Diarhebion 6:16-19
Diarhebion 6:16-19 beibl.net 2015, 2024 (BNET)
Dyma chwe peth mae’r ARGLWYDD yn eu casáu; ac un arall sy’n ffiaidd ganddo: llygaid balch, tafod celwyddog, dwylo sy’n tywallt gwaed pobl ddiniwed, calon sy’n cynllwynio drwg, traed sy’n brysio i wneud drwg, tyst sy’n dweud celwydd, a rhywun sy’n dechrau ffrae mewn teulu.
Diarhebion 6:16-19 Beibl William Morgan - Argraffiad 1955 (BWM)
Y chwe pheth hyn sydd gas gan yr ARGLWYDD: ie, saith beth sydd ffiaidd ganddo ef: Llygaid beilchion, tafod celwyddog, a’r dwylo a dywalltant waed gwirion, Y galon a ddychmygo feddyliau drwg, traed yn rhedeg yn fuan i ddrygioni, Tyst celwyddog yn dywedyd celwydd, a’r neb a gyfodo gynnen rhwng brodyr.
Diarhebion 6:16-19 Beibl Cymraeg Newydd Diwygiedig 2004 (BCND)
Chwe pheth sy'n gas gan yr ARGLWYDD, saith peth sy'n ffiaidd ganddo: llygaid balch, tafod ffals, dwylo'n tywallt gwaed dieuog, calon yn cynllunio oferedd, traed yn prysuro i wneud drwg, gau dyst yn dweud celwydd, ac un sy'n codi cynnen rhwng perthnasau.