Daniel 8:19-21
Daniel 8:19-21 Beibl William Morgan - Argraffiad 1955 (BWM)
Dywedodd hefyd, Wele fi yn hysbysu i ti yr hyn a fydd yn niwedd y dicter; canys ar yr amser gosodedig y bydd y diwedd. Yr hwrdd deugorn a welaist, yw brenhinoedd Media a Phersia. A’r bwch blewog yw brenin Groeg; a’r corn mawr, yr hwn sydd rhwng ei lygaid ef, dyna y brenin cyntaf.
Daniel 8:19-21 beibl.net 2015, 2024 (BNET)
Yna dwedodd, “Dw i’n mynd i ddweud wrthot ti beth fydd yn digwydd ar ddiwedd y cyfnod o ddigofaint. Gweledigaeth am y diwedd ydy hon. Mae’r hwrdd welaist ti, gyda dau gorn, yn cynrychioli brenhinoedd Media a Persia. Y bwch gafr welaist ti ydy brenin y Groegiaid, a’r corn mawr ar ganol ei dalcen ydy’r brenin cyntaf.
Daniel 8:19-21 Beibl Cymraeg Newydd Diwygiedig 2004 (BCND)
a dweud, “Yn wir rhof wybod iti beth a ddigwydd pan ddaw'r llid i ben, oherwydd y mae i'r diwedd ei amser penodedig. Brenhinoedd Media a Persia yw'r hwrdd deugorn a welaist. Brenin Groeg yw'r bwch blewog, a'r corn mawr rhwng ei lygaid yw'r brenin cyntaf.