Luka 3
3
Edgon edum mo Yohana ya Batisǝma
(Matiyu 3:1-12; Marku 1:1-8; Yohana 1:19-28)
1Adi je e gwi chu chwen, a Tì echa (Kaisa) Tiberiya, è dwatì mo sǝnsen mo Roma, atan a Buntu Bilatu è dwa gomna no a Yahudiya, Hiridu Antipa è dwa gomna no a Galili, nwenjin ye nwenfi, Filibu è dwatì no a Eturiya ngge Tarakunita, Lisaniya è dwatì no a Abiluya. 2Ekpengga hon, Ana ngge Kayafa è no Chu mo be Ekǝ́n. Ehwya è jan fwa ngge Yohana, nwen Zakariya atan a gè no a tswa ehwen ángá. 3Gè tkukwa gu be zǝn a efa mo Kǝn a Joda, nè no du edgon mo fwa mo Ehwya anga, jan be nobǝ be e twa etwa mo ebgen, ba bwe be batisǝma, evǝa Ehwya gwa a no be be ebgen. 4Abu efojan mo Ehwya Eshaya è bá nó no adi afketa mbwe jan,
“Aken mo nobǝ akan fǝ́dwa anga a tswavǝ́n,
‘Bwese efǝ nyi Etsodwe
bwe ywa be efǝku
hon nyi ye.
5Be nggwa a mbo a tén be edgo binbin,
be kǝn a bwi be etu ngge be hwì
a shwa a sen binbin.
Be vǝ a ywa be efǝ engàngà,
be efǝ ekpǝ ekpǝ ba bwe a tkwà be.
6Be nobǝ binbin a di abu Ehwya a
ti a vǝ́ be nobǝ ángá.’ ”
7Yohana è jan be nobǝ embo ya è bwa anga a zǝn ye evǝa ge e bwe be batisǝma ángá jan, “A nye mbǝgya mo fkonde, ara twa nye echa a ge jan ne nye e tse e gwa engo mo Ehwya e nyabwa ángá? 8Nye e bwe be mò e tú jan nye gwa ara be ebgen mo nye. Nye e jan nye chu nye jan, ‘Ebrayi a ate je’ ra. M jan nye anga, a tswa mo be ten ena, Ehwya a bwe a ti be mbǝgya a no Ebrayi. 9Di, asuswana Ehwya ti tsenti jwano a chin mo be tumo. Egwa egwa mo tumo e gwa ye ga esese anga ra, be se a twa ye, ti a twa a fǝ̀.”
10Be ya ehwyà a tswa engga mo be nobǝ embo hon, è ká ye eka jan, “Ekǝnggwa mò a je e bwe ángá a ano?” 11Yohana è janfwe be jan, “Ende e no ngge mokàn fà, ge e ti akan e no ende e ben ye ra, nobǝ e no ngge mode ge e tan e kwa nó ngge binbin mo be ya e ben be ra.”
12Be ya è cha tse-eten anga, ya ehwyà, è bwa èé be abu be e bwe be batisǝma, bè ká ye eka jan, “Etumo, mò a je a bwe ángá a ano?” 13Yohana è jan be jan, “Nye e cha tse e twafǝ̀ ye abu be jan nye ángá ra.” 14Efwe, be yakàn ya ehwyà è ká ye eka jan, “Mò a je e bwe ángá a ano?” Gè janfwe be jan, “Nye e fkwa e cha nye tse mo be nobǝ ra, ngge nye e fe nye fwafe a chu be nobǝ ra. Nye e bonshi ekǝ̀n ngge tse fka mo nye.”
15Atan a enò, be nobǝ è nobà anga ba di Kristi, binbin mo be, è no ka anga a tsuruku mo be jan ehwyà Yohana a Kristi hon. 16Yohana è jan binbin mo be jan, “A me, m bwe nye batisǝma anga ngge mbǝ, tea ende e tkyan m ángá nyabwa, nwene a me, m kǝn m a ma fken dgomo mo kpumo a tkyafù mbwe ra. Ga bwe nye batisǝma ngge Engǝ́ Echanwenwen ngge fǝ̀. 17Ge no ngge mò fanse zǝn a bu mbwe, ge ti fan a se etebwa zǝn mò ebam. Ge wi a fǝn fwen fonmo n ti a nggwa a tswa eben mbwe, ga tkòn wimo hon a fǝ̀ nwone e din a didi ye ra ángá.” 18Ngge be fwa ya ehwyà àywá, Yohana è janbon be nobǝ ekǝ̀n, nè du edgon a chu Fwa Esese.
