Luke 1
1
1တိူဝ်ႈကနေဲႈ သော်ဖိလု၊ ဘည်မိုႈဘည်ဘာည်း ပ်ုန်နံင်ရေဲန်အူန်း စဝ်ဖြားခေဲင်ကံမ်ဖာအယ်နီန် 2ကဲအီယိူဝ်း မိူဝ်ႈဒေဲႈဆံက်ဆေ ဆီုင်ခည်ဇူႈဒိူန်ကာည်း တောပ်ဘည်ကြောႈပ်ုန်က္လာင်း ကဝ်အီဟော က္လာင်း ကြောႈတံမ်းဖြားနီန် အီကိက်ဒေဲႈ ဂီုန်းဘ္လံမ်းခည်း။ 3ဂေါႇ ဘည်ဒီန် စီပဲန်အောတခေါရ် ဘည်မိုႈဘည်ပဲန်ဒေဲႈအယ်ပည်ဒိုႇဒိုည်ႇကဲကညာႈလိူည်စဝ်ဖြားဒီန် ကတီးကရီး ကနာည်နံင်နံပ် ဘည်ငျား 4ဘည်မိုႈဘည်ဘာည်းပ်ုန်ပနောဒေဲႈပဲစီပဲန်ကိတ်ပ္လေႈ ကခံပ်ကယည်နှာင်းဇာ်ႈလဘည်နီန်။ 5ခိင်အူပ်ဘြောင် ဟောခံမ်းဟေရုဒ်c ပကပီုန်ယုဒဒိူန် ဂျူးပုရောဟိတ်d အီမိူဝ်ႈဇီုဝ် ဇာခရိနီန် အ်ုန်မိုႈအီလီပ်ဖုင် အဘိယအူအီးယာ့်e။ ဧလိရှဗက် အီမိုႈအီပ်ုန်အ်ုန်နီန်မာ် ယိူဝ်ႇဒေဲႈတခြိူဝ်းမျိုး ပုရောဟေက် အီဇီုဝ်အာရုန်။ 6ဂါရ်အာရ်အီးမိုႈအီတောပ် ဆီန်တြားတော် (ပညက်တော်) စဝ်ဖြား မောကံပ်အာဝ်မိူဝ်ႈအီုင်ဂ္လံတ် စီပဲန်ဂါရ်မိုႈ တိုအီးနောႈဆီုဝ်ဖိူမ်ရို ဂေါည်ရအာည်ႇတော် စဝ်ဖြားယာ့်။ 7ဂေါႇမိုႈ ဧလိရှဗက်နီန် က္လဲန် ကောန်ႎါးအာဝ်မိူဝ်ႈ အဆာက်ဂါရ်မာ် ဟည်ဂံတ်ခည်းခည်းယာ့်။ 8အူဆငည်း ဇိုချီုင်ရေဲန် ရံပ်ဇီုင်းကပ္လိူင် ပုရောဟေက်ဇာခရိဒီန် တဗိမာန်တော်စဝ်ဖြား 9တောပ်ဘည်ထုင်ရိုဘိုဇေန် ပုရောဟေက်ကဲဒီန် ခိင်ရံရ်ႈ ဆလာက် စီငျားရံရ်ႈအ်ုန် ကနာည်နံင်ပတံက်ငံရ်ပ္လ်ုမ်အူရ်ႈငှူရ် ခေဲင်ကျောင်ဖြား။ 10တိုအီးဂဲ စီမှာန်းဆု ခိင်ပတံက် ဇာခရိ တပ္လ်ုမ်အူရ်ႈငှူရ်နီန် ခေဲင်ဗိမာန်တော်ဒီန်။ 11ႎါည်းဒီန် အ်ုန်အီဇီုဝ် ကန်ုမ်ဒေဝါg ပ်ုန်ပ္လေႈစဝ်ဖြား စီလေႈဇံင်းကဒါႇ လံပ်ဝဲပလ္လင်ပ်ုန်ပတံက်ကဲ တပ္လ်ုမ်အူရ်ႈငှူရ်ကဲဒီန် အ်ုန်ယောဇာဝ်း ကံပ်ကဘ်ုရ်။ 12ခိင်ဒီန် ကန်ုမ်ဒေဝါစီဒါႈ “မည်ယောဇာခရိ။ စဝ်ဖြားဟည်ယိူဝ်းဒေတငါဝ်း