Jeremeia 17:7-8
Jeremeia 17:7-8 Beibl William Morgan - Argraffiad 1955 (BWM)
Bendigedig yw y gŵr a ymddiriedo yn yr ARGLWYDD, ac y byddo yr ARGLWYDD yn hyder iddo. Canys efe a fydd megis pren wedi ei blannu wrth y dyfroedd, ac a estyn ei wraidd wrth yr afon, ac ni ŵyr oddi wrth ddyfod gwres; ei ddeilen fydd ir, ac ar flwyddyn sychder ni ofala, ac ni phaid â ffrwytho.
Jeremeia 17:7-8 beibl.net 2015, 2024 (BNET)
Ond mae yna fendith fawr i’r rhai sy’n fy nhrystio i ac yn rhoi eu hyder ynof fi. Byddan nhw’n gryf fel coeden wedi’i phlannu ar lan afon, a’i gwreiddiau’n ymwthio i’r dŵr. Dydy’r gwres crasboeth yn poeni dim arni hi; mae ei dail yn aros yn wyrdd. A does dim lle i boeni pan ddaw blwyddyn o sychder; bydd ei ffrwyth yn dal i dyfu arni.
Jeremeia 17:7-8 Beibl Cymraeg Newydd Diwygiedig 2004 (BCND)
Bendigedig yw'r sawl sy'n hyderu yn yr ARGLWYDD, a'r ARGLWYDD yn hyder iddo. Y mae fel pren a blannwyd ar lan dyfroedd, yn gwthio'i wreiddiau i'r afon, heb ofni gwres pan ddaw, a'i ddail yn ir; ar dymor sych ni phrydera, ac ni phaid â ffrwytho.