19Tea atan a Yohana è tkyá Gomna Hiridu etkya adia gè ti Hiridiya gwa nwenjin ye Filibu ti fǝ́ ara, ngge be mò esera àywá a gè bwe ángá, 20Hiridu è bwebishi ebgen efki, adia gè fu Yohana kenpe a àtá ewhyatu ángá.
Yohana è bwe Yeso Batisǝma
(Matiyu 3:13-17; Marku 1:9-11)
21Atan a gè bwe gu ara be ya ehwyà batisǝma ángá, Yohana è bwe Yeso batisǝma gaten. Ngge abu Yeso è no bgó ebgo anga, kpe è fkigwa, 22Engǝ́ Echanwenwen è shwa a chu ye abu eba. Bè fo aken chá kpe jan, “Wa Nwen m, m dgyan o ngge m fo etkwa mbo.”
Be ti mo be ebǝ ata mo Yeso
(Matiyu 1:1-17)
23Atan a Yeso è no ngge je gwi ta ángá, gè tke mochi mbwe ebwem. Be nobǝ è ka anga jan Yeso no nwen mo Esufu,
Esufu nwen mo Heli, 24Heli nwen mo Matata,
Matata nwen mo Lawi,
Lawi nwen mo Malki,
Malki nwen mo Yana,
Yana nwen mo Esufu.
25Esufu nwen mo Matatiya,
Matatiya nwen mo Amo.
Amo nwen mo Nahum,
Nahum nwen mo Esili,
Esili nwen mo Najaya,
26Najaya nwen mo Mayata,
Mayata nwen mo Matatiya,
Matatiya nwen mo Shimeya,
Shimeya nwen mo Jose,
Jose nwen mo Yahuda,
27Yahuda nwen mo Yuna,
Yuna nwen mo Refaya,
Refaya nwen mo Zerubabe,
Zerubabe nwen mo Shayatiye,
Shayatiye nwen mo Niri,
28Niri nwen mo Malki,
Malki nwen mo Adi,
Adi nwen mo Kosama,
Kosama nwen mo Almadama,
Almadama nwen mo Eri.
29Eri nwen mo Joshuwa,
Joshuwa nwen mo Eliyeze,
Eliyeze nwen mo Yorima,
Yorima nwen mo Matata,
Matata nwen mo Lawi,
30Lawi nwen mo Simiyon,
Simiyon nwen mo Yahuda,
Yahuda nwen mo Esufu,
Esufu nwen mo Yuna,
Yuna nwen mo Eliyakim,
31Eliyakim nwen mo Malaya,
Malaya nwen mo Mainana, Mainana nwen mo Matata,
Matata nwen mo Natam,
Natan nwen mo Dawuda,
32Dawuda nwen mo Jesi,
Jesi nwen mo Obida,
Obida nwen mo Boyaza,
Boyaza nwen mo Salmo,
Salmo nwen mo Nashon,
33Nashon nwen mo Aminada,
Aminada nwen mo Aram,
Aram nwen mo Hesuna,
Hesuna nwen mo Feresa,
Feresa nwen mo Yahuda.
34Yahuda nwen mo Yakubu,
Yakubu nwen mo Eshaku,
Eshaku nwen mo Ebrayi,
Ebrayi nwen mo Tera,
Tera nwen mo Naho,
35Naho nwen mo Seru,
Seru nwen mo Reyu,
Reyu nwen mo Fele,
Fele nwen mo Ebe,
Ebe nwen mo Shela,
36Shela nwen mo Kenan,
Kenan nwen mo Afaksha,
Afaksha nwen mo Shem,
Shem nwen mo Nuhu,
Nuhu nwen mo Lame,
37Lame nwen mo Metusela,
Metusela nwen mo Enochi,
Enochi nwen mo Yare,
Yare nwen mo Mahalale,
Mahalale nwen mo Kenan,
38Kenan nwen mo Enoshi,
Enoshi nwen mo Shitu,
Shitu nwen mo Adamo,
Adamo nwen mo Ehwya.
