Genesis 1
1
Kayak Nug keeke oh heum
1Digmak haenppa Kayak Nug hab, wan ele heum, 2amu wan nug iɗu iitta dayeye, appa keeke laa ele ii daye, gatatu, le eleib tona dayeye, Kayak Ouɗi Nug ⌊wan heeb, keeke bau daatte ele wanppa daaglagnu elele daakkunu⌋ boppala dayom.
3Boppala dayeye, Kayak Nug, “Amahlak baɗ!” awa aum. A amu, amahlak aakku beum. 4Be amu, Kayak Nug amahalak amuam ena antta, Nug amahlak nug nuhig haenppa dayebeb, gatatu ele nug nuhig haenppa daakkunu ahilah haen piɗe piɗe otiom. 5Amahlak haennu amu, Kayak Nug onig, “amun,” ataɗa, gatatu haennu Nug onig, “tuqan,” ataɗa aum. Buttua ukka uudo, ukka wagkkaɗom am deɗ tatamnu.
6Keeke amu anam ba daye, Kayak Nug, “Le gamagppa oppata, attan honap ele daapeɗ, gamalahppa aben uma ukkak dayaɗ!” awa aum. 7Anam amunu, aben uma ukkak le gamagppa beum. Be, le laa honap piɗe daye, le laa attan piɗe ele dayom; le aben laippuppa ii dayom, piɗe piɗe dayom. Kayak Nug a amu, am anam aakku beum. 8Kayak Nug aben uma ukkaknu onig, “hab waappa,” ataɗom. Buttua ukka uudo, ukka wagkkaɗom am deɗ ebqak aɗit.
9Keeke amu anam ba daye, Kayak Nug aum. “Le wanppa daatte, amuam aben laippu qagmeeb, wan qaɗaiettak ele miag atiaɗ!” awa aum. Kayak Nug a amu, am anam aakku beum. 10Be, le qagmeppignu amu, Kayak Nug onig, “yu,” ataɗa, Nug aben le iitta, am onig, “wan,” ataɗa aum. Onig aɗit amu ataɗowa, Nug keeke amu ohnu am ena anattom. 11Nug ena anattowa, Kayak Nug aum. “Wan etetuab oh, keeke amu oolagppa laa aegib otteb, laa am ad meu aeg ele otteb, ag anen anen ag aelkad nena qena, ag eɗun ag diilkad amubiaib bekkulag amu, ag oh beig!” awa aum. Kayak Nug a amu, am anam aakku beum. 12Ao, wannu etetuab oh beppig; amu oolagppa am keeke laala aegib oeg, aeg amu ag nena qena, ag eɗun ag diilkad amubiaib betteb, amu ad laala ag meulkad aeg ele oeg, aeg amu ag nena qena, ag eɗun ag diilkad amubiaib betteb. Keeke amu oh aakku beppig. Keeke amu oh beeg, Kayak Nug ena anttom. 13Buttua ukka uudo, ukka wagkkaɗom am deɗ ebqak ewam.
14Keeke amu anam ba daye, Kayak Nug, “Hab attannu amahlak, ag amun, tuqan, aam haen, gu haen, amu maɗ alag, maɗ bau ele oppatkkulagnu, 15ag wan ele amahlak mettaglagnu dayeg!” awa aum. Kayak Nug a amu, am anam aakku beum. 16Kayak Nug anam anana, ib amuppa amu Nug aam, kalam ele, aa amahlak okkai aɗit, amu hoɗopai oh ele hattom; aam nug amunnu amahlak, kalam nug tuqannu amahlak. 17-18Kayak Nug anam haaha, Nug amahlak amu oh, ag wan amahlak mettaglagnu, aam nug amunppa amahalkkunu, kalam, hoɗopai ele, ag tuqan amahalkkulagnu, ag amun, tuqan ele oppatkkulagnu habppa maattom. Keeke amu oh anam beeg, Kayak Nug ena anttom. 19Buttua ukka uudo, ukka wagkkaɗom am deɗ ebqak waɗele.
20Keeke amu anam ba daye, Kayak Nug, “Leppanu doɗ iɗu iɗu oh amu, ag huanak beig! Ai ele ag oh bena, hab waappa hagagaɗeg!” awa aum. 21Anam amunu, Nug yuppanu doɗ okkai okkai, amu le ohppanu doɗ iɗu iɗu laa oh ele, amu ai iɗu iɗu oh ele, ag oh anen anen appatna, ag diilkad amubiaib bekkulag amu, Nug amu oh hattom. Kayak Nug anam hattowa, Nug ena anattom. 22Nug ena anattowa, Nug itatata aum. “Yuppan doɗ ag appatna, huanak bena, yuppa ambak daan oiyeg! Ai, ag ele appatna, huanak bena, wanppa ambak daan oiyeg!” awa aum. 23Buttua ukka uudo, ukka wagkkaɗom am deɗ ebqak tanig ele.
24Keeke amu anam ba daye, Kayak Nug aum. “Wanppanu doɗ iɗu iɗu oh, ag diilkad piɗe piɗe, amuam aabppan doɗ, doɗ laa ag oolag wan qeeqe oitteb, amu doɗ dakkuɗ ele, doɗ amu oh ag anen anen appatna, ag diilkad amubiaib bekkulag amu, doɗ amu oh ag beig!” awa aum. Kayak Nug anam a amu, am anam aakku beum. 25Kayak Nug anam aum amunu, ib amuppa Nug doɗ dakkuɗ, aabppan doɗ, amu doɗ laa ag oolag wan qeeqe oitteb, doɗ amu oh ag anen anen appatna, ag diilkad amubiaib bekkulag amu, Nug doɗ amu oh hattom. Nug hattowa, Nug ena anattom.
26Kayak Nug anam ha, ena anattowa, Nug aum. “Ig danab ag wan, amu wanppan keeke oh, doɗ dakkuɗ, aabppanu doɗ, doɗ laa ag oolag wan qeeqe oitteb, kakai, ai oh ele, ag keeke amu oh gumadkkulagnu, ig danab ig bia hetu! Ig daattem bia amu, ag amubia dayeg!” awa aum. 27Anam amunu, Kayak Nug danab ah, laa am danab, laa am ah, Nug bia haatom.
28Haatowa amu, Kayak Nug itatata aum. “Aa appatpeɗ, aa buɗulti atu oh tonan malan, daan oiyeg! Oinna, ag keeke oh, doɗ dakkuɗ, aabppanu doɗ, doɗ naunau, kakai, ai oh ele, ag amu oh gumatteg!” awa aum.
29Dimppa Kayak Nug aa amelahppa aum. “Da gikkiɗah, ad, muɗi ele oh ag meulkad amu, am ahilah ee daakkunu matattem. 30Amge keeke amu oh, ag uɗulkad am doɗ, ai ele dilag ee daakku.” Kayak Nug a, am anam aakku beum.
31Kayak Nug keeke oh Nug hattom ele, Nug keeke amu ohnu am enaib anattom. Buttua ukka uudo, ukka wagkkaɗom, am deɗ ebqak eblaih laippu ele.
Dewis Presennol:
Genesis 1: NB
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2022, Wycliffe Bible Translators, Inc. All rights reserved.
Genesis 1
1
Kayak Nug keeke oh heum
1Digmak haenppa Kayak Nug hab, wan ele heum, 2amu wan nug iɗu iitta dayeye, appa keeke laa ele ii daye, gatatu, le eleib tona dayeye, Kayak Ouɗi Nug ⌊wan heeb, keeke bau daatte ele wanppa daaglagnu elele daakkunu⌋ boppala dayom.
3Boppala dayeye, Kayak Nug, “Amahlak baɗ!” awa aum. A amu, amahlak aakku beum. 4Be amu, Kayak Nug amahalak amuam ena antta, Nug amahlak nug nuhig haenppa dayebeb, gatatu ele nug nuhig haenppa daakkunu ahilah haen piɗe piɗe otiom. 5Amahlak haennu amu, Kayak Nug onig, “amun,” ataɗa, gatatu haennu Nug onig, “tuqan,” ataɗa aum. Buttua ukka uudo, ukka wagkkaɗom am deɗ tatamnu.
6Keeke amu anam ba daye, Kayak Nug, “Le gamagppa oppata, attan honap ele daapeɗ, gamalahppa aben uma ukkak dayaɗ!” awa aum. 7Anam amunu, aben uma ukkak le gamagppa beum. Be, le laa honap piɗe daye, le laa attan piɗe ele dayom; le aben laippuppa ii dayom, piɗe piɗe dayom. Kayak Nug a amu, am anam aakku beum. 8Kayak Nug aben uma ukkaknu onig, “hab waappa,” ataɗom. Buttua ukka uudo, ukka wagkkaɗom am deɗ ebqak aɗit.
9Keeke amu anam ba daye, Kayak Nug aum. “Le wanppa daatte, amuam aben laippu qagmeeb, wan qaɗaiettak ele miag atiaɗ!” awa aum. Kayak Nug a amu, am anam aakku beum. 10Be, le qagmeppignu amu, Kayak Nug onig, “yu,” ataɗa, Nug aben le iitta, am onig, “wan,” ataɗa aum. Onig aɗit amu ataɗowa, Nug keeke amu ohnu am ena anattom. 11Nug ena anattowa, Kayak Nug aum. “Wan etetuab oh, keeke amu oolagppa laa aegib otteb, laa am ad meu aeg ele otteb, ag anen anen ag aelkad nena qena, ag eɗun ag diilkad amubiaib bekkulag amu, ag oh beig!” awa aum. Kayak Nug a amu, am anam aakku beum. 12Ao, wannu etetuab oh beppig; amu oolagppa am keeke laala aegib oeg, aeg amu ag nena qena, ag eɗun ag diilkad amubiaib betteb, amu ad laala ag meulkad aeg ele oeg, aeg amu ag nena qena, ag eɗun ag diilkad amubiaib betteb. Keeke amu oh aakku beppig. Keeke amu oh beeg, Kayak Nug ena anttom. 13Buttua ukka uudo, ukka wagkkaɗom am deɗ ebqak ewam.
