be fwa àywá ngge echa etwam. Gè dònvǝ ngge be jan, “Nye e ti e vǝ́ chu nye a tswa ekǝn mofǝ̀ ena.” 41Be ya è tsǝ́ekǝ̀n a chu fwa a ge jan be ángá, bè bwe be batisǝma. Be ya a bè bwe be batisǝma nò eni ángá, è kengga echo ta (3,000).
Zǝno enom mo be ya ekǝ̀n-etsǝ́m hon
42Binbin mo be è nyi tsuruku mo be a chu be mò a be etsonchi è tú be anga. Bè kwa ara chuefǝnm ngge mode edem abibi nè no bgó Ehwya anga gaten.
43Egwa egwa è mbo ngge etsentsen mo Ehwya adia be etsonchi è no kpwà adi be moeditanm embo ebwem. 44Binbin mo be ya ekǝ̀n-etsǝ́m è no abibi nè no tankwa mobenben mo be anga e sojube. 45Bè jwade gu be mobenben mo be ngge atkimo mo be nè ti tse mo nó ti tankwa sojube, ken abu egwa egwa è nda anga. 46Nogwa nogwa bè no fǝnchu anga a chuukwa mo Àtá mo Ehwya. Bè de bwi mode anga abibi a mu so. Bè no de anga nè no ngǝ anga a tswa tsuruku etenten nè cha so a tswa tsuruku akan. 47Bè no tàn Ehwya anga, binbin mo be nobǝ è no jan esese anga a chu be. Ehwya è no tubi efim mo be ya a gè tivǝ́ anga nogwa nogwa.
Dewis Presennol:
Be Mochi 2: ICH
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2024 Luke Initiative for Scripture Translation
Be Mochi 2
2
Ebwam mo Engǝ́ mo Ehwya hon
1Atan a nò mo Pentiko è bwangga ara ángá, binbin mo ya ekǝ̀n-etsǝ́m è fǝnno gu a zǝn akan. 2Atan a bè chà chuno a sen ángá, bè fo aken abu fyo echakpokpo è shwa chá kpe, nè bushan kwa gu tswa àtá zǝn a bè chuno ángá. 3Bè di be mò è mbwibwa abu be dgyén-fǝ̀ è shwa swakwa no pe ken anga a ju egwa egwa mo be. 4Binbin mo be è mbo ngge Engǝ́ mo Ehwya hon, bè kwa ara fwa ejanm adi be hwi efki efki abu Engǝ́ hon è no be echakpo ángá.
5Atan enò, be ya a Yahuda, be ndedon ya è tsen Ehwya anga, è vǝ chagwa chagwa mo zǝnchaje, bwa dwano anga a Urishelima. 6Atan a be nobǝ hon è fo kpé-ekǝnm hon ángá, embo mo be è tse bwa fǝn mbo gu a zǝn akan a tswa emme ebum. Binbin mo be è tàn ebwikpe adia egwa egwa mo be è fo be etsonchi hon no jan fwa anga adi hwi mo eten chá a bè vǝ bwa ángá. 7A tswa emme ebum hon, be nobǝ hon è no ká eka anga jan, “Binbin mo be ya ena fwa be ya sǝnsen mo ya a Galili ra?” 8Chú mò hon bwe engǝ, a egwa egwa mo je fo be, be no jan fwa anga adi be hwi eten mo je? 9Be ya ehwyà mo je a be ya Faritiya, Mediya ngge ya a Elama, be ya Mesopotamiya. Be ya efa mo Yahudiya ngge Kapadokiya, be ya Pontu ngge Eshiya. 10Be ya Firijiya ngge Pamfiliya, be ya a Masa ngge ya efa mo Libiya tenten ngge Sirini. Bè vǝ a eten efifi a Roma, bwa echan, 11(be ya a Yahuda ngge be ya è cha ara yishwa efen mo be ya a Yahuda ángá); Be ya a Kiriti ngge be ya a Arabiya, jè fo be, bè no jan fwa anga a chu be moeditanm mo Ehwya, adi be hwi eten mo je. 12A tswa emme ebum ngge ebwikpe etànm, bè ká sojube eka jan, “Mò hon ena tú anga ano?”