Dewis Presennol:
Luka 3: ICH
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2024 Luke Initiative for Scripture Translation
Luka 3
3
Edgon edum mo Yohana ya Batisǝma
(Matiyu 3:1-12; Marku 1:1-8; Yohana 1:19-28)
1Adi je e gwi chu chwen, a Tì echa (Kaisa) Tiberiya, è dwatì mo sǝnsen mo Roma, atan a Buntu Bilatu è dwa gomna no a Yahudiya, Hiridu Antipa è dwa gomna no a Galili, nwenjin ye nwenfi, Filibu è dwatì no a Eturiya ngge Tarakunita, Lisaniya è dwatì no a Abiluya. 2Ekpengga hon, Ana ngge Kayafa è no Chu mo be Ekǝ́n. Ehwya è jan fwa ngge Yohana, nwen Zakariya atan a gè no a tswa ehwen ángá. 3Gè tkukwa gu be zǝn a efa mo Kǝn a Joda, nè no du edgon mo fwa mo Ehwya anga, jan be nobǝ be e twa etwa mo ebgen, ba bwe be batisǝma, evǝa Ehwya gwa a no be be ebgen. 4Abu efojan mo Ehwya Eshaya è bá nó no adi afketa mbwe jan,
“Aken mo nobǝ akan fǝ́dwa anga a tswavǝ́n,
‘Bwese efǝ nyi Etsodwe
bwe ywa be efǝku
hon nyi ye.
5Be nggwa a mbo a tén be edgo binbin,
be kǝn a bwi be etu ngge be hwì
a shwa a sen binbin.
Be vǝ a ywa be efǝ engàngà,
be efǝ ekpǝ ekpǝ ba bwe a tkwà be.
6Be nobǝ binbin a di abu Ehwya a
ti a vǝ́ be nobǝ ángá.’ ”
7Yohana è jan be nobǝ embo ya è bwa anga a zǝn ye evǝa ge e bwe be batisǝma ángá jan, “A nye mbǝgya mo fkonde, ara twa nye echa a ge jan ne nye e tse e gwa engo mo Ehwya e nyabwa ángá? 8Nye e bwe be mò e tú jan nye gwa ara be ebgen mo nye. Nye e jan nye chu nye jan, ‘Ebrayi a ate je’ ra. M jan nye anga, a tswa mo be ten ena, Ehwya a bwe a ti be mbǝgya a no Ebrayi. 9Di, asuswana Ehwya ti tsenti jwano a chin mo be tumo. Egwa egwa mo tumo e gwa ye ga esese anga ra, be se a twa ye, ti a twa a fǝ̀.”
10Be ya ehwyà a tswa engga mo be nobǝ embo hon, è ká ye eka jan, “Ekǝnggwa mò a je e bwe ángá a ano?” 11Yohana è janfwe be jan, “Ende e no ngge mokàn fà, ge e ti akan e no ende e ben ye ra, nobǝ e no ngge mode ge e tan e kwa nó ngge binbin mo be ya e ben be ra.”
12Be ya è cha tse-eten anga, ya ehwyà, è bwa èé be abu be e bwe be batisǝma, bè ká ye eka jan, “Etumo, mò a je a bwe ángá a ano?” 13Yohana è jan be jan, “Nye e cha tse e twafǝ̀ ye abu be jan nye ángá ra.” 14Efwe, be yakàn ya ehwyà è ká ye eka jan, “Mò a je e bwe ángá a ano?” Gè janfwe be jan, “Nye e fkwa e cha nye tse mo be nobǝ ra, ngge nye e fe nye fwafe a chu be nobǝ ra. Nye e bonshi ekǝ̀n ngge tse fka mo nye.”
15Atan a enò, be nobǝ è nobà anga ba di Kristi, binbin mo be, è no ka anga a tsuruku mo be jan ehwyà Yohana a Kristi hon. 16Yohana è jan binbin mo be jan, “A me, m bwe nye batisǝma anga ngge mbǝ, tea ende e tkyan m ángá nyabwa, nwene a me, m kǝn m a ma fken dgomo mo kpumo a tkyafù mbwe ra. Ga bwe nye batisǝma ngge Engǝ́ Echanwenwen ngge fǝ̀. 17Ge no ngge mò fanse zǝn a bu mbwe, ge ti fan a se etebwa zǝn mò ebam. Ge wi a fǝn fwen fonmo n ti a nggwa a tswa eben mbwe, ga tkòn wimo hon a fǝ̀ nwone e din a didi ye ra ángá.” 18Ngge be fwa ya ehwyà àywá, Yohana è janbon be nobǝ ekǝ̀n, nè du edgon a chu Fwa Esese.
