Datguddiad 6:5-6
Datguddiad 6:5-6 beibl.net 2015, 2024 (BNET)
Pan agorodd yr Oen y drydedd sêl, clywais y trydydd creadur byw yn cyhoeddi’n uchel, “Tyrd allan!” Edrychais, ac yn sydyn roedd ceffyl du o mlaen i, a’r marchog ar ei gefn yn dal clorian yn ei law. Yna clywais lais yn dod o ble roedd y pedwar creadur byw, yn cyhoeddi’n uchel: “Cyflog diwrnod llawn am lond dwrn o wenith, neu am ryw ychydig o haidd! Ond paid gwneud niwed i’r coed olewydd a’r gwinwydd!”
Datguddiad 6:5-6 Beibl Cymraeg Newydd Diwygiedig 2004 (BCND)
Pan agorodd y drydedd sêl, clywais y trydydd creadur byw yn dweud, “Tyrd.” Edrychais, ac wele geffyl du; ac yr oedd gan ei farchog glorian yn ei law. Clywais sŵn fel llais o ganol y pedwar creadur byw yn dweud: “Darn arian am litr o wenith, darn arian am dri litr o haidd; ond paid â difetha'r olew na'r gwin.”
Datguddiad 6:5-6 Beibl William Morgan - Argraffiad 1955 (BWM)
A phan agorodd efe y drydedd sêl, mi a glywais y trydydd anifail yn dywedyd, Tyred, a gwêl. Ac mi a welais; ac wele farch du: a’r hwn oedd yn eistedd arno, a chlorian ganddo yn ei law. Ac mi a glywais lais yng nghanol y pedwar anifail, yn dywedyd, Mesur o wenith er ceiniog, a thri mesur o haidd er ceiniog; a’r olew a’r gwin, na wna niwed iddynt.