Salm 22:27-28

Rhanna

Salm 22:27-28 Beibl Cymraeg Newydd Diwygiedig 2004 (BCND)

Bydd holl gyrrau'r ddaear yn cofio ac yn dychwelyd at yr ARGLWYDD, a holl dylwythau'r cenhedloedd yn ymgrymu o'i flaen. Oherwydd i'r ARGLWYDD y perthyn brenhiniaeth, ac ef sy'n llywodraethu dros y cenhedloedd.

Salm 22:27-28 beibl.net 2015, 2024 (BNET)

Bydd pobl drwy’r byd i gyd yn gwrando ac yn troi at yr ARGLWYDD. Bydd pobl y gwledydd i gyd yn ei addoli, am mai’r ARGLWYDD ydy’r Brenin! Fe sy’n teyrnasu dros y cenhedloedd.

Salm 22:27-28 Beibl William Morgan - Argraffiad 1955 (BWM)

Holl derfynau y ddaear a gofiant, ac a droant at yr ARGLWYDD: a holl dylwythau y cenhedloedd a addolant ger dy fron di. Canys eiddo yr ARGLWYDD yw y deyrnas: ac efe sydd yn llywodraethu ymhlith y cenhedloedd.