ဟံမ်းမှာန်းမည်းတဆု။ 13အ်ုန်အီမိုႈ အီပ်ုန်မည်း ဧလိရှဗက်နီန် နံင်ပျေဲႈဒဲႈကောန် ကောန်အီမာည်းတမည်းအူအီးယာ့်။ မည်းနံင်လိုဒဲႈအ်ုန်ဇီုဝ် ယောဟာန်။ 14ခိင်ပျေဲႈအ်ုန် ဘည်ကတူႈပဲတပျောဆာယာဂေါည်တခိူည်း ကဲအီဟံရ်မာ် နံင်အတူႈပျောဆာယာဘာည်းပဲယာ့်။ 15ယောဟန်နီန် အ်ုန်နံင်မိုႈအီမျြံ တ် ဂေါည်ရအာည်ႇ ဖြားတော်။ ခိင်မှောမာ် အ်ုန်နံင်အာဝ်တျံင် အိုမ်ပ္လေကဘီ ကာည်းဘာႈ၊ ငျာန်တော်စဝ်ဖြားနီန် နံင်ဂေါည်တောပ်ပဲဆီုင်အာည်ႇပျေဲႈအ်ုန်ယာ့်။ 16အ်ုန်မိုႈ အီနံင်ဒဲႈ ခြိူဝ်းမျိုးအစ္စရေးကဲလှေဲႇနောႈ ဘိူန်းဆာင်ဝေဂ ကပံတ်ႎီရ် ကဒါႇ စဝ်ဖြား။ 17ယောဟန်နီန် နံင်မိုႈတိုအီးဘာည်း အရိယာဧလိယh မိူဝ်ႈတဂိုးအခွါင်းအဏာ တဘု ရအာည်ႇစဝ်ဖြား။ အ်ုန်မိုႈအီနံင်ပ်ုန်ကဖြေင် နောႈဖိူမ်ကူန်မာ ကာည်းကောန်ႎါး၊ ကဲအီအာဝ်တငါဝ်း ကြောႈကူန်မာကဲဒိူန်မာ် အ်ုန်နံင်ပနံဝ်းဒဲႈဒိုည်ႇယာ့်။ ဂေါႇဘည်ဒီန်ခိင်စွရောတ်စဝ်ဖြား တတိုအီးဂဲမာ် နှာင်းတံန်းနှဲန်ဒိုည်ႇအေ့။” 18ႎါည်းဒီန် ဇာခရိမာ် ဒါႈတကန်ုမ်ဒေဝါ “ဘည်မှောအောနံင်ဘည်နံပ် ဒါႈအ်ုန်နံင်ပဲန်ဒေဲႈဘည်နီန်။ ယာည်းအူပီးအူမေဲန် ဟည်ဂံတ်ဘိုန်းကဆဝ်း” 19ခိင်ဒီန် ကန်ုမ်ဒေဝါစီဒါႈ “အောမိုႈဂါဗြေလ အီဂေါည်ရအာည်ႇဖြား။ စဝ်ဖြားစီဆူည်ႇအောရောတ်က္လာင်းဆဒါင်မှိူမ်နောႈပျောနီန် တမည်း။ 20ဂေါႇမည်းအာဝ်ညှူမ်ကြောႈအောနီန် မည်းနံင်အီုဝ့်အ အာဝ်ဘယ်ယာ့်ကြောႈ အာည်ႇရောတ်စာ်မ်း ဘည်မိုႈဘည်ဘာည်းကဲနီန်။” 21ဇိုချီုင်ကမိုန်-ကြောႈ ဇာခရိ ကာည်း ကန်ုမ်ဒေဝါ ခေဲင်ဗိမာန်တော်ဒီန် ကူန်ရဝ်မာဂါင်ကဲအီဂေါည် နှာရိူဝ်ႇ ဂီုည်နှံက်ရဲ့ ဇာခရိ။ ကဲဆိင်နံပ်ဆေဘာည်း ဇာခရိ စီဂေါည်လှေင်ခေဲင်ဗိမာန်တော်နီန်။ 22ခိင်လည်လေႈ ဇာခရိဒီန်နှာရိူဝ်ႇဗိမာန်တော် ဂေါႇမိုႈအ်ုန်အာဝ်ဘယ်ယာ့်ကြောႈ ကူန်ရဝ်မာဂါင်ဂဲ စီလှံန်ဒါႈမိုႈ အ်ုန်ယိူဝ်းဒေဲႈ အတိက်လက္ခဏာ အူမျိုးအူမျိုး။ ဂေါႇမိုႈအ်ုန်အာဝ်ဆမားကြောႈ အ်ုန်စီဒါလိူည်တည်းဇိူင် ဆီုပ်နှဲ က္လာင်းဒဲႈတဂဲ။ 23ဟောည်ႇဒီန် ဇာခရိနီန်အ်ုန်ရေဲန်ဟောည်ႇဖါ်ႈ ပ်ုန်လိုတရေဲန် ခေဲင်ဗိမာန်တော်စီႎီရ်ပဂါင် 24ဟည်လှေင်ဒေဲႈ အီပ်ုန် ဇာခရိ ဧလိရှဗက် ဟည်မိူဝ်ႈဒေဲႈဆာန်ထေ 25အ်ုန်ဒါႈ “ဖြားဟောည်ႇဒဲႈအခွါင်းတအော မိူဝ်ႈဆာန်ထေနီန်၊ ဂေါႇပ်ုန်လိုအ်ုန် အောဟည်လောတ်ဘိုန်း ဒါႇကဲ့ရဲ့ပ်ုန်ဆဲ့အီး” မောကံပ်ဂေါည် ဖံန်ကျံရ် အ်ုန်အာဝ်ဟာဝ်းမ ခနားတိုအီးဂီုန်း။ 26ခိင်ဧလိရှဗက် ဟောည်ႇဘိူန်းဆာန်တေတောရ်ကျံရ် စဝ်ဖြားစီဆူည်ႇ ကန်ုမ်ဒေဝါ ဂါဗြေလ ဟာဝ်းကပီုန်နာဇရက်ဂါလိလဲ 27ဟာဝ်းက္လာင်းဆဒါင်မှိူမ် တကောန်ရဘျာအူအီး အ်ုန်အီဇီုဝ် မာရိ။ မာရီနီန် အ်ုန်မိုႈအီယိူဝ်ႇဒေဲႈတခြိူဝ်း တာဟောခံမ်းဒါဝိဒ် မိုႈအီဟောည်ႇကစာပ်အူန်းတယောသပ်။ 28ႎါည်းဟောည်ႇကတူည်ႇ ကန်ုမ်ဒေဝါ အ်ုန်ဒါႈတမာရိ “စဝ်ဖြား ဆိင်ဂေါည်တောပ်မည်း မဟာကရုဏာမေတ္တာတော်အ်ုန် ဟည်ယီုဝ်နှဲတေဲင်မည်းယာ့်။” 29မိုႈလိူည် နောႈမာရိဟည်ကႎှ်ု ရ်ႎါည်းယိူဝ်းအ်ုန်တတငါဝ်းကြောႈကဲဒီန် ဂီုည်တဂေန်း ဆေမိုႈကြောႈပ်ုန်ဆိင်ဒါႈ ကန်ုမ်ဒေဝါနီန်။ 30ဟောည်ႇဒီန် ကန်ုမ်ဒေဝါစီဒါႈတအ်ုန် “မည်ယော မာရိ။ စဝ်ဖြားဟည်ဒဲႈ အခွါင်းအရေး တမည်းယာ့်။ 31မည်နံင်မှိုဝ်ႈဒေဲႈဆာန်ထေ ပျေဲႈဒေဲႈကောန် ကောန်အီမာည်းအူပါးယာ့်။ မည်းလိုဒဲႈအ်ုန်ဇီုဝ် ယေရှု။ 32အ်ုန်နံင်ပဲန်ဒေဲႈ အီမျြံ တ်အူအီးနံင်အတူႈအီတောႇ အ်ုန်ဇီုဝ် ကောန်စဝ်ဖြားမျြံတ်ယာ့်။ စဝ်ဖြားနံင်အာပ်ဒဲႈ အခွါင်းအရေး ကနာည်နံင်ဘယ်အ်ုန်တအူပ်ဘြောင်ခြိူဝ်းမျိုးအ်ုန် ဘာည်းတာဟောခံမ်းဒါဝိဒ် ကဲအီမိုႈတာယာအ်ုန်ကဲ။ 33အ်ုန်နံင်ပဲန်ဒါဟောခံမ်း ဘယ်ဒေအူပ်ဘြောင် ဟာဝ်းခြိူဝ်းမျိုး အစ္စရေးကဲ အီနံင်ကဆီုပ်ဟာဝ်းအ်ုန်မာ် ဘံန်မှောမာ် အာဝ်ရာႇကမာ်ႈ။” 34ဘံန်ဒီန် အ်ုန်စီဒါႈ တကန်ုမ်ဒေဝါ “ဂေါႇအောမိုႈကောန်ရဘျာအူအီး ဘည်မှောနံင်ဘာည်းဆိူန်းခံင်အူလှေနီန်?” 