Marc 13:35-37
Marc 13:35-37 beibl.net 2015, 2024 (BNET)
“Gwyliwch felly, am eich bod chi ddim yn gwybod pryd fydd perchennog y tŷ yn dod yn ôl – gall ddod gyda’r nos, neu ganol nos, neu’n gynnar iawn yn y bore, neu ar ôl iddi wawrio. Bydd yn dod heb rybudd, felly peidiwch gadael iddo’ch dal chi’n cysgu. Dw i’n dweud yr un peth wrth bawb: ‘Gwyliwch!’”
Marc 13:35-37 Beibl Cymraeg Newydd Diwygiedig 2004 (BCND)
Byddwch wyliadwrus gan hynny—oherwydd ni wyddoch pa bryd y daw meistr y tŷ, ai gyda'r hwyr, ai ar hanner nos, ai ar ganiad y ceiliog, ai yn fore— rhag ofn iddo ddod yn ddisymwth a'ch cael chwi'n cysgu. A'r hyn yr wyf yn ei ddweud wrthych chwi, yr wyf yn ei ddweud wrth bawb: byddwch wyliadwrus.”
Marc 13:35-37 Beibl William Morgan - Argraffiad 1955 (BWM)
Gwyliwch gan hynny, (canys ni wyddoch pa bryd y daw meistr y tŷ, yn yr hwyr, ai hanner nos, ai ar ganiad y ceiliog, ai’r boreddydd;) Rhag iddo ddyfod yn ddisymwth, a’ch cael chwi’n cysgu. A’r hyn yr wyf yn eu dywedyd wrthych chwi, yr wyf yn eu dywedyd wrth bawb, Gwyliwch.