Y Salmau 69:13-18

Ond daw fy ngweddi i atat, O ARGLWYDD. Ar yr amser priodol, O Dduw, ateb fi yn dy gariad mawr gyda'th waredigaeth sicr. Gwared fi o'r llaid rhag imi suddo, achuber fi o'r mwd ac o'r dyfroedd dyfnion. Na fydded i'r llifogydd fy sgubo ymaith, na'r dyfnder fy llyncu, na'r pwll gau ei safn amdanaf. Ateb fi, ARGLWYDD, oherwydd da yw dy gariad; yn dy drugaredd mawr, tro ataf. Paid â chuddio dy wyneb oddi wrth dy was; y mae'n gyfyng arnaf, brysia i'm hateb. Tyrd yn nes ataf i'm gwaredu; rhyddha fi o achos fy ngelynion.