35ကန်ုမ်ဒေဝါမာ်ဒါႈ “ငျာန်တော်စဝ်ဖြားနီန် နံင်လေႈဇူးမည်း ဖုင်တဂိုးမာ် နံင်ဘ္လီုက်လှူပ်တေဲင်မည်းယာ့်။ ဂေါႇဘည်ဒီန် ကောန်မည်းမာ် နံင်ကတူႈအီတောႇဒါႈကောန်စဝ်ဖြားမျြံ တ်ယာ့်။ 36ကဝ်အီကစာပ်ခြိူဝ်းတမည်း ဧလိရှဗက်မာ် ဂေါႇဟောည်ႇဂံတ် အီကံပ်ထာင်ဒိုည်ႇ အ်ုန်အောဝ်ဘိူန်းကောန်ဒဲႇ ကဇေန်နီန် အ်ုန်ဂေါည်တဆာန်ထေ ဟည်ဘိူန်းတောပ်ကျံရ်ယာ့်။ 37အ်ုန်ဒါႈ အာဝ်မိူဝ်ႈ ပ်ုန်အာဝ်ဘယ်ရေဲန် စဝ်ဖြား။” 37ခိင်ဒီန်မာရိစီဒါႈ “အောမိုႈ ပ်ုန်ဆူည်ႇစဝ်ဖြားအူအီးယာ့် နှာင်းဘာည်း ပ်ုန်လိုစဝ်ဖြားတေဲင်အော တောပ်ဘည်ကြောႈက္လာင်းမည်းဒီန်အေ့။” ဟောည်ႇဒီန် ကန်ုမ်ဒေဝါမာ် လည်လေႈဟာဝ်းပွံတ်ဒါႇ မာရိဒီန်။ 38အာဝ်လှေင်ဒေါင်း မာရိဟည်ရဲန်တို ဟာဝ်းကနှဲတ်ကမှည် ပကီုင်းနောအူကီုင်း အီဂေါည်ကပီုန်ယုဒ ပဂေါည် ဇာခရိဒီန်။ 39ခိင်ဟောည်ႇရောတ်အ်ုန်ပဒီန် အ်ုန်လီပ်ပွံတ်ခေဲင်ဂါင် ဇာခရိကဲ က္လာင်းပွံတ်ကြောႈ ရိုဆေတ ဧလိရှဗက်။ 40ခိင်ဟောည်ႇယိူဝ်း ပွံတ်အ်ုန်တတငါဝ်း ကြောႈရိုဆေ မာရိအူစာ်န်း ကောန်အီဂေါည် ခေဲင်ႎဲ့အ်ုန်မာ် ရည်းပွံတ် ဧလိရှဗက်မာ် ခိုည်းပျောဆာယာ တောပ်ဘည်ငျာန်တော်စဝ်ဖြား စီပဲန်အ်ုန်လှိုပ်ကနေဲႈထောပနာပွံတ် တစဝ်ဖြား။ 41ခိင်ဟောည်ႇယိူဝ်း ပွံတ်အ်ုန်တတငါဝ်း ကြောႈရိုဆေ မာရိအူစာ်န်း ကောန်အီဂေါည် ခေဲင်ႎဲ့အ်ုန်မာ် ရည်းပွံတ် ဧလိရှဗက်မာ် ခိုည်းပျောဆာယာ တောပ်ဘည်ငျာန်တော်စဝ်ဖြား စီပဲန်အ်ုန်လှိုပ်ကနေဲႈထောပနာပွံတ် တစဝ်ဖြား။ 42ဧလိရှဗက်ဒါႈတမာရိ “စဝ်ဖြားနီန် အ်ုန်ဒဲႈမည်းမိူဝ်ႈ မံင်ဂလာမှယ်ဒိုရ် ကောန်အီပ်ုန်အီဟံရ်ယာ့်။ ဂေါႇဆေမိုႈ မာအဆျှီန် စီရောတ်ဒေဲႈတအော။ ကောန်ပ်ုန်နံင်ပျေဲႈမည်းမာ် နံင်မိူဝ်ႈမံင်ဂလာ။ 43ဂေါႇဆေမိုႈ အောစီယိူဝ်းခါမ်စာ ဆဒါင်လှာက်ဘည်နီန်။ 44ဆီုင်ဇူႈယိူဝ်းလိူည်တငါဝ်းကြောႈက္လာင်းရိုဆေမည်း ကောန်အောဟည်ရည်း ပျောတခိူည်းဆာယာပွံတ်။ 45ဂေါႇမိုႈမည်းညှူမ်ကြောႈဆဒါင်စဝ်ဖြား နံင်ပဲန်ဒေဲႈအခည်း စီပဲန်မည်းမိူဝ်ႈ မံင်ဂလာ။” 46ႎါည်းဒီန် မာရိမာ် “အောတိူဝ်ႈကနေဲႈထောပနာ ဂုင်ကေးစူးစဝ်ဖြားခေဲင်နောႈခေဲင်ဖိူမ်အောယာ့်။ 47နောႈဝိညာဉ်အော ယျာႈပျောတခိူည်း တစဝ်ဖြားမေရှိယ။ 48အောဘိူည်မိုႈလိူည် တပဲ့အီဇောႈဒျဲမ်မာ် ဇူႈကဇေန်နီန်မောကံပ်ရောတ် တောန်ကောန်ဒဲႇယိူဝ်ႇဘံန်း တိုအီးဂဲပါ်ဒိုႇဒိုည်ႇ နံင်ဒါႈအောမိုႈအီအတူႈဒေဲႈ မံင်ဂလာချဲမ်။ 49စဝ်ဖြားမျြံ တ် အီမိူဝ်ႈဖုင်တဂိုးဒါင်းနီန် အ်ုန်ဒဲႈခံင်အီမျြံတ် တ်ဒေဲႈရောက်တေဲင်အောယာ့်။ 50စဝ်ဖြားနီန်အ်ုန်နှဲ မဟာဂရုဏာမေတ္တာတော် အီလှာက် တကဲအီတိူဝ်ႈကနေဲႈကိုးကွာည်အ်ုန် တောန်ခေတ်ကာပ်။ 51အ်ုန်နံင်ဒဲႈတဂိုးမျြံ တ်အ်ုန် ကထံတ်ဟာဝ်း တတိုအီးဂဲအီမိူဝ်ႈဇာဝ်းမာန်မာန။ 52အ်ုန်နံင်တီုတ်ဇောႈ ကဲအီအူပ်ဘြောင်ကဲနီန်တေဲင်ပလ္လင်အံက်ကဲ၊ အီဆမား ကူပ်ယောမ်ကဲဒိူန် အ်ုန်စီနံင်ဒဲႈကဲပဲန် တိုအီးလီပ်စြာင်း။ 53အ်ုန်နံင်ဒဲႈခံင်အီကျအီလ တကဲအီအာတ်ဟောမ် တောပ်ဘည်နောႈလှူႈနောႈလှောႈ တမဟာဂရုဏာမေတ္တာတော်အ်ုန်။ 54ဘာည်းလိူည်မဟာမေတ္တာတော်အ်ုန် နံင်ကဇောည်ခေဲင်ခြိူဝ်းမျိုးအစ္စရေးကဲ အီရေဲန်အမှုတော်။ 55ဂြူပ်ထောပနာ ဂုင်တော်ဖြား မှာန်းစဝ်ဖြားတိူဝ်ႈမေန်း ထာဝရ ခြိူဝ်းအာဗြဟံi ကဲအီမိုႈ ကူန်တာမာယာ တောပ်ဘည်ကတိတော်။” 56ဆဲႈဒီန် ႎါည်းမာရိဟောည်ႇဂေါည်ဟာဝ်းတောပ် ဧလိရှဗက် အိုည်ကျံရ်အ်ုန်ႎီရ်ဟာဝ်းပွံတ်တဂါင်အ်ုန်ယာ့်။ 