Exodus 27:20-21
Exodus 27:20-21 Beibl William Morgan - Argraffiad 1955 (BWM)
A gorchymyn dithau i feibion Israel ddwyn ohonynt atat bur olew yr olewydden coethedig, yn oleuni, i beri i’r lamp losgi yn wastad. Ym mhabell y cyfarfod, o’r tu allan i’r wahanlen, yr hon fydd o flaen y dystiolaeth, y trefna Aaron a’i feibion hwnnw, o’r hwyr hyd y bore, gerbron yr ARGLWYDD: deddf dragwyddol fydd, trwy eu hoesoedd, gan feibion Israel.
Exodus 27:20-21 beibl.net 2015, 2024 (BNET)
“Hefyd, dywed wrth bobl Israel am ddod ag olew olewydd pur i ti, fel bod y lampau wedi’u goleuo’n gyson. Ym mhabell presenoldeb Duw, tu allan i’r llen sydd o flaen Arch y dystiolaeth, bydd Aaron a’i feibion yn cadw’r lampau’n llosgi o flaen yr ARGLWYDD drwy’r nos. Dyna fydd y drefn bob amser i bobl Israel, ar hyd y cenedlaethau.
Exodus 27:20-21 Beibl Cymraeg Newydd Diwygiedig 2004 (BCND)
“Gorchymyn i bobl Israel ddod ag olew pur wedi ei wasgu o'r olifiau ar gyfer y lamp, er mwyn iddi losgi'n ddi-baid. Bydd Aaron a'i feibion yn cadw golwg ar y lamp o'r hwyr hyd y bore gerbron yr ARGLWYDD ym mhabell y cyfarfod y tu allan i'r gorchudd sydd o flaen y dystiolaeth. Bydd yn ddeddf i'w chadw am byth gan bobl Israel dros y cenedlaethau.