19Tea atan a Yohana è tkyá Gomna Hiridu etkya adia gè ti Hiridiya gwa nwenjin ye Filibu ti fǝ́ ara, ngge be mò esera àywá a gè bwe ángá, 20Hiridu è bwebishi ebgen efki, adia gè fu Yohana kenpe a àtá ewhyatu ángá.
Yohana è bwe Yeso Batisǝma
(Matiyu 3:13-17; Marku 1:9-11)
21Atan a gè bwe gu ara be ya ehwyà batisǝma ángá, Yohana è bwe Yeso batisǝma gaten. Ngge abu Yeso è no bgó ebgo anga, kpe è fkigwa, 22Engǝ́ Echanwenwen è shwa a chu ye abu eba. Bè fo aken chá kpe jan, “Wa Nwen m, m dgyan o ngge m fo etkwa mbo.”
Be ti mo be ebǝ ata mo Yeso
(Matiyu 1:1-17)
23Atan a Yeso è no ngge je gwi ta ángá, gè tke mochi mbwe ebwem. Be nobǝ è ka anga jan Yeso no nwen mo Esufu,
Esufu nwen mo Heli, 24Heli nwen mo Matata,
Matata nwen mo Lawi,
Lawi nwen mo Malki,
Malki nwen mo Yana,
Yana nwen mo Esufu.
25Esufu nwen mo Matatiya,
Matatiya nwen mo Amo.
Amo nwen mo Nahum,
Nahum nwen mo Esili,
Esili nwen mo Najaya,
26Najaya nwen mo Mayata,
Mayata nwen mo Matatiya,
Matatiya nwen mo Shimeya,
Shimeya nwen mo Jose,
Jose nwen mo Yahuda,
27Yahuda nwen mo Yuna,
Yuna nwen mo Refaya,
Refaya nwen mo Zerubabe,
Zerubabe nwen mo Shayatiye,
Shayatiye nwen mo Niri,
28Niri nwen mo Malki,
Malki nwen mo Adi,
Adi nwen mo Kosama,
Kosama nwen mo Almadama,
Almadama nwen mo Eri.
29Eri nwen mo Joshuwa,
Joshuwa nwen mo Eliyeze,
Eliyeze nwen mo Yorima,
Yorima nwen mo Matata,
Matata nwen mo Lawi,
30Lawi nwen mo Simiyon,
Simiyon nwen mo Yahuda,
Yahuda nwen mo Esufu,
Esufu nwen mo Yuna,
Yuna nwen mo Eliyakim,
31Eliyakim nwen mo Malaya,
Malaya nwen mo Mainana, Mainana nwen mo Matata,
Matata nwen mo Natam,
Natan nwen mo Dawuda,
32Dawuda nwen mo Jesi,
Jesi nwen mo Obida,
Obida nwen mo Boyaza,
Boyaza nwen mo Salmo,
Salmo nwen mo Nashon,
33Nashon nwen mo Aminada,
Aminada nwen mo Aram,
Aram nwen mo Hesuna,
Hesuna nwen mo Feresa,
Feresa nwen mo Yahuda.
34Yahuda nwen mo Yakubu,
Yakubu nwen mo Eshaku,
Eshaku nwen mo Ebrayi,
Ebrayi nwen mo Tera,
Tera nwen mo Naho,
35Naho nwen mo Seru,
Seru nwen mo Reyu,
Reyu nwen mo Fele,
Fele nwen mo Ebe,
Ebe nwen mo Shela,
36Shela nwen mo Kenan,
Kenan nwen mo Afaksha,
Afaksha nwen mo Shem,
Shem nwen mo Nuhu,
Nuhu nwen mo Lame,
37Lame nwen mo Metusela,
Metusela nwen mo Enochi,
Enochi nwen mo Yare,
Yare nwen mo Mahalale,
Mahalale nwen mo Kenan,
38Kenan nwen mo Enoshi,
Enoshi nwen mo Shitu,
Shitu nwen mo Adamo,
Adamo nwen mo Ehwya.
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2024 Luke Initiative for Scripture Translation