57ႎါည်းဒီန် ဟောည်ႇရောတ်အခိင် ဧလိရှဗက်ကနာည်နံင်မိူဝ်ႈကောန် အ်ုန်ဟည်ပျေဲႈပွံတ်ကောန် ကောန်အီမာည်းအူအီး။ 58ခြိူဝ်းမျိုးအ်ုန်ဂဲကာည်း အီဂေါည်ရီမ်းပြောဂါင်ဂဲ ဂေါႇမိုႈကဲဟည်ယိူဝ်းဒေတငါဝ်း ဘည်ဒါင်းမေတ္တာဖြားတေဲင်အ်ုန် စီပဲန်ကဲမာ် ပျောတခိူည်းဆာယာတောပ်။ 59ႎါည်းဟောည်ႇပျေဲႈ ကောန်ဒဲႇ ဆငည်း (8) ခိင်ရောတ်ဒေဲႈ တိုအီးဂဲကနာည်နံင်ရေဲန် မံင်ဂလာဝတ္တရား ဆိုႇကတောႇအင်္ဂါအီမာည်း ပ်ုန်လိုတရေဲန် ကဲစီတိူဝ်ႈဇီုဝ်ကူန်အ်ုန် ဇာခရိဒီန် ဒဲႈအ်ုန်ဇီုဝ်။ 60မိုႈလိူည်မာအ်ုန်ကဝ်အီမိုႈ ဧလိရှဗက် စီဆံင်ခံတ်ဒါႈ “လိုဒဲႈအ်ုန်ဇီုဝ် ယောဟာန်။” 61တိုအီကဲဒီန်စီဒါႈ “ခေဲင်ခြိူဝ်းမျိုးပဲ အာဝ်မိူဝ်ႈဇီုဝ်ဘည်နီန်” 62ဂေါႇဘည်ဒီန် ကဲစီနှဲတည်းနှဲဇိူင် ဆမွံတ်ကူန်ကောန်ဒဲႇနီန် ဆေနံင်ဒဲႈအ်ုန်ဇီုဝ်။ 63ဇာခရိနီန် စီမှာန်းဆာင်ပုင် (သင်ပုန်း) အူလှေကိက်ပ္လေႈဒါႈဒဲႈအ်ုန်ဇီုဝ်ယောဟာန် တိုအီးကစုကပိုမ် အီယိူဝ်းကဲဒီန်မာ် ဟည်အာမ်းဒိုည်ႇ။ 64ဟောည်ႇဒီန် ဇာခရိမာ် ဘယ်ပွံတ်ကြောႈအူစာ်န်း ဇူႈပွံတ်ဒေတိူဝ်ႈကနေဲႈ ဂုင်ကေးစူးစဝ်ဖြား။ 65ခြိူဝ်းမျိုးဂဲကာည်း အီဂေါည်ရီမ်းပြောဂါင်ဂဲမာ် ကဲဟည်ယောဒိုည်ႇ ႎါည်းယိူဝ်းတိူဝ်ႈဘည်မိုႈဘည် ဘာည်းကဲဒီန်။ ဆဒါင်လှေနီန် ကဲဟည်က္လာင်းဒိုည်ႇတောန်ဒီ။ 66ကဲအီယိူဝ်းဒေတငါဝ်းဆဒါင်လှေနီန်မာ် “ကောန်ဒဲႇနီန်ဆာ်ဒါင်း တိုအီးဘည်မှော အ်ုန်နံင်ပဲန်ဒေဲႈ?” ဂီုည်လီပ်တနောႈတဖိူမ်ကဲ။ တဂိုးတော်စဝ်ဖြားမာ် ဂေါည်တောပ်ကောန်ဒဲႇနီန်ယာ့်။ 67ဟောည်ႇဒီန် ငျာန်တော်စဝ်ဖြားပ္လါင်နီန် ဟည်ရောတ်စာ်မ်းတ ဇာခရိ 68“အ်ုန်ဟည်ပဲန် အဆျှီန်သခီန်၊ ခြိူဝ်းမျိုးအစ္စရေးကဲစီတိူဝ်ႈကနေဲႈ ဂုင်ကေးစူးစဝ်ဖြား။ အ်ုန်ဟောည်ႇစွရောတ်စာ်မ်း ကနာည်နံင်ကဇောည် ခြိူဝ်းမျိုးကဲ ပါ်ဒိုႇဒိုည်ႇ။ 