14Keeke amu anam ba daye, Kayak Nug, “Hab attannu amahlak, ag amun, tuqan, aam haen, gu haen, amu maɗ alag, maɗ bau ele oppatkkulagnu, 15ag wan ele amahlak mettaglagnu dayeg!” awa aum. Kayak Nug a amu, am anam aakku beum. 16Kayak Nug anam anana, ib amuppa amu Nug aam, kalam ele, aa amahlak okkai aɗit, amu hoɗopai oh ele hattom; aam nug amunnu amahlak, kalam nug tuqannu amahlak. 17-18Kayak Nug anam haaha, Nug amahlak amu oh, ag wan amahlak mettaglagnu, aam nug amunppa amahalkkunu, kalam, hoɗopai ele, ag tuqan amahalkkulagnu, ag amun, tuqan ele oppatkkulagnu habppa maattom. Keeke amu oh anam beeg, Kayak Nug ena anttom. 19Buttua ukka uudo, ukka wagkkaɗom am deɗ ebqak waɗele.
20Keeke amu anam ba daye, Kayak Nug, “Leppanu doɗ iɗu iɗu oh amu, ag huanak beig! Ai ele ag oh bena, hab waappa hagagaɗeg!” awa aum. 21Anam amunu, Nug yuppanu doɗ okkai okkai, amu le ohppanu doɗ iɗu iɗu laa oh ele, amu ai iɗu iɗu oh ele, ag oh anen anen appatna, ag diilkad amubiaib bekkulag amu, Nug amu oh hattom. Kayak Nug anam hattowa, Nug ena anattom. 22Nug ena anattowa, Nug itatata aum. “Yuppan doɗ ag appatna, huanak bena, yuppa ambak daan oiyeg! Ai, ag ele appatna, huanak bena, wanppa ambak daan oiyeg!” awa aum. 23Buttua ukka uudo, ukka wagkkaɗom am deɗ ebqak tanig ele.
24Keeke amu anam ba daye, Kayak Nug aum. “Wanppanu doɗ iɗu iɗu oh, ag diilkad piɗe piɗe, amuam aabppan doɗ, doɗ laa ag oolag wan qeeqe oitteb, amu doɗ dakkuɗ ele, doɗ amu oh ag anen anen appatna, ag diilkad amubiaib bekkulag amu, doɗ amu oh ag beig!” awa aum. Kayak Nug anam a amu, am anam aakku beum. 25Kayak Nug anam aum amunu, ib amuppa Nug doɗ dakkuɗ, aabppan doɗ, amu doɗ laa ag oolag wan qeeqe oitteb, doɗ amu oh ag anen anen appatna, ag diilkad amubiaib bekkulag amu, Nug doɗ amu oh hattom. Nug hattowa, Nug ena anattom.
26Kayak Nug anam ha, ena anattowa, Nug aum. “Ig danab ag wan, amu wanppan keeke oh, doɗ dakkuɗ, aabppanu doɗ, doɗ laa ag oolag wan qeeqe oitteb, kakai, ai oh ele, ag keeke amu oh gumadkkulagnu, ig danab ig bia hetu! Ig daattem bia amu, ag amubia dayeg!” awa aum. 27Anam amunu, Kayak Nug danab ah, laa am danab, laa am ah, Nug bia haatom.
28Haatowa amu, Kayak Nug itatata aum. “Aa appatpeɗ, aa buɗulti atu oh tonan malan, daan oiyeg! Oinna, ag keeke oh, doɗ dakkuɗ, aabppanu doɗ, doɗ naunau, kakai, ai oh ele, ag amu oh gumatteg!” awa aum.
29Dimppa Kayak Nug aa amelahppa aum. “Da gikkiɗah, ad, muɗi ele oh ag meulkad amu, am ahilah ee daakkunu matattem. 30Amge keeke amu oh, ag uɗulkad am doɗ, ai ele dilag ee daakku.” Kayak Nug a, am anam aakku beum.
31Kayak Nug keeke oh Nug hattom ele, Nug keeke amu ohnu am enaib anattom. Buttua ukka uudo, ukka wagkkaɗom, am deɗ ebqak eblaih laippu ele.
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2022, Wycliffe Bible Translators, Inc. All rights reserved.