13Tea be ya ehwyà a tswa engga mo be nobǝ embo hon è fke be, nè jan, “Be ngǝfǝ́ ara adi tson.”
Fwa a Bitru è jan be nobǝ nò Pentiko ángá
14Ekǝnggwa Bitru è nyi etkyen ngge be gwi chu akan hon nè jan be nobǝ embo fwa ngge echakpo jan, “Be nwenjwa m ya, ya a Yahuda ngge be ya e dwano a Urishelima ángá, me e jan e seshi nye fwa ena, nye e buton e fo seshi mò a ma jan ángá. 15Be ya ena chà ngǝfǝ́ be abu nye ka anga ángá ra, adia asuswana chà no tse chwen a ndwe mo ekakennò, anofon kpwà ara. 16É yé, mò a nye di anga na, a mò a efojan Jowe è jan fwa a chu mo nó ángá.
17“ ‘Ehwya è jan, adi be tsǝnò ekǝn-etkyen,
ma no be nobǝ binbin Engǝ́ mam àywá.
Mbǝgya mo nye ndedon
ngge ndegwa a fi fwa.
Enggwà a kan be ezon-ndedon mo
nye a fǝzǝn ngge
be ehwa-ndedon mo nye a fǝn be dá.
18Efwe adi ekpengga hon,
ma no be ya mochi mam,
ndedon ngge ndegwa, Engǝ́ mam,
ba fi a jan fwa a m̀ jan be ángá.
19Ma tú be moeditanm chá a jwa a zǝkpe,
ngge be echi ezǝzǝju a zǝnchaje chá a se.
Ngǝ a mbo a tswa zǝnchaje.
Fǝ̀ a de a tkò be zǝn ngge
edwefǝfǝ̀ a bwipe a gu be zǝn.
20Nò a twanga a no etwafǝfǝ
ngge fka a twanga a no ebenben abu ngǝ
sangǝ́, nò echa ngge egǝ̀n mo
Ehwya chà a bwa.
21Egwa egwa e bgó
Ehwya anga jan ne bwe
e jwa ye ángá, a ben ega.’
22“A nye be ya a Esǝrela, nye e buton e fo fwa ena. Ehwya tú nye adi enggasansan jan ge dgyan Yeso ya a Nazarati adi be moeditanm, be mò ezǝzǝju ngge be echi, a gè bwe adi efka mbwe, a engga mo nye abu a nye e chu nye, yi ángá. 23Adi fuchin ngge ekwafyayim mo Ehwya, bè tsǝ du ye no nye, kǝnggwa adi ebwejwam mo be ya mofǝ̀, nye gu ye adi ekenfum a chu eswafǝ. 24Tea Ehwya è ti ye gwa a je a dì nè fkenggwa ye a bu mo echakpo mo fǝ adia ge no ye ebwetim a fǝ e fu e pe ye ángá ra. 25Tì Dawuda è jan fwa a chu ye jan,
“ ‘M̀ di Etsodwe no kpwà tenten
ngge me nogwa nogwa,
adia ge no anga chá budgo mam,
mò akan a dì m ju ra.
26Enona, tsuruku mam tén ten,
kpevǝ mam tàn Ehwya,
ngge ma no zǝno a tswa shwa enyim.
27Adia wa gwa m a dì ra,
èé we gwa ekǝnjuju mo
Echanwenwen Akan mbo ge e fkwa.
28O bwe m, me yi efǝ a ma ben nya,
wa bwe m me mbo ngge vǝtsen chafya mbo.’
29“Be nwenjwa m ya, m jan nye anga adi ebi jan, ate je Dawuda è fǝ, bè di ye, dì mbwe chà no enom ti bwa nòmo. 30Adia gè no efojan nè yi ara a Ehwya è senvǝ no ngge efan efanm jan, akan mo be ebi ye a dwa Tì, na chu a chu botì mbwe. 31A gè di ara mò è no chafya ángá, gè jan fwa a chu etkyen enyim mo Kristi a dì ngge bè gwa be ye a tswa dì ra, èé ekǝnjuju mbwe e fkwa. 32Ehwya ti Yeso hon ena nyi ara etkyen a dì, ngge binbin mo je, ja be eyifwa mo be fwa ena. 33Ehwya ti ye nyi ara etkyen a dì nè ti ye nyi ara chá budgo mbwe. Yeso è cha ara Engǝ́ Echanwenwen a zǝn Ehwya Ate ye, abu Ehwya hon è senvǝ ángá. Enona, Yeso nò ara je Engǝ́ Echanwenwen hon ngge ge tú ara nó a chu be mò a nye di ngge nye fo anga na. 34Bi adia Dawuda è vǝ́ ye a kpe ra, tea gè jan,
“ ‘Etsodwe hon jan Etsodwe mam jan,
“Chu chá budgo mam,
35ti ken a ngga atan a ma du be ya eze mbo
a nga be mò tu be kpwafu mbo ángá.” ’
36“Enona, binbin mo nye be ya a Esǝrela, nye e yi e seshi fwa ena, Ehwya è bwe ara Yeso hon a nyè ti kenfu a chu eswafǝ ángá, ge e no Etsodwe ngge Kristi.”
37Atan a be nobǝ embo hon è fo fwa ena ángá, fwa hon è kǝn be nya. Bè ká Bitru ngge be etsonchi ya ehwyà hon eka jan, “Be nwenjwa, mò hon a ja bwe ángá a ano?”
38Bitru è janfwe be, “Egwa egwa e twa etwa mo be ebgen mbwe, evǝa be e bwe nye batisǝma a di ti mo Yeso Kristi. Ehwya a gwa a no nye be ebgen mo nye a nyè bwe ángá, ngge nya cha edwe mo Engǝ́ Echanwenwen. 39Adia vǝ-esenm hon ena a ḿ mo nye ngge mbǝgya mo nye èé ngge be ya e fwa be be ya a Esǝrela ra ángá. Ga no ḿ mo binbin mo be ya Ehwya e no Etsodwe je, a fǝ́ be dwa be e bwa ángá.”
40Bitru jan bishi be fwa àywá ngge echa etwam. Gè dònvǝ ngge be jan, “Nye e ti e vǝ́ chu nye a tswa ekǝn mofǝ̀ ena.” 41Be ya è tsǝ́ekǝ̀n a chu fwa a ge jan be ángá, bè bwe be batisǝma. Be ya a bè bwe be batisǝma nò eni ángá, è kengga echo ta (3,000).
Zǝno enom mo be ya ekǝ̀n-etsǝ́m hon
42Binbin mo be è nyi tsuruku mo be a chu be mò a be etsonchi è tú be anga. Bè kwa ara chuefǝnm ngge mode edem abibi nè no bgó Ehwya anga gaten.
43Egwa egwa è mbo ngge etsentsen mo Ehwya adia be etsonchi è no kpwà adi be moeditanm embo ebwem. 44Binbin mo be ya ekǝ̀n-etsǝ́m è no abibi nè no tankwa mobenben mo be anga e sojube. 45Bè jwade gu be mobenben mo be ngge atkimo mo be nè ti tse mo nó ti tankwa sojube, ken abu egwa egwa è nda anga. 46Nogwa nogwa bè no fǝnchu anga a chuukwa mo Àtá mo Ehwya. Bè de bwi mode anga abibi a mu so. Bè no de anga nè no ngǝ anga a tswa tsuruku etenten nè cha so a tswa tsuruku akan. 47Bè no tàn Ehwya anga, binbin mo be nobǝ è no jan esese anga a chu be. Ehwya è no tubi efim mo be ya a gè tivǝ́ anga nogwa nogwa.
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2024 Luke Initiative for Scripture Translation