69စဝ်ဖြားနီန် အ်ုန်ဟည်ဒဲႈ ကညာကဇောည်အီမိူဝ်ႈ တဂိုးအာဏာဒါင်း ယိူဝ်ႇဒေဲႈတတပဲ့ဟောခံမ်းဒါဝိဒ် ကနာည်အယ်ဒိုႇဒိုည်ႇ။ 70တောပ်ဘည်ဟောဒေဲႈစဝ်ဖြားတ အာရိယာတိုအီးမှိူမ် မျြံတ်ကဲနီန် ကညာကဇောည် 71တောပ်ဘည်ဟောဒေဲႈစဝ်ဖြားတ အာရိယာတိုအီးမှိူမ် မျြံတ်ကဲနီန် ကညာကဇောည် 72တောပ်ဘည်ဟောဒေဲႈစဝ်ဖြား တအရိယာတိုအီးမျြံတ်ကဲနီန် ကညာကဇောည် 73စဝ်ဖြားနီန် အ်ုန်ဆမားအူန်းကတိတော် ပ်ုန်ဒဲႈအ်ုန်တကူန်တာမာယာအယ် တောပ်မဟာဂရုဏာမေတ္တာအ်ုန်။ 74ဒဲႈအယ်လောတ် ခေဲင်တည်းရာန်ဆူ ဇိုချီုင်ဆီုင်ဂီုည်အီမ်းအူန်းအယ်မာ် ဒဲႈအယ်လောတ် ဒါႇပ်ုန်ယော၊ ဘယ်အယ်ရေဲန် အမှုတော်စဝ်ဖြား 75အယ်မာ် လိုဆီုဝ်ရို ရအာည်ႇအ်ုန် ပ်ုန်ဒိုည်ႇအခိင်ထာင်ကီုတ်အယ်။” 76ဇာခရိဒါႈ တကောန်အ်ုန် “ကောန်အော၊ အီနံင်တောႇဒါႈမည်းမိုႈ အာရိယာတိုအီးမှိူမ် ဖြားမျြံ တ် ကာည်း မည်းနံင်ပဲန် အီဘြဲဆားဒဲႈ ရဒေင်စဝ်ဖြား။ 77မည်းနံင်လိုက္လာင်းနှဲဒဲႈ ဘည်နံင်ရောတ်အာပ်ဒဲႈ အခွါင်းပ်ုန်ကဇောည် တောပ်ဘည်ပ်ုန်ပ္လိုတ်ခွါင်းဒဲႈ စဝ်ဖြား တတိုအီးကဲအီရေဲန် အီုင်ဂ္လံတ်။ 78အ်ုန်ဒါႈ မဟာကရုဏာမေတ္တာတော်စဝ်ဖြားနီန် နှေရ်ပွံတ် ဆာင်ငည်း ပ္လါင်ဟိူဝ် အဆျှီန်မေရှိယ တေဲင်အယ် ဆျှိုည်မျို့တော် 79ဒဲႈအယ်လောတ်ဒါႇ ဇိုဇာတ်ဇေဝ်ဇနီန် စီနှဲဒဲႈအယ်ရောတ် ဇိုဇာတ်ပျောဝဆာယာ။” 80ကဇေန်နီန် အဆာက်ယောဟာန်မာ်ဟည်ဒါင်း ဟည်ပဲန်ဒေဲႈ အီမိူဝ်ႈသီလ။ စဝ်ဖြားနီန် အာည်ႇရောတ်ဆငည်း လိုအ်ုန်တ ဇူႈရေဲန် အမှုတော်ခြိူဝ်းမျိုးအစ္စရေး ကဲနီန် အ်ုန်ဟည်ကျာင်ဒိုည်ႇ ခေဲင်ဂူႈဘြည် ကန္တာရ။
Dewis Presennol:
Luke 1: stpv-rv
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
This translation of the Shwe Palaung Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.