Exodus 31:2-5
Exodus 31:2-5 Beibl William Morgan - Argraffiad 1955 (BWM)
Gwêl, mi a elwais wrth ei enw ar Besaleel fab Uri, fab Hur, o lwyth Jwda; Ac a’i llenwais ef ag ysbryd DUW, mewn doethineb, ac mewn deall, ac mewn gwybodaeth hefyd, ac ym mhob rhyw waith, I ddychmygu cywreinrwydd, i weithio mewn aur, ac mewn arian, ac mewn pres, Ac mewn cyfarwyddyd, i osod meini, ac mewn saernïaeth pren, i weithio ym mhob gwaith.
Exodus 31:2-5 beibl.net 2015, 2024 (BNET)
“Dw i wedi dewis Betsalel, mab Wri ac ŵyr i Hur, o lwyth Jwda. Dw i wedi’i lenwi ag Ysbryd Duw, i roi dawn, deall a gallu iddo, a’i wneud yn feistr ym mhob crefft – i wneud pethau hardd allan o aur, arian a phres; i dorri a gosod gemwaith, i gerfio coed a phob math o waith crefft arall.
Exodus 31:2-5 Beibl Cymraeg Newydd Diwygiedig 2004 (BCND)
“Edrych, yr wyf wedi dewis Besalel fab Uri, fab Hur, o lwyth Jwda, a'i lenwi ag ysbryd Duw, â doethineb a deall, â gwybodaeth a phob rhyw ddawn, er mwyn iddo ddyfeisio patrymau cywrain i'w gweithio mewn aur, arian a phres, a thorri meini i'w gosod, a cherfio pren, a gwneud pob cywreinwaith.